漁場台風

營業中

休息中

<<生在美食天堂，點可以唔識食>> <<I born in Paradise of Food，but what Food do we have?>> 拉麵食得多都知，最重要既一環不少得湯底。而依間餐廳在午市供應既沾麵就係享受湯底既食法。PS:!!最緊要最緊要!!午餐先有沾麵食架~唔好白行一趟了。點餐時可以將唔想食既食材換做叉燒，非常好!食得慢既朋友，沾麵湯底凍左都唔驚，因為餐廳有熱石供應。就算我覺得個湯未凍，都可以叫住黎保溫。正~原味魚介豚骨沾麵，正在果種濃厚既感覺，配上粗麵條非常合適。加入熱石保暖裝修:燈光充足，少少日本風味有好多不同支持者既留言挺溫暖的感覺服務:侍應良好價錢: 基本低於100，加料自理吧

經常經過望到覺得望落幾日系嘅餐廳就會入去試 尤其是係拉麵！今次試嘅依個拉麵湯底濃郁 熱辣辣咁食真係忍唔住驚歎左聲而佢日本叉燒好厚身 食落有口感但有啲難咬 有啲肉渣 但都ok至於麵質粗麵之餘又彈牙 十分有口感隻溏心蛋就最正！一望到即刻勁開心 開心到一影俾我遮住左個蛋心總括而言 唔錯 可以再食

門口等 排長龍 不緊要🚶🏽‍♂️🚶🏽‍♂️🚶🏾‍♀️🕴🏻一心以為好好食一早寫定張點菜紙 原來得四款拉麵 🍜最終揀了沙甸魚湯底又食不出有魚味🐠？好快趣就有碗麵喺面前 點知 細過塊豬扒 咁細嘅侮肉所謂濃湯底食囉只係味精加鹽 唉 唔怪得知飽因為係冇餸嘅面！👿下次請我都唔黎👎🏻👎🏻🤮

一到門口已經感覺到濃濃嘅日本風 ，入到去發現原來都幾大。 牆上面非常貼心咁貼滿食評，麵量比例，唔同湯嘅特色等等。叫左個蝦拉麵$88，加多左隻蛋$15（但原來本身已經有半隻），麵質粗，非常煙韌，食落彈牙。湯底濃厚黏稠，有少少似沾麵，味道唔錯，但略嫌唔夠蝦味，配料櫻花蝦就好香，所以補返啦。 蛋都流心嘅。最驚喜係叉燒，滑，有彈性，大塊，正！ 荀都好好食！

新正頭成條街冇啖好食，行經冇乜人流既快富街見有間拉面鋪，即刻衝入去啦！入到去見到個裝修已經與別不同——無論牆壁定天花都係日本動漫人物既FIGURE、繪圖等，著制服既侍應真係識講日文，你可以用日文點菜。當然，用廣東話都冇問題。呢間野相當有性格，晏晝淨係食沾面，到夜晚就只係有拉面。選擇有4款，我好快就揀左鰹魚豚骨拉面加可樂。碗面既風格明顯係超濃郁果種，湯非常重鰹魚味，飲啖湯你會食到啲粉狀既野，應該係鰹魚磨成既粉喇。係好香既，但我略嫌太咸。面條冇得揀，係偏粗同非常陣牙既，掛湯亦算OK。至於叉燒，切得相當厚身，屬於比較煙軔有質感既。另有溫泉蛋半隻，唔錯唔會過熟；荀爽脆而無渣合格；蔥剔左要多但都係唔夠。整體黎講，呢個面好適合重口味人士，份量亦非常足，雖然對我黎講偏咸，但都算好食唔係中伏既。加上服務環境都唔錯，食得過既。

以前成日得閒就去荃灣台風，旺角呢間台風，下午賣沾麵，晚上賣拉麵🍜今日晏就嚟咗旺角，一於試下沾麵！店員貼心擺位，將湯放面前麵放後面方便進食👍🏻魚介豚骨沾麵-拉麵沾上香濃魚同豚骨湯，加上筍同豚肉粒等材料，食到舐舐脷呀！😋魚介豚骨焙煎黑芝麻沾麵-另一個湯有芝麻糊嘅味道，甜甜地好香芝麻味，同本身魚骨湯個味都好夾🙌🏻呢間良心拉麵份量好足，正常麵量女仔食會好飽，如果男女朋友去女仔分啲男仔就啱啱好啦每人大約85蚊，食到咁飽又咁好食嘅沾麵，好抵呀！

晚餐唔知道食咩好，來到左位於旺角既漁場台風試一試佢地既拉麵原來佢地日頭係賣沾麵，夜晚賣拉麵下次搵日下午再來試試佢地既沾麵先晚上8點左右黎到，門口人龍排到去轉角好彩都唔係等左好耐 大約半小時左右就到果陣店員會係門外派落單紙同mark咁一入去就可以坐低等食啦門口有部扭蛋機，$10玩一次 我抽中左3等獎 係3塊叉燒哈哈入去坐低後，店員都放低凍水我用左岩岩係門口抽到既叉燒券店內牆上都貼滿各式各樣既插畫同海報，聽到有部分店員同師傅用日文溝通，原來係日本人主理架桌面上都有好多配料比客人使用，有我最鐘意既蒜呀值得一讚好快我叫既魚介豚骨拉麵就來到啦麵質比較粗身，正好合我口味湯底好濃郁 落單果陣我寫左多蔥，師傅真係加足料比我增量叉燒要$25 好彩我係門口扭蛋機用$10抽到 平左$15 哈哈（師奶仔心態）叉燒好腍好味！順帶一提店員的服務好好，好helpful，每逢有客人入來全部員工都會打招呼畢竟依家要遇到好食又好服務的餐廳真係唔易呢，下次會再來試沾麵

很久以前在旺角食lunch，想食拉麵，搵到呢間日本麵店。但當時午時只有沾麵而無拉麵， 就咁試咗我人生第一次食嘅沾麵。今晚路過旺角，終於可以一試呢度嘅拉麵。 拉麵嚟講，這裏選擇不算太多，我叫咗個魚介豚骨拉麵。湯底都算可以，偏濃，熱到差少少，試唔出豚骨味。麵質不是我喜歡的。叉燒得一塊，太少，而且硬。溫泉蛋夠流心，紫菜都算脆口，唔係冧曬嗰隻。反而想講我坐 bar 枱，櫈同枱面嘅高度唔係好夾，坐得唔係好舒服。呢碗拉麵值78蚊，在旺角嚟講算抵食的了。

剛發現原來旺角日本拉麵店只有零星幾間，真係搵死我呢，最終決定去人氣最高的漁場。步入麵店貼滿有趣手繪公子及食客意見，色彩繽紛。望望檯上的 order 紙及 menu，發現提供少見的創意湯底，十分期待啊！還有只限午市才供應的沾麵，有機會必定再次幫襯。花費 50 分鐘終於由紅磡走到旺角，等足 20 分鐘才有小巴，再塞多 25 分鐘於先達對面落車再行 5 分鐘，排除萬難才能抵達，真陰功！平時連等小巴最多 20 分鐘已經係旺角中旅社落車喇。Openrice 標籤位置錯誤，搵死我地咩，仲要落緊毛毛雨，最終都安全到達。未齊人不進入座，例牌菜都預左喇 ﹗永續命苦坐在迫夾的臉壁吧檯，從未打破，無陰功！出貨都比較偏慢，見廚房不慌不忙，氣氛十分悠閒，苦候 10 分鐘終於送到。雖然日本拉麵文化啜得越大聲表示越好味、表示對師傅非常欣賞！但四眼哥仔又唔洗啜到海嘯咁嘈，唔洗啜到山泥傾瀉咁誇張既，未致於好食到如此程度啫！好能騷擾囉，正福街！仲要坐到過晒界飛晒手手腳腳過黎，您滷味過能份，偽港民質素越來越惡劣！飲品只有可樂、雪碧、烏龍茶選擇，多一點種類就好喇。例如果汁、消脂茶、波子汽水、有氣礦泉水、無糖綠茶，配拉麵不錯喎

今日去左一間好有日本風味的餐廳叫漁場台風，一入到店就感受到濃厚的日本感覺，音樂播住日本歌，店員都是以日本溝通，好似去左日本當地的餐廳一樣。一入到餐廳，店員便比左張小小的點餐紙我，我點左魚介豚骨拉麵，醬汁叫咗普通，另外加咗配菜增量叉燒。拉面的賣相好好，湯底十分濃香，能感受到豚骨湯煮，湯底應該熬咗好，溏心蛋的流心做得好出色， 麵條分明，入湯後味更出，叉燒肥瘦均衡，好有咬口， 好入味， 十分支推薦中意拉麵的你。

有位同事之前吃過這家拉麵 推薦我們去吃 這天晚飯時間就跟兩位同事一起去試試 店裡的裝修很日式 放了很多和風擺設和動漫周邊 音樂也放著日文歌 連店員之間也以日文溝通 真的有種置身於日本的感覺 這家麵店白天是沾麵專門店 夜晚是拉麵專門店 由於我們是夜晚去的 所以只有拉麵我點的是櫻花蝦拉麵 湯底很濃香 蛋的流心效果亦做得非常好 麵條分明 軟硬適中 叉燒亦肥瘦均勻 但如果可以灸燒一下會更香 另一位同事點的鏗魚湯底拉麵味道更濃郁 這裡的湯底都很不錯

朋友介紹呢間拉麵唔錯，今日晏晝就去咗試試。去到仲未有位，店員就比咗張點餐紙我地，係出面等。原來佢係分開兩個時段，晏晝食沾麵，夜晚食拉麵，既然一場嚟到就試下佢嘅沾麵先啦！畫完餐紙仲未有位，見到佢門口有部扭蛋機抽獎，抽中一等獎仲可以免費食拉麵/沾麵；就算係五等獎都有免費加荀/紫菜/麵底，$10扭一次，咁我就試下啦，點知抽中咗三等獎增量叉燒(原價$25)，又幾抵玩喎！入到去舖頭，裝修裝飾擺設都好有特式，牆上仲貼咗好多客人嘅留言，別有一番風味。好快個麵就到啦，我要咗魚介豚骨蕃茄海蝦沾麵，凍麵普通份量，增量紫菜。就算係普通份量個麵都好多，而增量紫菜足足有十塊，份量十足。個湯味道濃郁，沾麵彈牙有口感，可惜個湯嘅蕃茄味唔夠突出，被咸味同櫻花蝦味蓋過。而最大敗筆係個湯唔夠熱！加上我要凍麵，整體凍冰冰咁唔夠暢快。(6.5/10分)不過$10扭嘅叉燒質素都唔錯，好食！(7.5/10)整體而言呢間舖仔都幾有心機，由門面、裝修設計、店員到麵都落足心思，當然有美中不足嘅地方，呢個有待改善。下次的話，我應該會夜晚嚟試下拉麵。相信叫拉麵唔會再比凍湯我喇掛

旺角比較少拉麵店，而呢間平日都多人排隊。裝修好日本feel好親切。日頭係專食沾麵，而夜晚係專食拉麵。可按個人喜好轉配菜，好貼心👍🏻👍🏻👍🏻食3碗麵仲可以送你一隻溏心蛋👍🏻叫左一碗燒海蝦味豚骨拉麵（$88），我地將筍轉左半隻蛋。湯係偏濃味，似係用沾麵個汁加豚骨湯煮成，但蝦味不夠出。麵係粗既蛋麵。而溏心蛋就幾好👍🏻另一碗係鰹魚味豚骨拉麵（$83）一樣將筍轉左蛋。湯底偏濃，整體比蝦果碗出色👍🏻下次有機會再試沾麵🌟

📍旺角📍沾麵控必去🤤超級濃湯❗️😍每次係mk如果想食沾麵嘅話，一定會去呢間食，尤其係冬天☃️凍冰冰就想食碗熱辣辣嘅麵🍜呢間真係食過好多次😏😏係我嘅私心推薦❤️每次嚟都會叫佢哋嘅魚介豚骨沾麵🐟好鐘意佢哋個湯底，夠曬濃🤤而且湯底應該熬咗好耐，所以好入味💕啲豚肉又好夠稔🤓仲有個半隻溏心蛋，夠曬流心😝雖然唔係用石鍋裝住啲湯，但都保持溫度🔥🔥夠熱😆👍🏻仲可以擠少少檸檬汁，感覺酸酸地幾開胃😋

突然心血來頭好想食拉麵，上Openrice搵下，看到「漁場台風」有200幾個，就二話不說去食食看。 一入到店內，馬上聽到日本歌曲，包括 IDOLiSH7/刀劍神域/數碼暴龍/AAA 等等，對一個日本迷來說，是一個天堂之地！不過，可惜的是...原來午餐只食沾麵，晚上才食拉麵........算~有得聽日本歌的份上就留下食沾麵..........店員給一張點菜紙，你可以選擇麵份量，醬汁，蔥，另加配菜和飲品(180g是一個正常女仔食的份量，及本人覺得加的好貴)這間的醬汁完全食不出味精！！魚介豚骨蕃茄海蝦沾麵  $88  (180g)重口味，蕃茄味不是很重，相反櫻花蝦的味較香。加上醬汁中有豚肉粒，幾淋幾好味。魚介豚骨焙煎黑芝麻沾麵 $85  (250g)  淡口味，好香黑芝麻，有紫菜的味道。同樣醬汁中有豚肉粒，幾淋幾好味。味道比較突出同好味。強烈推薦！！