滿屋日本料理 (已結業)

星期四老友又有飯局， 於是同朋友決定……相聚“滿屋"。20:45食到23:15分，夠哂時間食野吹水，呢間放題，我雖然食過好幾次，但寫食評都係第一次，雖然位處地庫，但依然經常爆場，場內地方唔算大，但有好多卡位，坐得舒適，食物方面，佢依然冇令我地失望， 刺身，壽司新鮮多款，大路嘅如三文魚，鯛魚，甜蝦等都有齐，特別嘅有北寄貝，帶子（仲係鮮甜果種)，燒羊架大件多汁（間中都試過有次亁亁地），牛舌夠厚入味，天婦羅即炸鬆化，焗蠔芝士味香濃，內裏加左d洋蔥同磨菇，味道同口感都好夾，鐵板燒汁帶子冇好似坊間嘅放題咁用d指甲咁丁丁嘅貨，佢係大大隻，燒汁又好好味（但唔知點解係用碟上嘅），盧笋炒桂花蚌夠鮮味，份量又夠，甜品有水準，洛神花玫瑰果凍，朋友話好香玫瑰味，encore再encore，同埋佢係迷你size可以試多幾款，仲有每人送一杯Hagenxxx雪糕，抵讚！其餘就係啤酒汽水，果汁任飲，最重要係…… 有我最鐘意嘅無糖烏龍茶，(好多坊間放題都冇供應），食到禁飽，消滯消脂一流！除左食物能保持水準之外，仲有上菜快，收碟快，員工雖然忙碌，但仍然有禮貌，有效率，抵讚！當晚好友們個個都飲飽食醉，非常盡興，更約好下

第一次今呢間滿屋,見佢出面排晒長龍,好彩book 左位。入到去見個格局幾靚,d位唔會好似吉壽嗰啲咁迫到無得坐咁一來到梗係來返盤刺身先,一來到即刻有驚喜,三文魚腩夠肥美，吞拿魚肥美甘香，甜蝦夠大隻羊架烤得剛剛好,夠肉汁,仲保留淡淡羊羶味👍(羊有羊羶味嘅先叫羊)焗蠔一size ok，但味道一般仲有好多其他野食,但係都唔記得影相 呢度最好嘅係侍應服務超好,見到吉盤即收👍同埋有“齋人”雪糕

每次食放題不用問 老馮緊係叫在刺身先亦係指定動作既食物一大盤甜蝦刺身 正 叫幾多嚟幾多 但不過五敢食太多 怕太飽 所以落一次單 跟住仲有燒牛舌一樣咁正 個人覺得個汁加在五少分其他燒物都ok 每一輪嘅野食都好快到枱沙律首推蟹子沙律 真係好好食 最啱用嚟做頭盤仲叫左其他野食炸物一定要食芝士年糕 好好食 芝士流心一咬就流出嚟 炸蠔有個豬扒醬油配 簡直神 不過食得多真係會熱氣死 炸物少食多滋味一品料理入面樣樣都好好食 自己就好中意食炒什菜 主食必食冷烏冬 真係一流 細細碗 食幾口就剛剛好 又五怕食得多而太飽食五到其他飲品都有成十幾類 算係比較多類別既 飲品放題 識飲一定飲蘆薈總結 款式真係多 味道也可接受 上菜時間岩岩好 

第一次黎滿屋食，場地好舒適又夠大^.^同朋友一同五人去食，經理服務十分好，仲有我至愛嘅梅酒～いいね！食物也有驚喜！海膽新鮮，牡丹蝦配黑松露係幾特別嘅配合～蝦肉鮮美多汁夠大隻，半透明嘅肉身實在想要去多幾次 另一推薦係炸芋丸，外脆內軟不油，正！ 好滿足的晚餐呀～物超所值

好耐之前已經聽人講滿屋幾好味😂係前幾日終於去試下 果日係work in 好彩平日只係等在十分鐘左右😍去到都係叫果d架啦離不開刺身最衰無影到相 可能太餓就沖動食先 個賣相真係好吸引 三文魚每件都係厚切💪食落去即刻精神晒 好似入口即溶 口感好正 至於甜蝦刺身 好鮮甜味 鮮甜既口味永不忘掉之後就係推介兩樣野個燒雞翼真係不得了wow燒到岩岩好勁香勁香 咬落去無痴牙 岩岩好熟🙈由其個皮真係好金黃好正 叫甘多都食晒重有卷物鵝肝 😝平時都好少食 突然無啦啦好想好想食 就同朋友叫在四件 鵝肝入面細細粒 但包埋飯同紫菜重有黑色粒粒真係屈晒機 重從就鐘意埋😍 尼兩樣係我唯一有影相加覺得真係好正既精心推介重有一樣還可以既就係西京燒銀雪魚 配牛油又係無得輸果d來食完賣單之後估五到重有驚喜就係「哈緊大」雪糕食埋就真開開心心入去 滿滿足足甘出反去💖下次一定會再n call反來 價錢合理食得開心比得都甘心💘

首先今日我同班friends去左尖沙咀滿屋食日式放題，然後一去到我就點左大量三文魚同埋甜蝦及其他刺身，另外點左焗𧐢同埋蒜香牛柳粒。刺身方面：刺身拼盤好靚、啲刺身好新鮮。我個人認為甜蝦最好食，另外焗𧐢賣相好吸引而且味道更加美味，原因有好多芝士，而蒜香牛柳粒不會太大件，容易入口。之後係食野過程中，我個朋友介紹我食香煎銀鱈魚，我覺得呢款食物特別令我深刻，因為其實本人間中會玩下煮飯仔，我都有試過煎銀鱈魚，不過個分別係天淵之別。呢間餐廳好食10倍，去到必點既一款菜式。之於甜品就有焦糖布丁、朱古力布丁、曲奇蛋糕、豆腐花同雪糕。最後服務員既態度良好，我好幾次張放題紙無寫到枱號，啲員工都好有禮貌提醒我寫返。其次上菜時間快、經常自動自覺為客人加茶。整個餐廳既氣氛令我食得好舒服，而且食物種類甚多同高質，唔怕食呢食去都係個幾種，適合一大排friends去食，值得去嘗試👍

刺身厚切, 數量足.吞拿魚有驚喜, 有時用赤身, 有時用中施羅, 新鮮有魚脂, 食得好滿足.大推牛舌, 燒得香口, 厚切亦唔韌.牛肉粒都唔錯, 加咗蒜片調味好夾.羊架比平時嘅大件, 但肉都夠嫩.其他食物都好好甜品ok.一人一杯haggan-dazs, 正!

兩個半鐘嘅放題, 竟然係可以食唔飽.午市有set lunch同放題. 佢只顧上set lunch. 兩個半鐘等咗半個鐘先上1st round嘅order.2nd 嘅order足足等咗一個鐘. 食食吓走嚟話last order.大佬, 切啲刺身嚟都得呱!ok, 上刺身la, 傅說中嘅吞拿魚腩, 寫15件意然得4件, 係4件! (我地4個人order15件都正常丫), 油吞魚好啲有8件, 三文魚order10件佢竟然上足20件, 吹脹!!吞拿魚腩係好正, 刺身都新鮮, 但一肚氣囉.最離譜係燒銀鱈魚, 1st round order, 等成個鐘先黎, 再order時佢話賣曬!!(賣曬? 你晚市唔出銀鱈魚??)最滿意? 咪嗰杯一人限一杯嘅haggan dazs囉! 

在香港, 想吃頓有水準的日本料理人頭計分分鐘都要上五, 六百元. 對於我們這等打工仔來說, 如果想一家幾口吃一餐, 分分鐘要數千元落樓, 實在難以負擔. 近年多得日本放題的出現, 水準雖然不能跟高級餐廳相比, 但起碼價格實惠得多, 而且保證個個都能吃到飽, 一家人去吃也只是千多元埋單, 感覺上又確實來得更滿足. 早前試過人氣甚高的極尚大喜屋, 印象頗佳, 這次趁著老媽慶生, 就請了全家人來試試這家風評也不錯的滿屋日本料理的放題.這家位於尖沙咀北京道的滿屋日本料理, 其實是分店, 總店位於銅鑼灣廣場那邊. 不過我們是九龍人, 當然是來尖沙咀店比較方便了. 雖然這家放題人氣未及大喜屋, 但訂位的人數也不少, 宅女有見及此便特地早在一星期前訂好位. 因為有過在大喜屋未到時間也要在街邊排隊的經常, 因此便跟家人早在大半小時前巳到餐廳, 看到店外一條圍欄, 果然訂了位還是要先排隊才能入座. 我們先在店門口跟店員交待好訂座資料, 店員便交來一張入座卡片, 說一會到時間就可以憑卡入座. 幸好我們提早來到, 可以排在頭位. 不消一會看看後面巳是一條長長的人龍了......晚市放題分了兩個時段, 分別是

很久也沒有吃過自助餐和日式放題了。皆因小妹年紀漸長，要開始貴精不貴多覓食！大年初四姑姐來港和我們相聚， 她最愛吃魚生刺生。從前光顧的放題餐廳…姐姐/朋友們說大不如前， 所以之前也不斷在網上搜尋，多得食友們的食評和相片， 這間放題的刺身像很新鮮啊…也就試試看！這餐廳也真的客似雲來， 我們預訂6點那塲，在登記時聽到如沒有預訂的客人是安排不了座位的！ 準6時入座，我們首兩輪點選了雜錦刺身拼盤， 童叟無欺，令人垂涎三尺…件件刺身新鮮、厚度適中。跟住係壽司巡禮， 壽司飯不會太大；而飯面上主菜也夠認真， 不會欺場。這店放題食物種類也算多，除了魚生刺身、 手卷、壽司、燒物、天婦羅、拉麵、沙律樣樣有，飲品數量也沒有限制， 食物質素也不錯 ！有些失望是天婦羅粉漿厚一点，入口也不夠脆；另外甜品選擇較少， 可幸是仍有美味的雪糕可選擇，不過每位客人只限一杯…其實已經足夠 。 服務方便其實也算不錯，雖然只有5位侍應生 。看到他們忙得團團轉， 接單、傳菜非常忙碌，但仍禮貌週週， 理應加分！ 當晚吃得開懷，一家人歡聚暢談；盡興而歸……這也是一種幸福！

早前跟朋友吹開水又提議來個小飯聚今次朋友就話想試滿屋！滿屋既地點都幾就腳,就係北京道53-63號,isquare 對面Rossana都經常會路過 XD平時好多日本放題都有分時段收費,不過滿屋就只分午市和晚市二個時段而二個時段收費都一樣^0^門口仲有埋menu，種類都幾多下一開始就緊係要食刺身啦嘩~呢盤金龍刺身真係充滿霸氣賣相絕對是200分!!!Rossana就試左肥美既三文魚,tuna魚腩,帶子,天然真鯛甜蝦和北海道角螺刺身,件件都肥美新鮮XDRossana就鐘意大大粒鮮甜既帶子刺身~花之戀,芝士鰻魚卷,牛油果軟殼蟹反卷,蒲燒鯛魚腩箱押～件件都做得十分精緻賣相真係充滿誠意蝦天婦羅,溫室南瓜天婦羅,番薯天婦羅炸得鬆脆不油膩，nice !滿屋連較貴既海膽手卷都有供應海膽肉質厚美鮮味甘甜當然不少得Rossana 最愛既蟹籽手卷啦要一提既係是迷你手卷,所以二囗Ko都唔會話一舊就塞飽左個胃燒羊架真係必點！羊架醃得香口，啖落充滿肉汁又唔會有羶味哈哈哈～原來朋友們都跟Rossana一樣超愛燒甜薯食飽飽就當然不少得甜品啦滿屋居然有百福豆腐花食!仲有Haagen Daze雪糕食添呀！以呢個價錢來說真係款

朋友說滿屋的午餐很抵吃，鋪得滿枱都是，我們今天去試試看。三點選壽司配海鮮烏冬，$88。壽司選了三文魚，油甘魚和海鰻。先上了烏冬，是正常的份量，餸菜種類十分豐富，有珍寶帆立貝，大蝦，青口等，豉油湯底不太討好，但味道也不錯。三種刺身中，油甘魚非常不錯。之後突然一次過上前菜的沙律，麵豉湯和水果，更有甜品紅豆沙。太厲害了，一下之就把桌子堆滿。朋友的迷你什錦魚生飯配烏冬，$75，盒子非常漂亮，只是刺身的份量不多，而另外的烏冬什麼配菜都沒有，所以我的餐比這個餐值很多。如想吃刺身飯加烏冬，還是吃我那個餐啦。餐茶也放不下。這樣大堆頭很抵吃，前提是不適合小食量的人。

以前光顧過銅鑼灣的滿屋日本料理，以放題來說，印象還不錯，食物水準不俗，價格也算合理，雖然座位擠一點，印象不錯。最近，滿屋日本料理殺入尖沙咀，還開在交通方便的北京道，更獲邀試吃，且看能否保持質素。該天上菜速度合理，日式放題，等幾乎肯定要，合理就好。一群人吃，魚生當然要多多多，蝦也好，三文魚也好，希靈魚也好，大大份不孤寒，擺得有心思。看照片都看到顏色漂亮，入口挺新鮮，難得是蝦的水準也OK，最少我的麻煩體質，吃了沒過敏。燒羊架，水準OK，也算大份。燒牛舌、菠蘿等等，牛舌是厚肉風格，夠味略硬，菠蘿好吃，燒蕃薯仔，絕對推介，吃五串也好Easy！炸蝦味道一般，倒是顏色金黃，漂亮，其他炸物表現合格。卷物壽司樣子也算精緻，比不少壽司店還要好一些。其他還有很多款式，單是狂轟魚生和燒物都已經夠過癮，水準跟印象中的銅鑼灣店差不多，過海之後，看來仍能保持水準，或許，遲些跟友人們再戰一次。

悉逢聖誕前夕，一定又係見班好友的時候！作為香港人，最大眾愛食的，當然晬少不了的放題！這次就去了尖沙咀的滿屋。平時食開銅鑼灣分店，今次就大伙，食尖沙咀分店。地段，也是不難找，就在 iSquare對面！一行八人，提早訂的位，就不怕無位了！大伙很餓，先點上少數的壽司。這裡的壽司，有點兒特式，不是普通的三文魚壽司之類。在餓得很的情況下，食幾件，也是不錯的。上次到銅鑼灣分店食的海膽手卷，感覺一 般。這一次到尖沙咀店，感覺進步了。海膽新鮮咗，而且大排海膽，幾抵試～除咗日式嘢，仲有特別的泰式嘢試～這個泰式鳳爪，就夠晒辣啦～天婦羅滿屋的天婦羅款式都好多～除了有大大雙的天婦羅蝦，仲有南瓜天婦羅、蕃薯天婦羅、甚至有茄子天婦羅！值得一提，滿屋的炸物或熟食，也比一般放題好食。炸物全是熱辣辣上碟，好食好多～～而熟食款式，都好多款而且款款都幾好食草而每Round都會有抽獎環節。有大蝦刺身、酒或特別食材抽獎。這是我們那枱中的大蝦！～～生日的黎到滿屋，還有生日特別菜式附送。上一次去，朋友生日還有清酒、鮑魚刺身及刺身蛋糕送呢～主角，就當然是 刺身了！款式都有好多呢～～大 甜蝦、三文魚、吞拿魚腩、鱆紅魚、𩶘魚、希靈魚、象

再次心思思想食日本野~唔想食咁貴, 所以又揀左食日式放題啦!!!今次一行 8人來到尖沙咀新開的滿屋日式料理~~平時食開既都係銅鑼灣分店, 原來宜家係九龍區都有啦!!餐廳為於地庫位置, 沿樓梯走下去就是卡位的台''*原來走到盡頭過有很多台呢!!!可是台與台之間有了擠迫, 坐位又不夠闊落~~食過日式放題既都知道係有一大疊放題紙；這裡用了本簿存放及分類好, 既整齊又易於撕下落ORDER!!!第一時間梗係點上大量刺身啦~~刺身款式都算多, 基本的三文魚, 吞拿魚, 甜蝦等都有齊!!!一上台大家都 "嘩" 一聲....以一大個金龍盤盛載住的大量刺身盤, 感覺好有氣勢''*而且每樣刺身跟所點的份量是一樣, 沒有少到呢~龍頭位置就擺放細小的刺身, 如帆立貝及螺肉；刺身非常新鮮, 又夠凍又沒有雪藏的味道, 望左哩盤刺身真係爽YY 呀!!!小食類都算多款式, 份量亦不算少~~有泰式鳳爪, 沙律, 芥辣八爪魚, 以及我最喜歡的枝豆!!!壽司跟卷物都有特別的款式, 味道都不錯!!!手卷方面竟然有海膽手卷, 而且仲要差不多滿瀉出來, 好新鮮美味~~炸物, 天婦羅都係熱辣辣上台；燒物都算不錯''*瘋狂的我們原來