漢發麵家 (告士打道)

營業中

休息中

之前係深水埗都係食過第二間豬潤🐷, 一直未試過依間, 今日過來灣仔,印象中記得依度有一間, 今次試左豬潤🐷湯米粉, 加太陽蛋🍳, 凍央少甜🥤,等左一陣🥤先到, 飲了一口, 咖啡味濃d, 不過又不止於苦, 之後送來湯米粉, 大大碗, 賣相都不錯😘👍, 飲啖湯先, 咸左少少, 有甜味, 不過就唔似另一間有🐷豬潤水味道, 我就喜歡那間湯底多d, 味道都可以, d湯也夠熱, 食d米粉, 浸左湯好食👍, 份量都唔少, 亦唔係碎濕濕👍, d豬潤🐷都比得幾多🥰, 塊塊大大塊, 食落有驚喜😍, 咬ー口, 勁爽脆👍👍, 而且塊塊都有這樣效果, d豬🐷潤就比另一個店舖優勝👍👍, 等下次想食, 又去旺角同深水埗分店試下先😀

香港有兩間廣為人熟悉嘅豬膶麵，一間叫《維x 》，另一間叫《漢發》，食過前者豬膶又薄又老，後者就未試過，一於維園做完運動行十零分鐘過嚟試。🥢鮮炸雲吞配芥末醬 $45⭐️⭐️⭐️⭐️一客6粒香脆熱辣辣炸雲吞，蝦夠爽夠彈牙，配芥末醬好夾仲好惹味。🥢豬膶米 $52⭐️⭐️⭐️⭐️⭐️招牌果然係有水準，厚切豬膶咬落爽脆內𥚃嫩滑，一碗有5大塊非常滿足，一碗粉食落都真係幾大碗。🥢豬扒米 $52⭐️⭐️⭐️豬扒大大塊，輕炸過都幾好味又夠腍，蘸余均益辣椒醬仲滋味。二人共消費：$149

大家都來此店食豬潤麵, 今日我也專程來試一試 食物 : 豬潤公仔麵 $52 - 豬潤真的好厚, 但食落還很軟熟, 一D都唔柴, 而且沒有異味, 配咗公仔麵, 正常味道, 反而湯底不是公仔麵湯底, 是豬潤煮出來的湯水, 飲完無口乾, 整體味道都算幾好 牛筋粗麵 $42 - 牛筋好淋好入味, 粗麵淋滑, 味道OK唔會死咸 飲品 : 可惜無得叫套餐, 分開叫嘢飲比較貴, 熱檸密$19, 凍檸密$21, 味道OK, 唔會好淡 環境 : 店內環境舒服, 整面大玻璃窗, 好光猛, 坐得舒服 服務 : 店員有禮貌 費用 : $134 (無服務費)

今日經過灣仔， 特登去試下呢間深水埗都幾出名嘅漢發麵家， 聽聞佢哋嘅豬潤好出色 所以都係去試咗一個豬潤麵同埋鴛鴦豬潤麵嚟到， 發覺佢哋嘅湯底比較鹹， 面都係正常啦， 豬潤係好厚切幾好味嘅， 但係由於個面太鹹所以要加水鴛鴦就係正常茶餐廳嘅效果， 都算係濃鬱同埋有香味員工服務方面就普普通通， 但係由於當日唔算多人， 所以都有啲減分， 同埋價錢都係偏貴， 我係早餐時段去只可以散叫， 加埋都差不多係要80蚊， 性價比唔算話好高， 但係中立溝豬潤係好食

漢發麵家 的豬潤湯麵，豬潤非常新鮮、厚度適中、入口不會過硬、夠爽口、薑味濃厚，所以沒有任何腥味。湯底也非常濃，我要的是幼麵，麵倒沒有什麼驚喜之處 。如果在湯麵加一兩條生菜或其他菜，應該更更理想 。整體上來說，吃得非常滿意，我給8.5分。另點了一碗牛肉麵，牛肉入口也非常鮮嫩，此外，也沒有什麼驚喜之處。此外，也吃了一份奶醬多士，奶醬比例合宜，多士入口外鬆內軟，正合我口味。今天是星期六，我約十二點半到了 漢發麵家，不用等位。未還吃完，外面已經排長龍。

漢發麵家最出名就係豬潤公仔麵，見到咁多人讚，今次就試一試佢，再同大家分享！🍜豬潤公仔麵（$52）拼蛋（$56）一上到枱，嚿嚿豬潤都好大，食落好有咬口，鮮嫩度尚可，唔會太老。因為得本身就唔太好食豬潤，但呢個唔算太腥，可以接受嘅，鍾意豬潤嘅朋友就本身食到停唔到，但可能每件都太大嚿，食完都好飽（本身仲話想加西多士😂）。至於個蛋就真係炒得好滑，反而係意外驚喜，建議要加！🍳一上到枱，嚿嚿豬潤都好大，鮮嫩度尚可，唔會太老亦唔太腥。至於個蛋就真係炒得好滑，反而係意外驚喜，建議要加！🍳好多人都會拎佢嚟同維記比，不過，我自己覺得維記個湯出色啲，呢度個湯底同平時公仔麵個湯一樣，無乜特別🍜 總括嚟講，都算係抵食之選😋

今日我去咗灣仔分店，專登試佢哋嘅豬潤公仔麵，成日都有朋友話佢哋嘅豬潤好好食，今日終於有機會嚟試下！一入去就感受到餐廳嘅氣氛好輕鬆，服務又快又好。我點咗碗豬潤公仔麵，豬潤一上枱就散發出香味，色澤都好吸引。麵條煮得啱啱好，喺湯底吸收咗味道，真係一啖啖都好過癮。豬潤就更加無話可說，口感滑溜，咬落去有種爽口的感覺，完全冇腥味，真係好好味！另外，我仲加咗一份炸鯪魚球，外脆內嫩，魚球炸得金黃，食落去有種香脆嘅口感，配上醬汁更加好味。真係一個完美嘅搭配，令我食得好滿足。整體嚟講，今日嘅用餐體驗非常好，豬潤公仔麵果然名不虛傳，下次再帶朋友一齊嚟！如果你鍾意食麵，呢間絕對值得一試！

呢間餐廳喺媽咪平時睇YouTube見到好多人介紹，所以今日特登趁新年放假一家人嚟試吓，果然不負眾望。嚟到主菜一定係食豬潤，每人叫咗一碗豬潤配麵或者係米粉。佢哋嘅豬潤做得好出色，唔同一般餐廳，十分爽口，大大嚿，仲要好多，所以搞到食唔晒D米粉😂。另外佢哋嘅湯底好特別，好似有少少酒味咁樣，令你忍唔住係咁飲。我哋另外仲嗌咗個小食炸鯪魚球，爹哋媽咪一路食一路讚，話佢粉唔厚，食落去又彈牙。另外都要讚吓佢哋嘅誠意，一坐低，我爹哋媽咪就話「嘩，佢用余均益辣椒醬」，仲有日清麻油👍🏻

本人是漢發餐廳的長期顧客，但每次光顧都在帶位方面遇到問題。今次投訴是關於服務態度及付款系統的問題。事發經過如下：1. 餐廳聲稱已在門外張貼「不接受八達通」的告示，但該告示字體細小且位置不顯眼。2. 餐廳職員在落單前完全沒有通知不能使用八達通。3. 直到結帳時，職員才以惡劣態度告知不接受八達通付款。4. 當時我趕時間用餐，看到有座位便直接入內，根本不會特意在門外逐一查看告示。由於當時未能即時支付現金，我只能先把八達通押給餐廳，並表示會返回公司取現金後再來付款。整個過程中，職員的服務態度極為惡劣。建議餐廳：1. 應在當眼處清楚標示付款方式2. 落單時主動告知付款方式3. 改善員工服務態度4. 考慮增加電子支付方式（大眾人使用電子消費Apple Pay, visa ,master) . 不止是ail pay, WeChat pay

偶爾忽然想邪惡一番，到茶記食豬膶麵。油菜可揀選菜心或生菜。選取菜心是個正確的決定，皆因菜心焯得恰到好處，鮮甜無比，趁蠔油非常合襯！炸豬扒就是一塊實實在在的豬扒，表層甚為酥脆，肉質鬆化，一咬即開！調味恰宜，連骨的最好食。店之名物豬膶公仔麵，一碗加煎蛋、一碗加炒牛肉。無可厚非，厚切的豬膶粉嫩是事實，但是有筋。況且湯底味道略淡，幸可加豉油麻油，好味得多。法蘭西多士的麵包炸得通透，滿滿蛋香，配香甜的煉奶及增添香氣的凍牛油是為一絕，中間還夾著花生醬，是個一流的甜品！一心衝著豬膶麵而來，反為不甚了了，都被其他食物蓋過。

在灣仔會展睇完展覽會咪行去漢發食碗麵，一路都冇留意關舖時間，去到4:30已經係last order, 哥哥叫我哋快啲落單，食完我哋已經係最後一台✨🥢豬潤粗麵$52: 豬潤咬口好爽，洗得好乾淨；湯都算清，配粗麵真係好正😋😋✨🥢牛筋牛腩河$52: 牛筋牛腩炆得好腍，腩汁都好香✨🥢炸鯪魚球$45: 呢個鯪魚球就唔係好掂，雖然大嚿但冇鯪魚味，唔好食又貴，唔值得，下次唔會點😑✨🧊凍鴛鴦、凍檸蜜：每杯$21，算大杯🤔胡椒粉夠香；日本麻油唔使講都知好嘢👍🏻；辣椒油就唔係好夠辣

唔係第一次幫襯，餐廳食物味道正常，但今日經歷實在係不吐不快。.首先，店員帶位安排混亂，四人座位，二人一組，午餐繁忙時間，有一組到先，但無安排坐埋同一邊，導致出入十分不便（特別係空間已經唔係闊落）。.另外，餐廳仲會漏單，13:14落單，中間口頭催一次，眼神向同一店員再催一次，最後決定走，途中豬膶米就送緊過嚟，當時係13:41。食唔切，當然決定係唔要照走。同餐廳反映返嗰問題，他們反而指「太多單」、「豬膶要煮耐啲」，但明明比我遲入座嘅，早10分鐘前已經有得食，明顯係漏單，仲要死撐。講多幾句餐廳職員就不情不願地承認排錯單，但唔係漏單。.午飯時間，上班族分秒必爭，等一碗麵要27分鐘，雖然餐廳肯取消，但用餐體驗真係十分差。.餓住肚，激鬼氣咁趕返公司，同時打埋篇評論，唉。

牛筋牛腩粗麵🤤咁啱當日lunch竟然冇人排隊，就入咗去食。➡️份量方面一碗有兩大舊牛筋 同 兩大舊牛腩，份量唔少。➡️味道方面牛腩炆到軟腍腍，牛筋都煮得腍，超好食！湯底濃郁，都可以自行加辣椒醬 ➡️店舖環境方面店舖裝修較新整潔，使用木質餐桌及座椅➡️價格方面 唔算平

中伏... 自從阿Bob喺電視介紹過之後, 呢個幾月我都幫襯過五六次呢間舖頭。豬潤麵 質素食物頗高。 但是在8月29號 星期四下午 我們同事特別由黃竹坑公司駕車到 灣仔舖頭買外賣 點了薑蔥蝦子撈麵， 兩個水餃撈麵一個牛筋腩撈麵， 兩碟油菜 後來再加叫蜆介鯪魚球。我的同事當時說 不如多啲蔥好喎好食啲， 跟住就到收銀機的戴眼鏡經理， 上過電視～ 說： 牛筋腩撈粗多蔥 跟住我話我又多蔥； 經理說咁另外第三個 撈麵 使唔使多蔥？ 我話好呀！ 結果返到寫字樓打開嚟睇除咗薑蔥蝦子撈啲蔥係正常一樣之外 ，另外三個撈麵 只係跟湯嗰度 灑咗幾粒蔥花.. 有圖為證..我不知是否如果不說多蔥，連果幾粒蔥花都冇落在湯裏面～ 這個也不是問題～ 問題是後來 check返張單看看，原來加蔥要加十蚊！ 作為經理收銀， 顧客要加蔥你係咪要提醒要加十蚊呢？！ menu係冇寫加蔥 要加錢亦都冇加蔥呢個項目， 正常粉麵店行規 如果你對夥記叫多 蔥 係 冇一間會收錢嘅。 如果有歡迎有人提點 。覺得這店舖不太老實，雖然豬潤麵豬潤湯係幾好味但係其他例如 豬扒雞翼一般 炸粉太厚。 加了30蚊一手指份量的蔥花。 一碟油菜都係28蚊～

今天午餐又去吃豬膶麵，除左豬潤好出名之外，其實佢地既炒牛肉也非常好吃，炒出來的牛肉香氣四溢。所以我點了一碗雙拼：豬膶加炒牛肉粗麵，一次過吃兩款口味。飲品就點左凍奶茶，因為好好飲。種感覺佢地既茶膽跟其他茶餐廳的略有不同。我要左少甜少冰的，正😋😋