滿屋日本料理 (已結業)

我同兩個妹去試下呢間buffet，其實之前係荃灣都食過呢間的分店的，味道還不錯，但你試過尖沙咀呢間，你係可以食出分別和水準。第一。環境佈置得幾好，地方算整齊企理，而且都地方細少但乾淨。第二。人手方面雖然唔多，但落單同叫人都好快到，個度嘅staff行過見到你碟有垃圾會即換；見你跌餐具會即攞新；基本上你連落單放得出少少佢都會自動問你要唔要落單，服務態度真的不錯，比我想像的好！因為職員都真係幾有禮貌！第三。食物點左好快到，而且份量冇少俾我，當然我落的份量係冇過份多（3人食量每次叫大約20隻琉璃蝦左右），漏單情況雖然有但偏少，係算不錯的了！第四。有啲staff都幾nice，見我地幾姊妹selfie，都會走過黎問駛唔駛幫我地影，呢樣係我成晚比較窩心的。 雖一美中不足的地方：就係去二樓廁個樓梯好窄，上落要小心，濕少少都會跣親的。另外太夜的話會冇好多種雪糕口味食 如果喜歡別刺身蝦的朋友，我會建議食琉璃蝦多過甜蝦，不過有時佢黎到都會分錯。總之愈透明的會愈甜愈好食！佢個燒栗米+羊架+燒帆立貝都好食。但千祈千祈唔好貪新鮮食巴馬火腿，因為超咸兼麻麻地，要食好的去

食物同一般放題無大分別，但特別想留言講係處理手法。我和友人參加公司活動，六點入場被帶到場內角落就座。但大約到六點半，多人入坐後覺得又悶又熱。向侍應反映得到既回覆是「部冷氣壞左好奈，安排緊師父黎整」詢問有無多一部風扇易被拒，而當時場內只有一部直徑約30cm既風扇擺首吹幾台客。向個高級d反映同樣都係話一早知易無幫助，叫我地飲多d凍飲，但因為人數多，d飲品拎拎下都唔凍。間鋪一早知冷氣壞，都用d個area做生意我明白，但如果入座前安排其他位或者先通知我們，我地感覺會好d。所以請大家有機會光顧時問清楚d,特別有帶小朋友既。因為個溫度係中午既大排檔都通爽過佢，隔離座帶小朋友既家庭把「芭蕉扇」用到無電，d大人要輪流食輪流幫小朋友撥扇擦汗補水，忙到睇見覺得重熱。同朋友聚會放題，不論用優惠價用膳定正價，都係圖開心愉快。但又熱又焗，重要唔係突然壞，一句「我地一早知，通知左師傅黎整」就推左件事，感覺好壞！

係尖沙咀番工番左咁多年都冇係滿屋食過，今日慶起試下。店員大部份都幾有禮貌。安排左個卡位比我地，場內我諗得3,4成人，下次唔想等位岩曬！我叫左個壽司set (松），有沙律，味噌湯，10件壽司，一碗迷你烏冬，糖水，生果，仲有飲品，$88 黎講仲要尖沙咀區算幾抵食！各樣食物味道ok,夠曬飽但扣分的係，order 完，佢第1 round 上菜已經上埋生果同糖水，其實人客又唔係多，食完主菜先上都唔遲呀...仲要咁岩有隻烏蠅係度飛黎飛去，食野時又要保護住個糖水同生果仲有加1蚊有3件三文魚刺身，絕對係厚切不過用冰上，要食快小小，d 冰溶得好快。埋單！下次可以再黎

聽一聞滿屋放題質素唔錯，於是乎今次就同埋幾個朋友去試下。我地預先兩日book咗位，於是唔駛等就可以入座。入到去環境唔錯，位置都算寬鬆，氣氛幾好。埋到位我地就開始叫寫野食，一嚟梗係食刺身先啦。 刺身好新鮮，三文魚好似唔駛錢咁好厚好大件，希靈魚同帶子好甜美，質素好好 炸物水準出色，炸蠔同天婦羅炸得好鬆脆 呢度仲有其他放題少有嘅燒鰻魚，可以食物種類都好豐富，味道亦不錯 每四個人滿屋就會送返個海膽俾我地，但海膽唔夠鮮甜，但有海膽送亦十分抵讚 壽司啲飯好細舊，就算食得多都唔會驚濟最後仲會每人送返個哈根大師俾我地，另外仲有甜品任食，我地四個男仔都食到好飽，埋單262蚊，絕對抵食亦都值呢個價！

哈哈~ 多人食飯時總是來個放題任吃的最方便!同事生日, 一行七人去了尖沙咀的滿屋日本料理!無上限的任吃任喝是開心的!!!早幾年去過銅鑼灣的滿屋, 個人覺得可以encore的!今次就試下TST的!!七個人, 店舖安排角位的大檯, 不錯, 很有空間感!不逼迫, 又可以放心吵鬧XD下單紙, 很多種類!!!刺身真的無得輸!!!!!!好味~ 好鮮~ 仲要齊數~ XDXD 個人推介點大甜蝦、油甘魚、帶子等!! 壽司也非常高CP值! 如果怕太飽, 還是選回刺身吧~~熟食方面也有很多好好味的選擇!!蟹粥同牛舌真的必點!!!!!!!!!! 蟹粥由上多隻三點蟹煲起, 入味非常! 而每一小鍋都有蟹腳蟹肉! 牛舌是烤煮過, 上面有黑椒粒, 沒有雪味, 是串燒類中的no.1好味!! 生日也有小小的surprise喔~~~ 心太軟~~~ pancake就普普通通, 心太軟就有驚喜, 切開有流心效果! 直呼抵食!還是刺身最受歡迎喔!!!! 來多盤吧!!!!! 還是蝦、北寄貝同三文魚最受歡迎!最後甜品 - 哈根太師!!!!!!!!還有5味可選, 太幸福了吧~~!!**總的來說: 環境好, 食物好, 服務也不錯, CP

平時係openrice搵食，有時都會中下伏，評價好高，但質量都幾差，所以要努力d寫下意見，等食家有多d參考意見講翻今次嘅放題，真係喜出望外，無論冷盤熱食都出色，而且無漏單嘅情況，所以唔駛擔心叫完又叫嘅情況出現。首先講下魚生，除左一般嘅三文魚，油甘魚同牡丹蝦，仲有劍魚腩，帶子，樣樣都好鮮甜壽司嘅飯細細舊，吞拿魚壽司真係出色，仲有生牛肉壽司，唯一美中不足係無我至愛嘅芥辣八爪魚另外仲有海膽手卷，都係少少飯，但海膽都幾足料，忍唔住都encore左5件黎食。3位仲送半份海膽通常放題我都只著重食魚生，但呢到嘅熱食都引起我嘅興趣，有芝麻雞翼，牛肉鍋，同埋串燒，都好味道，同埋比較少地方供應嘅鰻魚串。唯一冬蔭公鍋比較失色，一丁點都唔辣雖然有少量甜品供應，但食得太飽，所以留翻下次先食。不過最後都食左一人一杯嘅雪糕，仲有HaagenDazs同Movenpick選擇不過環境就好迫，座位好窄囉

約完又約既團年飯, 終於今晚可以食到喇!原本已經定左黎呢間食, 不過成家人都輪班工作, 好不容易先夾到呢日食個團年飯.之前其實已經幫襯過呢間食店, 以價錢, 服務同食物質素黎講, 呢間的確好值得推介!!!爸爸又好鐘意食刺身, 所以一諗就諗到不如返黎複桌啦~~~今次總算每樣食物都有留影, 比上次影得足D!!!經過上次經驗, 落單已經有晒策略, 因為檯面空間實在太少, 所以今次入單還是逐批入~~食到7-8成先落第二round. 食既時候都唔係咁chur~~先黎刺身部~~ 等左一陣, 職員好快就上左一盤又大又靚既刺身. 我地懷疑, 職員已經預先準備好好多刺身, 因為有D我地冇叫既, 都有黎. but anyway, 黎乜食乜~~刺身款式大概有6-8款, 樣樣都好新鮮肥美~~而且大大件!!沙律, 少少碗, 用黎清清口腔, 都唔錯, 菜類食落都好爽脆.味道雖然冇韓式店咁辣, 不過都OK, 對於一D唔係好食得辣既人黎講, 都可以入到口! at least, 爸爸媽咪都食到!!入面主要係蔬菜類~有豆腐, 菜類等.牛肉鍋: 利用熱辣辣既鍋整熟生牛肉, 湯味甜甜的, 加埋隻生雞蛋入去, 好滑口.煮蜆:

今日雖然都係覺得好凍，不過有時候人就係咁，越凍噶時候就越想食雪條，所以唔知點解，今日特別想食壽司，於是就叫阿c帶我一齊去樓下果間滿屋食刺身三文魚刺身非常新鮮，而且算比較厚切，味道好香，聞唔到有魚噶腥味。芝士焗生蠔，真係好好食吖，生蠔焗完之後都可以咁鮮甜肥美，而且咬落去真係好嫩！！鐵板雪花牛柳，牛柳真係鮮嫩多汁，而且軟熟程度啱啱好羊扒煎得啱啱好，肉質鮮美，而且醬汁非常入味！

今日老公畢業禮, 完左之後落左尖沙咀食飯, 順便影下相!訂檯訂左6:30食頭圍!!由於大家都好肚餓既關係, 所以坐低後, 係咁剔野食!!唔係講笑, 食物上得好快脆, 一黎就黎左一個好靚好大盤既刺身!!! 大家不禁要係咁影相! 哈哈~~之後既食物陸續上枱, 由於枱既位置有限, 之前落既單我地都應該幾多, 所以有D食唔切同好趕住食, 唔係太過享受. 之但係, 食店內既食物不論係刺身, 熟食, 煱物, 燒物, 都整得同樣好食, 攪到大家都食不停!!!先睇睇叫左既食物先 (由於之前掛住食, 所以唔係每樣食物都有相片紀錄):落單後先黎一大盤好靚既刺身, 有三文魚, 蝦, 吞拿魚, 帶子, 赤貝...... 厚切! 新鮮! 肥美!牛肉窩: 入面好足料, 肥牛, 蔬菜類~ 味道好好, 加入鮮雞蛋混入, 更覺嫰滑, 湯甜~燒物類: 每支燒物都熱辣辣, 新鮮出爐咁, 所以一定好食!壽司類: 叫得太多, 不能盡錄! 以放題黎講, 呢個質素實在要俾90分

今晚又去咗間日本料理店，位置比較難找到，一波三折之後先找到滿屋日本料理，剛進到門口，人家適應就很熱情招呼我喇，滿分。照舊點了刺身，但是我衹是吃了很少一部分，我不是很喜歡的，新鮮不是是很新鮮的刺身。芝士焗生蠔，芝士好鍾意，滿滿一層的芝士，同時也是不能吃太多，不然容易膩，生蠔味道很好，鮮味十足，芝士焗完之後就更加香甜可口喇。我自己一個人就食左好多野，仲要覺得唔夠喉。燒牛肉超級正，我忍唔住食左好多，牛肉好爽口滑喉，很薄的一塊，口感好正吖，都是瘦的居多，我真系好食到流淚，價錢好公道，牛肉牛肉!

由於朋友生日想食放題,試過好多次地雷既我,問定朋友有咩推介加上網做好功課,從3間放題中,選擇今次既滿屋。當晚,我地比訂位時間早左黎到店內,7點左右餐廳暫算多空位,但2人位置十分迫,不太舒適。開始點餐,我地點左好多刺身,壽司,熟食。刺身很新鮮而且偏厚身,並非薄薄一片,有誠意,值得一讚而且,鮮味會停留口中,令人回味。壽司方面,由於本人十分喜愛黑松露,所以點了很多以黑松露為主既壽司,但食落口同我本時食開既黑松露炒蛋,燴飯,感覺不太一樣,我個人並非太喜愛,但我卻點太多另外熟食方面,羊鞍十分推介本來以為羊肉會偏'蘇',不但沒有,還燒得十分juicy,好好味,生蠔朋友亦說不錯,可惜我對蠔無感,食得太多肉諗住點個牛油粟米中和下,點知甜到入吾到口,同本時我食開麥記既粟米比甜左幾倍甜品方面,MOVENPICK同哈根達s供客人選擇,因為食得太飽,所以外帶都冇問題

嗯.....以我神仙B啅過咁多日本野......呢間野係好多人讚都算幾多人話好食.....咪啅下佢囉...........我訂左位.去到等一陣就入得.排隊規則幾好.唔亂!入到去先黎刺身,再黎煮物.刺身上碟賣相同味道都幾好,可以一戰..........煮物就留意份量啦....神戶牛.羊架.帶子.我比較鐘意.芝麻雞翼食唔到......寫3次都唔上比我.....你好野.炸生蠔都幾好...唔會太濃......食材用料幾好....冇咩奇怪野..........刺身幾好.....

之前有提過想生日食放題，於是同事就推薦滿屋。其實食過好幾間放題，滿屋算係值得一讚o既。座位唔算窄，落單準成度高。2個半鐘頭只漏一次單，值得比一個Like。稍嫌魚生種類少，但都好新鮮。幾力推介羊鞍，焗蠔，鹽燒海蝦。講真，好耐無食過好食o既羊鞍，滿屋算好有誠意，醃得好入味。另外推介芝士年糕，新鮮炸出o黎，熱騰騰的，食得好開心～ 結尾仲有得揀Movenpick 雪糕，有別於其他放題只有得揀Haagen Dasz。 總括嚟講，眾多放題餐廳中滿屋算係聯誼聚餐同吃貨o既一個好選擇。會再去！

今晚我們去咗我們一家都比較鍾意嘅「滿屋」喺尖沙咀嘅分店食放題！由於每次嚟他們都會全場爆滿同有條長長嘅人龍排喺門口！所以我每次嚟都必定會一早預訂！他們供應嘅刺身款式種類比較多，同埋非常新鮮！師傅將個雜錦刺身拼盤堆砌得非常美觀，賣相非常吸引！油甘魚有好濃郁嘅魚香味，而且非常厚切！甜蝦好大隻同肥美，味道好鮮甜！北海道角螺非常爽口彈牙！壽司嘅款式都有好多款，不過我比較鍾意黑松露中拖羅壽司同柚子油甘魚壽司，黑松露中拖羅壽司嘅中拖羅肉質非常新鮮肥美同嫩滑，而且入口即溶！柚子油甘魚壽司嘅柚子將油甘魚嘅鮮味更加提升，係一個非常完美嘅配搭！海膽手卷嘅海膽非常新鮮甘香同軟滑！沙律亦有多款選擇，我比較鍾意牛油果日本蛋沙律，牛油果非常香濃軟滑，同鷄蛋夾埋一齊食，呢個配搭真係非常好！燒有機日本蕃薯仔係媽媽嘅至愛！他們將蕃薯嘅外皮燒得幾香脆，入面嘅蕃薯肉非常香甜軟滑！他們提供嘅款式種類超多！我仲有好多款式未試齊！所以我一定會再嚟食埋其他食物！最後每位都有一杯雪糕！

第一次同屋企人去，未入去之前已經見到長長人龍，相信質素唔會差，的確好食!入去坐卡位，四個人有點逼，但可以接受，到我地點野食，好快全部黎齊，有大量新鮮刺身，超甜三文魚，帶子，吞拿魚，甜蝦，入口清甜新鮮，仲叫左個鮮蟹粥，粥底好鎮滑，蟹又冇偷工減料，大大隻，鱈魚係我全晚encore最多既，因為好厚身之餘，啖啖魚油肉香，令我再三回味，另外，我發覺佢地冇cut過我單，叫几多就俾几多我地，真係好驚喜，再講，服務員態度都好，又nice, 所以全晚都食得好開心!總括黎講，我覺得食物質素好，如座位寬敞點1更好，服務員都好有服務水準，所以我屋企人都話再黎過!