漁道樂 (已結業)

當晚平安夜同朋友去食食左個海鮮盤 燒出黎係幾好食仲食左個泡菜豚肉鍋+烏冬之後仲有表演同抽獎有聖誕氣氛幸運地抽到三獎 有和牛壽司送上面和牛 下面生蠔 超好食而且服務態度都好好 有禮貌所以超推介

為慶祝一特別日子，即使今夜局勢不穩，我們也決心去這位於尖沙咀的「漁道樂」浜燒食堂。店內裝潢就像一間十分有活力的居酒屋，其品質及性價比令我忍不住想大筆一揮介紹給一眾讀者。巨峰啤酒 ($68): 以Orion日本生啤作Base，加入濃縮的巨峰提子糖漿，先喝數口氣泡，再拌勻巨峰漿享用。口感香綿，麥啤口味與巨峰提子味道蠻搭配。三文魚刺身 ($68), 油甘魚刺身 ($98), 北海道甜蝦本身 ($68): 油甘魚肉質爽實，魚油豐富；甜蝦爽彈鮮甜；至於三文文魚卻有點遜色，儘管有三文魚味，但稍不新鮮，魚肉質感較軟腍。甲羅燒 ($68): 甲羅燒是於蟹蓋加入蟹肉、蟹膏、日式味噌及鵪鶉蛋拌勻燒製，味道層次豐富，蟹膏及味噌的味道相當心坊間的較平衡並鮮甜，不會太濃太膩。此外，還吃到一絲絲的蟹肉。活貝盛合 ($398): 分別有廣島蠔、帆立貝、活蜆、活鮑魚，以及原條日本赤魷：廣島蠔的蠔肉非常飽滿嫩滑，新鮮肥美，蠔肉帶淡海水味，但蠔味不會過於強烈。帆立貝肥美厚肉，燒至半熟，仍能保持其一絲絲的細膩質感，肉汁非常鮮甜。原條日本赤魷以日式醬燒方式煮製，醬料甜美，赤魷新鮮，燒熟後肉質亦十分爽彈。野菜天婦羅 ($88)

本身想chill下慢慢食，一坐底，茶都冇杯，雖然野食okay，但唔會有下次。叫燒物，竟然唔係放係我地台到燒，都其次，我地兩個女仔去食，想每樣試小小，落order 時，員工知道我地要一個蟹蓋⋯share 食，好似唔想落單咁，野食唔係自己枱燒都算，野食超過半個鐘都未燒到。想換個位，因為風口位吹到頭痛（在場有其他空位）反映左2次都冇人幫我地。冷氣愈開愈凍最重要係漏單！！！叫左6樣野食，催左2-3次都未上齊，眼見鋪頭唔係好忙。唔會有下次

Lee 度好日式，啱晒鍾意打卡既朋友仔，由入門口個一刻開始，差啲以為自己去咗日本添，唔使搭飛機都感覺到😂你淨係望吓個門面都覺得靚入邊係有啲要除鞋坐嘅位•❤️生蠔刺身❤️原隻赤貝刺身❤️油甘魚刺身刺身全部都夠晒新鮮同埋份量都多🧡海膽蟹肉反卷一共有六件每件上面都有大大嚿海膽，正呀💛燒大蝦💛燒活蜆💛燒帆立貝💛燒日本赤魷枱上面有個爐直接會有同事幫手過嚟燒，唔使擔心自己會燒到D食物黑晒😂💚蟹盛冷豆腐個豆腐夠滑之餘，上面仲有好多蟹膏，蟹子同蟹肉💙什錦天婦羅夠熱又夠新鮮冇得頂!🍹💜白桃梳打💜柚子梳打

一入到去居酒屋就覺得好有日本氣氛😍 💜蟹肉青瓜沙律 $88，首先來一個沙律開胃，蟹子和蟹肉都滿滿呢！🧡刺身點左 三文魚, 原隻帆立貝, 同北海道甜蝦，各$68~ 全部都好新鮮👍🏼💜海皇卷 $98，魚生鮮甜~🧡浜燒是必點啲喔！店員會喺你面前幫你即燒！浜燒蟹甲羅 $68 each，我平時好少食蟹，但係就好鍾意食蟹嘅甲羅燒😂👍🏼 蟹膏, 蟹子, 蟹肉, 鵪鶉蛋混埋一齊，非常美味😋💜 另外仲有 浜燒鮑魚 $68，浜燒帆立貝$68，同浜燒活蜆 $48，全部有店員幫你細心燒熟👍🏼所有都好新鮮，好好味！🧡 柚子啤酒🍻 巨峰啤酒🍻 ，我比較喜歡柚子味呢！

尖沙咀呢間居酒屋我幾推介,除咗食物有保證外,如果星期五嚟,仲會有歌舞表演,下次可以揀星期五嚟.海皇卷$98餡料好多,兩個人食都夠.上面仲會有D刺身係到,口感好豐富,就算唔點刺身豉油都夠哂味.刺身種類(三文魚,帆立貝,甜蝦各$68)剌身種類都幾多選擇,最重要係新鮮.味道都幾鮮甜,連平日少食甜蝦嘅我都忍唔住食.燒蟹甲羅$136如果鍾意食蟹膏嘅朋友,一定一定要惕點呢個.佢既膏係非常非常多,加上唔識燒都唔驚,店員會幫你,完全係高級享受.活貝盛合$388如果鍾意食貝類嘅呢個都係必點嘅,內有飽魚,蜆,魷魚,鮑魚等.燒嘅時間需要耐DD,但係絕對清甜新鮮.魷魚,仲配有佢哋獨家醬汁.惹味十足.泡菜豚肉鍋$168份量其實唔小的,但還是覺得好似牛肉好食D.而且覺得有少少貴,但係份量係好多的,可能我鍾意食壽喜燒所以覺得好似配牛肉好味D.蘋果乳酸$68乳酸梳打$68飲品略厭甜咗少少,但味道唔錯,而且大大杯.

搬左屋都係第一次去附近試新嘢，俾間日本餐廳吸引住😋又有刺身又有燒海鮮！正！推介下俾大家食燒海鮮最怕唔識燒，幾靚嘅食材都會燒到乾晒硬哂🙈呢度好在全程有員工幫你燒埋，燒到啱啱熟仲好juicy嘅狀態，勁正👍🏻坐喺度就有得食叫左活貝盛合有鮑魚、扇貝、蠔、蜆同魷魚全部都好新鮮! (平時唔係好食魷魚嘅我，完全抵擋唔到條燒魷魚嘅香味！食左大半條🙊） 另外食左個蟹甲羅燒，入面有蟹膏,蟹肉,蟹籽加鵪鶉蛋，食落好鮮甜，一d 腥味都無👍🏻

尖沙咀金巴利道有間叫🎏漁道樂🎏見佢嘅裝修好日式風格同埋好多食材都係日本直送就揀咗佢黎慶祝生日佢依度有有浜燒活海產蟹甲羅燒店員會全程幫手烤所以唔怕自己會煮得太熟或太生蟹膏配上鵪鶉蛋👍🏻👍🏻👍🏻👍🏻蟹肉多.....蟹膏味夠濃超正😍另外叫咗個活貝盛合有手臂禁長的魷魚鮑魚...大粒元貝...生蠔以及蜆肉全程都係店員喺側邊幫我地燒等食😬😬😬😬點左三文魚刺身北海道甜刺身油甘魚刺身全部都好新鮮我真係好鍾意呢度嘅設計影相一流

一班朋友最好的落腳點，環境舒適，食物新鮮好味，最基本的海膽也不賴，前菜點了柚子海菜柚子味配合少少酸的爽口海菜是最好的開胃菜，之後又點了燒蟹羔，甘香美味，即燒即食，香味十足，雜錦天婦羅，亦脆口不油膩，壽司刺身新鮮，種類亦算多及特別，由於是慶生飯，所以有帶蛋糕，並略收切餅費。

朋友生日，因為壽星仔想食日本野，一班人去咗尖沙咀一間好有日本feel嘅餐廳食飯。餐廳內外都相當和風，走日本漁文風格，入邊亦都相當大，唔會話坐得好迫。活貝盛合呢個係燒嘅組合，有凡立貝、鮑魚、蠔、蜆、同埋魷魚。食材非常新鮮，食落甘甜，最後魷魚係會塗上醬汁，再切開奉上。好食之餘最緊要係有人幫你燒🤣吉列黑豚外脆內軟，唔會好似有時食到嗰啲炸得耐得滯然後乾晒咁，配合甜嘅醬汁一齊食非常不錯。牛油果軟殼蟹沙律牛油果同軟殼蟹嘅份量都有返咁上下，軟殼蟹保留脆脆口感，同啲蔬菜好夾。加州卷芝士青瓜加埋蟹柳嘅短襪，作為開胃小菜不俗。牡蠣和牛本人極之推薦，高級和牛放喺新鮮嘅熟蠔上面，第一次見咁嘅組合，兩種食材都係屬於重口味卻不會搶咗對方嘅味道，值得一讚。漁樂蟹鍋加烏冬蟹腳多肉而且鮮甜，經過烹調之後，所有食材嘅精華去晒啲湯度，最後食烏冬嘅時候可以享受鮮甜嘅湯汁。自家玉子燒壽司 / 蟹肉蟹膏壽司玉子燒好香蛋味蛋味入，鍾意食蛋嘅朋友可以一試，蟹肉蟹膏嘅蟹味非常濃郁，即係其中必試之選。燒牛舌燒得啱啱好，肉質爽口彈牙👍🏻👍🏻巨峰啤酒 / 白桃燒酎估唔到有幾好飲，甜甜地之餘亦留有少少酒嘅味道，個人幾鍾意呢種配搭，愛飲酒嘅朋友

同朋友係尖沙咀誤打誤撞入咗呢間日本餐廳，點知超有驚喜！店內係和風既裝修，好有風味~活貝盛合盛合有燒既帆立貝、蜆、魷魚、鮑魚同廣島蠔 ，海鮮好新鮮，大大粒帆立貝，每一樣都大大件，啖啖肉，又好鮮甜！吉列黑豚唔會話太厚粉，唔會炸得太乾身，外脆肉軟，入口唔會太油膩，加上醬汁，好好味！牛油果軟殼蟹沙律賣相唔錯，大大份又多肉，脆卜卜既軟殼蟹加埋牛油果同其他蔬菜食，一啲唔油膩，反而感覺好清新！牡蠣和牛推介！！本身見佢咁特別諗住試下就算，點知一試難忘！先將微微炙好既和牛放係牡蠣上面，加丄小小醬油，和牛既甘香，牡蠣既肥美，好夾！因人而異，有啲人會覺得好生，但我就好鐘意！自家玉子燒壽司玉子燒好香蛋既香味，夠厚，又嫩，加小小醬油提味，好味！燒牛舌燒得好香口，好香既牛味，嫩滑得又惹味！唔錯巨峰啤酒/白桃燒酌點少得飲品，推介呢兩款，好香果味，少少甜，又想飲酒，可以試下

又到happy friday，收工之後同同事一齊去食餐好嘅，又想食日本野，最後就搵到呢一間食浜燒既日本餐廳，食最愛嘅燒海鮮。餐廳真係好靚，裝修好有傳統日式風格，感覺好似入咗個居酒屋咁。首先嗌左《甲羅蟹》$136/2呢度嘅服務好好，有職員負責燒埋，完全唔使自己動手，unun腳燒好就食得😃👍🏻👍🏻《刺身》$368刺身好大件，夠晒厚切，每一款入口之後都好滿足，而且全部都好新鮮，冇雪藏味，高質👍🏻《漁道樂•活貝盛合》$388有帆立貝、生蠔、鮑魚、鮮魷魚、蜆。帆立貝同蜆都非常鮮甜，鮑魚又好大隻！最最滿意係魷魚，因為加咗醬汁燒，所以好惹味，因為新鮮，所以口感爽彈。《什錦天婦羅》$128估唔到連擺盤都禁用心，天婦羅種類夠多，不過可惜大部分係蔬菜類。炸得岩岩好，粉唔厚之餘好脆口，不錯。 呢度環境好，而且食物質素都不錯，聚餐好適合👍🏻

雖然天氣開始轉涼，但係我都係會想食日本野！日本野唔係淨係得刺身壽司既！去日本食過浜燒海鮮之後一直念念不忘，終於係尖沙咀搵到一間正餐廳，就係漁道樂！餐廳嘅裝修已經好有特色，門口掛住好多鯉魚旗，由外到內都好日本feel, 門口打卡都已經好正朋友仲介紹原來特定時間會有歌舞表演, 可惜我撞唔岩時間總共點左5款食物甲羅燒係浜燒海鮮必食既, 香濃蟹膏加入蟹肉, 蟹籽, 鵪鶉蛋一齊燒入口真係啖啖香濃蟹膏味, 如果配埋碗白飯就真係超正除左甲羅燒, 我地仲叫左個漁道樂活貝盛盒當中包括左鮑貝, 扇貝, 生蠔, 大蜆同埋原隻魷魚, 全部店員都會幫我地燒好我地坐定定等食就可以扇貝食到有少少清酒味, 比普通燒扇貝更鮮味生蠔燒完都唔會縮水, 非常肥味蜆肉全部都好飽滿, 唔會有沙, 洗得好乾淨最後既原隻燒魷魚加埋甜甜既醬汁, 燒到有少少脆口, 好好味雖然天氣凍左, 但食日本野又點可以冇壽司, 以我地叫左個特選壽司盛合有8款唔同既壽司, 上面既刺身鮮味高質燒玉子我都好鍾意食, 明太子同燒玉子呢個組合真係好鍾意咸香既明太子配埋甜甜地既玉子, 大家互補味道上既不足吉列黑豚肉用既係帶點點肥肉既豚肉所以食落有油香, 又唔會好

男朋友仔生日，知佢中意食日式料理，加上成日喺網上見到佢哋嘅宣傳，知道新開又有舞跳，成班朋友就諗住豪一豪，約咗佢嚟漁道樂！（原來星期五先有舞跳，冇計鬼叫生日冇得改期班男仔有啲失望，哈哈）門口裝修一流，由外到內滿滿日本風開始點餐，原來佢哋好多野食，有浜燒，有飛機魚刺身，有各種燒物⋯淨係點都點左我哋一段時間。登登登登，最後被選中佳麗為：（點咗太多，只列出其中比較特別的）1. 一口柚龍 限量2. 龍蝦刺身 3. 牡蠣和牛4. 金目鯛刺身日本招牌深海魚，男朋友全晚最愛5. 漁·七點刺身6. 樂·活貝盛合活貝真係活嘅，全部都郁㗎比起其他冰鮮嘅，完全兩個感覺。即場燒，仲幫我地調味，原來加咗酒同無加酒係好唔同嘅。食完好想飲酒，可識揸車冇辦法原來餐廳理念係日本人主理，整體用餐體驗非常好，俾90分！睇得出日本人嘅用心不過客人太多，侍應有啲應付唔黎，希望可以多啲人手不過依家咁嘅市道，明白嘅。辛苦咗一年，希望聖誕有機會再嚟食過同場加映，小妹最愛！前後叫咗兩份！7. 海膽蟹肉反卷

同朋友係尖沙咀漁道樂食晚餐，日本菜其實不外乎壽司，刺身，天婦羅，燒海鮮等等，好多人都好中意食，但搵間新鮮好味既呢間真係唔錯既選擇。燒蟹甲羅呢個真係好好味，用左蟹膏蟹肉，蟹子，蛋 ，攪勻再燒，燒到咁上下加上燒酒，超香超美味。燒帆立貝原隻帆立貝，加燒酒燒，新鮮，又甜，入唔啖啖肉，正刺身甜蝦，三文魚，拖羅，立魚刺身新鮮，夠厚，加上刺身醬油，吊出新鮮鮮味。海皇卷飯入面包左蛋，青瓜，上面有3款刺身，絕對唔單調，一啖放入唔，有3種唔感。牛油果軟殼蟹沙律牛油果本身健康，清啖，配搭濃味既炸軟殼蟹，好夾，再加埋沙律，好味又健康吉列黑豚黑豚肉好厚，咬落啖啖啖感，加上佢配既醬汁，同埋菜夾埋，唔會好濟，又爽口天婦羅即叫即炸，熱辣辣，加埋醬油，好好味2杯乳酸，青蘋果，巨蜂有果肉，唔會太甜 ，岩岩好