漢發麵家 (告士打道)

營業中

休息中

星期一下午三時灣仔店深水埗店未試過，見友人話好好食，於是便試下灣仔新店。大熱天時，要人喺告士打道一帶，烈日當空，行十分鐘真係有啲惡頂，地點隔涉，已經唔係我一個人講。冷氣足夠嘅，如果出晒汗濕晒身，坐低兩三分鐘會覺得凍添。二話不說叫杯凍啡先，再慢慢睇餐牌，原來冇下午茶餐，冇所謂，熱咗咁耐唔會因為咁轉地方。唔食公仔麵叫了豬潤粗，等了十五分鐘才來，好在個凍啡夠快，飲住等唔覺，不過以麵家唻講，確實係耐咗啲。麵唻到，冇蔥嘅，湯色較深，明顯見到唔少淥豬潤嗰啲浮沉物質，證明係用返碗湯唻淥潤，保留潤原味。將麵揚散，已有一種非常熟悉嘅氣味，夾起一住，更是撲鼻而來，是，是舊式細用嗰種竹昇麵湯，加上濃厚的梘水味。現在幾乎所有客人都不再接受這種梘水味，而佢竟然保留到，係堅持定係默守？飲淡湯，正如上述，梘水味在口腔四散，但又帶著薑蔥香氣，加上潤香味而且偏甜的湯底，跟粗麵卻離奇地夾，大口大口吃了兩啖，感覺十分懷舊。豬潤正如各大食評所講厚度非常，可說是食過最厚的，四大片，有三片超過 1cm，感覺非常足秤。大口咬一半看看中心，一點粉紅不安顏色都沒有，但質地卻是如此爽脆。最中心嫩嫩的感覺十分軟滑，仍然帶著豬潤的獨有味道，

哩間漢發，開張時勁多人排隊幫襯，我當然唔會排啦! 等到今次經過矛咩人排隊先幫襯，睇吓有咩咁吸引.一入去見到要用我唔 like 嘅 QR Code 落單，已經扣分，馬上問一下待應人手落單得唔得，答案係可以，咁就加翻服務分啦!睇吓份 Menu 選擇唔多，而漢發最出名嘅豬膶唔係我杯茶，自已又三高，唯有轉移口味睇吓有咩啱心水.嘩! 牛腩飯成68蚊! 貴! 加埋杯飲品差不多成舊水!!其實68蚊貴在份量足夠，未試過食牛腩飯係俾四條大大條嘅牛腩，通常食開牛腩都係斬開一舊舊碎冷冷，至於味道呢..... 講唔上好味，首先唔夠入味，口感唔夠 Juicy 有少少乾，而且牛腩少少硬身唔夠鬆軟，牛腩汁唔多足夠，所以性價比底俾唔到滿分，可惜.

#fatchubelly灣仔📍漢發麵家為左豬潤而慕名而來 🙈從係深水埗店時而好想一試 依家開左係灣仔就更加方便～首先店鋪位置離地鐵站有d 距離 但店面都幾大 光猛乾淨✅而且就算茶記格局搭枱都唔迫因為卡位闊落 仲要係qr code 落單 📱岩晒選擇困離症人事慢慢選擇🤭💥豬潤麵 $52講返食物先 豬潤豪不失望！ 👍厚切有口感而且絕無腥味😋湯底有微微薑味 口感平衢無搶去豬潤的鮮甜💥牛筋麵 $42牛筋有三大件 🥢唔算每件都非常棯 但overall 都ok 質素平穩🙈反而麵底幾好食 唔太喜歡皂水味好重 呢隻麵就岩岩好🫶🏼💥炸鯪魚球$45好香口彈牙 😽入面加左唔少蔥花同芫 香味十足 值得一炸完亦無過份油膩感👍

漢發麵家嘅厚切豬膶麵己經名遍深水埗，而家喺灣仔開咗新分店，搭港鐵屯馬綫喺會展站下車行大約七分鐘就可以去到店舖，今日大約中午12:30去到，店舖外己經有人排隊等位，室內幾乎全場爆滿，不過職員安排下好快可以入座，呢度係用手機QR Code落單今次梗係食最出名嘅厚切豬膶幼麵，另再拼牛肉，共$60,加埋杯凍檸茶$22, 落單後食物十分鐘左右己上枱，豬膶夠厚又爽口，而且又有薑同酒味，個湯飲落唔會太鹹，用來伴麵相當唔錯，下次黎會另試其他小食…

漢發餐廳個個人都話好食，嗰日坐埋張檯，隔離兩位客人都係出長水遠過嚟試，話以前幫襯過深水埗，而家就嚟灣仔大間啲乾淨啲嘅舖頭試。我同朋友下晝3點嚟，都唔算超多人排隊，10-15分鐘都入到去。整體好滿意啲嘢食，最滿意及有驚喜係佢啲特飲，我叫咗紅豆涼粉咖啡，非常好味，建議一定要叫。牛筋河豬瞤雞蛋公仔麵，唔係唔試掛炸魚皮，一般，但個湯好飲，唔係漢發嘅強項嘢鯪魚球，一定要食鯪魚球配特別胡椒粉，超正西多士，都好食，但我鍾意傳統嗰款多啲靚靚嘅裝修

過往去開的深水埗都會去潤發食個豬潤加餐肉或豬扒面， 原來我發現灣仔都開咗一間新分店，即管今日跟同事嚟試吓，一去到我哋馬上有一個豬潤麵加餐肉，佢哋最出名除咗系豬潤之外其次就是他的奶油包，真係超好食呀，差唔多每一台客戶都會叫一份的奶油包，除左這個包外， 呢一間嘢好多食物都好出名的，例如鯪魚球，炸雲吞都值得一試的！店員服務態度也很好，有禮貌！不過建議大家早啲去攞位，尤其是深水埗嗰間，我上次等咗差唔多45分鐘😩

漢發麵家由深水埗經營多年，最近喺灣仔開了分店，所以就特意去試試。叫咗碗牛腩麵，點知麵送到嚟時，見到加料！真係嚇到我一驚！😰發現有隻好大嘅蒼蠅！！！🤮🤮🤮同個夥計講，佢好似若無其事咁唔覺得係一回事。此事之後，我冇再返去食喇。👎🏻Having known their long history at Sham Shum Po, the flagship location, it is indeed the talk to the town when their new location at Wan Chai just opened recently. Went there during lunch hour and there was a heap of people queuing already. Typical expectations, a long queue outside usually means good food inside. So regardless of the wait, I joined in. Once seated, we are to order t

喺今時今日無套餐嘅「麵家」某程度上都係對自家出品嘅信心表現豬潤夠份量但可惜無 wow factor紅豆冰正正常常豬扒應該無下次好重手肉鬆粉嘅感覺咸牛肉蛋治反而係最好味嘅選擇見d調味料都用優質品牌但都唔係好令到我再想返去 encore 約 12:30pm 埋單嘅時候店外已築成人龍見到呢d情況都會諗吓究竟係咪只係自己...... 叫咗d唔係咁好味嘅食物？

呢間麵店深水埗店成日都排唔到隊，冇機會試。從朋友口中得悉在灣仔開了新分店，今日下晝行過灣仔決定走去一試。大約下晝四點幾到達，可能分店開了冇幾耐，所以冇乜人知不用排隊就可以入座。舖裏面座位寬敞，客人唔使迫埋一枱食。新店用QR code落單，好方便。入得黎食梗係叫招牌豬膶麵再加凍咖啡。凍咖啡好大杯味道唔錯。之後來主角豬潤麵，大大碗多湯多料。豬潤有咬口夠新鮮的確唔錯，不過湯底我就略嫌鹹了一點，個公仔麵就普普通通，食完碗麵反而覺得有啲滯。埋單$74呢個價錢都算幾貴，起碼比維記貴一截。如果好似深水埗店咁長期排隊，就好似唔多值得。

今日難得有得wfh，決定喺屋企附近買外賣返屋企食。之前見到深水埗嘅漢發麵家係灣仔開分店，地址為灣仔告士打道168號今日就打算落去試吓究竟同深水埗嘅味道有冇差別外賣都唔算要等好耐，早餐時段大概都係等10分鐘左右 懷住十分期待嘅心情拎返屋企!食落其實都唔錯 意思都比左四塊 絕對唔會手軟 口感方面亦都係非常爽脆 食得出係新鮮嘅食材 食落豬潤食落爽滑個米粉湯底唔會好濁 牛肉味道都唔錯，不過就冇豬潤咁出色嘅 極度推介大家去食！價錢亦都合理！

舊年食過深水埗的漢發，記得結論係好好。重新認識，來了新開灣仔鋪 (就加入GULU取票app). 第一次，只試了：-豬扒公仔麵，加煎蛋，-凈豬膶加牛肉，和-炸雞翼樣樣都好食，新鮮厚切豬潤，公仔麵湯底，一啲豬膶腥味都冇，還有少許公仔麵湯的味，喝了大半碗！炸到恰到好處多汁的雞翼，真的很久沒有食過。比較高的價格很難話唔啱，因為材料實在好，人哋做得好，穩定有水準，就應賺錢。再來第二次，牛筋牛腩撈河，自己未試過撈河 🤭👍👍比捞面更濃牛味。加上份量，好足夠去餵飽喜歡牛筋牛腩的人！

見有人一早已經post IG點知原來紅紙都未滅Weekend 下午茶時間梗係多人等位啦. 好彩都唔係要等好耐，其實佢嘅招牌豬潤我係唔食架，不過都冇所謂嘅，朋友食咪得囉，我可以食其他嘢。對上一次我係去佢深水埗店食豬扒麵，都已經係幾年前嘅事，我又覺得好一般啫。今次因為朋友喺灣仔返工，佢又未試過。除咗豬潤麵，我哋仲叫咗馳名西多士，仲有炸雲吞 豬潤麵我就冇得評論，因為我冇食過個豬潤，面就好普通囉，係個湯好強勁嘅胡椒彊味。炸雲吞，我就覺得好一般，好大陣鹼水味，但係我朋友話食唔到。西多士其實又冇乜特別嘅，只不過唔係傳統嘅正方形，而係有少少圓角囉 可以揀煉奶或者傳統糖漿，因為佢比錯咗我哋，結果係兩樣都有得落，都係傳統糖漿好味啲一個字「普通」唔知點解咁多人等位。咁啱隔離枱有一對夫婦，個老公不停話：嘩5x蚊一碗豬膶麵仲要冇餐😑，的確係事實，的確係有啲貴！

一直想試， 結果深水埗那間跟我無緣， 有日發現灣仔開了， 立馬去試。星期六的早上11點，附近是純商業區，竟然都full house, 可見很多人都是慕名而來的。幸好我到時剛好有位，這店是以QR Code 下單， 很方便，也容許我可以慢慢研究餐牌。 見到樣樣都想食， 最後我還是選擇了招牌的豬膶拼炒牛肉粗麵，配凍鴛鴦。他們家的豬膶是厚切，爽脆口的，有股酒香發薑的味道，牛肉煎過很香口， 整體味道很好， 不過豬膶多吃會膩， 最好二人同行。凍鴛鴦正常發揮。

「漢發麵家」首間分店坐落於灣仔告士打道，交通唔算方便，由會展地鐵站行過去都要大約8分鐘。我去嗰日雖然仲未正式開張，但都吸引咗唔少人去用餐。當日去嘅時間係大約下午四點，好多食物都售罄了，多士類尤其誇張，只剩下奶油多士 (即係話我冇食到佢哋嘅名物西多士囉)。其他食物嘅情況都差唔多，炸豬扒、炸雞脾、炸鯪魚球都同我無緣份喇。棄用店員手寫單嘅模式，要點餐嘅話只需要掃一掃枱上QR code就得。落單後上餐速度都算快而且冇漏單，店員服務態度亦都很好，以一間試業中嘅餐廳嚟講運作尚算唔錯。▫️奶油多士(HKD16) - 原來係可以多奶油，落單時選多奶油就得。▫️炒牛撈公仔麵 (HKD69) - 老闆娘推介我哋食呢個公仔麵就即管試吓。味道係唔錯，最正嘅係有一大堆蔥絲鋪喺公仔麵上面。不過以一間茶記嚟講定價會唔會高咗啲😆▫️炸雲吞 (HKD45) 配芥末醬 - 雲吞皮咬落卜卜脆，令人不自覺地食完一粒又一粒😆 平時食炸雲吞多數會點糖醋汁食，炸雲吞配芥末醬呢個組合又幾新鮮喎。▫️炸魚皮 (HKD28)⭐️逢星期日休息

裝修簡約復古，光線充足大玻璃。空間咁寬闊。感覺舒服。需要聘請較好的玻璃清潔專員。改善向外觀景。聽說午餐時間會有人龍排隊等候。特意下午茶時間過來，無需等位。著名豬潤麵。豬膶非常乾淨爽口。如果你喜歡豬潤必試。跟深水埗走不同路線。沒有那重太重的薑味，但感覺清爽乾淨。豬扒包（芥末醬) 誠意的製作。可惜鬆肉粉太多太重，失去了豬扒的靈魂。浮雲形狀西多士。口感很不錯。其他產品，下次再來。店內通風系統，可能是因為Soft opening，有待改善。