漁樂 (黃大仙中心南館)

營業中

休息中

午餐肚餓去漁樂餐廳買外賣，買左個黑椒汁三寶飯（雞扒、雞肉串、煎蛋）， 價錢49蚊包埋杯薄荷七喜特飲，都幾抵食，但外賣有隻小曱甴，衛生欠佳，仍有改善之處，希望餐廳多加注意食物質素同廚房環境衛生。

平日午餐唔算多人, 唔駛等位, 叫個海南雞飯, 加埋熱檸茶, $69, 雞好滑, 忍唔住連雞皮都食埋, 如果覺得食油飯太油膩的話, 海南雞飯配了少少酸菜, 咁就唔怕, 有酸菜真係成個飯都食晒。

1/8餐廳服務好，漏底了一袋物品，本以為無法取回了。餐廳有一位Y小姐盡責找回。食物方面質素幾好，一餐簡單的晚餐，服務都不錯，員工有禮貌。冬蔭公和海南雞不錯，會下次再幫襯。

泰皇椰汁焗香茅豬扒飯🤌🏻純粹圖片見到幾好食咁就叫咗，普通食lunch都唔會有太大期望，份量都算多而且飯是炒底，不過豬扒太淋，好似加咗好多鬆肉粉去醃製，口感一般。至於醬汁方面不過不失，的確做到有椰汁味，但唔算好好食嘅焗飯泰式煎墨魚餅🤌🏻另外追加左一份小食，墨魚餅比較油膩，但勝在有泰式辣汁幫幫手，味道總算不錯沒有檸檬的檸檬茶🤌🏻放心，佢唔係唔記得落檸檬，只係直接將檸檬汁加咗落檸檬茶度，的確係方便，但酸度控制唔到😵‍💫🚩 漁樂 (黃大仙中心) (黃大仙)黃大仙正德街103號黃大仙中心南館UG樓UG5號舖#addifoodie #addifoodie黃大仙#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫

黃大仙中心這家漁樂，當叫海南雞飯，怎樣都收個70元吧！但每次如没有特别説明的情况下表明不要雞胸，那就必定全部是雞胸！這樣子做生意實在太過份，一個70元的海南雞胸飯！！做街坊生意也要做得妥當是吧！已經説了又投訴過不下數十次！！！結果每次都一樣！！！！！很想再次打電話回去罵人的時候，剛好就關門了，明天白天營業的時候必定打電話去投訴！直至他們有改善為止！如再出現這個情况，必定投訴到集團去，一定把相片上載！！

叫左個香茅豬扒飯，嗌咁多次外賣第1次食到加料，注意一下啦，洗野既用品同食物放埋一齊。短時間都仲有陰影吾叫外賣住，由其吾叫香茅豬扒飯，平時叫米線食都未試過食到清潔用品。

首先，呢間嘅員工態度差，全世界都睇你唔到。 入到去又冇人帶位，問佢係米自己坐又話唔係，但又冇人理你。另外最重要係佢俾餐你嘅方式。 我真係要好彩我叫嘅係焗飯，所有汁都係固體而唔係liquid狀，如果唔係我成件衫唔洗要。 佢係45度角傾斜咁俾你，真係多謝晒，完全唔理有冇汁，又唔理係米熱，就咁‘隊’俾你😀其次，所有野只係正常，唔係平/好食，份量亦唔係大，質素只係還好。所以係有好多其他選擇下，我唔會再揀佢。焗飯唔記得影相，屋企人表示個雜錦湯河唔好食

近來到了黃大仙工作，附近要找點吃的，發現商場店大概都不便宜了。勉強選了漁樂。坐低就有的水。暖，但有水銹味，飲了一啖最後洗餐具。點了扒餐，齋啡，多士走油。啡來無影，一來來咗有奶，同阿姐講，佢問我咁飲唔飲，我話唔飲，換咗佢。稍等來返杯啱嘅，呢啲都係連鎖快餐機出的，味道正常大杯嘅。雞扒餐，一來就俾咗油多，又同阿姐講，佢懶醒咁話走油即係齋多，我話係呀，都打咗落單都來錯我知係齋多，又行多轉，稍後來返個啱。雞扒煎都無煎過，炸到乾唒，可能炸得耐咗，稍鹹。調味有蒜味豉油味，其實調味可以始終工場貨唔衰得去邊，如肯正正常常咁煎應該好食。腸仔都正常炸腸啦。雞扒有啲位黑到咁。整體而言，食物肯正經咁整會好食嘅，又唔係咁忙。啲員工就無乜禮貌架啦，三幾十蚊而家都唔係錢。

漁樂Lime 🐠 Fish漁樂餐廳以新加坡、泰國及越南的美食作招徠，講究味道正宗🍄今日就試左呢間東南亞餐廳既下午茶越香魚片扎肉湯河粉🍜非常美味👍🏻啲河粉有啲甜甜地嘅味道👅證明個湯做得好好👍🏻有越南feel😋沙嗲雞肉串配薯條🍟薯條冇乜特別，雞肉做得好好👍🏻炸得好好，大大粒⭐️好少見出邊食到咁大粒嘅雞肉串💜又滑👸🏼純粹個人感覺味道🌕🌕🌕🌕🌖環境🌕🌕🌕🌖價錢🌕🌕🌕🌖漁樂 (黃大仙中心) (黃大仙)黃大仙正德街103號黃大仙中心南館UG樓UG5號舖

下午茶時間抵食，1人係搭枱☹️疫情期間，對住個陌生人有啲驚驚😳紅咖哩焗豬扒飯$40⋯⋯夠晒熱，飯有啲硬🥲咖哩唔太辣，易入口正常份量，收$40算唔錯😃泰式乾炒豬頸肉河粉（輕量）$41份量確係小，不過炒得香口海南雞飯配碗仔翅（輕量）$40份量大約是一個酒樓飯碗🥣，雞大約4件雞肉嫩滑+碗仔翅剛好🉑能海南雞飯份量太小，故此俾多個碗仔翅，感覺上收$40都無咁過分沒有茶餐廳風味之凍檸茶🥲仲要另+$3/杯，下次轉飲菜蜜較好

夏天成日都想食d開胃既野，食碗冬陰功香茅豬扒金邊粉就好正呢間經常食的，無失手，個湯好濃味，仲有一堆新鮮辣椒，怕食辣既人會覺得太辣，但我就覺得岩岩好碗粉都有唔少生洋蔥，好重口味的，不知不覺會飲哂大半碗湯，好正

香茅豬扒冬陰功金邊粉$53最鍾意佢個冬陰功湯，次次都飲到一滴都唔淨，酸酸辣辣非常開胃口味正宗，豬扒份量都充足仲要切開一嚿嚿食落冇咁麻煩。不過呢度啲凍檸茶就爭少少，因為實在太酸，同其他冰室嘅唔同。

隔日會係呢間嘢食早餐，每次去啲員工都大聲討論工作，不論入錯單，廚房出錯單，客人要紙巾，兩位同事同一時間攞紙巾比個客，咁都嘈一餐，其中一位同事是着黑衫即係經理級，經理級即是在客人面前話下屬不是，下屬即時反駁，令場面尷尬，總之每一天都是他們的聲音，根本客人不可以有一個寧靜的早上食早餐，此公司一定要了解這間店員工的工作態度，由大至小都有問題。

今時今日想食一碗泰式或者越南湯河只係$28❗️凍飲加$3❗️雖則佢係寫『輕量生牛肉，扎肉湯河』但分量絕對正常【下午茶只供堂食】先講佢配料（芽菜，洋蔥，香蔥）都好足再嚟就個湯底，我都好鍾意清清地！再配佢哋附上嘅‘ 青檸&指天椒粒’味道即時提升🤤另外佢仲可以跟餐追加‘+$10素春卷’ ‘+10香酥手抓餅’ ‘+$13黑椒牛油雞翼兩隻’我食湯嘅粉面一定會 連湯食所以呢間係我喺黃大仙中心食嘢嘅首選✔️無話「小得可憐&孤寒」之說法

諗住weekend 嚟食晏，剛完早餐時段人不是太多，職員安排我們2人的枱隔離攞住1箱2箱貨，仲係冇阻隔，感覺污糟，當然不願意坐喺度，而且當時人不多，還有多張2人枱，但職員要我們2人坐四人圓枱中間有塊板，仲話係咁㗎啦，要搭枱，但當時明明仲有幾張2人枱，而要我們坐的圓枱對面又冇人，正常人都唔會咁安排，擺明唔likely 我們不肯坐佢安排的坐位，阿大嬸，黃大仙唔係淨係得你一間食肆，唔幫襯你還有大把選擇，費事同啲C9 argue，所以2話不説走人，冇下次。