漁樂 (黃大仙中心南館)

營業中

休息中

今日去咗黃大仙廣場，試食星、泰、越嘅漁樂。佢哋人手一定非常之短缺啦，我1230入坐，到1240都未有人執枱，我叫咗三位不同侍應，她們都係話好快就嚟啦😥先點菜，泰式金不換炒金邊粉，越南魚頭片扎肉湯河，朋友本來推介炒菜，話幾好味，但怕辣，所以最後冇叫到，希望食物有水準啦。河粉不過不失，冇乜特別，而魚頭辣片未有預期咁香口，整體還可以啦。至於炒金邊粉，就炒得幾香，味道帶有少少甜，少少酸，有趣嘅係我發現佢將辣椒碎放喺金邊粉嘅左邊，有小執白砂糖放喺金邊粉右邊，唔知係咪要自己撈勻佢哩辣椒粉，要撈勻唔出奇，可能是乎你喜歡嘅辣度，但係白砂糖究竟要撈勻定係佢跌咗一執落去呢🤔我都唔敢肯定🙄 蝦亦都I爽口，整體嘅配搭幾好，幾開胃，而且份量好足，可以再叫。餐廳設計雖然唔能夠分清楚究竟屬於星、泰、越邊個式，但整體都算可以啦，平均每人50幾蚊，間中去食飯都無妨。

食過沙田禾輋個間漁樂，午餐好抵食，地方又好坐，知佢質素好，今晚經過黃大仙知道有分店，唔使諗一定食佢。😋 叫左個牛丸肉丸越式湯河（掛住食無影相🙈）。個牛骨湯好鮮，肉丸又夠味，睇得出佢用心係，配菜既芽菜係又短有漲卜卜既品種，同係馬來西亞食既芽菜雞河粉既芽菜係一樣品種，唔係香港街市常見奀支支個種芽菜，連芽菜都有揀過證明好用心 仲有，要係度讚下個後生仔侍應，星期日晚市好full，佢一個人睇晒大半個場差不多20張枱，其他都係傳菜姐姐。我見佢做到無停手，依然好有禮貌，有d客等得耐態度麻麻，佢都好認真有禮咁幫人落單跟單，我見佢不停同客人講「唔好意思」「多謝」「麻煩等等，我開埋個位再黎幫你」。咁忙都咁好態度又快手既好員工係邊度搵？

   黃大仙中心翻新之後，多左好多食肆，每間都有下午茶提供，所以要試的話，都真是要食好多次先試得曬。可能因為市場競爭激烈，每間的下午茶套餐都可以KEEP在$40以下，今次食既都係$40有找的，包熱飲一杯的套餐。   這是主打東南亞食品的餐廳，所以都有做泰式越式的食物，今次早早食個晚餐，就點左扎肉湯河試下。配菜都好多，而且有片青檸，所以個湯底都好香，不過就都係咸左DD。   湯河粉既份量唔係好多，印象中午餐的量好似多D，所以收得平的時候個量又會減D吧，扎肉有四片，所以食完碗粉，都唔算好飽，我覺得似乎是一個輕量既下午茶。飲埋杯熱飲，都好飽足。當日所見，下午茶時間都幾多人食，附近幾枱都坐滿左人，大家食既食物都幾唔同下，不過我一心想食湯粉，所以都冇留意到其他。見到旁邊既人食炸雞，又有咖哩飯，好似都幾好咁，或者下次可以再食。

呢間餐廳每逢放假基本上都會幫襯主要係價錢得宜之外又可以食到星馬泰既食物好欣賞佢呢度的凍飲係大大杯啱哂我呢啲中意飲野多過食野既人另外推介之一係辣肉碎炒金邊粉辣得黎非常甘香，中意食辣的朋友一定要試

因為住係黃大仙附近 經常會去黃大仙 呢間餐廳倒是第一次去餐單上都好多選擇 東南亞野食都有 包括泰國🇹🇭 越南🇻🇳馬來西亞🇲🇾 等等等等我叫左一碗冬陰公香茅豬扒金邊粉 （around HKD60) 睇樣都尚算吸引 食落真係出事 完全無冬陰公味 只係酸味 可以用難食去形容 唯一可取之處係豬扒好食 同埋份量夠我太太叫左碗生牛肉河 （無影到相） 正常水準 接下來叫左個牛油雞翼拼春卷 （食左一隻雞翼先影相）牛油雞翼無牛油味 只得蒜蓉味 春卷無特別全餐飯我認為係小伏 因為碗冬陰公金邊粉實在太難食

今天經過黃大仙中心一帶，想在附近吃過有特色的下午茶，發現這間餐廳。一看餐牌，就被裡面的食物吸引著了。餐廳的裝修有西部牛仔小鎮的風格在內，別具特色。我點了餐牌上必食推介的冬蔭公豬頸肉炒烏冬，最主要原因是其他必食推介的食物都能在大XX等連鎖快餐店找到類似的，想叫一些特別的。 以下午茶份量來說都適中，但是我略嫌小碗。食物味道是濃厚的，但我認為油分太多，希望這點可改善。 豬頸肉，烏冬十很小辣但十分惹味。 但是我認為烏冬的口感可改善。下午茶餐廳並不多人，容易有位。 整體而言，餐廳質素和性價比都不錯，喜歡東南亞菜的朋友可以一試。

今日又唔知食咩好,想食越南野,算近既就係呢間,就入去啦,入去前店員不斷介紹佢既介紹十分有趣,有好多位同好多分店,作為賣點,如此可愛,又怎能錯過呢😂入到去如有格調既裝潢,我地叫左ㄧ個金邊粉同ㄧ個咖喱飯,各配ㄧ杯熱奶茶,上菜啦,我見擺盆是挺不錯的😍,他用的碗,我自己買個放家裡看,咖喱飯有點偏向,馬來西亞風味,椰汁味重,但唔辣,還行但卻實很大份,那金邊粉呢,就料挺多的,但炒得有點濕,乾ㄧ點比較好,老實說我不太合我胃口,但無事來吃吃也可的🙈

成日下午茶都會嚟呢間食，因為佢兩點就開始下午茶，而且好平又食得飽。差唔多次次都會叫佢嘅金邊粉食，用咗好多香料同材料炒所以好香好入味同重口味。另外佢嘅焗飯都好大份。

周五晚Happy Hour，位于黄大仙中心南馆的渔乐成为我与朋友的尝试对象，八点几人不是很多，尚有不少空位，也可能是圣诞期间大家真去新马泰食地道泰菜了。黄大仙中心近两年刚装修完，不少新食肆入驻，本间渔乐也是，店面环境都很新，感觉不错。两个男生点了半只星洲烧鸡、一份泰国腊肠肉松炒豆角、香辣牛肉炒饭和香茅椰汁鸡汤，餐牌上的汤，看份量以为是一人份，结果端上来大吃一惊。烧鸡、炒饭和腊肠豆角都极其开胃，被迅速消灭，只有鸡汤因错估形式，无力消灭。味道及份量都很满意，加上价格相对实惠，是不错的选择！

每次黎都係食海南雞飯！海南雞好滑！ 份量都算多！個飯都幾好食，仲有d酸瓜，醒胃！冬蔭功香茅豬扒金邊粉！今次係第二次點，因為之前食過覺得好食，豬扒份量都算多，又惹味！冬蔭功湯底酸酸辣辣，又唔會過鹹！每次黎都加廿八蚊叫依個焗芝士茄子雜菇！芝士焗到金黃色！好味！雜菇同茄子有少少辣辣地，又惹味！廿八蚊有咁嘅質素同份量，真係抵食！每次黎都加十八蚊肉骨茶！佢係屬於藥材味重果種肉骨茶，雖然無大大舊排骨，得三粒仔排骨粒，但好淋，少少肥，幾好味！湯嘅份量都好多，味道都好濃！抵飲！如果佢有大大舊排骨就好喇！加錢都可以～ 今次仲有卡位坐，仲舒服！

呢度嘅早餐選擇好多，最後我揀左呢款，因比佢嘅香草牛油厚多士吸引，果然不負厚望！如果覺得唔夠喉仲可以加$6要一碗火腿通粉。淨係呢塊厚多士，都足夠令我再次幫襯呢個早餐！仲要呢度嘅早餐時間係去到11.30😁

星期六夜晚唔想去太遠，就去咗屋企樓下嘅漁樂食飯！之前都食過好幾次，絕對係平靚正既泰菜！嗰晚就叫咗香茅豬扒飯，炒金邊粉同埋椰汁雞湯！香茅豬扒飯分量夠，豬扒亦都香口。但係個炒金邊粉就酸左少少，有少少似廈門炒米，下次應該唔會再叫。個椰汁雞湯就有誠意，勁大煲，好香好飲，我哋三個人飲唔晒要打包！湯入邊仲有好多雞肉，用嚟撈飯都得冬天食人多嘅話絕對推介！不過要一入去即刻嗌，因為預備時間比其他食物長。最後亦都嗌左個茄子，上邊有少少焗芝士，好好味用嚟撈飯啱啱好！總括嚟講，平平哋又可以食下泰國嘢，雖然唔係最正宗，過下口癮，唔錯啦

今晚被拋棄，放工一條友路過黃大仙中心，購物後路過呢越/泰食店，本來想簡單食碗檬粉，但被menu吸引了，就食燒🐔出品絕對符合商品說明條例，等約15分鐘，終於上菜，賣相pass。沙拉挺清新，醬汁帶青檸香，醒胃消滯。🐔做得皮脆肉嫩，平時常被建議'走雞皮'，今次可以食返D皮下肥膏不算多，🐔味雖然一般，但肉地不嚡有肉汁。質素ok以上，價格也很合理，絕對比同樓層的大xx好好多。遲D可以帶另一半再來試其他出品

食左幾次漁樂覺得款式多味道都好食左幾次冬蔭公湯河都覺得正夠辣夠酸又夠香豬扒好林，份量都多，但今次再叫，就中招。因為飲湯時見到粒黑色野，再撩黎睇清楚有一隻完整既小強係度，長度有尾指既一節，第一反應當然同侍應講，佢只係望一眼話換過碗比你，我直情話要轉餐。同行友人都係食冬蔭湯河，見到隻小強後對個湯底都無信心，要求更換，對方只係淡淡地講左句，唔可以。佢話無證據話係湯底有小強，都有可能係河粉入面有小強。所以唔比換， 不停同我地掙持，最後對方主動提出叫經理。當然經理無黎，只係個員工行番黎問我地換咩。其實我地都唔係屈你拎著數，希望貴公司保持食品安全，廚房衛生，員工處理程序都需加強。謝謝

拜完黃大仙，就同朋友仔去附近商場行下，見依間餐廳門面幾得意，就入去試下啦。依門口已見寫到明有多種國家既菜式。入去食午餐，可選擇既菜式真係唔少：有海南雞，越式河粉，泰式菜等等。經過一輪既挑選，最後選擇左香芧烤雞扒&泰“正”金不換炒金邊粉。先講香芧烤雞扒：佢有得選馬來沙嗲沙或者泰皇野菌汁。一個辣，一個唔辣。朋友依個就選左唔辣既野菌汁。雞扒算嫩滑，而且配上清清既菌味，幾好食，唔會肥膩。跟住到金不換炒金邊粉：整碟粉，佢將青檸、糖、辣椒乾同埋花生就分別放係四邊，你鐘意點整就點整。金邊粉炒得乾身而唔會油膩👌。料都唔少，有蝦仁、腸仔、魚片等，口味幾好幾濃。份量量足，男仔都夠飽。