滿屋日本料理 (已結業)

今日同朋友一齊慶祝生日我哋揀咗呢間滿屋食放題， 好彩我哋預早訂咗位如果唔係都要等， 一入到佢見到有好多餐前小食，例如有響螺肉、海帶同我最鍾意嘅蟹子等。 出去見到飲品都算幾多嘢飲，而且佢亦都有一啲日式嘅清酒sake畀我哋飲。 我哋叫咗以下食品：黑松露吞拿魚醬油漬壽司： 因為我本身都幾鍾意食黑松露，呢個黑松露吞拿魚壽司，吞拿魚我覺得都幾新鮮同埋色澤唔錯。黑松露赤蝦壽司： 呢個另一款黑松露赤蝦壽司， 我覺得佢黑松露味都濃，襯托隻赤蝦我覺得唔錯因為佢隻赤蝦幾鮮甜。刺身我地叫左有甜蝦、大赤蝦、北海道帶子刺身、吞拿魚、 希靈魚、油甘魚! 其實所有刺身我都好鍾意食同埋你可以見到刺身都幾新鮮。 可以睇下我啲圖。蒲燒鰻魚： 個鰻魚真係幾好食，甜甜地同燒鰻魚燒到恰到好處 ，所以其實叫呢個鰻魚都幾抵食。燒紐西蘭羊鞍: 呢個一定要嗌，因為你就算出去街叫個燒羊架都幾貴，同埋佢呢個燒羊鞍肉質軟熟多肉汁。我哋都叫左好多天婦羅例如虎蝦天婦羅龍躉天婦羅、南瓜天婦羅… 其實佢個天婦羅，我覺得每一樣都炸得幾好，同埋唔算多油，而我最愛嘅始終都係海蝦天婦羅， 因為我覺得呢度啲海蝦有佢嘅鮮味就算用你整天婦羅佢個海蝦味都仲喺度。辣

很少有機會在午餐的時間吃放題, 總是覺得好像有點多, 今天剛好同事book了這裏就一於吃吧平日午市12:00正開始的, 具體的價錢是一人只需要$200左右已包括加一的服務費, 可以選擇多達數十款的美食, 不論壽司刺身還是日式料理, 飲品自取, 還有爆米花, 窩夫, 雪糕作甜品依稀記得食物味道不俗, 熟食都是新鮮即叫即做的, 創作壽司的款式大路, 都是常見吃到的配搭如果在銅鑼灣想不到吃什麼的話, 放題也是個不錯的選擇

久久未有放肆地吃，不看價錢想食乜叫乜，非放題莫屬！一入店內已經看到有清酒、梅酒任飲，冷的、熱的都有貼心提供，更添幾分日式風味，唔係每間日式放題都有的喔！飲品種類繁多，共有4個大冷暖櫃，各色各樣任君選擇。刺身夠凍夠鮮，大赤蝦的確是非同小可的大隻，啖啖肉。而甜蝦也有一定份量，鮮甜味美，兩款蝦我較喜歡甜蝦。而北寄貝亦意料地爽甜！另外推介的是北海道帶子，大大粒，質感實淨、無腥味。👍🏻貓山榴槤炸彈一向覺得榴槤產品味道很假，但這個卻保留到榴槤真味，好吃！像炸湯丸，一咬爆出流心的榴槤餡，小心燙口呢～燒海蝦海蝦肉新鮮彈牙，唔怕剝殼的朋友要試試！燒牛舌牛舌燒得香氣撲鼻，⼀啖一塊好有𡁻頭！楊枝甘露好少有放題有哩d甜品！入面都有好多柚子肉，仲有一球雪糕喺上面，唔錯！🍨除左有自助雪糕機之外，最後可以每人揀一款貴價雪糕，來個完美總結！大滿足！😍

這天同事帶我到滿屋吃放題午餐，她們之前去過，說食物很豐富，吃得很開心，一小時已足夠，即是固定午飯時間的上班一族也可享用放題。滿屋的午市放題有3小時的，中午12時至3時。星期一至日均一價每位$183 ，加一服務費。門口大堂貼了點食物的紙張圖片， 種類很多，十分豐富。包括刺身、壽司、創作精選、手卷、 軍艦、卷物、串燒、燒物、廚師推介、炸物、 還有熟食、鍋物、甜品和雪糕等等，應有盡有。刺身~我們點了多款刺身一起分享。包括三文魚、空運大目吞拿魚、甜蝦、大赤蝦、油甘魚、 劍魚腩、希靈魚、松葉蟹棒、鮑片、北海道、帶子刺身、 北海道角螺等，吃得很開心!多達十數款刺身，味道整體都不錯。有幾款較喜歡的，至愛大赤蝦，爽彈鮮味，劍魚腩有魚油香，鮑片爽口美味，北海道帶子刺身細滑鮮甜，角螺有嚼勁!壽司~黑松露吞拿魚醬油漬壽司、柚子油甘魚腩壽司、松露赤蝦壽司 -赤蝦鮮甜，油甘魚腩肥美，加了松露香，好味!火焰壽司~秘製厚燒玉子、火炙芝味和牛、芝士蟹棒黃金燒、海鹽牛油蒜蓉三文魚 - 蟹棒加了芝士有另一番風味，玉子加了秘製材料，口感特别!創作精選~海苔牛油果醬拌鮑汁元貝、鵝肝伴帶子壽司、海膽吞拿魚蓉壽司- 鮑汁元貝併

好耐冇食放題🤣🤣🤣今次同朋友黎食放題慶祝左聖誕節🎄無論野食定飲品款式選擇都好多🤪除左menu上既可以任揀，出面都有好多炸物、海鮮同沙律任食.先黎壽司🍣、天婦羅、同一堆炸物😈炸物好正！新鮮熱辣辣炸起，勁好食。天婦羅炸粉唔算厚，芝麻雞翼又香惹味。鐘意食榴槤既要朋友可以試下貓山榴槤炸彈💣一咬開好勁榴槤味🤭.刺身方面三文魚同蟹棒都算新鮮👍🏻牛魔皇嘅我就揀係唔少得鹽燒牛舌、和風汁牛柳粒同鐵板安格斯牛仔骨🐮🐮水準不懶，又入味。有機燒菠蘿又甜又多汁，鹽燒海蝦都非常惹味，仲有一樣推介大家必試嘅就係竹笙瑤柱蟹肉翅，足料得黎味道同出面食個啲有得揮😆.飲品方面，選擇超多，啤酒、汽水、茶、果汁乜都有🧃🍺🥤.除左凍櫃既甜品可以任食，最後每人仲會有一杯雪糕，可惜呢杯雪糕不是任食囉🤣有dryers, haagen-dazs同movenpick可以揀😍超滿足！

放題，一向都係大食人士既首選，一大班朋友就最適合，種類選擇多，喜歡食咩就叫咩。銅鑼灣的放題一向比旺角少，但今次黎到滿屋，1)      食物選擇超多刺身、壽司、卷物向來都常見，但是連各種熟食都有，小炒，炒蟹，蟹粥、連翅都有得食，真係比較少見。而且每樣都是新鮮，全部都是熱騰騰。2)      食物質素好每樣食物的味道都不錯，魚生刺身新鮮。天婦羅都是新鮮炸起，一咬開都是熱辣辣。叫了炒牛柏葉等熱食，都是好有穫氣，又香又好食。就算是外面的自助食物，炸物都是脆脆的。3)      上菜快，收碟快叫了沒有幾耐，就有得食了。而且食完的碟都有店員收走，唔會因為叫太多而沒有位放。佢地都好有禮，落單、收碟等等都好快手 首先是出面的自助食物區，其實款式都有好多。特別是蝦、螺都是自取，亦有不少甜品、全部都相當新鮮。今日叫的剌身，包括三文魚、帶子、油甘魚等等。每次都有冰伴住，確保冷凍新鮮。帶子每次都好大粒，三文魚色澤亦好鮮、食落去，厚切的一片，不錯。海贍手卷，小小的一件，超級可愛。而且小小一件，唔會吃完一件就好飽，可以多試其他幾個口味。 另一位朋友不太愛吃生的食物。這裡的卷物都好好。我地叫了海鮮火灸三文魚卷，香

12月份朋友生日，選擇咗去銅鑼灣滿屋，係openrice訂位，仲可以有95折訂咗5:30，店員話有兩個價錢，5:30至7:00要$218，5:30-8:00要$238，話入座前要決定時間，其實都冇得揀，只可揀後者，因前者只有個半小時點餐用食物紙點餐，坐低先點刺身，有三文魚、帶子、赤貝、甜蝦，刺身都幾新鮮、鮮甜，尤其帶子，都算幾大粒火炙壽司，飯唔會好大件，有少許醋味，入口軟軟糯糯,有火燒過香味,尤其玉子壽司，蛋有少許甜味,加上少許沙律醬呢度有花膠，味道好淡，花膠較黐口，但唔明點解，下面會加有幾片沙律菜生菜燒物都唔錯，牛舌好有咬口，雞軟骨就有少許椒鹽，真係好脆口好香口總括嚟講，食物質素都唔錯，但坐位就真係好迫，完全冇位置擺放隨身物品，如果可以加啲藍子放嘢會較好

趁住考完試去輕鬆下，簡左嚟食放題。我地係平日嘅夜晚黎，都好爆下。我哋嚟到嘅時候基本上都已經滿座。所以有興趣嘅朋友記得要book咗位先，如果唔係都要喺出面等一陣先有位入。除咗放題正常有嘅寫字仔之外，佢仲有自助區，比大家係野食到之前，夾番啲前菜食住先。飲品就大部分比較受歡迎的汽水都有。我比較鍾意滿屋有清酒同梅酒。咁我個人就比較鍾意梅酒，甜甜地而且酒精濃度唔會太高，所以都唔會有好重嘅酒精味。清酒可以因應自己嘅喜好揀番要熱清酒定凍清酒。另外，最得意係滿屋仲有個雪糕機喺度可以自己試下吱雪糕，食得又玩得。咁野食方面，第一樣要講梗係刺身啦。佢種類都多，而且睇落去都幾新鮮。除左平時常見的甜蝦外，佢仲有牡丹蝦，都幾大隻下。壽司方面好多都係用咗腩部，會比較肥美啲，例如有三文魚腩壽司同柚子油甘魚腩壽司。仲有值得推薦嘅係滿屋的火炎壽司。每一樣都好好食，強烈推薦的係鹽燒左口魚邊同火焰芝味和牛，好好食。另外，滿屋仲有啲自己創作嘅壽司，好似係 紫菜牛油果加元貝同鵝肝拌帶子，新神奇得嚟幾得意。熟食方面都有好多種類，串燒、料理、燒物、炸物、天婦羅…… 太多實在講唔曬，其中特別想推薦嘅就係和風汁牛柳粒同鹽燒海蝦都係必食嘅

滿屋放題我相信好多人都聽過實不相瞞滿屋放題係我中學時候嘅回憶☺️難得今日有幾個中學同學約埋出嚟就決定一齊重拾返那些年嘅滋味🥺-🍴晚市放題 $238 per person-食放題一坐低梗係要點刺身啦😆呢度嘅刺身非常之厚切所以我建議大家真係唔洗一點就點幾十件🤣比較推介劍魚腩 因為真係好鮮甜啊😍-我覺得依度比較特別嘅一點係佢有好多款壽司俾你揀佢嘅創作精選真係幾得意例如有黑松露 牛油果 鵝肝等等搞到我地明知壽司飽肚都嗌咗好多件嚟試吓🤣🤣-同埋依度嘅天婦羅都好高質👍🏻唔會好似出面咁得個粉字佢係真係炸得外脆內軟 正😛-順帶一提 我記得好耐之前依度嘅飲品通常都係罐裝飲品而家新增咗清酒梅酒等等真係又滿足又chill啊😽

又係時候喺cwb搵食，有近半年無食過放題，行近銅鑼灣廣場2期見滿屋做緊198 一位，又有mövenpick,決定去試下。入邊分開熱食同埋點單，梗係拿拿聲埋位落單先。落左單之後我見餓餓地就拎咗啲多春魚、薯格，多春魚同薯格勝在夠熱而且外皮夠脆。改冇幾耐就嚟咗一啲壽司包括 和牛、火灸鰻魚、火灸三文魚、花之戀、左口魚邊、雙重芝士鰻魚卷、櫻花戀人等等。值得一讚嘅係啲壽司嘅份量比一般少而且材料好充足。啲壽司都未食晒嘅時候刺身已經到左，我諗我落左單都係15分鐘，已經成枱都係野食。刺身方面點左大赤蝦、三文魚、吞拿魚、帶子、希靈魚、油甘魚。令我意想不到嘅係大赤蝦大隻新鮮而且厚肉結實，而三文魚就比一般嘅放題店肥美。之後你嘅就係熱食串燒等等，燒鰻魚、天婦羅、牛舌、秋刀魚 、羊架。全部都喺上水平之上，其中鰻魚令我印象最深刻，鰻魚脂肪夠均勻燒出嚟有油香加上鰻魚汁令我一定要點多幾份。食咗咁多凍嘢一定要食返啲熱野亂暖個位胃，我個朋友嗌左個蟹粥而我呢就嗌左個牛肉烏冬，整體上都唔錯。最後個雪糕好難揀，我都係揀左Double chocolate 。埋單真係唔係貴$200 一個人嘅高質放題，嘢食種類夠多而坐得唔會好逼。

Japanese Cuisine🍣🍱🥟🍤🍶🥢 All You Can Eat💕Satisfied💫..日本菜🇯🇵🥢 有誰不愛❓ 每隔一段時間，總心思思想吃一頓放題。放題既好處 就係咩都可以揀 可以點 可以試，每樣份量少少 一次可以嚐盡不同種類既菜式料理呢。係銅鑼灣鬧市裡，餐廳選擇總不乏。但有時候就是因為選擇太多 卻會不知道怎麼樣去選擇。在記憶中，滿屋放題好像不錯吃，星期日既晚上，當然要找好朋友大肆放縱 任性地吃一頓🍣🍙🍢🍱🍿🍶🥢。無論心情怎麼樣 人總要吃飯吧 對嗎。刺身種類不少，有我愛既：三文魚`大赤蝦`甜蝦`北寄貝`帶子`油甘魚，款款新鮮 沒雪味，而且感覺算鮮甜呢。壽司選擇🍣 亦不少，仲有我愛既炙燒壽司呢。炙燒三文魚壽司`炙燒左口魚邊壽司，都係我最愛呢❤️。手卷亦不能不點：海膽手卷🐚`蟹膏手卷🦀，都係推薦的。炸物/燒物/天婦羅：炸蠔🐚`炸大蝦🍤🦐`燒比目魚🐟，都不錯喔。炸物粉漿薄薄，蠔大隻 蝦爽口；而燒比目魚好滑，魚油香溶入口中 很吸引。甜品方面：雪糕楊枝金露🍨`朱古力雪糕窩夫🥞`各大品牌雪糕🍦，為肚皮滿滿的自己 再增添最後一點甜吧💕。甜品嘛 女生有誰不愛呢。而喜歡喝點酒，餐廳亦提供清

第一次見放題都有珍珠奶茶飲，飲品真係任君選擇刺身同樣好新鮮而且款式好多而我個人最欣賞就係佢啲壽司同卷物 每一款整得好精緻之外 而且飯粒好軟熟而且餐廳嘅規模整到好似自助餐咁 亦都有海鮮 炸物 喺出面俾人任夾個人認為佢嘅凍蝦都好好食 同出面酒店嘅質素差唔多而且甜品除咗有軟雪糕蛋糕之外 亦都有唔同款嘅盒裝雪糕俾你揀 而且值得一提嘅係佢哋上菜上得好快 而且啲侍應都好好人 一見到有啲就會即刻收個人認為呢一個都係一個唔錯嘅放題選擇

Service差到我要即刻係openrice開post！其實原本見到Openrice有咁多正評，都有d 期望，但質素比起其他價錢相約嘅放題餐廳係偏差....係有喲失望都唔係重點。只要係服務態度問題放題有限用餐時間，有時係會催下個客，絕對明白，但都唔係用咁差嘅方式呀嘛臨夠鐘前15分鐘，有個上左年紀嘅人走埋黎話：齊未呀啲嘢？就夠鐘啦喎！嗰下已經odd左，有必要咁嘅態度嘛？（其實講一講話有無野未黎齊，已經last order 啦，未黎齊幫你跟一跟已經好好多，正路應該係要last order 前提一提個客有無野落）到之後夠鐘，我地同隔離台都仲食緊，個女人就係用d好差嘅態度咁講：夠鐘啦wor！仲唔走？仲係用d 好差嘅眼神望d 客其實大家都唔係為難你地，可能真係差少少未食曬姐，你好聲好氣講句：「唔好意思夠鐘啦，幫幫忙，出面好多人等緊。」成個感覺已經好好多大時大節出去食放題都係想開開心心，但咁嘅service真係食到背脊骨落希望滿屋可以改善一下

人愈大真係好耐冇食過放題，主要係真係食唔到太多😂近聖誕，飯局都多左唔少，今日就有朋友提議食放題，well，奉陪啦~體驗年輕的瘋狂一上到餐廳樓層，排滿人😳好似好熱門咁，放題其實人多係好事，因為食物流轉得快，可以確保新鮮👍🏻訂左位，所以等左一等就入得~坐底獲得兩本點菜紙，超級多選擇😯係等野食黎嘅時候，可以先係自助區拎野食同野飲有凍海鮮、沙律、前菜，亦有炸物同香港特色食物咖哩魚蛋等食物都保持合適溫度，炸物亦keep住脆口，不錯的飲品選擇亦好多，飲完一款有時仲會fill全新嘅飲品添，基本一餐都冇乜可能可以飲過哂所有飲品🤣因為預左食嘅份量會比平日多，所以成晚主要飲茶🤭首輪一定係刺身，叫左大路嘅帶子、希靈魚、甜蝦、三文魚等等，質素都唔差尤其係帶子，好厚身，稍稍嘅黏口，食得好爽之後黎左啲熟食，例如浦燒鰻魚，鰻魚質感扎實，稍帶油香同天婦羅，里度竟然有蘆筍天婦羅，即叫try try，用嘅係幼身嘅蘆筍，幾juicy，蝦好彈牙芝麻雞翼用上放題坊間少見帶雞翼尖嘅雞翼，仲要幾大隻，脆香非常，如果稍稍再金黃少少就更靚lu~之後再試左壽司、手卷鵝肝帶子壽司，用上原粒帶子，好慷慨下火炙忌廉芝士牛肉壽司，忌廉芝士口感幾

平時經過都要排好多人今日我哋book咗位咁就當然去試一試佢哋主打嘅壽司刺身啦。首先我哋order左一個自家製嘅壽司拼盤，第一個要讚嘅係師傅們所整嘅壽司完全唔似放題出品，壽司飯size適中，加埋新鮮嘅魚生直程可以媲美壽司專門店。刺身方面我推薦大家食赤蝦剌身，帆立貝刺身，兩者鮮味十足，絕對是值得推薦。跟住我哋就開始order燒物。特別推介燒牛舌，完全食唔到有根，而且燒烤嘅時間掌握得十分之好，軟淋多汁。燒雞軟骨亦燒得十分香口，還有燒香蕉簡直係一絕。燒羊架就不過不失，可以一試。最後仲可以有Häagen-Dazs雪糕食，以根據時間季節佢哋會推出特別神秘口味，今晚的一餐，絕對值回票價。