滿記甜品 (新城市廣場一期)

營業中

休息中

去過好多間滿記分店﹐我覺得呢間真係至正! 幫襯過無數次﹐次次D糖水都好足料好夠熱。就算無乜人都唔會俾碗好似“賣淨蔗”嘅貨仔俾D客。不得不提嘅係呢間滿記D湯丸。未試過其他分店都唔會覺得呢間D湯丸突別正﹐因為我一路都以為間間嘅水準都會一樣。但沙田呢間真係做到好"in-un"﹐好夠熱﹐甜度十分適中。對上一次去西貢總店食湯丸﹐只覺得*****差!!!***** 因為一個唔夠熱以經死得!呢間D服務亦值得一贊。個個雖然好後生﹐但好勤奮﹐動作好快﹐衛生攪得也算很好很好。

我跟友人shopping 累了, 便到滿記食甜品1碗熱芝麻豆花+ 1碗薑汁湯丸+ 1 榴蓮pancake ( TOTAL : $59 ) ~ so sweet.1) 熱芝麻糊拼凍豆花~ 正. 芝麻糊好香!2) 薑汁湯丸~ 是擂沙湯丸~ 正. 薑汁熱lala, 好飲!3) 榴蓮pancake 好香滑, 不過我不愛吃cream, 下次都係要燸米chi 了.

食完魚生飯，又走到同一層的滿記甜品。這樣午餐才夠完美!第一次堂食，柔和燈光和木傢俬配搭，環境很舒服。 帶點潮流摩登氣味，有別於傳統光猛燈光的甜品店。我叫左楊枝甘露，媽叫左榴槤班戟，姐叫士多啤梨西米露。楊枝甘露份量足料，芒果、柚肉同西米份量充足。個汁係新鮮芒果即榨而成，味道鮮甜。而柚肉同芒果亦十分新鮮多汁。最特別係西米，西米同平時食到的甜品不同，感覺較實，爽口又好咬，同平時一咬就散果DEE好食好多。而整個楊枝甘露都好好味，真係一分錢一分貨。跟住仲食左幾啖榴槤班戟，LEE個食過好多次，最愛佢有真正榴槤肉，又夠香，忌廉同榴槤肉比例恰到好處。都係果句，岩唔想食都成手都係的榴槤愛好者。我亦試左一啖士多啤梨西米露，個底係鮮榨士多啤梨汁，酸酸甜甜很醒胃，仲有兩至三位的原粒大士多啤梨，十分闊綽。總結來說這餐甜品十分美味，好滿足，下次一定再食。

食楊枝金露,我會選擇西貢既滿記或者係深井既發記,可能你會話我祟尚名牌啦!但係名牌好多時都係質素既保證!好似今次口痕痕入左滿記食碗楊枝金露,咁多間做既楊枝金露,佢地係較出色既一間,味道方面,西米,西柚分量恰當,唔會太杰,唔會太稀,好味!口感方面,好爽口,一粒粒好似係薯粉既野咬落去好過癮,此乃此店楊枝金露特別好食既原因!唔知我自己識唔識整呢?哈!

叫了以下兩樣:楊枝金露--芒果很甜,可惜西柚比較酸,但整體十分不錯.香蕉班戟--今次的香蕉很大粒.

星期日到新城市行街,想食下午茶,就走咗去滿記食甜品,坐低我叫咗芝麻糊豆腐花,我覺得唔夠甜,家姐就叫咗鮮雜果涼粉,鮮雜果可以,涼粉一般.芒果糯米滋啲皮夠軟,芒果亦很大粒,另外還叫了香蕉班戟,沒有香蕉味,很大舊cream,食完會很肥.

每次來到滿記，大多是大家晚餐吃得不夠飽。今次也不例外。今次照舊點了芝麻糊類。芝麻餬拼合桃露。甜品，當然還是熱的好吃。兩款甜品都很香滑。一次過滿足了兩個願望。滿足的回家去。

十二月六日星期四,我地食完dinna行左陣後,男朋友仔又話要食甜品....去左呢度食!我叫左芝麻糊,其實呢個甜品好難試出佢係咪好食既!因為度度都差唔多!!!不過原來呢度唔同既分店有唔同既甜品offer.....上次買左個粗口蛋白比男朋友仔食

晚飯後，總是要吃些甜品。難得男友肯陪我到滿記，真的很驚訝，因為他一向不喜歡這店子。而且還要等位呢!點了白雪黑糯米($23)，還不便宜呢!其實它與坊間的椰汁黑糯米差不多，只是它將椰汁雪成冰，這樣吃是比較特別，而且還覺得比較好吃，但價錢就又比其他店的更貴呢。環境嘛，當然很擁擠啦。因為有太多太多人了，誰叫新城市沒有其他糖水店呢。如果有，我就不會來了。

上次同朋友聚會,約左下晝係新城市等,咁我地都揀左呢間甜品黎當下午茶,雖然呢度甜品同其他有少少唔同,但係當我叫左一碗我平時會係其他甜品店叫既椰汁紫米露~真係與別不同囉,對我黎講~d椰汁"薑"完全唔見係有汁囉=0=|| 而且又唔好味~

凍芝麻糊豆腐花，夠凍，夠滑，Good Combination. 贊！

白雪黑珍珠$25 ─又有芒果，又有香蕉，又有龍眼乾，又有椰果，又有黑珍珠，好豐富哩! 在網上初看pic 時，還以為白色的是椰汁，原來是雲呢拿! 真的意想不到哩，令我更想吃吃看味道到底如何。結果，雲呢拿好香~~~ 芒果很甜。香蕉若是冰冷的較好。龍眼乾味濃，但配在一起也好吃。黑珍珠量好多。只$25耶，跟其他的差不多價錢，卻有這麼多料，值得一吃呀! 好像雲呢拿雪芭。吃時不要攪拌太多，不然雲呢拿冰很快溶掉，整碗就變成水汪汪的雲呢拿水了。======================================歡迎來我的blog 看看更多的pics:http://hk.myblog.yahoo.com/mei_ciel/article?mid=2433&fid=-1

離譜~我竟然晚餐前食甜品：榴槤班戟已很久沒幫趁…班戟皮okay,cream夠就夠…但榴槤唔夠臭囉！印象中的發記比佢更臭…定係榴槤唔係時候當造！？唔緊要…媽媽買咗個榴槤返屋企耶！(期待)

辣完之後, 要解一解. 當然唔係食解直丸, 係過來食豆花.這裡沒有竹白食, 就要了芝麻糊豆腐花同芒果班戟.芝麻糊豆腐花: 6分, 黑白分明, 太極一樣. 豆花不太有豆味, 滑滑的, 還可以, 芝麻糊就比較差, 感覺上係好稀, 唔多似糊, 水汪汪的.芒果班戟: 6分, 芒果唔係幾靚, 酸酸的. 班戟皮當然跟平日的一樣, 都係個句, 還可以.為何分店跟總店水準大不同? 下次都係去番新港或者西貢.

食完白粥炒麵,仲係唔夠飽,要食d野...人在市中心,基本上食糖水甜品只得一間選擇,就去左滿記...食飯時間仍然多人來...價錢比西貢滿記貴,唔想食到成肚水,就叫個芒果班戟...兩件的芒果班戟用個膠盒裝住外形,大小同榴槤班戟差唔多,只不過顏色唔同...黃色的皮,薄薄地包住cream同芒果...cream同芒果各佔一方,層次分明...軟滑的cream對深色的芒果,夠甜,惜唔夠香...相輔相成,芒果班戟唔太甜,帶出雙方的香,惜芒果唔爭氣,有點cream壓倒了...食完飽哂...繼續多人黎食...都係比較鍾意榴槤班戟多d...