滿記甜品 (新城市廣場一期)

營業中

休息中

五月廿一‧夏至不吃榴槤的朋友，夏天來這店子也是活受罪，因為就算不點榴槤的甜品，店內的榴槤味道也濃濃的。對於我來說，這個味道，就是吸引我來吃的原因。例牌要了榴槤飄香，將榴槤肉、黑糯米及椰奶碎冰好好的混合，香甜之餘，也冰涼透心，大熱天時，無比受用。而一球黑糯米再加一球榴槤肉，相當飽肚的，二人分吃就剛好；也要了榴槤糯米滋，榴槤餡比榴槤飄香的榴槤肉更軟滑香甜，可惜糯米滋皮硬硬的，不夠軟糯，不然的話就完美了；同樣情況出現在芒果糯米滋身上，芒果餡香甜，但糯米滋皮是硬硬的，吃得不是味兒；海底椰涼粉不太好，不夠甜之餘，海底椰也硬得吃起來「索索聲」的，可以更好吧！埋單每人三十蚊左右，周未來時是十分多人，貨如輪轉，賣糖水打響了名堂，是發大達的生意來的。

星期日同媽行新城市, 見唔係太肚餓所以想搵tea 食, 點知搵左一排都未到tea 時段, 所以就黎左滿記食甜品喇叫左2樣野:- 甘露豆腐花: 芒果好甜呀!! 豆腐花都好滑, 不過食多幾啖就覺得冇咩特別, 豆腐花俾芒果搶晒味- 榴槤班戟: 2件裝, 侍應姐姐話係一早pack好,所以亦都係最快黎到,佢仲好細心叫我地最尾先食 皮入面有好多cream呀, 不過同榴槤好夾, 媽話咁少榴槤有 d 唔抵食2個人加埋唔使$50, 不過比起出面黎講叫做貴, 質素叫幾好啦, 有時間試下其他款先

媽媽叫了芝麻糊妹妹叫了芝麻豆腐花我叫了芒果椰汁黑糯米各有各特色, 芝麻夠香夠熱豆花又夠滑夠凍芒果夠甜又夠凍, 黑糯米又夠咬口一律評分為85分服務都不錯, 要轉位就自動通知其他員工, 唔會煩我地...

o係沙田想食糖水,只係搵到呢間...食左個楊滋甘露以為實好食啦點之黎到...個賣相已經唔ok....深黃色ge??試下味啦....酸到喊!!!!!d "汁"同d 芒果都係勁酸!!!!!!究竟有冇落奶??冇下次啦!

幾位食友吃過了晚飯，又是時候找甜品店了，思前想後為了方便乘搭交通工具，也就選了在新城市廣場的甜品舖了。跟大部份的分店一樣，晚飯時間過後便出現人籠，還好今天的人數比往日的少，不用十分鐘便可以入座了。我們五個糖水分別是<<芒果黑糯米>>、<<芒果西米露>>、<<士多啤梨涼粉>>等等，味道不是偏淡，不然就是怪怪的。印象中的滿記該不會有如此水準的，不知是分店的關係，還是整體水準有所下降了.....希望下一次到來時，情況會有所改善吧......

焗西米布丁(荔茸) ~ 沙田真係冇咩糖水鋪 , 滿記已經係最就腳 , 放工個陣上去買個黎返屋企做飯後甜品 , 布丁入面變左芝麻而唔係荔茸有d失望 , 不過算數啦 , 都已經揀左就唔想改 , 幸好芝麻配落去都幾好食 , 雖然甜味程度岩我 , 但係可惜布丁唔夠蛋味丫 , 如果蛋味重d應該會更加好食。 榴槤糯米糍 ~ 買返去比鐘意榴槤既屋企人食 , 佢地話榴槤唔夠香 , 不過層皮就好煙韌都幾好食。

滿記貴就夠貴, 不過始終唔覺得有乜咁特別.芝麻糊豆腐花, 沒特別.就是 豆腐花 係底. 面頭加d 芝麻糊, done.只是一般野combine埋一齊咁.

我覺得食好味的甜品係一件好幸福的事, 因為甜蜜蜜呀! 甜品當中我喜歡食黑糯米同湯圓類糖水.係滿記食了海底椰椰汁黑糯米, 芒果椰汁黑糯米, 糖不甩, 好開心好幸福 海底椰椰汁黑糯米: 夠黏夠椰香, 得呀!糖不甩: OK! 暖暖的.食完後, 好幸福!

男友連續兩天都吃了湯丸，就比較一下吧﹗這天到滿記，點了楊枝甘露($26)和湯丸($15)。湯丸($15)︰有六粒，賣相都蠻不錯。據了解，湯丸皮煙煙韌韌，頗有咬口的。餡是白芝麻花生，很香，也好吃。薑汁清清的，不知不覺就喝光了整體水準都不錯。這間分店上糖水很快，所以即使多人等位，也很快可以就座。

5月8日食完晚飯同友人行左一陣再踩上七樓食糖水, 無得揀, 只有"滿記", 名氣過大, 換來既只有每況月下.....其實亦只不過如此, 沒有踝道, 沒有特色, 沒有誠意....叫左榴槤忘反 - 我無試到楊枝芒果豆腐花 - 豆花無味, 芒果一時酸時甜, 楊枝苦...

吃完飯，想吃糖水清清喉嚨。不想吃普通的西米露、芝麻糊，於是點了個凍的白雪黑珍珠的配答。吃了知道自己沒有選擇錯。芒果、香蕉、龍眼乾，再加上椰果、西米和黑珍珠（不知是什麼，總之不是是台式珍珠）和椰汁，份量十足。好食到不得了！有機會要再吃。

飯後食甜品係我地一班朋友必然會做既事 , 今晚隨便去左滿記食 , 但係大家都有d飽 , 所以只係點左3個甜品Share。1)蓮子百合紅豆沙 ~ 最傳統既糖水一定會叫 , 都整得好好食 , 紅豆起沙而且唔會太過多豆食滯人 , 蓮子同百合煲得都夠腍身 , 點呢個糖水就最穩陣。2)榴槤忘返 ~ 雖然我唔喜歡食榴槤 , 但係聞到陣味道都幾好 , 至少唔會想作嘔先 , 友人們覺得好正所以好鐘意點呢個黎食 。3)香蕉班戟 ~ 我幾欣賞滿記整既班戟外皮 , 因為味道夠香而且軟硬適中 , Cream份量亦岩岩好 , 食起上黎唔會搞到成口都係得cream冇生果 , 如果班戟可以再雪凍d就更好啦。

五月十八日(星期日)同老公仔做完gym諗住等到8:30先食spaghetti house,所以搵地方食下野先!老公話食甜品,呢度都係冇咩選擇,所以都係滿記啦!d sofa位幾舒服呀!叫左焗荔茸西米燉蛋!好食呀!,不過如果唔係芋頭會好食d,因為芋頭比較淡味!好似唔多帶起個甜品咁!飲左芒果冰,好飲,可能落左糖水,好甜!不過芒果如果唔計許留山既話,呢度都算好好食!飲左好解渴呢!

晚飯後同老婆黎食甜品，點了我地至愛既榴槤班戟，同埋榴槤忘返。 榴槤班戟 - 榴槤同忌廉比例一半半唔錯，班戟依舊薄薄地，只係比以前細件左，當幫我地減肥啦！ 榴槤忘返 - 椰汁冰配上一球榴槤肉，同埋一球黑糯米。唔會太甜，我地好快食晒！ 這裡人氣旺盛，keep 住好多人等位，所以都唔會座得耐。 題外話：發現各式雪米茲於兩大超市特價發售，chocolate vanilla strawberry taro red bean green bean sesame 夏天既至愛！

喜歡滿記，因為它總是乾淨企理。不是沒有試過別的甜品店，我也是愛吃甜品的人，但去過一些一進門摸到桌子便覺黏答答的店子，無論味道多好，都總令我卻步。相反滿記甜品味道可能不是最出色的，但因為乾淨，所以我也常常幫襯。旺角的滿記人太多，沙田這間容易找到位子。和友人一坐下就叫了我最愛的海底椰西米露，香甜滋潤，我去滿記總會叫一個；友人是個愛吃榴槤的人，她叫了一個黑芝麻糊加湯圓、和一個榴槤班戟。我不吃榴槤，不知道班戟味道如何，但看見她吃得津津有味，我想作為滿記招牌的班戟，味道大概不錯。另外一提，滿記多起用年輕人作侍應，貪其勤奮好學，但沙田這間的侍應常常只顧自己聊天，忽視顧客的要求，我們也等了很多才有人來服務，印象分扣減不少；另外她們又常常細聲講大聲笑，我和友人也不是太喜歡。下次再想去滿記，我想我還是去旺角等等位吧。