漢發麵家 (告士打道)

營業中

休息中

之前如果晏啲去一點幾一定大排長龍，今日特登早啲去試吓食午餐！平時行過天橋就已經見到，但係都冇機會試而家先知原來入面呈 L型空間都幾大，仲有好多大枱可以一齊食飯牆上面仲有好多香港特色嘅設計，仲有啲名人嚟過食嘢嘅圖片見到人哋介紹鯪魚球又大粒又吸引，所以下晝好飽都叫咗你試吓，應該係即叫即炸，所以電子落單之後要等一陣攞到嚟嘅時候好熱同埋都見到有油面好令身，即刻食嘢小心啲，蜆蚧醬屬於非常之鹹，個人認為就咁食就已經好夠味魚肉冇腥味唔食鯪魚球嘅朋友都食到特登嚟試佢嘅豬膶麵，份量超足夠嚇親一個女仔食兩塊已經好飽，午餐肉係煎過先放落去唔會隨便放。落單嘅時候面嘅性質都有得揀，我哋就揀咗正常。豬潤好厚好滑，食落去一啲腥味都冇好好食，強烈推薦因為我哋兩個之前都未食嗰種嗌咗一個豬扒燶邊蛋飯，豬扒份量超級大，根本可以兩個女仔一齊食，如果餸好多件女仔食嘅時候嗌小飯，嚟到先知原來係雙蛋，蛋黃汁仲可以撈埋啲飯同時又一齊食，係又尖又長嘅米食落好乾同香。仲有傳統嘅余均益辣椒醬，自家製辣椒油，胡椒粉麻油，勁多配料任你揀嘢食同餐牌嘅種類都好多樣，絕對推薦大家嚟食！

今日約咗人喺灣仔活動，所以臨返屋企之前就嚟呢間小店買外賣返屋企。🤗呢間出名嘅豬膶米小店，由深水埗總店，之後到旺角區同港島區都開咗分店，對我港島人嚟講係方便又開心嘅。😃港島區分店，我之前都堂食過幾次，外賣過一次。雖然堂食當然好味過外賣，但都係OK的。👌但唔知點解今次外賣返去，啲豬膶係又嚡又實嘅，而湯底亦都帶少少鹼水味。🫣希望今次只係特別情況，而唔係廚房師傅換咗，否則都唔知邊度再有呢啲平民豬潤米食。🤔

之前係深水埗都係食過第二間豬潤🐷, 一直未試過依間, 今日過來灣仔,印象中記得依度有一間, 今次試左豬潤🐷湯米粉, 加太陽蛋🍳, 凍央少甜🥤,等左一陣🥤先到, 飲了一口, 咖啡味濃d, 不過又不止於苦, 之後送來湯米粉, 大大碗, 賣相都不錯😘👍, 飲啖湯先, 咸左少少, 有甜味, 不過就唔似另一間有🐷豬潤水味道, 我就喜歡那間湯底多d, 味道都可以, d湯也夠熱, 食d米粉, 浸左湯好食👍, 份量都唔少, 亦唔係碎濕濕👍, d豬潤🐷都比得幾多🥰, 塊塊大大塊, 食落有驚喜😍, 咬ー口, 勁爽脆👍👍, 而且塊塊都有這樣效果, d豬🐷潤就比另一個店舖優勝👍👍, 等下次想食, 又去旺角同深水埗分店試下先😀

香港有兩間廣為人熟悉嘅豬膶麵，一間叫《維x 》，另一間叫《漢發》，食過前者豬膶又薄又老，後者就未試過，一於維園做完運動行十零分鐘過嚟試。🥢鮮炸雲吞配芥末醬 $45⭐️⭐️⭐️⭐️一客6粒香脆熱辣辣炸雲吞，蝦夠爽夠彈牙，配芥末醬好夾仲好惹味。🥢豬膶米 $52⭐️⭐️⭐️⭐️⭐️招牌果然係有水準，厚切豬膶咬落爽脆內𥚃嫩滑，一碗有5大塊非常滿足，一碗粉食落都真係幾大碗。🥢豬扒米 $52⭐️⭐️⭐️豬扒大大塊，輕炸過都幾好味又夠腍，蘸余均益辣椒醬仲滋味。二人共消費：$149

大家都來此店食豬潤麵, 今日我也專程來試一試 食物 : 豬潤公仔麵 $52 - 豬潤真的好厚, 但食落還很軟熟, 一D都唔柴, 而且沒有異味, 配咗公仔麵, 正常味道, 反而湯底不是公仔麵湯底, 是豬潤煮出來的湯水, 飲完無口乾, 整體味道都算幾好 牛筋粗麵 $42 - 牛筋好淋好入味, 粗麵淋滑, 味道OK唔會死咸 飲品 : 可惜無得叫套餐, 分開叫嘢飲比較貴, 熱檸密$19, 凍檸密$21, 味道OK, 唔會好淡 環境 : 店內環境舒服, 整面大玻璃窗, 好光猛, 坐得舒服 服務 : 店員有禮貌 費用 : $134 (無服務費)

今日經過灣仔， 特登去試下呢間深水埗都幾出名嘅漢發麵家， 聽聞佢哋嘅豬潤好出色 所以都係去試咗一個豬潤麵同埋鴛鴦豬潤麵嚟到， 發覺佢哋嘅湯底比較鹹， 面都係正常啦， 豬潤係好厚切幾好味嘅， 但係由於個面太鹹所以要加水鴛鴦就係正常茶餐廳嘅效果， 都算係濃鬱同埋有香味員工服務方面就普普通通， 但係由於當日唔算多人， 所以都有啲減分， 同埋價錢都係偏貴， 我係早餐時段去只可以散叫， 加埋都差不多係要80蚊， 性價比唔算話好高， 但係中立溝豬潤係好食

漢發麵家 的豬潤湯麵，豬潤非常新鮮、厚度適中、入口不會過硬、夠爽口、薑味濃厚，所以沒有任何腥味。湯底也非常濃，我要的是幼麵，麵倒沒有什麼驚喜之處 。如果在湯麵加一兩條生菜或其他菜，應該更更理想 。整體上來說，吃得非常滿意，我給8.5分。另點了一碗牛肉麵，牛肉入口也非常鮮嫩，此外，也沒有什麼驚喜之處。此外，也吃了一份奶醬多士，奶醬比例合宜，多士入口外鬆內軟，正合我口味。今天是星期六，我約十二點半到了 漢發麵家，不用等位。未還吃完，外面已經排長龍。

漢發麵家最出名就係豬潤公仔麵，見到咁多人讚，今次就試一試佢，再同大家分享！🍜豬潤公仔麵（$52）拼蛋（$56）一上到枱，嚿嚿豬潤都好大，食落好有咬口，鮮嫩度尚可，唔會太老。因為得本身就唔太好食豬潤，但呢個唔算太腥，可以接受嘅，鍾意豬潤嘅朋友就本身食到停唔到，但可能每件都太大嚿，食完都好飽（本身仲話想加西多士😂）。至於個蛋就真係炒得好滑，反而係意外驚喜，建議要加！🍳一上到枱，嚿嚿豬潤都好大，鮮嫩度尚可，唔會太老亦唔太腥。至於個蛋就真係炒得好滑，反而係意外驚喜，建議要加！🍳好多人都會拎佢嚟同維記比，不過，我自己覺得維記個湯出色啲，呢度個湯底同平時公仔麵個湯一樣，無乜特別🍜 總括嚟講，都算係抵食之選😋

今日我去咗灣仔分店，專登試佢哋嘅豬潤公仔麵，成日都有朋友話佢哋嘅豬潤好好食，今日終於有機會嚟試下！一入去就感受到餐廳嘅氣氛好輕鬆，服務又快又好。我點咗碗豬潤公仔麵，豬潤一上枱就散發出香味，色澤都好吸引。麵條煮得啱啱好，喺湯底吸收咗味道，真係一啖啖都好過癮。豬潤就更加無話可說，口感滑溜，咬落去有種爽口的感覺，完全冇腥味，真係好好味！另外，我仲加咗一份炸鯪魚球，外脆內嫩，魚球炸得金黃，食落去有種香脆嘅口感，配上醬汁更加好味。真係一個完美嘅搭配，令我食得好滿足。整體嚟講，今日嘅用餐體驗非常好，豬潤公仔麵果然名不虛傳，下次再帶朋友一齊嚟！如果你鍾意食麵，呢間絕對值得一試！

呢間餐廳喺媽咪平時睇YouTube見到好多人介紹，所以今日特登趁新年放假一家人嚟試吓，果然不負眾望。嚟到主菜一定係食豬潤，每人叫咗一碗豬潤配麵或者係米粉。佢哋嘅豬潤做得好出色，唔同一般餐廳，十分爽口，大大嚿，仲要好多，所以搞到食唔晒D米粉😂。另外佢哋嘅湯底好特別，好似有少少酒味咁樣，令你忍唔住係咁飲。我哋另外仲嗌咗個小食炸鯪魚球，爹哋媽咪一路食一路讚，話佢粉唔厚，食落去又彈牙。另外都要讚吓佢哋嘅誠意，一坐低，我爹哋媽咪就話「嘩，佢用余均益辣椒醬」，仲有日清麻油👍🏻

本人是漢發餐廳的長期顧客，但每次光顧都在帶位方面遇到問題。今次投訴是關於服務態度及付款系統的問題。事發經過如下：1. 餐廳聲稱已在門外張貼「不接受八達通」的告示，但該告示字體細小且位置不顯眼。2. 餐廳職員在落單前完全沒有通知不能使用八達通。3. 直到結帳時，職員才以惡劣態度告知不接受八達通付款。4. 當時我趕時間用餐，看到有座位便直接入內，根本不會特意在門外逐一查看告示。由於當時未能即時支付現金，我只能先把八達通押給餐廳，並表示會返回公司取現金後再來付款。整個過程中，職員的服務態度極為惡劣。建議餐廳：1. 應在當眼處清楚標示付款方式2. 落單時主動告知付款方式3. 改善員工服務態度4. 考慮增加電子支付方式（大眾人使用電子消費Apple Pay, visa ,master) . 不止是ail pay, WeChat pay

偶爾忽然想邪惡一番，到茶記食豬膶麵。油菜可揀選菜心或生菜。選取菜心是個正確的決定，皆因菜心焯得恰到好處，鮮甜無比，趁蠔油非常合襯！炸豬扒就是一塊實實在在的豬扒，表層甚為酥脆，肉質鬆化，一咬即開！調味恰宜，連骨的最好食。店之名物豬膶公仔麵，一碗加煎蛋、一碗加炒牛肉。無可厚非，厚切的豬膶粉嫩是事實，但是有筋。況且湯底味道略淡，幸可加豉油麻油，好味得多。法蘭西多士的麵包炸得通透，滿滿蛋香，配香甜的煉奶及增添香氣的凍牛油是為一絕，中間還夾著花生醬，是個一流的甜品！一心衝著豬膶麵而來，反為不甚了了，都被其他食物蓋過。

在灣仔會展睇完展覽會咪行去漢發食碗麵，一路都冇留意關舖時間，去到4:30已經係last order, 哥哥叫我哋快啲落單，食完我哋已經係最後一台✨🥢豬潤粗麵$52: 豬潤咬口好爽，洗得好乾淨；湯都算清，配粗麵真係好正😋😋✨🥢牛筋牛腩河$52: 牛筋牛腩炆得好腍，腩汁都好香✨🥢炸鯪魚球$45: 呢個鯪魚球就唔係好掂，雖然大嚿但冇鯪魚味，唔好食又貴，唔值得，下次唔會點😑✨🧊凍鴛鴦、凍檸蜜：每杯$21，算大杯🤔胡椒粉夠香；日本麻油唔使講都知好嘢👍🏻；辣椒油就唔係好夠辣

唔係第一次幫襯，餐廳食物味道正常，但今日經歷實在係不吐不快。.首先，店員帶位安排混亂，四人座位，二人一組，午餐繁忙時間，有一組到先，但無安排坐埋同一邊，導致出入十分不便（特別係空間已經唔係闊落）。.另外，餐廳仲會漏單，13:14落單，中間口頭催一次，眼神向同一店員再催一次，最後決定走，途中豬膶米就送緊過嚟，當時係13:41。食唔切，當然決定係唔要照走。同餐廳反映返嗰問題，他們反而指「太多單」、「豬膶要煮耐啲」，但明明比我遲入座嘅，早10分鐘前已經有得食，明顯係漏單，仲要死撐。講多幾句餐廳職員就不情不願地承認排錯單，但唔係漏單。.午飯時間，上班族分秒必爭，等一碗麵要27分鐘，雖然餐廳肯取消，但用餐體驗真係十分差。.餓住肚，激鬼氣咁趕返公司，同時打埋篇評論，唉。

牛筋牛腩粗麵🤤咁啱當日lunch竟然冇人排隊，就入咗去食。➡️份量方面一碗有兩大舊牛筋 同 兩大舊牛腩，份量唔少。➡️味道方面牛腩炆到軟腍腍，牛筋都煮得腍，超好食！湯底濃郁，都可以自行加辣椒醬 ➡️店舖環境方面店舖裝修較新整潔，使用木質餐桌及座椅➡️價格方面 唔算平