滿屋日本料理 (已結業)

生完小孩後，榮升做媽咪的自己當然無覺好訓，每兩小時就要餵一次奶，果然是一項馬拉松式的地獄訓練。 雖然身為豬隊友的老公都替我分工不少，但講到底男士侍產假始終不多，終於很多功夫都只能靠自己一力承擔，幸好坐月的時候還有偉大的母親替我減輕功夫，除了負責足一整月的坐月餐之外，又幫忙為孫兒飲奶，讓我能夠好好休息。 煎熬的一個月終於過去了， 坐月差唔多順利完結難得可以外出走走，當然要帶媽咪好好吃一頓，跟她以往吃過多次放題餐廳，但最岩心水的，還是覺得滿屋的分店最好，於是決定再來吃多次。員工安排坐好座位後，便要專注於兩本字典厚的點心紙。以點菜紙形式落單，款式有火焰壽司、壽司、炸物、刺身、卷物、創作精選、天婦羅、燒物、一品料理、煮物及廚師推介等。除了用點心紙落單外，餐廳的中央亦有擺放少量食物， 以方便客人自取。當中有一些前菜沙律、炸物、 熱食，更擺放了一部爆谷機和軟雪糕機。自助飲品區有兩大個雪櫃，裝滿林林總總的有汽或無汽飲品， 不過講到最抵飲的當然莫過於係有自助區的冷熱清酒和梅酒任飲。至於自助甜品區同樣有兩大個雪櫃，不過款式相對較少，有迷你馬卡龍、木糠布甸、朱古力慕思、紅豆蓉糯米糍、牛奶布甸、士多啤梨慕思

今晚係乜都想食既情況下，同友人決定去食放題，朋友話呢間滿屋非常唔錯，所以就去左呢間，上到人都唔少，證明應該都十分不錯 哈哈！店員都好快安排到座位比我，座位唔會好窄都坐得舒適！除左係選紙到填上需要既食物，仲可以去自助區自己拎！有好多前菜小食、海鮮、少量熟食同飲品！我就拎左幾件帶子壽司，帶子好鮮甜，爽口上面加左點三文魚籽更有口感，醋飯既調味都唔錯！仲拎左拖羅壽司，拖羅油脂唔錯，味道好正！一口和牛，和牛唔會好乾仲好juicy ,肉質唔un 仲好嫩，配埋炸蒜好惹味！蝦串燒，蝦唔算好大隻，不過好新鮮同多肉，肉質好爽彈牙，蝦味十足！燒魷魚，送緊過黎個陣已經聞到佢既香味，入口煙煙unun 個面又香，正！甜品都好多選擇，最得意既係有部爆谷機，可以隨便拎，仲有自助雪糕機！ 朋友果然無帶錯我黎，十分滿足既一餐！

今年媽媽生日撞正星期期一，無時間安排到煮兩味孝敬她，唯有 book定同佢去銅鑼灣食日式放題，每次佢都揀呢間食開有感情，好彩老公醒目一早訂定位，連埋佢契女一行四個去食過夠，乘機放縱吓生日優惠 可惜老公唔記得訂位時講低 所以未能享用 講真多年嘅競爭下還可以繼續生存一定有佢長處，食物質素服務環境都係考慮原因之一，除左 order紙外，還設置左飲品櫃無限飲，多款甜品選擇，還有小食 salad吧同埋熱葷給客戶！重新裝修後更有日本 feel 刺身 自選十幾款 已經係回本 媽媽最愛三文魚，我最愛甜虾，帶子，北寄貝，老公就最鐘意巨型牡丹虾鮮甜又咬口彈牙，其他魚類螺類當然都不要錯過！款款壽司都好吸引，細細件可以比大家食唔同種類，原條鰻魚，和牛同炙燒左口魚群邊 極滿意當然海膽， 吞拿魚腩蓉，全部都非常鮮架！ 食物種類可以講過百樣，真係無可能食得晒，但媽媽就是為左佢 ~~~~ 咖哩炒蟹，香辣又實用愛蟹之人必叫。還有每次都要食幾串嘅燒牛脷，外乾身但醃得入味兼咬口非常，越嚼越 juicy出色之作！甜品還是選用 Haagen Dazs 記得留翻少少位食甜品同雪糕呀 燕窩燉蛋 份量太少

午市12-3 三小時任食任飲二百蚊都唔洗😎🤩😛必試黃金燒帶子🧀🤩 鹹香味十足😆蒲燒鳗魚入口即溶 滋味享受要再三encore 😍.壽司方面都有好多選擇海膽帶子 海膽大蝦 黑松露赤蝦😋刺身仲有油甘魚腩 大赤蝦 帶子 劍魚腩.熟食方面首爾人參雞煲超足料😋雞肉煲得非常林身 好易入口湯底藥材味十足☺️ 胡椒味唔算好濃冬天飲特别暖粒粒🔥.甜品櫃有各式甜品自取每人仲有限量一杯日本直送期間限定紅豆栗子麻糬 好幸福😍😛

今日約左舊同學聚舊，去左銅鑼灣嘅滿屋日本料理食放題。佢喺銅鑼灣廣場二期，所以都唔難搵。舊同學遲放工，我自己上去攞位先~呢到嘅刺身都新鮮，舊同學係咁瘋狂refill~而我就因為冬天凍冰冰，主攻熟食~我最鍾意食和鬼汁牛柳粒，叫左幾份食XD呢到嘅食物選擇都幾多，迎合到唔同人嘅需要。重點係佢落單後上菜快，唔會落完單一大輪都未有，等到自己都唔記得叫左d咩、有咩仲未到XD飲品都係任飲，自己喺出面雪櫃拎。每位仲有一杯雪糕做飯後甜品tim~整體黎講，呢到嘅CP值幾高，我會推介大家黎呢到食放題~~

朋友相約於銅鑼灣吃飯，放工過後便馬上到達，餐廳位於銅鑼灣地鐵站，附近距離地鐵站大約五分鐘路程，地利上十分方便。抬頭更有溫馨提示提醒客人，下單時需寫枱號及人數。寫枱號及人頭數字，此為重點。各位有興趣來臨的朋友定必記住， 如沒有寫下，店員便會使用他們超友善的態度提醒要留意， 此為非比尋常之舉動。食物方面分為兩大類，自助形式的及下單自助形式， 自助形式有冷盤，海鮮塔，甜品，飲品等。下單方面，芝麻雞翼，燒羊鞍，刺身，虎蝦天婦羅，特色壽司， 火灸和牛壽司，火灸鰻魚汁原條海鰻壽司， 火灸香蔥左口魚邊壽司，秘醬厚燒玉子壽司，海苔帆立貝伴吞拿魚茸， 海膽帆立貝，火山大爆發，燒牛舌，燕窩蒸蛋。 味道方面還算不錯，最重要新鮮即叫即做。下次也會再來，來的是因為食物質素，同時我也會緊記枱號及人數定必填齊。

裝修上呢間餐廳都靚同正常 所以無咩問題紙既種類正常, 但出面包既野食種類比較多, 除左有自己叫紙落既哈根大師and movenpick 之外,仲有雪糕機, 酒方面有清酒俾人飲, 熱維他奶等, 野飲算係周到同多, 食埋出面會有d冷盤, 品質算高,放題黎講呢到食物質素算係高中.sushi同刺身方面主要睇新唔新鮮, 呢到係帶有小小鮮甜味. 質素無問題, 值得一提係, 其實好少放題會有特飲, 呢到d特飲係幾出色, 大杯啦, 同埋料落足, 味道唔錯, 如果飲得落可以試齊呢杯甜得黎帶小小酸, 可以幾開胃, 如果夏天飲仲正, 不過入面溫度算係暖 唔會凍同熱.牛粒係我覺得最好食既菜之一, 主要係口感上佢好易入口, 比較彈牙, 彈牙得黎唔會難咬,味道佢調好晒汁, 唔會過咸 味道岩岩好 就係最好味.炸物味道都係咁嫁啦, 主要係去油方面, 同埋炸得比較脆身, 所以師傅技術唔錯.特色既sushi 味道係唔錯, 主要吸引我係佢地花心思係個look上面, 望落去幾靚又吸引!和牛同火灸基本上燒得岩岩好, 和牛比較油小小, 可能因為脂肪比例比較高, 但唔影響個味道, 不過會比較易濟, 食少d油會好d , 燒到岩岩好

好耐無食刺身咁啱要過銅鑼灣幫媽媽囉年貨，同男朋友就去左嘆下先，因為2百幾蚊位又可以什麼也食到，平時去大型超市買盤壽司或刺身都唔止啦！ 環境不錯日本 style ,坐位都唔選迫，食物亦新鮮，Order無甩亦快送上，飲品更加比其他同類型多選擇，清酒梅酒也可的。未 order就已經自助飲品櫃揾 d野潤下先，迷你樽嘅鹹甘吉好可愛，還有竹蔗茅根水，超滿意。男朋友就要左罐麥酒 呢個品牌都唔平架。第一樣更係 Order 回本刺身啦！ 甜蝦牡丹蝦重點推介，三文魚刺身同油甘帶子北寄貝蟹棒同仿鮑片樣樣都好好味，終於可以放鬆慢慢嘆，滿足晒兩個刺身迷！壽司亦好多選擇架，無輪炙燒，軍艦同手卷應有盡有，細細件食多幾件也可，當然除自己心意 每樣 order一兩件 可以再 encore ,千其咪做大嘥鬼呀！食到差不多係時候出去食物吧有什麼好野先，炸物保持都溫暖，章魚小丸子，炸魚皮同餃子添。每樣一件都可口微脆。蘆薈木瓜凍 賣相吸引 留待最後。四款麻辣涼菜 無骨辣鳳爪最惹味有咬口！回到位另外 order嘅其他食物亦已送上啦蒜片牛柳粒 香脆蒜片夾著牛柳粒好配合送酒焗扇貝好多料除扇貝外還有菇蟹柳同白汁焗過還是熱辣辣送上，有點

香港人都幾鐘意食放題，所以周圍都好多放題餐廳，但係大部份都要三百幾蚊，但係食物質素又好差。今次食嘅滿屋就真係算抵食，食物同飲品種類非常多，無論刺身、燒物、壽司、天婦羅、燒物、炸物、煮物、手卷、甜品都好多選擇。淨係牛舌都有三種俾你揀。仲要有好多熟食唔洗叫已經喺出面任你攞，例如：沙律、小丸子、蝦、三文魚、湯、爆谷同好多種甜品。刺身都幾鮮甜壽司忌廉芝士鰻魚玉子燒好食竟然連花膠都有完來最尾佢會俾張特別嘅雪糕紙，有haagen dazs同movenpick，每人限叫一杯。

近期食過CP值最高嘅放題👍🏻真心超抵食lol $248呢個價錢食到三百幾蚊嘅質素😳上次覺得極上大喜屋嘅鰻魚好厚肉，呢度都唔差😱都係任食唔嬲，絕對係回本之選！另一推薦鮑汁花膠，花膠係我食過咁多間放題之中做得最好，勁厚身而且軟滑煙韌！西京燒比目魚亦都唔會成pat醬，燒到外脆內軟滑，每次諗起去日本餐廳想食都要勁貴，就會忍唔住嗌多兩舊😂又脆又滑真係好正！甜品可以揀Dreyer’s雪糕批！有日本芝士撻口味，第一次食呢個味感覺幾有驚喜，外層白朱古力脆皮有好多撻碎，脆脆地，味道較甜，而入面嘅雪糕就甜度好低，係淡奶嘅香氣，兩者balance番整體唔會好甜幾好食！今晚食得最多嘅係雙重芝士鰻魚卷，不停地encore，忌廉芝士配鰻魚估唔到咁夾！好食到停唔到口><我仲order左厚肉版鰻魚黎夾住食，真係太正了🎊❤️刺身都好肥美新鮮，無咩野彈！雙重芝士三文魚卷，忌廉芝士都係配鰻魚比較出色😏手卷都好食，而且飯細細件，唔會食兩舊就飽！做得幾貼心。自助區都有唔少甜品小食，選擇多到試唔晒🙈雖然特別版嘅雪糕每人淨係得一個，但絕對已經夠皮😂鍾意食雪糕出面仲有自助雪糕，想食幾多隨便唧btw我已經飽到行唔郁好嘢講

二百幾蚊就食到既放題 仲要質素唔差 不錯不錯星期六日多人 等左半個鐘先入到除左電話簿咁厚既點菜紙之外 仲有自助區可以任拎 食住等上枱既速度好快 等左一陣就到齊哂一定要食既就係呢個刺身拼盤黎既數目都好足睇下個三文魚幾肥美呢個係出面拎到既半熟蛋 好高質 岩哂我呢個蛋控鰻魚壽司超長超yummy花膠湯呢度嘅花膠湯估唔到真係有花膠，食咗咁多煎煎炸炸嘢都會想飲啲健康嘅野，除咗有花膠湯之外仲有其他揀既最後不得不吃就係生果呢個係超甜哈蜜瓜個個食到最後都話飽飽飽但真係好味到停唔到口！

係放題屆來講，滿屋都算幾出名，價錢唔貴，如果就得到時間嘅話，仲可以更優惠今日係星期五，所以等嘅人都比較多，等左大約20分鐘終於入得！位置唔算大，四個人一張枱如果叫得多啲嘢食都比較迫，但每一到放題都係咁menu超厚！我都唔一一介紹，介紹幾樣我覺得最值得食嘅嘢啦芝麻雞翼佢有兩款雞翼，呢個係雞全翼，用炸嘅方法將雞翼煮熟上到枱嘅時候都可以維持着脆卜卜嘅口感，超好食，而另一款就係鹽燒雞翼，比較過兩者之後，芝麻雞翼取勝！大赤蝦平時放題邊可能有咁大隻蝦！最多得甜蝦仔，呢個大赤蝦真係必點，鮮嫩多汁！連個頭嘅汁都可以啜埋一份！赤蝦肉多而厚實，一咬落去口感冇得頂！火炙和牛壽司喺芸芸咁多放題食物入邊，邊有可能食飯！但呢個火炙和牛壽司嗌左勁多次！半生熟嘅和牛用火焰槍燒熟，仲有啲汁流緊出嚟，一口將和牛同壽司飯一齊食～嗯！encore唔該

我已經有N年無食放題，這星期有朋友外國返黎話好想食，所以我揀左銅鑼灣滿屋。一入餐廳見到清酒梅酒可以任斟，朋友已經雙眼發光，飲品區非常齊全，汽水，果汁，茶，啤酒全部都有。自助吧都有不少選擇，不過我的胃要留卑刺身和串燒，所以不能吃太多Order紙上的食物種類好豐富，刺身方面我地點左大赤蝦，劍魚腩，帶子，角螺，北寄貝。赤蝦好大隻又鮮甜，有驚喜，其他刺身都好新鮮手卷和壽司的飯細細舊，好貼心炸廣島蠔粉唔厚，蠔肉飽滿多汁。值得一提是榴槤炸彈，𥚃面有香甜的榴槤肉，好好食燒鰻魚燒得焦香，醬汁味道很好，不停encore朋友亦好surprise 在放題中可以食到咖哩炒蟹和炆花膠，炒蟹好惹味，花膠都幾厚身食到尾聲，還有繽紛的甜品區等我地，但實在太飽了，我們只吃了movenpick 雪糕能夠用2百幾蚊食到咁高質的食物，大家都覺得好抵

今日心血來潮好想食放題，平時行過銅鑼灣廣場大大個招牌寫住滿屋放題，其實都想試佢好耐，因為有同事都介紹過好食，橫掂今日好想刷餐勁，咁就去咗試滿屋嘅放題。去到餐廳，門口接待員好有禮貌，我去就帶我去咗一個卡位坐。咁我梗係即刻叫嘢食啦，發現佢哋嘅放題都幾多嘢食，種類多好多，有刺身，壽司、炸物、就連港式大排檔嘅炒蜆炒魷魚酥都有！咁食物當然有返咁上下質素啦！最開心嘅係原來佢哋個甜品都好多選擇，質素高而且個樣都好吸引！食到飽飽，個侍應話我可以揀雪條或雪糕，當然唔係平嘢啦！Overall嚟講，滿屋嘅放題係值得去試嘅！

早排放學6點鐘返到屋企，突然收到屋企人訊息，問我去唔去食放題。咁梗係去啦！點知老豆原來一早book好位，銅鑼灣滿屋日本料理。第一輪當然即叫盤刺身嚟食。三文魚、立魚、希靈魚、鮑片、甜蝦、帶子絕對係必不可少。不過唔知點解每次食放題第一輪叫嘅刺身都係最新鮮最好食嘅。第二輪叫嘅鮑魚係好食嘅，不過就細粒咗啲；個海膽刺身就真係唔係好掂；鵝肝就好食啦，係塊麵包太硬，唔係好想連埋一齊食；蒸生蠔都唔錯嘅，有生蠔嘅鮮味，配料都夠嘅。跟住其實都叫咗唔少嘢嘅，燒羊鞍，壽司啊咁：火灸三文魚同左口魚係我推薦嘅。三文魚好食應該人人都知啦，至於左口魚係我第一次食，食落好有口感，大家可以去試下。至於我最鍾意食嘅必叫嘅就係呢個炸芝士年糕。既有甜味又有芝士嘅咸咸地味，真係食過一次就會上癮。咬落去中間仲有芝士流出嚟，不過要中心唔好辣親，因為真係幾熱下啲芝士流心。