滿屋日本料理 (已結業)

約左朋友喺銅鑼灣食午餐，其實喺呢啲旺區食飯我都預左起碼八十幾九十蚊一個午餐，但係呢間滿屋都只係六十蚊左右，仲要包前菜一個，正餐一份，小食一份，飲品一份，仲有甜品一份！！！👍🏻👍🏻👏🏻👏🏻👏🏻👏🏻佢呢度係寫五十二蚊一個餐，但係佢要加一，計埋都差唔多六十～唔水係影左好多相咋，只係影左個menu同埋前菜加小食～註：前菜係矮啲果二碟，高果個係跟餐小食的蟹籽沙律，再前啲果個係跟餐小食花之戀壽司啲人服務態度都唔錯，食物都算出得快，會再去食～🎊👍🏻👍🏻

最近見滿屋放題好有人氣。所以我都去試下先😄我見都有好多選擇，仲可以出去夾野食。中西合壁既任食放題。一入到門口就見到有甜品區，飲品區！都幾多野揀，仲有梅酒可以任飲。個樽都幾有特色😃仲有棉花糖爆谷食。刺身亦好多選擇。三文魚，赤貝，螺片，帶子，油甘魚，長腳蟹。都好新鮮好靚！影相一流！壽司種類亦好多選擇。最值得推介係：火灸胡麻左口魚原來胡麻醬都襯壽司。左口魚好滑。好味！仲有呢三杯特色飲品。白桃梳打同荔枝梳打👍,都唔錯！芝麻雞翼同炸蠔都炸得好脆。好味！炸蠔唔會話好細粒！燒波蘿，好解渴。好甜。咬落去流哂汁 😍食到最後真係太濟。 😂叫左個人參雞湯。雖然唔重人參味，但飲落好解到濟。個湯都幾好味！個雞都幾嫩。😄最後除左有張雪榚卷俾你換雪糕外，仲有其他雪條俾你任食。都好多款 😎呢餐食到真係好飽呀！ 😋😋

今日放假同朋友去銅鑼灣 想食餐好既 😄俾我地發現到 有滿屋 放題。上openrice 見d野食都幾多選擇 😄同好正咁。好似半自助餐咁，可以出去拎野食。都幾特別。所以就試下喇！😍8點半入坐，都好多人。好full!環境好大，都坐得幾舒服。始於人多，所以都有少少嘈。每間放題都係咁嘈架喇……一去到當然要叫左刺身先啦！佢剌身都好多選擇！最吸引係佢有長腳蟹 ，大赤蝦，帶子。佢啲刺身都幾新鮮，幾大塊。👍佢仲有個魚子醬芒果花芝戀 食落都好好味。芒果好甜，唔會酸！啲野未黎，就先行出去睇下有咩食住先！😄都多選擇。但都要留肚食其他野 😎仲有棉花糖機俾你玩 😍好多細路爭住玩 😋沙律都唔錯！野飲方面都好多選擇，如果鐘意飲梅酒清酒，仲可以試下添！都幾順喉架！佢仲有個限定 象拔蚌 刺身 ，好鮮甜！😋燒羊架 👍好大件，燒得幾好味。唔會話好“穌”竟然有燒鹅肝壽司 😍正！仲有海膽手卷，唔會話好大件！唔洗怕會飽☺最後仲會俾個雪榚卷你換。竟然有 movenpick 🍦正！vanilla 味真係好正！😋呢間放題都真係幾多選擇！

放題而家開到周街都係，但大部分質素都幾參差，始終覺得都係元祖嗰幾間好似大喜屋、大吉、滿屋等等呢啲質素先有番啲保證。前排喺網上見到呢間滿屋放題推出左好多新款食物，即刻忍唔住要黎試試！呢日係星期日晚上，全場滿座，好彩一早訂定枱，我地早左到，店員都畀我地早啲入去坐，真好！坐低後先去自助區拎飲品，竟然見到有日本清酒任斟，仲好受歡迎，另外啤酒都係任飲，嗜酒既朋友可以盡情飲番夠本。刺身選擇好多！三文魚、油甘魚、帶子、赤貝、鮑魚，連大赤蝦、松葉蟹腳都有！刺身仲好快到，件件都好新鮮同大件！特別鍾意大赤蝦，真係好大隻，肉質爽口彈牙！而帶子同赤貝亦係少有既咁大件，好正！松葉蟹都好好味！通常食放題唔會點食壽司，一來易飽唔抵，二來多數唔好食，但呢間既壽司原來做得好有水準，完全唔係hea貨，一定要試！尤其黑松露同花之戀系列，食完會忍唔住再encore！另外，竟然仲有鵝肝壽司！仲要好大舊，絕不孤寒，出面放題真係好難見到！佢煎得岩岩好，甜甜地，非常正！海膽手卷亦係必點，海膽都幾多，有鮮甜味道！炸物都做得好好，仲有新產品榴槤炸彈、炸乳酪棒，兩樣都值得一試！羊架好大件，肉嫩味濃，唔會鞋或乾，好正！蒜蓉粉絲扇貝都係出面放

忙完一個星期，終於可以同frd子食放題叉叉電😚今次去左銅鑼灣滿屋放題，一早book左位，未齊人都可以入去食住野先，正啊！野食紙竟然係彩印，雖然做唔到環保小先鋒😂，但係可以有食物嘅相參考下都唔錯呢👻食物選擇十分多，其中有啲幾特別！食物方面，魚生刺生都好新鮮，大家一齊怒食甜蝦好滿足 encore左兩次！！！炸物都唔錯，外脆內軟，仲有流心芝士woohoo🧀～ 燒物都好味啊 特別推介燒牛柳粒🤤 我地仲可以行出去拎沙津同前菜，好驚喜呢度有醉雞同泰式鳯爪，味道都幾好！最後甜品可以揀一杯雪糕🍦推介movenpick嘅奶凍味雪糕同哈根大師嘅奶茶味雪糕😆 特別要讚嘅係夠鐘之後都無趕我地走，比我地繼續坐低傾下計💕今晚大滿足呢😋

即興去食8:45果場的放題，去到都係要等。環境就真係麻麻，周圍都好多垃圾，地下有刺身呀野食呀垃圾呀，又無人掃😰😰跟住隔離執台，店員羅個灰色盤出黎收野，將台面d野掃晒落個盤😂😂😂跟住d碗碗碟碟，d汁啦，又跌晒落梳化，爭D中招😖😖跟住上碟雞翼，無乜位，正常都幫我地移下d位置先，但佢就係放碟雞翼，而一半碟係台外😂😂甘都得？跟住隔離台個客人即刻幫我地托住，話就跌😂😂搞乜？！其實出面D野好多野都唔再加，款式唔算多，出面D甜品又唔太好食。仲唔知點解呢間野好多東西都唔夠凍，飲品汽水啦，自已o即既雪糕啦，甜品啦，全部都唔太凍☹️☹️另外刺身食物方面，都接受到既，唔係難食，都唔多漏單既。不過我應該不會有下次😂😂😂😂

話說某天看見網上推介這間放題有多達90款日式食品😱當然二話不說相約朋友J和朋友S去試🤣我們入座後我負責下單，朋友J出去取自助式冷熱盤。冷熱盤雖然選擇不多，但味道不錯👌🏻，可以在等待上菜時淺嘗😆沒等多久，我們所點的六款刺身就上枱了。想不到要切塊的刺身，例如三文魚和帶子等都是厚切😍每款刺身都鮮甜味美，質素不錯。我們亦點了烤蝦，肉質彈牙👍🏻火炙壽司🔥和鰻魚壽司尚可，惟牛肉壽司（？）忘記名了🤣我嫌太生（我不喜吃太生的肉）我點了六塊羊架，餐廳用黑胡椒和月桂葉等材料烤羊架辟走羊騷味，所以吃下去有點辛辣，味道尚可，但燒烤火力不均，有些羊架只是7、8成熟。（嗚嗚嗚，我忘記她們不吃羊，虧我還點了六塊，吃羊架都飽😭）最後每人可選一杯Häagen-Dazs或Mövenpick雪糕🍦感謝朋友S不吃雪糕並把她那份送給我😙我覺得Häagen-Dazs太甜，所以選了Mövenpick雲尼拿及朱古力，大滿足😋其實還有其他食物，但太餓，全掃進肚才記起拍照🤣餐廳焗扇貝味道鮮甜，而焗蠔及焗帶子的醬汁有點奇怪，我們三個也不喜歡，但整體來說大家覺得這間放題質素挺好，刺身壽司新鮮，供下單的日韓美食款式多👍🏻實屬encore之選🤣

放題不外乎刺身，壽司，同天婦羅，呢幾樣我都好鐘意食，今次夜晚約左好耐冇見既大同諗住一齊食日本野傾下計，吹下水，唔想食一兩個鐘就好似比人迫走咁，所以就試下呢間，有兩個半鐘食，可以食完，休息下，飲下清洒，再黎食過都得。我果日約左八點半，唔係Peak hour，但都幾多人下，一入到去就一定要黎返過刺身啦...三文魚真心幾正，好厚切，有成1cm，食一塊等於食兩塊，都幾有鮮味。其他刺身都唔錯，個人幾鐘意時令推介既象拔蚌刺身，好鮮甜，同軟硬度剛剛好。食完刺身就要食下壽司啦。我自己本身好鐘意食芝士，係十成十一個芝士控，所以見到就咩都要曬，壽司上面芝士適量，唔會太淡太濃，太少太多，同肉或餡料配搭好好，加埋就係perfect March 啦。芝士鰻魚係必食，鰻魚大塊，個汁有埋芝士食落去好幸福呀...食左咁多heavy 野，係時候要中場休息下食返個salad 先再拼過，我自己對蝦有愛好，非選柚子大蝦沙律不可，蝦有三隻，隻隻都好大隻，冇雪味，有鮮味，加上salad 菜真係唔錯...休息完，我再食左一碟牛肉粒同燒雞翼。牛肉粒生熟程度恰到好處，加埋d 炸蒜好惹味，幾有香口感覺，值得一試，雞翼都唔錯，唔會好鹹，淡

讚：1，刺身冇 cut 單，數量足，新鮮2，有鮑魚，硯，凍蝦，長腳蟹，象拔蚌，避風塘炒蟹都係任食3，甜品款式多，仲有一人一杯 Haagen dazs 4，飲品有 hoegaarden 西柚味5，大部份食物都好味彈：1，坐位很窄2，蟹粥冇味3，焗蠔隻蠔很細，但配料勁多

月初見到某網媒o既一篇網上推介，好似有好多o野食咁，真係好吸引。心動不如行動，立即約friend 食！我平日去o既，book o左8:30pm，已經避開o左繁忙時間，但餐廳仍然好full 好多人等緊，好在book o左位。咁多人幫襯應該會幾唔錯，好期待呀！座位有兩本超厚o既menu 紙俾你order 完交俾waiter，o野食多到眼花撩亂……除o左入紙點菜，餐廳仲有一個區域好似自助餐咁擺晒d 食物o係度俾你就咁拎o既，有d 前菜、沙律、湯同部份熱食；o野飲亦有兩個超級大o既雪櫃，soft drinks、啤酒齊晒，入口o個邊仲有日本sake o既酒缸，想簡約d 飲杯茶都有茶包俾你自己沖。因為最初d o野食未o黎，我拍住枝cider 先~ 朋友則從爆谷機夾o左d 爆谷，我試o左少少，蜜味香濃。刺身船o黎喇……！圖所示係二人份量，無諗過佢俾到咁足，真係有d surprised。三文魚好厚切，大大塊又1cm 咁厚。大赤蝦同帶子都係超巨型，啖啖肉。天使蝦雖然無其他蝦咁大隻，但我覺得最鮮味係佢。d 松葉蟹腳都易剪開o既，肉質鮮嫩，保留到一定水份，之前食過其他自助餐d 蟹好乾……壽司著量都叫o左d，

去一去銅鑼灣行街，行左一陣肚仔餓啦🙈對於一個鍾意食野既人，每一日重頭戲就係唸食咩😂😂有時都幾煩惱。朋友話反正都唔知食咩，倒不如食放題，依句說話好有道理😎一search openrice，先發覺銅鑼灣好多間放題。大家之後想食放題，都可以過黎依邊，多多選擇。可能我地6點去到，比較早，等左5分鐘就有位。仲安排近自助吧度，好方便我自出自入😂一去放題，緊係要食刺身啦，依個係必做動作😎 刺身方面其實都好多選擇，不過我鍾情食蝦，所以點左三份二蝦類😂。最難得既係有長腳蟹蟹腳食，第一次叫唔知好唔好味，淨係叫左4隻，食落都好有海水味，肉都唔少架。所以忍唔住叫多2隻食下，本身以為2隻咁少，應該用隻碟裝住就算，點知送黎係一堆冰插住2隻蟹腳，仲插埋膠剪一把。果一刻真係真心笑左，依間放題好有誠意。除左刺身，都叫左壽司食，特別鰻魚系列，認真眼前一亮。可能一開頭食凍野，食壽司暖暖d，覺得好滿足。其他人或者會覺得壽司姐，好咩特別。特別係飯有溫度，唔係凍冰冰，唔會食落又硬又凍。而且係飯好少咋，所以可以食多幾舊。我平時都唔飲酒架，但係今次真係破戒。梅酒真係好岩女仔飲，無咩酒精，飲落酸酸地。我全程拎左幾次，搞到我朋友

同朋友食飯，梗係食放題，乜都有，唔洗就住就住嗌得幾樣。大赤蝦我最鐘意，夠多肉，大啖大啖好滿足，連甜蝦都好大隻。帶子刺身都有，好鮮甜而且一啲都唔細舊。三文魚刺身都好新鮮，油脂比例平均。平時放題都唔會食蟹腳，感覺無乜肉，不過見到隔離枱嗌左好似都唔錯，所以都叫咗幾件試，都幾鮮甜又多蟹肉。蟹鉗殻已經整碎左，一開好多肉。芝士鰻魚同芝士長腳蟹棒壽司都好正，上面塊芝士微溶，食落去亂笠笠，啲飯都好少食到幾件都唔怕滯，推介呢個芝味系列。仲有呢個熱烏冬，唔係普通食嘅烏冬，感覺好似讚岐烏冬比較彈牙唔冧身，雖然係普通豉油湯底，不過食左咁多生冷野，食一碗熱辣辣的烏冬平衡返d腸胃都唔錯。平時啲放題店都係包裝飲品，呢一間居然有即製台式飲品，配料仲有蘆薈/Q果揀，睇到之前已經拎左飲品，下次有機會再試。出面都有自助位，都有好多人夾，環境都乾淨企理。最後梗係有雪糕食，Haagen Dazs/ movenpick 揀，今期季節限定Haagen dazs有草莓乳酪味，但我最鐘意都係movenpick，奶味重d!!

一班同事約埋去食放題，揀左「滿屋日本料理」，因為這裡除了多款罐裝飲品（啤酒、汽水、果汁樣樣齊），仲有西蜂檸蜜、白酒及好味梅酒。而且自助食品區有不同小食、沙律、炸物、甜品、雪糕、雪條；我最喜歡那些凍🦐，非常鮮甜😋，好正呀！還有那個「鮮🦐火龍果」😋😋。好欣賞佢D刺身夠新鮮，而且砌得好靚，賣相已經非常吸引。而我最喜歡芝味系列，非常美味，包括北海道帆立貝、鮮🦐、鰻魚及軟殻蟹壽司。還有特別推介超彈牙的「細細碗烏東」，一定要叫。最後每人還可選一杯Movenpick 及Haagen -Dazs，為放題畫上完美句號。另方面，星期一至四優惠多籮籮，包括6人同行，仲可一人免費，如果有人生日，仲有生日蛋糕送，仲有板海膽或香檳一支。這裡員工非常有禮貌、執碟快，值得一讚。此外，平日去，俾了$後還可繼續坐，傾下計。

今日約左好朋友係銅鑼灣行街，行到勊勊地又好耐冇食過放題，就揀左滿屋，近地鐵站好方便，一到餐廳不用等位就入去了一入去就見到冷盤食物，有沙津，凍蝦等野飲都好多選擇，好似7-11，想要熱飲都有仲有爆谷任裝食放題點少得刺身，有我摯愛既甜蝦&帶子，幾新鮮，味道鮮甜野飲叫左杯藍碟花特飲&檸檬梳打，幾甜壽司幾多選擇，有最愛既芝士，細細件可以食多d粟米有濃濃牛油味，蝦幾新鮮避風塘炒蟹，少許辣但可接受，不過味道不夠入味，有改善既空間海膽手卷，入口即溶，不太腥蜆肉面鼓湯，味道不錯，不過只有一隻蜆炸物不錯，幾香口鬆脆，有芝麻雞翼，芝士波，榴連波&炸蠔最後食得太多，好可惜食唔落出面既甜品，不過有得食Haagen Dazs 限定草莓乳酪雪糕，為呢一餐寫上完滿既句號

選擇了滿屋這間放題和好友聚會地點非常方便， 位於銅鑼灣c出口附近食物同飲品款色都好多飲品除了有樽裝,罐裝,熱茶⋯仲有特飲我地叫左藍糖荔枝梳打同藍蝶花飲品顏色很美， 還可以配蘆薈同Q 果👍🏻食物方面壽司細細件, 不怕吃太飽， 可以試多幾款刺身方面， 有喜愛既松葉蟹腳，帶子好鮮甜試左海膽手卷都唔錯， 唔腥：）避風塘系列都幾好味!我地試左炒蟹同鴨舌，只係少少辣， 我朋友唔識辣都食到👍🏻呢個麵鼓湯都值得一試， 有蜆肉👍🏻另外， 羊架都好好味最後有Haagen Dazs 雪榚作為甜品我地都叫左季節限定既士多啤梨乳酪味不過一人只限一杯😂不過其實甜品都有好多選擇⋯仲會有d 生果⋯仲有值得一讚店員有禮，好招呼，好勤力幫手換碟同收碟👍🏻