滿記甜品 (已結業)

綠豆仙草竽圓 推廣價HKD 29推廣價比原價便宜十元，材料多多，口感不一，有比啫喱還軟的仙草，糊狀的芋泥，粒粒口感的紅豆綠豆（在底部）薏米，還有煙煙韌韌的芋圓。顏色平實豐富，紅黃紫黑白。擺位更有心思，最美味的芋泥以雪糕球的姿態屹立於中央。推介之選！芒果白雪黑糯米 HKD 41芒果厚切甜滑。白雪是雲呢拿碎冰，碎冰不夠碎，吃到小冰塊時就如喝了一口水，嚴重影響味道。黑糯米黏稠膠狀剛好，軟硬程度適中，唯中間夾雜粟米，非但不能豐富其口感，非黃非紫的粟米更影響觀感。舖面頗大，店員只有兩位，下單付款都要等。店員縱然手忙腳亂，但仍然殷勤有禮，值得一讚！

突然心血來潮一個人想食糖水，就諗起滿記，以前只有西貢一間分店，每一次入西貢都會去食，依家唔洗特登入去LA，周圍都有分店，要食就好方便。今次見到新推出既白雪仙草芋圓，入面有好多配料，而且只需$29，性價比超高。芋圓口感好煙韌，仲有薏米、紅豆、涼粉、芋頭雪糕，仲有刨冰墊底，加上椰汁，唔算太甜，雖然有咁多配料，但食落都好夾。雖然不是最好，也不是最差的甜品，不過不失了。價格也是走大眾路線的。鍾意食芋圓既朋友不妨一試。

向德福食完晚飯順便到滿記食糖水，好彩唔使等位， 每次到滿記都會三心兩意唔知叫什麼糖水， 看見餐牌的熱椰汁紫米露小丸子$36 賣相幾靚， 所以我點了這一個。 另外屋企人點了以下幾款，包括有金黃番薯糖水+花生湯圓$35，金黃番薯湯水+黑芝麻湯圓$39，熱芝麻糊腰果花生露$29，熱芝麻糊紅豆沙+花生湯圓$37，熱海帶香草綠豆沙$21，杏仁蛋白$39。金黃番薯糖水+花生湯圓 ~ 糖水味道普通，番薯 質感硬身。熱芝麻糊紅豆沙+花生湯圓 ~ 芝麻糊紅豆沙味道幾夾，芝麻糊夠滑身。熱海帶香草綠豆沙 ~ 好香海帶味，甜度適中。熱椰汁紫米露小丸子 ~ 這碗是我的，椰香味濃郁，小丸子好煙韌。芝麻糊腰果花生露 ~ 我本身都很喜歡吃腰果糊，配埋芝麻和花生露，味道更香又健康。杏仁蛋白 ~ 冬天食這一款甜品感覺滋潤。金黃番薯湯水+黑芝麻湯圓 ~ 真心覺得這裏的番薯糖水味道麻麻地，連芝麻湯圓都是普通，沒有煙韌的感覺。以前最喜歡到西貢滿記吃甜品，現在開到很多地方都有分店，雖然佢哋的甜品唔係每款都咁有水準，但都算種類好多，價錢中等，所以滿記都是我常常到的甜品店之一。

記得以前滿記無乜分店，有時入西貢都會特登去食番碗糖水。依家滿記開到周圍都係，所以食滿記就方便好多啦～滿記依家除左有各式各樣嘅糖水之外，仲有意粉食添！但係今次我都係為糖水而黎，所以就無試意粉啦。今次我地點左芝麻糊+花生湯圓，紅豆沙+芋圓，同埋宇治金時窩夫。芝麻糊無開到一塊塊，亦唔會太甜，不過就無乜黑芝麻嘅香味；花生湯圓煙韌，花生餡都算足料。至於其他甜品，由於我係無試到嘅，所以就唔係味道方面俾評語啦。

其實。。。好耐無係滿記食甜品。 但每星期或隔星期嘅午飯時段都會來😄都好開心佢哋有整幾款午餐，總共五款，雖然選擇唔多，都有兩款我哋好啱食😁😊，亦令到我哋有多個唔貴嘅選擇😃👍🏼 每款$49，加7蚊就可有指定飲品或糖水，總有紅豆冰㨂添😋，間唔中有揀，但始終係凍嘢+肥嘢🤣 所以多數要熱檸檬薏米水😋呢一次我就要秘制牛肋條竟粉，無骨㗎，煮得好入味又夠淋👍🏼😋 咪睇相好似唔夠汁咁，其實撈好就絕對夠😁👍🏼而女友呢，叫多數叫嘅白汁吞拿魚煙肉意粉，兩隻都好味㗎。 其實我叫呢款個比例都多啲㗎，間唔中先叫吓牛肋條😅 其實香草雞都唔錯，但我哋就覺得個香草汁油咗少少。

今日同朋友係九龍灣食飽飯，下午茶緊係整翻個甜品。之前行過滿記見到新出左芋圓，一直心郁郁想試！今日終於有機會試下😜我本身好鍾意食煙un野，個d年糕、薯粉同芋圓都係我最愛😍直接放圖比大家，呢個白雪仙草芋圓做緊discount, 只係賣$29，性價比超級高！開頭望落去以為係香芋味雪糕，點知原來係芋泥。個芋泥唔係一味甜，而係好香！😍真係好好食。個糖水底係我平時最愛食既雲尼拿冰沙，滿記必選，加埋涼粉簡直係絕配。🤤紅豆就正正常常。講翻重點—芋圓，大細岩岩好，口感非常煙un, 食到最後會有陣蕃薯同芋頭味出翻黎，淡淡地，我覺得算係幾正宗既芋圓呀！😍朋友叫左個楊枝甘露加芋圓，我就覺得冇我食既咁抵啦！試左佢一啖，我都係覺得芋圓同仙草夾d! 😍btw唔知大家有冇食過內地既鮮芋仙，覺得滿記同佢有得揮！好正😍好想過兩日再黎食，趁佢未落架^_^

食完晚餐，係德福行下，見到有滿記甜品，就坐底左再食過。店鋪都算大，座位充足。最近想食焗西米布甸，見到有就即刻叫左個焗荔茸西米布甸。朋友叫左個芒果水滴布甸，係凍食，好快就到左。而個侍應就同我講焗布甸要等5分鐘，服務態度良好。5分鐘都算好快過，見到個布甸焗得金黃，入口係香濃既奶味，啲西米顆粒幼細，唔會太硬或太軟，好易入口，口感好滑，最為滋味既係中間既荔茸，甜度剛好，同啲西米布甸好夾，唔太膩，值得一試。

由西貢獨舖, 為求遊車河搵個遠啲既地方所以食佢, 到而家好多地方都有分店, 由始至終佢地既甜品都十分從一而終,就係不過不失,無功亦無過既一間糖水舖。呢個榴蓮班cake, $34, 真係講唔出讚,但亦話唔出彈, 榴蓮蓉香甜既, 但都係咁啦。。。榴蓮白雪涼粉, $46,呢個真係過份了點, 46蚊得小小榴蓮蓉, 跟住跟碗涼粉, 仲貴過榴蓮班cake, 唔值呢個西瓜涼粉更加無奈。。。但又無話不可不吃既原因埋單百一, 而我地個個都無人鬧間野既, 只係可以話比啲錢換地方坐下傾下計, 價錢又合理, 不過啲野食都係可以再落啲心機

食lunch 用加杯野飲既價錢換一碗糖水不是夢!!!有時星期六日好忟,  周圍都係人,   12點開始就一定要排隊食飯難得德福間滿記唔洗排隊又有熱既主食,  今日食满記!個人又幾中意食意粉, 佢options數量都剛好  照顧到唔同口味同心情最吸引我既, 今日係芝士泡菜煙肉意粉,   dry 睇個顏色,  佢真係最令人流口水!味道剛好,   可以less salty就更好,   因為泡菜同煙肉已經好有味道去滿記的重點是:   甜品!!!!!   加配飲品既價錢可以食到甜品好開心是日糖水係腐竹西米露,  超啱我何車,   超解同滋潤 lovin' it!  

鐘意食士多啤梨既朋友一定要試下士多啤梨系列既產品!!而我最鐘意士多啤梨西米露 因為真係每次都覺得好有驚喜西米露既面係新鮮士多啤梨粒粒 入口好清新下面個層係用士多啤梨雪糕同埋西米露但我最欣賞係最底會有打醉左既士多啤梨沙冰 冰涼既口感令整體加左好多分成個甜品又唔會太甜 岩岩好 真心推介!!

飯後一定會食個甜品又或者糖水，今次就去食糖水。因為係德褔，所以最近都應該係去滿記啦。夜晚梗係飲啲熱野啦，所以我就叫左桑寄生蓮子蛋茶 - 好飲，唔會太甜，仲有隻蛋，食完超飽

工作完一星期，終於可以放鬆一下😌都係要食D甜品才能安慰一下自己辛勞的一星期💕💕 去到滿記，白雪黑珍珠係我中學最喜歡的甜點，真係次次都係叫佢黎食，白雪黑珍珠入面有好多料，有芒果🍋黑珍珠海底椰香蕉🍌配埋椰醬🥥好好味😍我最鍾意就係海底椰又爽口又香甜😌仲有一層凍冰冰嘅椰汁雪芭🥥，食落口簡直透心涼，回味無窮👍🏻👍🏻一啖食落去啖啖是肉，勁有口感。白雪黑珍珠對女人有養顏作用，美味之餘，仲滋潤養顏。難怪我食足咁多年，都仲係叫梗呢個甜品。

今天來到九龍灣，想吃甜品，經過滿記，看到餐牌有鬆厚pancake，便被吸引進去，等了大約十分鐘送上pancake,第一眼看到傻了眼，這是pancake嗎？？眼前看到的只是一件海綿蛋糕！我極度失落，$48就這樣浪費了！！很憤怒，我情願多走遠點去淘大吃BOVE! 現在心情很失落，難以平伏。 作為班戟痴的我以後也不會再光顧滿記！

2018年5月25日。晴。九龍灣。食完晚飯，睇完戲，見時間尚早，所以去食埋個甜品先返屋企德福有茶木同滿記，行到過去見茶木依然人山人海，要食就要等位，滿記就有幾張吉枱唔想排隊，於是就入咗滿記幾鍾意呢間滿記嘅裝修，全部用晒木，感覺好舒服而且係open setting，成個舖位只有及腰高嘅圍欄圍住好開揚，一啲都唔會覺得焗促，唔好嘅係如果坐圍欄側邊，行過嘅人都可以好近距離咁望到你點咗榴槤班戟，楊枝甘露同芒果白雪涼粉先講個榴槤班戟，個皮完全無煙韌感，腍到一叉落去就個班戟就一分為二入面嘅味道就正常嘅，如常地多忌廉少榴槤楊枝甘露係我嘅，男朋友食芒果白雪涼粉楊枝甘露好淡，芒果唔甜又酸，唯一可取嘅地方係啲西米，咬落去會爆開，質地唔似普通嘅西米，甜甜哋，好味芒果白雪涼粉個芒果都係酸，麻麻哋其實之前都食過滿記嘅其他分店，但係質素都無咁差可能因為時節未到，芒果未當造，又或者呢晚太夜，啲食物擺得太耐，所以先唔好味下次都係行遠啲去食返松記

星期日晚想食餐晚餐，周圍都係人龍，搵間快速醫肚既地方都難。經過德福依間滿記，本身無打算咁快食甜品，加上太早（7點左右）應該無咩人食甜品住，有7成吉，正想路過，見到門口大大個晚餐set，居然有意粉食，仲可以加7蚊有埋野飲or時日甜品。雖然唔知伏唔伏，為醫肚先即管試下。慢煮雞肉香草醬意粉，依個真係麻麻，雞肉有5，6舊左右，但未有味。香草醬偏淡，意粉口感唔錯，仲有松子，但食落成口都係油。蕃茄醬肉碎意粉，依個反而有驚喜，不比出面肉醬意粉差，芝士同肉醬調得剛好，酸味適中。椰汁紅豆冰，加7蚊就有，可惜紅豆過溶，攬落去已經無左紅豆，椰味偏重。另外加7蚊都可以選擇時日甜品，今日有綠豆沙or椰汁紫米露。果然滿記甜品出產，好好味，西米同紫米好分明，椰香突出。依個晚餐set做到8點，要試下伏唔伏記得早d黎喇。