滿屋日本料理 (大埔超級城C區)

營業中

休息中

今日嚟到大埔呢間新開嘅日式放題滿屋， 新到連門口個招紙仔都未必同埋全新舖位嘅裝修真係要嚟試一試啦。 喺呢個新裝修嘅座位都算幾闊坐得幾舒服。 同埋佢有一個抵食嘅吞拿魚放題，都幾唔錯。先講下嘢飲方面， 雖然回咗同清酒都唔係任飲，但係就畀你單點嘅，任飲嘅酒精飲品都有兩款嘅包括嘉士伯同埋蘋果酒，對比其他放題可能得獅威，呢間就畀唔錯啦。嘢食方面第一round 就梗係叫咗刺身先啦，除咗甜蝦同赤蝦呢啲經典款式之外，仲有泰式生蝦， 三款蝦都各有特色大家每樣都可以試一試。 另外香港人最鍾意嘅三文魚同吞拿魚都幾唔錯，色澤睇落都好光，食落口感幾好同埋好滋味。熟食方面，本人就最鍾意佢個羊架啦夠曬酥脆，而且上台仲係熱辣辣，新舖黎講，出枱控制時間方面，都幾唔錯。天婦羅方面，上台都係好熱辣辣，食落幾新鮮，炸粉既份量控制都唔錯，唔會太多or太少。

前幾日母親節，於是就去咗呢一間餐廳慶祝。因為其他店好多都訂唔到位，呢間新開嘅放題，喺OpenRice app就已經可以訂到放題啦，原本呢都驚呢間係伏，因為佢一個食評都冇，完全係全新，所以覺得有啲冒險，但最後發現竟然唔差喎！題外話，呢間餐廳好Nice， book咗枱佢會打電話提醒你confirm多次！感覺體貼！佢有兩個價位嘅放題可以揀，我哋揀咗貴啲嗰一個，佢包咗多幾款特別啲高級少少嘅食物！等我介紹吓食物啦！我地食嘅係進擊の升級 極品拖羅食べ放題！🥳太多相，po唔曬，介紹少少啦！花之戀我覺得花之戀幾好食，比坊間嘅放題做得大嚿好多，一嚟到我就好滿意啦，因為佢超級足料，完全睇得出新開嘅質素係高啲！刺身我哋第一round冇嗌到啲高級嘅刺身，呢啲都係普通嘅，但其實你都可以見到好多種類有唔同嘅蝦🦐啦，三文魚，油甘魚，吞拿魚，帶子！最值得一提嘅係帶子，我覺得真係好鮮甜而且唔算切得細粒，份量都幾多，以我印象中冇特別腥，特別難食，呢round嘅魚生都係正正常常！壽司🍣呢幾舊壽司裏面我最想講嘅係京蔥三文魚腩，我真係覺得佢啲京蔥好好食，而且呢度嘅壽司份量都係同出面嗌嘅一樣正常，唔係特別細，所以我覺得好抵食！壽

呢日黎到大埔, 同屋企人一齊食放題! 大埔超級城呢度新開左間滿屋放題, 連招牌都未SHOW 哂~ hahah 一於等我黎試試佢先! 我地揀左個248$ 餐, 入面都好有好野食, 刺身都有唔少款, 最中意既三文魚都好肥美, 美中不足係油甘魚售罄~ 試唔到~ 佢既帶子size 都幾大, 食落都夠哂吸引人~ 北寄貝等等都夠哂鮮味~ 另外佢都有好多款壽司可以揀, 我最中意係芥辣八爪魚, 唔記得講,佢既落單模式有別於一般放題,佢係唔駛畫紙仔, 而係用QR CODE 落單~ 咁就夠哂環保! 野飲就係出面自己拎, 有無糖,有糖, 韓式飲品~ 任君選擇~ 出面仲有一D 前菜, 例如係醃蘿白, 中華沙律等等~ 仲有一D 炸物可以拎! 熟食方面都有好多, 有花膠, 泰或炒椰菜苗等等, 天婦羅都夠哂熱辣辣! 配埋天婦羅汁真係一流! 最後仲有一人一杯haagen daz~ 正!

今晚係大埔廣場放工，過馬路時見到鮮芋仙隔離開左間放題！大埔竟然有放題新開！好神奇！我即刻話俾我女朋友知，跟住即刻就今日去食。雖然佢係新開，連招牌張紅紙都未滅，但入邊都已經好多人，我地等咗一陣咋得入去入面環境好新淨企理，好有日本風味，位置感覺比普通放題闊落。而家放題環保好多，點餐有個QR code可以一掃就點野食，科技既進步😂😂食放題第一樣點一定係刺身同壽司！刺身有16種選擇，我自己叫左鐘意食既，大約有6種，都算幾新鮮，壽司都有10幾款，最緊要呢度可以按住自己嘅件數去嗌，唔怕曬嘢食d炸係熱辣辣上碟，唔係炸定我食個炸蠔，一咬開幾juicy，又有煙出大部份炸粉唔厚又幾脆，又唔會好油淋淋咁，我女朋友對個榴槤波波都讚不絕口，炸物類值得叫黎食下~羊架就羊味羶味好濃郁，燒菠蘿燒過後格外香甜🥰去到串燒部分，普通都燒得唔錯，唔會太乾身，有肉汁同保持水分，鹽燒海蝦好入味，雞翼就幾香脆，總體唔錯飲品櫃個度，除左有正常放題會見到既野飲外，竟然比個見到有楊協成既馬蹄爽同涼粉爽！😂好古老嘅嘢飲~可以黎懷舊啊而甜品櫃好多選擇~~真係可以睇吓自己想食咩就拎咩食，多到我都唔識揀！好開心大埔而家有放題，又多個飲食嘅選擇🤣