滿記甜品 (新城市廣場一期)

營業中

休息中

逛了一會，想坐下休息，便選擇了滿記甜品。木瓜雪耳糖水（$26）：木瓜香甜，雪耳爽口，糖水不太甜，有杏香味，吃完有滋潤感覺。杏仁茶（$20）：這裏的杏仁茶不錯，杏香撲鼻，入口滑溜。

吃完晚餐, 見時候尚早, 不如就一家人來這裡吃甜品. 因為我們晚飯吃得早, 所以來到吃甜品的時候還未夠七時, 不是吃甜品的黃金時間, 當然是大把位, 晚一點來就是另一個境況了. 四個人來, 大家都不太吃得多, 就要三款甜品分吃.焗荔蓉西米布甸 $24: 7分, 差不多每次來到滿記也會吃西米布甸, 一客$24, 合理的價位, 荔蓉是幾香的, 不過份量不太平均, 好像是晚吃到的就太多荔蓉, 偏甜了. 而布甸本身牛油香足, 也因此吸引到我常常會來再吃.湯丸配芝麻糊合桃露 $31: 5分, 這裡的糊其實一向不是重點推介, 但是晚又貪得意試了一客, 結果大家都不太欣賞, 芝麻糊太稀, 芝麻味不夠香, 合桃露就好一點, 合桃香比較突出, 不過質感也是偏稀. 湯丸方面, 是不夠煙韌, 皮也太厚了.杏仁蛋白 $34: 5分, 因為跟爸爸媽媽吃, 是晚也是吃熱的甜品為主, 會比較合他們的心意. 這客杏仁蛋白杏香還算突出, 但蛋白不夠滑, 也呈一舊舊的狀態, 加上價位不便宜, 還不是推介之列.算了吧, 看來下次再來, 還是要回那些平日吃開的甜品方為上算.

滿記甜品已有一段時間沒有光顧，因為香港擁有太多好吃的甜品食肆，今天我便走進了沙田新城市的分店。我選了鮮什果豆腐花（芒果汁底），有木果、西瓜、蜜瓜、芒果各兩件和一些海底椰，生果新鮮，入口夠冰凍，混合芒果汁是最佳之選，而豆腐花口感嫩滑夠凍，但混合了芒果汁後，有酸酸的味道，我不太接受。

今日去食榴槤糯米滋係因為見食評寫話KCAL低所以loss weight 食都唔怕去到叫尼食,有小 工具比我,好得意~本來仲唸住芝麻糯米滋....咬一口..w0w..上左仙境~!唔理係個皮~超有咬口or 料~ 爆香又甜~真係嫌`好正,我要控制自己個樣等人地唔會以為我係傻既...last 1 蒂走左行行下食~都係咁正~!係貴左d

吃完一大餐的素食後, 就來吃個開心的甜品!!! 一行七位, 要了近廚部的長TABLE, 應該嘈到人家吧, 哈哈!!XD朋友想叫很多生果東東有很多都沒有...我叫了芝麻糊拼豆腐花, 黑白配, 很滑啊!~~~芝麻糊很香加養顏!!彩色繽紛的甜品~~~~生果都很新鮮!! 下次繼續開心時光~~~^^

食完晚飯, 買定甜品, 留返老公回家吃~ 就近就有滿記, 睇下有咩啱食先~ 估唔到連外賣的榴槤糯米糍都有營養標籤~ 一打開盒就飄來榴槤香氣~ 皮係少許煙韌, 不太腍, 內裡榴槤肉/CREAM軟腍腍, 但味道偏淡, 香氣濃過味道..........不過其實都適合"初級班"的榴槤迷~

miss都推介既榴連忘返..聞名已久,就算加價到$37,我都決心一試!人地點食我唔知,食左幾啖之後,我將所有野撈埋一齊薄冰,榴連,黑糯米,椰(汁/奶?).....好夾呀!我感覺到佢地係我條脷上面跳舞呀!!個名改得好貼切呀!!真係食到唔捨得走!!我甚至有一刻想衝入廚房睇吓佢係點出世..第二日我仲特登去食多次添呀

OT完同同事去食糖水, 3個人叫左幾樣嘢分…雪山楊支甘露 - 嘩! 一個字 “正”! 冇諗過楊支甘露可以配雪糕, d味道會係咁正!海底椰白雪黑糯米 – 黑糯米同海底椰都好有咬口, 好好味糖不甩 (無餡) – 熱食好好味, 不過可能已經食左d糖水, 所以感覺淡左d芒果班戟 – ok, 不過d芒果比較酸, 有d失望

今晚老公係沙田做完嘢, 特登去滿記買咗啲甜品返黎俾我哋食當然有我哋平時食開嘅白雪黑珍珠, 裹面有好多不同嘅料, 最鍾意係龍眼乾加埋啲黑色好似芝麻嘅嘢, 好match, 我每次都必食~~~榴槤pancake同芒果pancake, 我同老公亞女三個都好鍾意食榴槤, 但就第一次食榴槤pancake, 覺得兩樣嘢一齊食怪怪哋, 但原來係超好食架, 榴槤好香, pancake 好滑又唔係好甜, 加埋啲cream, 好正~~~因食咗榴槤pancake先, 啲榴槤味蓋晒啲芒果味, 但芒果都好甜, 好食, 下次要食咗芒果先再食榴槤~~~佢哋啲甜品甜度適中, 唔會太甜, 好........正........, 如果價錢可以平少少仲正!!!!!

吃完pizza,完全不想在那店吃甜食,轉場在這吃朋友點了mango西米露,我點了白雪黑燸米朋友那份的mango色不對,不過見她很快吃完,應該不錯我的白雪黑燸米雖然偏甜,卻很可口,加上夠冰凍,實在很消暑滿記多間分店都吃過,對其水準有一定的信心來的時候4點左右,全店爆滿

同亞媽食了一餐麻麻地嘅晚餐之後. 當然要去食番甜品補數啦 合桃露配杏仁茶 - 呢個太甜喇...雪山楊支甘露 <配云喱那雪糕> - 嘩..呢個好正呀..簡直係絕配呀.糖不甩 (無餡六粒) - 呢個都唔錯...不過我相信應該有餡會好食啲

同朋友去滿記食甜品, 但受夠了芒果, 決定試新野, 點知係錯! 我諗住試下個芝麻糊配紅豆沙... 點知由個外型開始就已經唔夾, 即係顏色唔靚~ 所有野都太深色~ 咁試下啦, 點知個芝麻糊太甜, 而個紅豆沙就立時被比下去, 變得一d都唔甜~ 不過好在都仲有d紅豆既香味, 同埋d紅豆仲可以咬下, 所以紅豆沙個part未至於好似completely唔見左咁~ 但個芝麻糊真係好出, 芝麻好香~ 但... 佢真係唔夾囉... 所以芝麻糊&紅豆沙不能同時擁有... 一山不能藏二虎...

食飽飯後,個肚仲有位食糖水,但呢個商場得滿記,所以再試,之前試過apm,西貢都覺得麻麻地!!但今次有d改觀啦~叫左海底椰白雪黑糯米~好好食呀~鍾意黑糯米一粒粒可以咬,海底椰都有好多條,而白雪即係云呢拿冰...好香,好滑,好凍...

芒果班戟($19):個皮好滑、好淋、好靚呢!!而且入面d雪糕都好滑、好正，又唔會太甜。芒果都幾ok。糖不甩($17):要襯熱食先好味架!!個湯丸好普通，不過d芝麻花生就好正喇，仲好夠味，好夠甜添!!

係沙田食完野~就黎滿記食糖水啦~見佢新出左有榴槤奶茶....好想試嫁其實..好似18蚊杯...不過又驚會怪..唔敢試..問左個令女(掃把)~係咪好似沙冰咁?佢話比一般凍奶茶要凍既~但最後我都係冇叫...都係食返榴槤白雪涼粉..好驚試新野唔岩食,,,點知...隔左一陣..個好好人既令女(掃把黎嫁因為黑衫)話比少少我試下..仲話你唔敢試新野,比少少你睇下岩唔岩~如果岩下次可以叫黎試下丫~榴槤奶茶嘩!真係太好人啦~~~~原來係冰凍榴槤就咁放入一杯港式凍奶茶度~我覺得2樣野係mix唔埋囉..味覺係feel到2種好分開既榴槤味同奶茶味..溶左既話就榴槤味仲少添~thank you果位咁好既令女比我一試榴槤奶茶既心願丫~不過都係明記既榴槤雪香好飲d~我都冇後悔我係應該叫榴槤白雪涼粉既!楊枝甘露豆腐花我男朋友既至愛~佢話湖記一定要食既甜品喎! 榴槤白雪涼粉呢個係我唯一係滿記會食既甜品~因為我覺得佢既白雪vanilla汁底比較特別出面又冇~佢既榴槤球都唔錯~好match個白雪vanilla汁底+埋d涼粉簡直就perfect!