漁樂 (黃大仙中心南館)

營業中

休息中

叫左個香茅豬扒飯，嗌咁多次外賣第1次食到加料，注意一下啦，洗野既用品同食物放埋一齊。短時間都仲有陰影吾叫外賣住，由其吾叫香茅豬扒飯，平時叫米線食都未試過食到清潔用品。

首先，呢間嘅員工態度差，全世界都睇你唔到。 入到去又冇人帶位，問佢係米自己坐又話唔係，但又冇人理你。另外最重要係佢俾餐你嘅方式。 我真係要好彩我叫嘅係焗飯，所有汁都係固體而唔係liquid狀，如果唔係我成件衫唔洗要。 佢係45度角傾斜咁俾你，真係多謝晒，完全唔理有冇汁，又唔理係米熱，就咁‘隊’俾你😀其次，所有野只係正常，唔係平/好食，份量亦唔係大，質素只係還好。所以係有好多其他選擇下，我唔會再揀佢。焗飯唔記得影相，屋企人表示個雜錦湯河唔好食

近來到了黃大仙工作，附近要找點吃的，發現商場店大概都不便宜了。勉強選了漁樂。坐低就有的水。暖，但有水銹味，飲了一啖最後洗餐具。點了扒餐，齋啡，多士走油。啡來無影，一來來咗有奶，同阿姐講，佢問我咁飲唔飲，我話唔飲，換咗佢。稍等來返杯啱嘅，呢啲都係連鎖快餐機出的，味道正常大杯嘅。雞扒餐，一來就俾咗油多，又同阿姐講，佢懶醒咁話走油即係齋多，我話係呀，都打咗落單都來錯我知係齋多，又行多轉，稍後來返個啱。雞扒煎都無煎過，炸到乾唒，可能炸得耐咗，稍鹹。調味有蒜味豉油味，其實調味可以始終工場貨唔衰得去邊，如肯正正常常咁煎應該好食。腸仔都正常炸腸啦。雞扒有啲位黑到咁。整體而言，食物肯正經咁整會好食嘅，又唔係咁忙。啲員工就無乜禮貌架啦，三幾十蚊而家都唔係錢。

漁樂Lime 🐠 Fish漁樂餐廳以新加坡、泰國及越南的美食作招徠，講究味道正宗🍄今日就試左呢間東南亞餐廳既下午茶越香魚片扎肉湯河粉🍜非常美味👍🏻啲河粉有啲甜甜地嘅味道👅證明個湯做得好好👍🏻有越南feel😋沙嗲雞肉串配薯條🍟薯條冇乜特別，雞肉做得好好👍🏻炸得好好，大大粒⭐️好少見出邊食到咁大粒嘅雞肉串💜又滑👸🏼純粹個人感覺味道🌕🌕🌕🌕🌖環境🌕🌕🌕🌖價錢🌕🌕🌕🌖漁樂 (黃大仙中心) (黃大仙)黃大仙正德街103號黃大仙中心南館UG樓UG5號舖

下午茶時間抵食，1人係搭枱☹️疫情期間，對住個陌生人有啲驚驚😳紅咖哩焗豬扒飯$40⋯⋯夠晒熱，飯有啲硬🥲咖哩唔太辣，易入口正常份量，收$40算唔錯😃泰式乾炒豬頸肉河粉（輕量）$41份量確係小，不過炒得香口海南雞飯配碗仔翅（輕量）$40份量大約是一個酒樓飯碗🥣，雞大約4件雞肉嫩滑+碗仔翅剛好🉑能海南雞飯份量太小，故此俾多個碗仔翅，感覺上收$40都無咁過分沒有茶餐廳風味之凍檸茶🥲仲要另+$3/杯，下次轉飲菜蜜較好

夏天成日都想食d開胃既野，食碗冬陰功香茅豬扒金邊粉就好正呢間經常食的，無失手，個湯好濃味，仲有一堆新鮮辣椒，怕食辣既人會覺得太辣，但我就覺得岩岩好碗粉都有唔少生洋蔥，好重口味的，不知不覺會飲哂大半碗湯，好正

香茅豬扒冬陰功金邊粉$53最鍾意佢個冬陰功湯，次次都飲到一滴都唔淨，酸酸辣辣非常開胃口味正宗，豬扒份量都充足仲要切開一嚿嚿食落冇咁麻煩。不過呢度啲凍檸茶就爭少少，因為實在太酸，同其他冰室嘅唔同。

隔日會係呢間嘢食早餐，每次去啲員工都大聲討論工作，不論入錯單，廚房出錯單，客人要紙巾，兩位同事同一時間攞紙巾比個客，咁都嘈一餐，其中一位同事是着黑衫即係經理級，經理級即是在客人面前話下屬不是，下屬即時反駁，令場面尷尬，總之每一天都是他們的聲音，根本客人不可以有一個寧靜的早上食早餐，此公司一定要了解這間店員工的工作態度，由大至小都有問題。

今時今日想食一碗泰式或者越南湯河只係$28❗️凍飲加$3❗️雖則佢係寫『輕量生牛肉，扎肉湯河』但分量絕對正常【下午茶只供堂食】先講佢配料（芽菜，洋蔥，香蔥）都好足再嚟就個湯底，我都好鍾意清清地！再配佢哋附上嘅‘ 青檸&指天椒粒’味道即時提升🤤另外佢仲可以跟餐追加‘+$10素春卷’ ‘+10香酥手抓餅’ ‘+$13黑椒牛油雞翼兩隻’我食湯嘅粉面一定會 連湯食所以呢間係我喺黃大仙中心食嘢嘅首選✔️無話「小得可憐&孤寒」之說法

諗住weekend 嚟食晏，剛完早餐時段人不是太多，職員安排我們2人的枱隔離攞住1箱2箱貨，仲係冇阻隔，感覺污糟，當然不願意坐喺度，而且當時人不多，還有多張2人枱，但職員要我們2人坐四人圓枱中間有塊板，仲話係咁㗎啦，要搭枱，但當時明明仲有幾張2人枱，而要我們坐的圓枱對面又冇人，正常人都唔會咁安排，擺明唔likely 我們不肯坐佢安排的坐位，阿大嬸，黃大仙唔係淨係得你一間食肆，唔幫襯你還有大把選擇，費事同啲C9 argue，所以2話不説走人，冇下次。

這間餐廳在黃大仙開了一段時間，每次都很多人。心血來潮想吃海南雞飯，但入去餐廳，發覺有海南雞粉食，最後便揀了海南雞河粉。河粉的份量不太多，忘記走洋蔥，但湯底是很好吃的。不知道湯底有沒有加味精，但至少喝完湯沒有口喝的感覺。海南雞的醬汁不多，只有甜酸醬汁。雖然沒有其他醬配海南雞，但酸汁配海南雞也足夠。海南雞的雞肉不太肥，瘦肉剛剛好，很適合女生食，份量也是剛剛好的。午市套餐配了凍奶茶少甜，飲品甜度適中，不會太甜，而且冰的量剛好。整理來說，價格可以接受，不太貴，但環境比較嘈吵，不太適合朋友聚會聊天。

呢半年來，我差唔多每日都喺呢度食早餐，都係果個野菌滑蛋餐，貪佢有沙律菜，夠健康。但約兩個多月前，呢間嘢唔再用新鮮檸檬沖檸水檸茶，用咗啲無檸檬味嘅化學品代替。咁都算啦，咪叫奶茶、菜蜜囉。點知今日去到，唔單止冇咗沙律菜，仲加埋價！乜而家啲菜好貴咩？連你加錢，佢哋都唔肯加菜！呢個老細，真係孤寒度縮，不知所謂！劣！

炒金邊粉 連鎖食肆來講，佢個金邊粉算炒得出色。佢好足料，有芽菜、香草、青檸、糖，香料另外，唔係度到到金邊粉都有臘腸，呢度就有，令到金邊粉更有口感。整體食落好有鑊氣，個汁亦都好均勻，條條金邊粉都有味。呢個份量算多，我大食食唔晒。

用app落單真方便，不用等一去到就攞得，價錢合理，味道可以，泰汁在飯下面，食到最後先知，豬扒厚切好林，但有少少肥，飯重熱，下次再食，不過有時轉下其他款式好D.。

漁樂的下午茶set 幾抵食，$3x 有得食有飲！而且份量不會因為下午茶價而不足！我個人感覺跟一般份量一樣！冬陰功魚片湯米線，冬陰功湯底酸辣適中，米線粗幼適中爽口！以下午茶的價格抵👍🏻