漁獲浜燒 (已結業)

自從食過浜燒既餐廳之後就愛上左，所以今次又同男友出動去食浜燒既餐廳，今次就黎到漁獲浜燒。餐廳好熱鬧，好似居酒屋咁！環境都好有日式風情～點左個沙律、刺身同埋浜燒盛盒就開始等食啦！細芝麻鹽醬椰菜$20前菜黎，椰菜新鮮，有d薯片係入面，食落甜甜地辣辣地，仲有d芝麻香！特製黑松露炙燒平目魚邊沙律$138平目魚邊類似左口魚邊咁，油脂好豐富，係我既最愛～加埋黑松露同沙律菜一齊食味道好夾！味噌蟹甲羅燒（陪多士）$78每次見到d餐廳有都一定會叫！蟹膏味濃，呢度加埋麵包糠落去燒，口感更豐富！秋刀魚刺身$298第一次食秋刀魚刺身，擺盤好靚。原來秋刀魚刺身係咁好食！一樣都係油脂重，食落好似食拖羅咁，加埋酸汁食可以中和翻d油脂。特上漁獲浜燒盛盒 （轉龍蝦，活帆立貝）$1248主角黎了，盛合我地加左錢轉龍蝦同埋活帆立貝。入面分別有：龍蝦、活帆立貝、松葉蟹腳、鮑魚、蠔。店員主張我地先食海鮮本身既原味，跟住先點唔同既醬食。帆立貝都做左兩食，分別係原味同牛油燒。所有食材都有新鮮，值得一提既係個龍蝦，幫我地做左兩食。首先有龍蝦刺身，口感爽口；燒龍蝦肉；最後再用蝦膏加龍蝦肉、加味增、麵包糠等做一個龍蝦甲羅燒！好正，加錢可

又去到銅鑼灣逸園中心搵野食，今次就揀左18樓既漁獲浜燒食海鮮。首先要左個幾特別既黑松露炙燒平目魚邊沙律。入面除左有普通既沙律菜同蕃茄仔之外，仲有我最愛既牛油果，當然唔少得主魚炙燒平目魚邊，平目魚邊超級嫩滑。而且用上好香既黑松露醬代替一般沙律醬汁，健康又好味。然後就要左5款sashimi，包括大蝦、三文魚、赤鯥、油甘魚同埋海膽。全部都十分新鮮，加上厚切口感更佳。特別要讚既係又肥味又鮮甜既海膽，少少腥味都無!之後就到主角2人前既漁獲浜燒盛合。入面材料好豐富，首先有珍寶大蝦、文蛤蜆、松葉蟹腳、帆立貝、同埋蠔。珍寶大蝦簡單加左鹽同黑胡椒，蝦肉夠彈牙，而且蝦頭燒得好香。文蛤蜆鮮味十足，就咁加少少清酒燒已經好正。松葉蟹腳更加連調味都唔洗，加上店員已經剪好哂d蟹殻，就咁已經食得，好方便。帆立貝超巨型，連裙邊都好爽口，配上味淋同醬油，好好味。最後有燒完都脹卜卜冇縮水既蠔。壓軸有磯燒必食既蟹甲羅燒。超級鮮甜既蟹膏加上味噌燒完勁香，放上烤到好脆既多士上面食真係一流。蟹膏份量十足，如果可以比多一片多士伴食就更加好。

刺身盛合六款 $618刺身盛合包括有三文魚、拖羅、赤貝、赤身、帆立貝及油甘魚。拖羅肥美，質地細嫩油滑；令人驚喜的是赤身，一口大小，肉質細膩有光澤，完全無筋。沖繩風沙律 $138沙律有苦瓜和海葡萄，這裡的海葡萄沒半點腥氣，咬在嘴裏散發出海水味的味道，口感爽脆口感，配上大量魚生，CP值極高！味噌蟹甲羅燒配多士 (一隻) $78蟹蓋上放了蟹膏、蟹肉及生鵪鶉蛋，即場燒烤，甘香幼滑，配上多士，個人覺得可以拌飯就更好！燒響螺 $328清酒燒響螺，口感爽口，清酒甘味滲入響螺，味道帶甜。燒北寄貝 $198肉質厚嫩彈牙，鮮甜無比。柚子雪葩 $58極愛柚子的我點了柚子雪葩作甜品，酸酸甜甜，柚子味香濃，現在想起也在流口水。

餐廳面積不算大，但裝橫充滿日本風格，恍似置身日本秋刀魚刺身 $228香港比較少見餐廳會有秋刀魚刺身，魚肉質感很有咬口，每片的大小一樣，仲排得好整齊。魚頭及魚骨仲會拎去炸，炸到脆卜卜好岩送酒烏龍茶Highball刺身盛合6款刺身有，三文魚、吞拿魚、中拖羅、油甘魚、赤貝、帶子。刺身非常鮮美，肉質油潤而軟滑。沖繩風沙律滿滿的魚生及菜，配上柚子汁，酸酸甜甜，非常開胃！味噌蟹甲羅燒蟹蓋上有滿滿蟹膏，加上麵包糠及蛋，放上燒板一起燒，煮熟配上多士一併吃海鮮部分有響螺，北寄貝和帆立貝全程由店員細心地幫忙燒製，所以全部都燒得剛好 ，絕不會過韌。帆立貝啖啖厚肉，肉質細緻嫩滑，一咬下軟軟綿綿。特別喜歡北寄貝，爽口彈牙不難咬，而且不用加任何醬汁，已經非常鮮甜。最後的甜品部份，有柚子雪芭及椰子雪糕，非常濃郁的果香，甜度適中，非常出色

同個朋友想食d高質日整野 黎左食間淨係叫左個海鮮set 有幾種海鮮既 有牡丹蝦 鮑魚 大蜆 池魚 蟹腳 同元貝 淨係睇依個海鮮盤我都流哂口水🤤🤤餐廳會問想點整d海鮮既 我就揀大部分都係刺身or蒸 先黎個刺身池魚 好好味 如果大條d就好了我就揀左冰鎮鮑魚 鮮甜到不得了大蜆又清甜仲要有少少清酒但唔會搶味蟹腳算多有爽甜元貝有就咁燒既 都有加左黑松露 惹味好多🤤🤤比得依個價錢食番依個質素既食物 我覺得就值既

每個月出糧日總會搵間高質餐廳食餐好, 今晚就來到近Sogo既澳門逸園中心樓上舖"漁獲浜燒"嘆返餐。呢座大廈每層食肆面積唔大, 不過之前食過幾間, 食物質素都唔錯, 可說是美食集中地~今次被安排坐吧檯, 可以欣賞到壽司師傅處理刺身、壽司技巧。原來餐廳今晚更是一年一度既品酒會, 一個價錢可以任意品嚐以下6款日本清酒, 可惜個人酒量很淺, 還是重點放於食物上。雖然餐廳面積雖少, 但款式多多, 價錢可能看起來比起一般連鎖集團既日本餐廳偏貴, 不過一分錢一分貨, 食過就知道物有所值!師傅介紹秋季時令刺身就係秋刀魚, 一年只有一段時間為當造, 難得遇上當然一試!【秋刀魚刺身】HK$298第一次食生既秋刀魚, 本身擔心會有腥臭味, 原條秋刀魚被師傅去骨, 將魚肉切成一小件一小件, 排得美美的上檯。秋刀魚味道甘香, 帶微微酸, 肉質唔會過林, 帶少少爽, 點上醬汁, 夾住香蔥同時食, 味道甘甜。之後將秋刀魚骨再炸, 曬上少少椒鹽, 脆得就連骨都可以食埋...正!【刺身盛盒(5款)】HK$428分別有牧丹蝦、吞拿魚、油甘魚、馬糞海膽、三文魚魚類刺身均為厚切, 牧丹蝦肥味鮮甜; 海膽入口即溶, 鮮甜不帶腥

還有幾個月才到年尾的日本旅行，上星期放工後馬上找了間在銅鑼灣的日本料理先望梅止渴一下。這次兩人點了個套餐"特上漁獲浜燒盛合"細芝麻鹽醬椰菜$20先來的是一碟小沙律配芝麻醬當開胃菜。味噌蟹甲羅燒配多士$70店員會親自在枱上燒，整個蟹蓋佈滿蟹膏，加上麵包糠和蛋，味道剛好吃到蟹膏的甜味又不會太膩，絕對是一大推薦。特製黑松露炙燒平目魚邊沙律$138一大碟的沙律菜加上平目魚邊。平目魚邊入口即溶，滲出的魚油伴沙律帶出淡淡香味。秋刀刺身$298平常吃的都是燒秋刀魚，這次秋刀刺身非常驚喜。沒想到秋刀刺身非常甘甜，入口清爽帶油香。龍蝦浜燒盛合 $1248店員推介一蝦二食，做刺身前更端上整隻新鮮龍蝦給我們過目。先試是龍蝦刺身，不點醬油已經非常鮮味爽口。浜燒還有蟹腳，鮑魚，帆立貝，每款都非常鮮甜。帆立貝更有清酒及牛油兩種吃法，各有特色。柚子雪葩$58，椰子雪糕$58最好還有甜品，柚子及椰子應該都用了真實材料，味道很濃郁。雖然價錢並唔係十分平，但係一分錢一分貨食材新鮮足料，味道好，服務員用心服務，每樣食材都同我地介紹做法，食法等等。今次既浜燒可以話係大滿足啊！

細芝麻鹽醬椰菜 $20依度個前菜係set 好咗會上，如果唔要嘅話可以同服務員講聲，雖然有少少似茶芥啲friend，不過都幾ok嘅，當開胃菜合格。香煎蒜片厚切牛舌 $98牛舌超香，厚度有返咁上下，又唔會太韌，好難咬，啱啱牙力唔好嘅我。另外蒜味入哂落牛度，好excellent！味增蟹甲羅燒 $78甲羅燒直頭係今晚既高潮所在，蟹既鮮味喺哂個殻度，再加埋蟹肉，味增，配埋麵包，2個字，完美！活貝浜燒盛合 $798黎依度梗要食浜燒🤤，有蟹腳，鮑魚，帆立貝，大蝦，全程都係店員係旁邊燒好，再剪好，放喺碟入面，真係好殘廢餐，不過係爽嘅🙈。蟹腳唔乾，仲有鮮甜味，蟹肉一絲絲🤤，用筷子一夾就食得。帆立貝可以揀用清酒定牛油整，想食原汁原味嘅朋友梗係要揀清酒，帆立貝彈牙新鮮，用清酒煮完更有種甜味🤤💕。鮑魚爽口彈牙，GOODD!椰子雪糕🥥 $58雪糕不得了，簡直perfect end！首先，個外形好得，係椰子。再食一啖，好！係椰子，椰味好重，好香，連我唔迷椰子嘅人都俾佢迷倒😭，好好食，encore 之選！

同朋友都好鐘意食海鮮特別係日式既之前都係澳門逸園食過其他餐廳見到呢間係浜燒既一於試下浜燒即係海鮮即捕即燒咁解地方唔算太大 好有日式居酒屋感覺餐牌好多選擇先叫左個特製黑松露炙燒平目魚邊沙律平目魚邊又嫩又滑配埋黑松露食落好開胃刺身盛合五款有牡丹蝦 赤鯥魚 油甘魚 三文魚 馬糞海膽每一款都好新鮮 赤鯥魚係由北海道黎 肉質更是鮮甜無比馬糞海膽好鮮甜 好濃味味噌蟹甲羅燒蟹殼上放入蟹膏 蟹籽 味噌燒熱後再加上鵪鶉蛋味道濃郁配上多士將味道中和番跟住重點來了叫左特上漁獲浜燒盛合有珍寶大蝦 松葉蟹腳 蠔 帆立貝 文蛤蜆店員會即場係我地面前燒文蛤蜆燒完仲好juicy松葉蟹腳啖啖肉 好鮮甜蠔 好大隻 好厚身珍寶蝦燒得好入味帆立貝 我地揀左牛油煮法 味會濃啲好滿足一餐 好新鮮既食材好正宗既煮法

好友生日飯，緊係要食餐好嘅！選址銅鑼灣嘅漁獲浜燒，因為上次食完覺得食物質素好，店員都好nice~咁高興嘅時刻係必須叫枝呢度獨有嘅「刻丿宵」，25度嘅燒灼，雖然度數高但加冰飲，都好易入口，清清地，朋友們好快面仔就發紅了點了雞泡魚乾來佐酒，我覺得比銀鱈魚乾還要香呢，沾沙律醬食，好食到我想成碟自己食晒先上沖繩風沙律，這款沙律除有沖繩最出名嘅苦瓜同海葡萄之外，仲有大量魚生，例如三文魚、左口魚、油甘魚..仲有拖羅，好抵食主菜黎喇，必點赤鯥刺身，約重500克嘅赤鯥魚，肉質鮮美、爽脆，皮層經火槍燒過再入冰，皮脂魚油都迫出，入口多一份焦香甘甜。配以酸汁，減少膩感，令味道提升。食後魚骨可選炸或煲湯，我們選了炸..好香，超多魚油呢！四個人食埋叫份二人餐升級版就岩岩好，二人餐有石蠔、活鮑魚、松葉蟹腳、虎蝦及活帆立貝，店長跟番我地食嘅節奏黎逐樣燒，做姮己真係好特別要講個鮑魚及帆立貝都好好食，鮑魚燒得岩岩好，熟而軟嫩，只沾極少胡椒柚子醬就食得，唔加都已重海水味！ 帆立貝分為兩款做法，清酒煮及牛油煮，兩煮各有千秋。先燒至離殻再入廚房清潔好再煮，清酒加木魚汁煮，味道清甜 ; 牛油煮是用自家特製香草洋蔥牛油，效果特別

又有一段時間冇來呢一間野，心裏面久不久都會心思思想再返嚟食嘢，呢度真係一間慶祝生日嘅好去處，適逢近日生日，好朋友知道我嘅心意，就帶我嚟呢度請我食一餐勁嘅！坐到窗口位，仲有落地玻璃，可以睇到晒出面嘅景色先食個前菜：上邊有少少薯片，下邊係爽脆嘅椰菜！「生日姐，唔使咁鋪張嘅！食吓九大簋咪算囉...」兩個好朋友笑聲之中渡過愉快嘅晚上……九大簋又唔洗，來個海鮮浜燒盛合！特上漁獲浜燒盛合 （二人盛）本身包括：珍寶大蝦、松葉蟹腳、鮑魚 、蠔、帆立貝但由於朋友太過重視在下的生日，所以願意加錢升級呢個海鮮盛+$100 冰鮮 轉 新鮮帆立貝+$240 大蝦轉波士頓龍蝦本身我哋兩個都想叫個刺身盛，但係當店員向我哋介紹，當日新鮮運到有赤鯥 ！做刺身原條上 ！我哋當然躍躍欲試！陣容好鼎盛啊！配酸汁（可以加蘿蔔蓉，碎蔥同埋薑蓉）日本人果然係最識食刺身，豉油再加Wasabi已經食到悶 啦！酸汁酸酸地，味道幾開胃，食肥美嘅刺身真係最配！加少少辣的蘿蔔蓉，更加刺激。非常之鍾意！食剩嘅魚頭同埋魚骨拎去煲湯，每人加$28唔單止冇浪費材料，煮出來嘅味道仲比想像中濃郁好多！本來諗住飲少少，費事一陣間食唔到野，但係一啖有一啖咁樣

近年新興代燒，有專人在炉子旁边伺候，即烤即食，風味十足，人客自己動手燒烤隨時失手，把好的食材平白無辜的糟蹋掉，燒肉店確保声誉，此招可謂良策！最近肉吃多了，找間燒海鲜的店祭胃，此店海鲜種類不多，門前見貝殼類養在水糟内，所以点了新鲜的扇贝和北寄贝，貝類新鲜又有專人代燒吃的感觉良好，唯可惜新鲜海產食材選擇不多，其他都是急凍，珍宝大海蝦夠是夠大了，但吃下來沒有什么可以满足味蕾的感觉，全店子座位設計頗陜窄加上空气也不流通，3人整晚消费2千多，叫做合理，但不是享受舒适的晚餐，速食速散。

其實呢坐吧檯真係 要同埋個爐一齊坐因為土地問題有個哥哥企喺度燒嘢畀啲人食所以預早訂位都不失為一個談心事嘅好地方刺身都幾新鮮但係人哋係做燒嘢㗎嘛梗係要食啲先算入鄉隨俗燒元貝真係好大粒又新鮮燒得啱啱好夠鮮甜佢個燒明太子真係好好食 燒得啱啱好 送酒最啱雖然我哋唔係叫咗好多嘢食但係都好似好飽咁樣其實如果唔係單叫叫套餐嘅話係抵食好多個套餐真係好多海鮮長腳蟹 鮑魚元貝仲要拆埋 切細埋畀你食懶人最啱可惜我啲朋友鍾意自己郁手燒service ok ga

我覺得一食就會覺得原來香港是有好食的日本料理 食材係好既 夠新鮮而價錢到位 雖然唔係人人都食得起 但要真正食好野 而我一向都對食有要求就真係無乜所謂 可能因為唔等錢洗啦 哈哈 當然這餐廳除左燒海鮮同刺身要試之外 其實還有沙津也相當有水準 個人建議入得此餐廳就咪覺得貴 要食得平又正errrr 真係諗唔到sor

又一次同姐姐兩個人去食漁獲浜燒每次去食都令人感到期待，啲海鮮真係好新鮮，而且真係好好食。上次食都無留意到，原來佢地將客人叫過嘅酒嘅包裝紙都貼左係到，造左一幅特色牆出泥，幾有創意。細芝麻鹽醬椰菜 $20椰菜清新，芝麻鹽醬鹹鹹地，加上薄脆幾開胃。特製黑松露炙燒平目魚邊沙律 $138黑松露好香濃，平目魚邊肉質鮮嫩入口即溶，新鮮蔬菜配上沙律醬汁，非常開胃刺身盛合(六款) $618由左起，有三文魚、呑拿魚、赤貝、拖羅、帆立貝同油甘魚。油甘魚: 好林，而且好有魚油香，好肥美帆立貝: 好鮮甜三文魚: 好肥美赤貝: 爽口彈牙呑拿魚: 味道好濃，唔需要落醬油拖羅: 肥美，好重魚油香最欣賞佢地嘅油甘魚、赤貝同拖羅刺身伍魚一夜干(馬友) $198食落魚肉係一絲絲，而且魚皮好脆，好保暖魚肉仲係熱，醬汁酸甜增添食慾。浜燒盛合 $1038松葉蟹腳嘅蟹味非常濃郁，任何醬汁都唔需要，仲好厚肉。西班牙石蠔燒到岩岩熟，咬落仲有蠔汁出泥，好新鮮。南非鮑魚size都幾大，口感彈牙有咬口。波士頓龍蝦嘅蝦鉗，超級大隻，食落啖啖肉，仲有肉汁好鮮甜。加左$100轉兩隻活帆立貝，大大隻，見到好厚肉，可以揀清酒燒或者牛油燒，我地兩個都揀