漁正居酒屋 (已結業)

黎到好似飛左轉日本咁，食物高質，環境舒適，酒類飲品仲買一送一添！一定會再回頭幫襯！蟹籽沙律首先前菜點左樣比較清新嘅蟹籽沙律，青瓜絲同蟹籽份量剛好，沙律醬唔會太多，好fresh。七味燒魚翅燒魚乾有淡淡魚肉味道，加上帶少少咸香味，好適合做佐酒小菜！炸日本白蝦仔第一次食好有驚喜，白蝦仔中形size，蝦頭蝦殼炸到脆卜卜好香口，食到停唔到口，又係一道滿分嘅佐酒小食！三文魚刺身、甜蝦刺身、北海道鮮帆立貝刺身刺身好新鮮，食到三文魚嘅油香好肥美，甜蝦同帆立貝都好鮮甜，加少少檸檬汁鮮味更加突出！加州卷好喜歡加左沙律醬，外層有滿滿嘅蟹籽，內面係玉子、蟹柳、青瓜等等，口感豐富。苦瓜炒豚肉呢個菜式第一次係居酒屋食，有家的味道嘅感覺，苦瓜薄片爽脆，苦味比較淡，如果平時唔食苦瓜都可以食得到，加左滑蛋入去炒，滑蛋亦都令到成個菜式更加柔和，唔錯。燒雞皮餃子串燒當中燒雞皮餃子最特別，juicy嘅雞皮做餃子皮，脆皮同時爽口，好考師傅手勢！露筍豚肉卷串(1串）居酒屋好經典嘅菜式，薄薄嘅豚肉帶點油脂，包住嘅露筍好清甜帶點水分，燒到恰到好處。柚子鹽燒白鱔(1串）黎居酒屋一定必點燒白鱔，魚肉嫩口好鮮甜，腩位油脂分佈平均，魚皮爽脆

夜晚突然想食下日本野🇯🇵，又出開佐敦就揀左間朋友介紹有間好好食的居酒屋🏮，呢間居酒屋既裝修環境，可以比你覺得自己置身於日本🇯🇵去得居酒屋🏮就緊係要叫唔同既小食啦！當晚店員話生蠔🦪好靚，就聽佢講叫左2隻室津蠔，果然冇叫錯，隻蠔真係好新鮮又鮮甜多汁，非常之juice 🤤🤤🤤刺身方面，店員推介左日本縞鰺池魚薄切🍣，刺身夠哂鮮味再加上店員秘製醬汁，簡直絕配，誠意推介😋串燒！點可以少左佢地，我地叫左 5款串燒，包括有味燒羊肉串🐏，大蔥雞枊🐓，燒豬頸肉🐖，同佢地新出品既紫蘇豚肉棒，芫茜豚肉棒。/係未上串燒前都又叫左兩款小食，燒鱈魚乾🐟同炸墨魚咀🦑。燒鱈魚乾燒出來金黃香脆，點埋佢比既醬汁食十分開胃。炸墨魚咀非常香口彈牙惹味，用來做下酒菜一流！當我哋就食完兩樣小食時，串燒終於上場🤤 先講燒羊肉🐏串，絕對適合鍾意食羊羶味既人；大蔥雞柳🐓，蔥味香口，雞味濃；燒豬頸肉🐖，一字形容「正」👍🏻👍🏻👍🏻 因為火喉適中，十分爽口；最後仲有兩串新出品既豚肉串燒就誠意推介✨✨，佢用左腸衣包滿豚肉放埋紫蘇葉或芫荽一齊燒，出來效果juice到爆汁，店員仲俾咗蛋黃汁來點，點完出來入口會更加creamy，juice 到滴晒出來

喺佐敦搵到間地理位置好方便嘅居酒屋😍 食物都幾正😋梗係要推薦啦😋😋😋日本蕃茄蕃茄加咗芝麻及胡麻醬✨ 食落清甜爽口，十分開胃😋田樂豆腐加咗田樂味噌調味嘅豆腐，表面焦香，香脆，入面軟滑✨充滿豆香💕沖繩苦瓜炒豚肉佈滿柴魚片好鮮🤩苦瓜一啲都唔苦，口感爽口✨搭配蛋香及豚肉，食落反而感到鮮甜😋 魴弗魚經店員推介，揀咗魴弗魚😊擺盤真係好靚，刺身嘅擺法好似魚鱗咁🐟粉紅及白漸變嘅顏色，十分誘人肉質清甜口感軟滑紮實✨ 搭配酸汁更能突出魚嘅鮮味🤩 食完之後會制佢魚湯，趁熱飲超鮮甜🤩 白色嘅濃郁魚湯，令人一試難忘🤩沃川黑醬油拉麵清香嘅黑醬油，叉燒好腍，豬皮部份有少少煙靭🤩真係富有口感💕食咗咁多美食，再食碗暖呼呼嘅拉麵，真係好滿足😋雞皮餃子雞皮炸到超級脆‼️ 以雞皮作餃子皮包裹豬肉，特別得嚟又富有口感😋咬落充滿油香好juicy 💕燒芝士年糕皮薄+滿滿的年糕，香濃嘅芝士味，微焦嘅外皮，咬落軟淋淋，暖笠笠嘅感覺😌

漁正居酒屋 - 佐敦地址易搵, 裝修幾正宗, 影相打卡好地方..室津蠔; 頭盤-生蠔一望就知隻蠔飽滿, 加上檸檬汁, 好甜味! 唔係流野, 只得鮮味絕無臭味!!!佐酒小食唔少得唐揚小池魚; 炸得好香脆可口, 而炸墨魚咀都十分有口感!一口小食, 一啖啤酒, 真係滿足!!三色飯; 三色意思係海膽, 蟹膏, 帶子。全部都係非常新鮮既食材, 亦十分優質, 帶子極鮮甜 (絕對無誇張)柚子汁牛舌沙律; 牛舌薄切好考功夫@@! 配搭埋沙律清清地,新鮮菜可以去除食肉既油膩感! 田樂豆腐; 好出色既炸豆腐, 面頭加入自家製既豆瓣醬, 外脆內滑.. 而且價錢仲十分抵!

平日放假去佐敦覓食 地鐵站c2出口一上黎就比漁正嘅裝修同食物吸引住😍呢日安排左我地坐bar枱～抬頭就見到好多酒🙈另外仲可以叫黑啤😝飲住傾計感覺不錯Menu好多種類選擇 有刺身 鍋物 小食 串燒 飯麵等等😋當然要試新品啦！第一次食😍食魚生最怕腥味 但完全唔會！肉質軟滑沒有骨刺 入口魚油甘香細膩 夾埋蔥同薑食更加突出到鮮味！店員介紹石垣貝一年只有8月9月當造 於是我地就一試究竟！冇介紹錯 石垣貝好爽口 非常鮮甜肥美 不需要添加任何醬汁已經好好食😋燒到脆口同時又唔會乾👍🏻甜甜地 份量都唔少大蔥雞柳 豬頸肉 羊肉串 各有特色串燒火喉剛剛好 而且好入味👍🏻豬頸肉帶少許焦香味 羊肉唔會騷但羊肉味好重 串燒肉質都好腍 唔會難咬紫蘇豚肉棒同芫荽豚肉棒都會跟一隻蛋黃 稍將蛋黃攪拌就可點串燒食 令串燒更加滑👍🏻豚肉嘅焦香同荔枝嘅甜味好夾！荔枝亦不酸不澀 添加不少分數😋欣賞漁正嘅做法 如客人叫一份拉麵share食 餐廳會主動將一碗麵分成兩碗上 十分貼心細心👍🏻湯底味道濃郁 咸中帶微甜 共四大塊豚肉 配菜方面仲有芽菜同昆布 十分入味值得一提 全程都感受得到店員嘅熱情同誠意仲好注重同客人之間嘅交流👍🏻走時所有員

星期日帶姑姐食好西❤️姑姐想食魚生同日本野，我就搵左呢間位置係佐敦嘅居酒屋啦🏮柚子汁牛脷沙律🥗新鮮嘅沙律菜配柚子汁，酸酸甜甜咁呢個前菜好開胃呀！薄切嘅牛脷有好多塊，肉質好嫩滑燒雪魚乾燒到脆卜卜嘅雪魚乾又幾好食喎！送酒真係一流呀！日本蕃茄配芝麻汁鮮甜又多汁嘅日本蕃茄，夠晒fresh🍅唐揚小池魚薄薄嘅粉漿包住小池魚，每一啖都好酥脆！室津蠔日本直送嘅室津蠔超級肥美，特製檸檬醬汁同呢隻蠔味道超夾！油甘魚刺身厚切嘅油甘魚非常新鮮，啖啖肉！值得一讚師傅刀工非常好！甜蝦刺身呢度嘅甜蝦係我近期食過最鮮甜嘅😍北海道鮮帆立貝刺身口感滑身嘅帆立貝夠哂鮮甜😋沖繩苦瓜炒豚肉沖繩苦瓜比正常嘅苦瓜甘甜易入口，連埋啲炒滑蛋一齊食好正架！薄切嘅豚肉五花腩夠晒爽口😇照燒雞扒甜甜地嘅照燒汁配上嫩滑嘅雞扒，我超鍾意食呀！稻庭烏冬爽口彈牙又煙韌嘅稻庭烏冬，朔哂鰹魚湯嘅精華，正呀！順帶一提，多款sake, 啤酒，汽水等等做緊買一送一🥳🥳🎉漁正居酒屋 (佐敦)佐敦庇利金街42號金陵大廈地舖

早幾日收工就去咗佐敦，試咗呢間「漁正居酒屋」，超方便地鐵站一出唔洗一分鐘就到。裝修格局同日本嘅居酒屋一樣，食物質數同環境真係唔錯。首先先黎個前菜開開胃日本蕃茄$48日本枝豆$38瀨戶內海石蠔$18/隻生蠔做緊優惠$18/隻，中size 唔會太瘦冇口感，夠哂鮮甜，呢個價錢黎講，真係抵食。店長精選刺身拼盤(特上)$598甜蝦，大拖羅，油柑魚，帶子，八爪魚，海膽，三文魚籽，象拔蚌大拖羅同象拔蚌超正好新鮮，另外佢仲俾埋紫菜，可以包住海膽同三文魚籽咁食😋燒雞皮餃子$58大蔥雞柳$28荔枝豚肉卷$28牛舌$35稻庭烏冬$68必食， 燒雞皮餃子，香脆雞皮包住餃子餡，一口咬落去完全唔覺得油膩最後食埋稻庭烏冬，店員好好問我地要唔要分開上，放便我地一人一碗整體上食物質數唔錯

柚子汁牛脷沙律好鍾意呢個沙律，牛脷厚薄適中，配上柚子汁酸酸甜甜咁，好開胃。汁燒鳳爪 & 鳥二寸店員話係鋪頭新出品，鳳爪一串有四粒，鳥二寸係雞脚對上個位，上面放左湯粒，慢慢溶化入串燒度，好惹味，兩個串燒都好香脆。雖然唔係啖啖肉，但用嚟送酒幾好。店長刺身拼盤（特上）刺身份量唔多，但兩個人食岩岩好，有海膽、帶子、吞拿魚同牡丹蝦等等，刺身夠新鮮，仲比埋紫菜我地包刺身食。燒豬頸肉 & 大蔥雞柳燒得幾香口惹味，大蔥亦係我最愛！黑醬油拉麵中規中矩，拉麵都幾彈牙。待應好細心甘幫我地分做兩碗share，服務唔錯！

裝修有日本居酒屋的感覺而且有好多裝飾當然呢度酒不能少，飲杯開心一下蟹子沙律夠清新，而且爽脆的青瓜入口爽甜我同朋友最鍾意呢個室津生蠔($36/1)呢個價錢絕對有驚喜，而且真係好吸引鮮甜又creamy濃郁，而且大大隻日本縞鰺池魚薄切刀功一流，切片透薄搭配的酸汁更加有鮮甜味食完刺身串燒都不能少豚肉卷串同骨付豬肉腸都好正，食落好滋味表皮燒得格外香脆，但肉質幾嫩苦瓜炒豚肉，豚肉份量都好足，食落好滿足牛舌串燒夠嫩滑爽脆，有卜卜脆的感覺最後主食要一個稻庭烏冬清淡滋味，又更加飽肚，昆布清湯唔會太鹹

今晚收工同好朋友去咗佐敦庇利金街「漁正居酒屋」，嘆返個日式晚餐🇯🇵店內裝修以木系為主，日本氣氛濃厚，設有卡座，環境寬敞舒適柚子汁牛脷沙律沙律菜新鮮爽脆又碧綠，配上肥美牛脷及和風日式柚子汁，清新開胃左口魚邊壽司火炙燒左口魚邊，魚油出晒嚟，充滿魚鮮味八爪魚壽司口感彈牙的八爪魚，鮮味十足玉子壽司餐廳自家製玉子蛋，口感嫩滑，滿有蛋香燒鰻魚壽司厚切的燒鰻魚，入口軟腍，邪惡又肥美，好好食田樂豆腐一口炸日本豆腐，表面塗上薄薄的一層味噌醬，鹹香滋味，別具風味煎豬肉菜餃子一客有六隻餃子，皮薄餡靚，充滿肉汁及鮮菜豬肉香燒豬頸肉切成方粒狀的豬頸肉，半肥瘦，入口彈牙有嚼勁，豬肉味好香濃呢雞翼串燒到金黃香脆的雞中翼，皮脆肉嫩，鮮雞味濃，好味道呀荔枝豚肉卷串肥瘦相間的五花豚肉，卷住荔枝一齊燒，清甜多汁，好高質汁燒鳳爪日本菜比較少見的鳳爪，加咗日式醬汁一齊燒，滿有咬口

每次必點酒盜芝士暫時只知呢度有得食，鹹香嘅醃漬魷魚配芝士好好味。室津蠔算幾大隻，好新鮮，但可惜每隻都食到有蠔殼碎😩。柚子汁牛舌沙律好精緻，牛舌肉質好嫩滑。炸墨魚咀脆脆嘅外層有少少椒鹽，香口又美味。跟雞泡魚干同白飯魚干佐酒一流，白飯魚干勁脆，不過好熱氣。鴨心串唔會燒到好硬，有𡁻頭。

呢日想帶左屋企人去食餐好既，就去左呢間我至愛既居酒屋食dinner，餐廳既環境好舒適。我地點左好多野食，刺身方面，點左4件室津蠔，肥美飽滿又鮮甜。另外仲有帶子、三文魚同埋甜蝦，同樣新鮮。熟食方面，苦瓜炒豚肉好健康，而且苦瓜食落去完全唔苦。另外仲有清酒煮蜆，蜆肉大大隻，湯汁好清甜。稻庭烏冬雖然係一道好簡單既菜式，但都可以感受到廚師既用心，彈牙既烏冬加上菜、幾款菇、海苔等，係溫暖又幸福既感覺。燒物方面，高度推介荔枝燒豚肉卷串，豚肉包住荔枝，好夾。燒豬頸肉好惹味。香脆既燒雞翼。最後仲有呢個燒雞泡魚。

漁正居酒屋幾有日本特色，黃黃既燈光配上牆壁上既日本化貼紙，份外有風味！龍蝦沙律，幾開胃既小食！仍然食出龍蝦肉既質感，味道幾鮮甜吸引。之後叫左幾款時令刺身！賣相擺盤靚靚，帆立貝刺身大大粒切得幾厚身，質感綿滑得黎好鮮甜，好新鮮既感覺！油甘魚刺身色澤帶明亮感，鮮味都非常突出，肥美飽滿。另外叫再d串燒，全部即叫即燒，真係好有 heart, 又燒得好食。燒馬友一夜干，最新推出， 經過醃製之後，咸鮮感好正，再配上酸汁，層次感好好，另外燒到外層香脆有質感！肉質又結實，幾正。燒蝦既外層包住薄薄既雞皮，質感幾得意！味道蒜香味幾濃又好惹味。荔枝豚肉卷串，咸鮮既豬肉包住甜甜既荔枝，味道幾衝擊！燒得幾好金金黃黃好搶眼。

今日放工同朋友去咗佐敦，試吓呢間充滿日本風情嘅 ［ 漁正居酒屋 ］，裝修格局猶如置身於日本咁就咁一樣，另外佢哋嘅食材都係大部份日本直送，而且地理位置好方便，佐敦站出口1分鐘就到👍🏻🐠▪️店長刺身拼盤 刺身拼盤有八款，三文魚，赤身，油甘魚，八爪魚，左口魚邊，帆立貝，池魚，味道新鮮，質素頗高，而且件件厚切，幾抵食👍🏻👍🏻🦞▪️龍蝦沙律 龍蝦沙律好有咬口，食到粒粒龍蝦肉，配上自家製的沙律醬汁，開胃又好味的頭盤🦪▪️室津蠔 做緊買一送一優惠好抵食，生蠔新鮮飽滿，味道濃郁，配上酸汁，更加鮮味🫔▪️田樂豆腐 豆腐燒到熱辣辣，外皮超脆，內裏超級香滑，面頭醬汁味道有點似麵豉醬，鹹鹹香香，好好食🐷▪️苦瓜炒豚肉好少地方有得食呢個沖繩名物，苦瓜爽脆，味道甘香，豚肉半肥瘦，油脂滿瀉，配上炒滑蛋，加埋木魚絲，清清地味道唔錯🐔▪️雞翼串必食推介，用上新鮮雞翼做串燒，雞皮燒得好香脆，濃香嘅雞味，肉質鮮嫩，只係加咗少少鹽調味，新鮮好味，比起雪藏雞翼真係爭好遠，另外店舖有提及佢哋所有雞嘅串燒都係用新鮮雞不同部位去整，好花時間心機，但係好食好多👍🏻🐤▪️大蔥雞柳 雞柳啖啖肉，肉質出奇地嫩滑，雞味濃香，配上爽脆既大蔥，好香口🐽▪️荔枝豚

♡ 抵食日本料理 ～✨ 🏮 漁正居酒屋 ♡-太耐無飛日本🇯🇵✈️真係好掛住日本既居酒屋 💓今日終於黎到佐敦既呢間超抵食居酒屋🤩裝修以木系為主～一入到去已經好似返左日本鄉下咁🤣呢間居酒屋食物種類都算多- ♡ 瀨戶內海石蠔 ♡ $18/1隻蠔🦪既Size 中等勝在夠哂新鮮 夠哂鮮甜仲好Creamy ～ 以$18 質素黎講 簡直好高CP🤩我地總共Encore左兩次 因為真係好抵食🤣-♡ 蒲燒鰻魚飯 ♡ $98一黎到已經覺得好大個飯～ 比起日本連鎖既鰻魚飯店仲大有大半條鰻魚🐟 超級抵食鰻魚燒得好香 好好味 😋不過汁可以再多少少 就更加完美💓-♡ 稻庭烏冬（熱）♡ $68烏冬好好食😋 加上好多蔬菜🥬好健康😝-♡ 自家製厚燒玉子 ♡ $58 玉子好厚身～而且外觀唔錯好有家鄉味道🤣-♡ 燒鮮雞全翼 ♡ $25 由於即叫即燒關係～ 等既時間會有少少耐建議一坐底就落定串燒既單先～ 雞翼燒到金黃色 味道唔錯👍-❥ 呢間居酒屋可以一解大家思鄉之愁🥹食材都好新鮮 性價比高 👍而家飲品仲買一送一 真係好抵呀🤣# ⇢店鋪資料：漁正居酒屋 (佐敦)佐敦庇利金街42號金陵大廈地舖#漁正居酒屋