滿記甜品 (新城市廣場一期)

營業中

休息中

好討厭到中式甜品鋪，因為店員見你一放底湯匙，便跑過收碗，著你離開。朋友要求吃中式甜品，沒辦法下便去陪食。點了「焗竽香西米布甸」（一般滿記的水準，唔差巳經叫做好！）、「椰汁涼粉海底椰」（好難整得難食！）、「糖不甩」（係幾大粒，幾QQ 的）、「薑湯湯丸」（朋友話好好味喎！）。埋單$72，以廿分鐘的消費而言，沒意見。若果有得選擇，絕對係會來這些趕客人埋單的店子。

今日翻兜滿記.好啦！榴槤忘返你咪走, 我x 小姐今日要食你呀！初初睇menu 圖估估吓, 諗住個汁底係椰汁, 不過店員同我講話係雲呢拿xxxx....大約聽到係咁！到食咗, 唔錯吖！榴槤肉好滑, 等我見到球狀仲以為係雪糕, 但細心食到一絲絲, 我諗唔係雪糕o既.黑糯米又一球, 當然有粒粒點睇都唔似雪糕啦！最後結論, 全部撈埋晒加埋個汁食最好味.合桃露都幾好. 唔會一味得個甜字, 真係幾香架！但某d 甜品係偏貴, 好似唔值嗰個價咁, 例如我食嗰個榴槤班戟就係喇！

食左楊枝甘露，味道不過不失。但計埋排隊既時間同超逼唔舒服既環境就唔多值得喇。不過呢個商場實在太多人，無論更難食既餐廳都有人排隊，所以通常都避免系度食飯。

果度d西瓜豆腐花唔會係比碗豆腐花你,係上面+幾粒西瓜就算...係張d西瓜攪難成汁+豆腐花+西瓜波,雖然$20碗,但都唔肉尺,因為佢真係交足功課=]但係要講講既就係service真係要改改..佢地冇笑過冇出過聲講多謝哂果d..收銀果位仲可以係度傾住電話咁收錢d糖水泥既時候唔講住咩糖水,,放低就算..果廿蚊真係食唔出佢地d service..唔知係我樣衰定我黑人憎呢-0-((講笑=p))好彩第二日去d人笑返哂..食都食得開心dps.果日食d豆腐花幾滑幾有豆味

昨日同Mom and Dad行街,好久沒有倍兩位偉大的雙親了。地就去左食糖水，我就同Mom share榴槤pancake and合桃露，好好味絕對唔會過甜。無勁溝糖水～絕對新鮮，像磨出黎咁，回味無窮！！！Dad就要mango豆花，大家互相試食，感覺好close。不過ｄ豆花唔算滑。但榴槤pancake 就真係好食，大家不妨試試！係咪同心愛的人一起，食咩都好食！我很開心: "我會珍借當我還擁有"！！

新城市廣場的滿記都是首次光顧，其布甸及班戟都是工場大量生產然後運來分店，故品質是差不多；故反而有興趣這裡的即製產品。見朋友說這裡的豆腐花天上有地下無，即本一試；而楊枝豆腐花甘露應可一並試齊兩種，幾化算。楊枝甘露味道普通，反而豆腐花的做法跟正宗的豆腐花不一樣，正確一點應是杏仁豆腐花，但食味及配答不錯。另外夠凍及不太甜，很對胃口。

今晚大約6:30pm我去沙田上街搵食我終於試下吃榴槤布甸$20(外賣)-吃得美味,加榴槤肉混榴槤布甸非常好味^^可惜榴槤肉少

海底椰黑糯米甜甜($22) —好足料呀！海底椰好清甜呀！抵食~芝麻糊($16) —真係見到起沙喎！但入口好滑~ 仲好香芝麻味！texture 唔太杰唔太稀，剛好！暫時我仲未食厭呢！:-P

上星期平日去食，tea time 都坐滿晒人！個楊枝甘露真係好得！texture 唔稀唔杰，剛剛好！西柚唔澀口唔苦~ 加埋d 有咬口的西米好有口感！正到猛讚話好味~而個合桃露都好出色！聞落又好香，食落口同即沖o個d 係兩回事！望落d 色澤真係唔會假到咩咁~咁我覺得真係真材實料囉！有機會下次想試榴槤班戟~ :-P因為佢廚房一開門就有好大陣榴槤味~ 攪到我食飽都心郁郁想試！

依間ｄ杏仁茶，合桃露，芝麻糊，真係好正．飲落去ｏ個下好好味絕對唔會過甜．唔同一般糖水店咁溝糖水～絕對新鮮，像磨練出黎咁．回味無窮！！！依間滿記（唔係）西貢ｏ個間懶出名懶好食咁！Even though價錢唔係太平,但我覺得低食＊杏仁茶又可以養顏＊記住係沙田新城市依間！經過朋友介紹真係唔錯！！！

叫左客留蓮布甸,的確好好味,唔錯其他糖水好似紅豆沙咁就普通左d,同埋價錢偏貴,坐得又唔舒服

朋友從澳洲回來,一行五人吃糖水.點了以下東西:芒果椰汁黑糯米($?):芒果份量不少,不過不失.雜果西米露(椰汁底和芒果汁底各一,$28,$30):雜果少得可憐,味道非常一般.珍珠白雪($24):用料甚為豐富,有大小珍珠,龍眼肉和香蕉,加上椰汁冰底頗特別,實為飽肚之物.芒果豆腐花($2x):豆腐味道不足.由於不是我結賬的關係,所以總數不詳.但看餐牌所見價錢絕不便宜,很多都要20多元甚至30元.服務員態度不錯,雖然全場滿座之餘還有大批人在店外等候,但還會細心介紹食物.不過他們反應有點遲鈍,看見我朋友的外籍老公也不會主動遞上英文餐牌.直至快點完之後才遞上.害大家之前花了不少功夫逐樣翻譯.環境有點擠,我們五個人只分到一張四人桌.而且全場均是如此.如果大家想跟朋友詳談的話,請不要來這裡.

尋日同班姊妹唱k行街,攰攰地就去左食糖水我就同個friend share jor榴槤pancake and楊枝甘露佢地就order jor mango豆花大家互相試食，感覺唔錯不過ｄ豆花唔似豆花ｌａｗ但ｄ榴槤pancake 就真係好食大家鍾意的不妨試試

野食就間間都差唔多~反而幾欣賞佢地既service,個個都ok醒目同好樣,笑容又好!!收銀個哥哥一眼關七,唔錯!!服務好食都食得開心d!

今日同爸爸媽媽黎呢間新開既試下,因為兩老未食過滿記,所以覺得好食,而我就食開西貢0個間的,所以抱不大期望,真我不出我所料,唔太ok,只係糖水夠熱,味道總係差d,但已經比中環店好,而我的湯圓仲唔係太熟tim,但不是太嚴重,可以接受的,可能我咀"du" 啦,之後我去比$,同個cashier講聲d湯圓唔係太ok(當時佢已經收左我$),佢就即刻return $ 比我,仲勁講唔好意思tim,叫我應該即刻同佢講tim bor,因佢地要keep住個quality,但係我地一人一粒share左lu,so無即時出聲lor,睇黎個男仔cashier似係店長之類,沙田間滿記有個咁既staff有希望lu,中環店就不提也吧la...ps:間店d燈同裝修太暗好似黑沉沉咁,個人唔太喜歡,d位亦麻麻地好坐..