滿屋日本料理 (已結業)

再食再食..真係既好味又抵食..今次食Lunch, sashimi  好新鮮, 鮮甜..我地叫了蝦, 三文魚, 螺, 希靈魚, 元貝, 油甘魚等..睇相都知道好味. 熟食亦不遜色, 味道剛好..喜歡壽司飯小小的, 不會食一兩件便飽. 最喜歡 "黑松露蝦", 超好咪. 燒物質素一流..雞軟骨,雞翼, 牛舌, 羊架(熟度剛好), 燒菠蘿(超甜), 日本蕃薯等...正芝士年糕煙 "UN", 天婦蘿不會太多粉..沙律新鮮..甜品比銅鑼灣店多左一杯mini size Haagen Dazs, 不過唔係任食. 飲品任飲, 但未有酒供應啊!

一向甚少吃放題, 皆因眼闊肚窄. 今次來這間店是同事推介, 加上有人做東, 自當奉陪. 我們早了數分鐘到達, 本來以為已經可以入座, 但侍應卻指示我們在店外排隊. 原來在街上的長人龍, 就是等吃食放題, 好天曬落雨淋, 感覺不大好.這間位於地庫的日式放題店佔地不少, 裝修簡約, 坐位比較窄, 枱子很細, 食物送上來時很容易出現沒位置放的問題, 而枱與枱之間的空間也偏小. 安坐後便拿起點菜紙剔. 不同種類的食物, 如刺身, 炸物, 燒物等, 以不同顏色紙分開, 方便點菜. 既然是放題, 當然是盡量每樣食物都想試! 奈何眼闊肚窄, 只好精選最想吃的食物來試.刺身: 吃放題的重點必然是刺身! 刺身的賣相不俗, 而且都是冰鎮的, 鮮味得以保持.今次點了魚類和貝殼類, 包括三文魚/象拔蚌/油甘魚/北海道角螺/帶子/吞拿魚/劍魚腩/希靈魚/甜蝦.大部份的刺身也很新鮮, 魚類的一般都是厚切, 感覺上貝殼類的水準比較佳.必吃之選: 三文魚肥美; 甜蝦也算大隻; 帶子偏細隻但鮮甜; 角螺爽口; 象拔蚌很彈牙.可以不吃: 吞拿魚的雪味太重, 劍魚腩味道一般塩燒牛舌: 意外地好吃! 牛舌燒得剛剛好, 不會太

一路以來食日式放題，都本著"價錢同質素成到正比都已經好好"嘅心態去搵心水食店，但又好好彩好多時都會俾我撞到D好嘢。講嘅係開左無耐嘅滿屋尖沙咀分店，閒日晚上8點幾打電話去居然都落到booking食8點45分一輪，不過原來到左現場，都要記得同侍應講聲到左，之後佢會俾張飛你再排隊安排入坐，如果唔去攞張飛齋排隊係唔計數㗎。呢到由於全部枱都好細張，如果好似我地果晚旁邊嘅一pair，一開始就叫晒所有嘢，根本係無可能放得落，而且呢度order完上菜亦十分快，所以其實兩個半鐘時間係足夠可以慢慢叫慢慢食嘅。首先第一輪叫左壽司，質素屬中上。跟住到食刺身，三文魚較一般，因為可能未解涷夠而有點實，其他算係非常新鮮，肉質有彈性，唔會好似其他放題嘅梅dup dup。如果中環嘅碗屋係100分，呢度嘅魚生都有80-90分左右。芝士翠肉瓜，味道唔濃，燒完仲好fresh.燒菠蘿，同樣係好juicy，仲好甜。燒羊架，超多原粒胡椒，味濃but i like，而且仲好大件。個碎蛋牛油果沙律一般，有D行。到炸物，雞翼同炸蠔看似over左，但其實係好食嘅，外皮炸粉唔厚，最緊要真係即炸夠熱。天婦羅，蝦味一般，反而蟹柳真係好有蟹味，到

之前打電話訂位，是分兩個時段，我訂佐晚上8:45，由於時間還未到在門外等侯，到了8:40左右便安排入座，看起來全場爆滿，由於食物款式真的很多，所有放題紙分順序放在1本簿內，點了食物後才把放題紙撕下來，看起來比較方便不會散收收一張一張的，食物上菜速度都算快，清理枱面的吉碟也很快，服務員還會經常問你是否需要添加茶，人手十分足夠而且態度又好，值得一讚我們點了刺身、壽司、牛舌、蟹粥、等食物................刺身很快便送上來了，刺身擺設美麗而且有大量冰粒墊底，最緊要是刺身夠新鮮，最喜歡是象拔蚌、甜蝦、切得厚厚的三文魚，其實不只刺身新鮮，其它食物都好有質素和水準

慶祝朋友生日，想食放題。揀了《滿屋》，是因為銅鑼灣店的口碑不錯，而這尖沙咀店是新開的，決定一試。一行四人，被安排入座卡位。本來是好事，不過這裡的卡位十分之窄，四個人坐其實很迫，袋子都要放在膝上。首先要讚一讃桌上那杯熱茶，平日我都很喜歡喝茶，但一般食肆供應的茶都不會好飲到那裡；但這裡的茶真的很香濃，又夠熱，我甚至覺得不需要叫其他飲品了。食物方面，各款食品的質素都算頗有水準：另外要讚的是這裡的待應／職員，每一位都很主動、很有效率、很有禮貌。唯一不足的，是本來預訂了的蛋糕（４人以上送壽司蛋糕一個），卻說沒有安排。我明明是一個星期前訂位時已訂了蛋糕，前一日確認booking時都再三confirm了，但竟說沒有記錄。不過好彩即時都給我們安排到，才不至於令壽星女失望。整體來說，這一餐都是滿意的！我會再光顧，亦樂意推薦給朋友。

好耐冇食放題了，前幾日有frds話不如齊齊去試食尖沙咀新開分店滿屋，因佢地話食過銅鑼灣果間好得，加埋尖沙咀呢間只開左一個星期，我地一行5人放工後去食8:45pm果場。全場可食2.5小時(如可食足3小時就更好), frds話銅鑼灣果間100%冇漏單，刺身容器亦好靚好精緻，故對滿屋集團充滿信心，我嘗試upload大部份既食物相上來，飲品當然都係任飲(有紙盒及罐裝) ，但甜品款式好少，最後每人只可食一杯某牌子雪榚。滿屋極級推介：三文魚/象拔蚌/油甘魚刺身，超厚身, 入口溶化燒菠蘿，燒出水果內的糖分，甜味層次豐富蟹粥，好鮮甜，粥底夠綿，蟹肉亦充足燒羊鞍，黑胡椒味濃，羊夠酥味(我愛羊夠酥), 好厚肉咬落去勁juicy~蒜香粉牛肉粒，蒜味好濃，充分引出牛肉味道，又夠咬勁除了圖中料理外，其實還有很多質數唔錯既食物不能在此一一盡錄，甜品只的兩三款慕絲及和菓子之類。我地5人當中因我堂姐6月生日(來到先講都ok), 餐廳會送一set DIY刺身俾生日果位如圖般，有好大隻蝦及三文魚刺身及少許特色壽司飯。最尾埋單我地每人$265位，係貴了點，但overall係值既。

第一次寫食评，請多多指教 之前食过铜鑼湾滿屋感覺尚算OK，知道尖沙咀剛開了一間分店，因本人家在九龍，所以就同家人老老嫩嫩去试吓，唉險些出事呀！先講食物，刺身只求美觀，又插花又插草，可能師傅張時間放哂花草裡面，忙記了刺身最緊要新鲜，感覺刺身已擺咗好耐，顏色已淡了，連我最飛佛嘅甜蝦也覺無味，试了一rouch都唔想再試，寿司方便飯無味及自創的也是好睇唔好食，食落一啲都唔match，其他熟食也是一般，全場最好食只有牛舌同雪糕，但只可惜一人一杯。地方方面非常迫，起身坐低都要收腹閉氣才可出入，又经常被傳菜服務員碰到頭頂，漏单情況也有，但不算多，可能係新開張客人少関係，縂结给引唔到我會再黎，咁慨價錢，不値得再試。p. s如果行動不便或是老人家千其唔好黎，除非你唔去厕所，因為厠所要行幾層樓梯先至到又長又暗，我老豆就係差点跌倒，咁嘅設計，绝對係唔夠用心之作。