漁樂 (黃大仙中心南館)

營業中

休息中

員工對所有食客慣常大聲指指點點，冇禮貌，正垃圾，食物ok, 但係咁嘅服務搵鬼去，平均質素都係超差，集團之中我唔會再去，9月28號11:00 51號枱嘅食吃，真心希望你點對人人點對你😡😡😡

依間餐廳開咗喺黃大仙咁耐 我一次都冇幫襯過 想試吓食依間餐廳啲嘢 所以咁啱放假 用手機平台叫咗外賣自取 ～叫咗個 冬陰功香茅豬扒湯金邊粉 熱奶茶🧋（返屋企加冰） 同埋加配咗一份手抓餅去到見到門口好多人幫襯 不過啲嘢食都已經有得俾我攞走 食物速度都算快 唔使我等😂 拎到返屋企個路程10至20分鐘左右打開嚟食都算熱嘅 唔使自己額外再加熱 食完覺得好飽個豬扒好大份 不過味道來講普普通通 不過不失 味道 唔係辣 而且冇跟到餐具俾我加配ge手抓餅 🫓反而唔錯🫠本身感覺呢間餐廳 不過不失 但係見到其他人留嘅食評… 見到餐廳環境污糟 覺得有啲反感 🤢而且鄰近的餐廳 有其他更加好嘅選擇 所以下次唔會選擇幫襯

今次嚟到漁樂食下午茶 叫咗泰式臘腸扎肉雞粒炒飯同埋香辣肉碎炒泰式金邊粉 另外仲加咗個手抓餅同沙嗲雞肉串餐廳非常好 落單時可以同佢哋講要少油/走辣/… 好flexible整體嚟講食物都唔錯 中規中矩 性價比都高 係個下午茶嘅唔錯選擇

平日午膳都好鍾意嚟呢間食，就算係外賣都成日會幫襯佢，點知今日一行四人嚟食晏，坐响卡為食到一半…期間同事細細聲話：ee……有曱甴呀……🪳🫣響我坐對面嘅位置其實睇唔到嘅都好，都明白食肆有曱甴係好合理嘅一件事～點知唔夠五分鐘，佢嘩一聲！五六隻曱甴喺個牆身度行出嚟！！爬到上去檯面都見到！！！🪳😱😱😱同事立即彈起身，我哋都紛紛挪開啲食物～呢個時候有一兩阿姐行過嚟望過下，我哋講咗一句：點算呀？點搞呀～要調位喎！！冇人理過我哋！而係繼續去安排其他客人入座？！😤😶‍🌫️行開咗唔理我哋！！等咗幾分鐘，完全冇人過嚟睇過～冇人過嚟做過任何嘢～一句都冇問過！！咁啱隔離枱係另一位同事食緊，於是乎我哋兩個同事就轉咗過去對面坐，喺“我地自己搬運食物期間”，有個亞姐傳菜經過，竟然仲開口：你阻住我呀！！😡😡😡😠😤😡你哋唔處理我哋自己處理，冇同你交待，無道歉，我哋冇搲任何著數～冇投訴～你仲夠膽出聲？！？！😱😶‍🌫️同事話：你咁樣其實我哋可以報食環署㗎！你哋咁樣嘅衛生環境實在太差啦！跟住有另一個阿姐埋嚟，扮嘢抹下張枱，就話：其實我哋已經叫咗滅蟲公司㗎喇……下晝會嚟睇㗎啦……咁即係其實你知道有咁嘅事啦！😠😤結果食完到去埋單，都無

成日同同事去漁樂食😂個炒通菜真係好好食 夠大份又炒得香👍🏻👍🏻仲要勁熱好夠熱😋😋😋😋而第二鐘意既係 牛肉河牛肉好好食 份量又多👍🏻👍🏻👍🏻

前日我老豆去落去買早餐俾我食，叫左個沙嗲牛肉蛋公仔麵，但係我老竇拎返屋企之後我一打開結果入面係得返蛋同公仔麵，打去同佢講佢話下次補返俾我哋，結果今日再去買沙嗲牛肉蛋公仔麵多次都係冇補反俾我地第二張相有嗰張本身應該有沙嗲牛肉既一睇就知冇補過⋯⋯我地俾左錢但你又冇補，岀餐又慢，佢哋已經唔係第一次一係漏單一係比錯嘢每次都係我哋自己客人落去換，之後都唔去呢間漁樂食，建議大家都係唔好去食，如果真係想試就堂食啦

今日約咗幾個同事一齊出去食晏，一點至兩點呢個lunchtime時間去食等位都算快，等幾分鐘已經可以入座，落單上菜速度快，匆忙想快食個lunch呢度都幾適合。今次三個人叫咗三個泰皇椰汁焗香茅豬扒飯🤣上次黎已經覺得呢個飯好好食，今次黎又再encore🤓個汁有啲似沙嗲又有啲似咖喱，有椰汁嘅香味，好香濃，加埋少少辣，非常開胃😋😋香矛豬扒好入味，肉質唔會靭。面頭嘅芝士夠晒豐富，好Rich仲拉到絲，好正😍

正月同朋友聚下 見個面 午市繁忙 經過漁樂 見有飯有河粉選擇 就坐低咗嘞我同朋友選擇類同 大家都食通菜佢食牛肉炒 我食豬頸肉炒嘅 貪佢少少香辣 配飯－流 店內環境ok 午餐時段上餐時間合理

星期日下午黎食碗越香牛肉湯金邊粉，上枱時會另外附上一份辣椒同青檸，青檸汁有助提鮮，令個湯更美味，牛肉四片，金邊粉唔算太滑，但略嫌湯唔夠熱，令到個金邊粉好難夾起，如果個湯再熱D就更好

今日2:30食lunch點左下午茶餐，海南雞飯、碗仔翅、煎墨魚餅、星洲炒金邊粉、沙嗲雞肉串海南雞、炒金邊粉比較乾，墨魚餅同碗仔翅比較淡，沙嗲雞串燒得好香，沙嗲醬惹味餐飲都揀左熱檸茶，呢度嘅檸茶係冇檸檬嘅，茶味少少苦澀

午餐肚餓去漁樂餐廳買外賣，買左個黑椒汁三寶飯（雞扒、雞肉串、煎蛋）， 價錢49蚊包埋杯薄荷七喜特飲，都幾抵食，但外賣有隻小曱甴，衛生欠佳，仍有改善之處，希望餐廳多加注意食物質素同廚房環境衛生。

平日午餐唔算多人, 唔駛等位, 叫個海南雞飯, 加埋熱檸茶, $69, 雞好滑, 忍唔住連雞皮都食埋, 如果覺得食油飯太油膩的話, 海南雞飯配了少少酸菜, 咁就唔怕, 有酸菜真係成個飯都食晒。

1/8餐廳服務好，漏底了一袋物品，本以為無法取回了。餐廳有一位Y小姐盡責找回。食物方面質素幾好，一餐簡單的晚餐，服務都不錯，員工有禮貌。冬蔭公和海南雞不錯，會下次再幫襯。

泰皇椰汁焗香茅豬扒飯🤌🏻純粹圖片見到幾好食咁就叫咗，普通食lunch都唔會有太大期望，份量都算多而且飯是炒底，不過豬扒太淋，好似加咗好多鬆肉粉去醃製，口感一般。至於醬汁方面不過不失，的確做到有椰汁味，但唔算好好食嘅焗飯泰式煎墨魚餅🤌🏻另外追加左一份小食，墨魚餅比較油膩，但勝在有泰式辣汁幫幫手，味道總算不錯沒有檸檬的檸檬茶🤌🏻放心，佢唔係唔記得落檸檬，只係直接將檸檬汁加咗落檸檬茶度，的確係方便，但酸度控制唔到😵‍💫🚩 漁樂 (黃大仙中心) (黃大仙)黃大仙正德街103號黃大仙中心南館UG樓UG5號舖#addifoodie #addifoodie黃大仙#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫

黃大仙中心這家漁樂，當叫海南雞飯，怎樣都收個70元吧！但每次如没有特别説明的情况下表明不要雞胸，那就必定全部是雞胸！這樣子做生意實在太過份，一個70元的海南雞胸飯！！做街坊生意也要做得妥當是吧！已經説了又投訴過不下數十次！！！結果每次都一樣！！！！！很想再次打電話回去罵人的時候，剛好就關門了，明天白天營業的時候必定打電話去投訴！直至他們有改善為止！如再出現這個情况，必定投訴到集團去，一定把相片上載！！