滿屋日本料理 (大埔超級城C區)

營業中

休息中

海膽迷喜歡地方喔！今次這個放題，放題時段很長，慢慢嘆慢慢吃。依家仲有跟朋友去，很棒呢。放題少不了刺身及壽司！這店刺身選擇有多款，基本之三文魚﹑吞拿魚﹑甜蝦外，還有油甘魚﹑厚燒玉子等等。出面有點小吃，也能在等待食物到的時候拿來吃，棒。甜品選擇亦非常很多，有小布甸， 經典焦糖布丁撻布甸滑溜綿密，有雲呢拿籽，焦糖醬，味道昇華呢。主角海膽壽司也出場了！雖然放題任吃～這店之海膽軍艦一點亦不馬虎。海膽賣相飽滿乾身，新鮮帶甘甜，新鮮。喜歡海膽無限，淨吃海膽壽司也已經夠快樂喔。這店的手握壽司及卷物也相當出色，有牛油果軟殼蟹卷﹑蔥吞拿魚蓉卷等等，賣相味道水準之作。吃完刺身和壽司，是時候想吃點熱食物。日式料理新鮮炸天婦羅，不錯，亦有日式串燒和燒物，也不太油，炸物和面也有日本的感覺，必吃銀鱈魚西京燒及燒魚喔。甜品最後也有雪糕，是好吃的，朋友吃了很多～入去感覺是環境整齊乾淨，座位寬敞！跟朋友去，朋友慶生同聚會一流！

新開放題所以就黎食下，佢地餐牌選擇都幾多下，scan qr code自己落單，出面有甜品熟食櫃，仲有清酒任飲，讚讚佢飲品櫃偏門飲品，有朱古力奶，維他奶同apple cider，火炙壽司好好味，大推鹽燒左口魚，醬燒三文魚壽司入口即溶，刺身好新鮮，好驚喜啲帶子勁大粒，大赤蝦甜蝦赤貝好味，手卷超級好味，細細件一啖過，海膽有鮮甜海水味，蟹膏蟹肉有濃郁蟹膏味，甜甜地沾埋豉油，正呀😍😍放題黎講佢性價比都幾高，200幾蚊食物質素高，絕對唔係求其既放題大舊飯塞飽你就算，新開餐廳環境又大乾淨👍👍

今日來到大埔一日遊，參觀了綠匯學苑(舊大埔警署)和舊北區理民府，參觀完就吃放題。由於之前都光顧過滿屋料理，知道質素較好，價錢並不貴，所以我都推薦給朋友。位置：位於大埔中心，在商場的地下，方便易達。環境：充滿日式風格，不論門面或內在裝潢都用上日式扇子形作花紋，走入前方是前菜和沙律各小食，旁邊是甜品櫃，正中是一條長走廊，以二人座位或四人的卡位，稍嫌二人的桌面太小，放不下食物。服務：以QR CODE下單，沒有漏單的情況，上菜速度也快。值得一讚是服務員很主動提供協助，我只是問一個服務員有關洗手間位置，另外的職員也上前提供路線。刺身：甜蝦、大赤蝦、 三文魚三款都很新鮮肥美，尤其喜歡三文魚和赤海蝦，皆鮮甜滑溜。壽司系列：海膽吞拿魚蓉壽司、火炙燒廣島蠔壽司、海膽手卷、蟹膏蟹肉手卷、雪燕魚籽花之戀、火炙厚燒芝士鰻魚壽司、芝士醬燒黃金蟹棒壽司、山葵章魚壽司、柚子胡椒油甘魚壽司、玉子壽司、鹽燒左口魚壽司、香蒜燒和牛壽司，以上壽司都是一口大小，份量較小，才可以試多幾款。朋友說海膽很鮮甜，她叫了兩次，我就覺得 柚子胡椒油甘魚壽司是挺特別，不過味道淡，重口味的有芝士鰻魚和芝士蟹棒，有較濃的芝士香。炸物：榴連炸彈

大埔食放題既選擇唔多，依間新開了一陣子，今晚同朋友二人試左普通版！入到餐廳左邊有個小食前菜自助位，右邊就有清酒梅酒任你斟。拎任張入座台嘅紙，scan個QR code 就可以落單，方便又環保♻️野飲都係以自助形式，款式多，有果汁茶汽水啤酒🍻刺身款式多，個人推介帶子，油甘魚，甜蝦，新鮮又食到食材既鮮甜味壽司的骰料足，d飯細細舊，平時放題唔食壽司都揀左幾款，推介鹽燒左口魚邊，火炙芝士厚燒鰻魚，花之戀串燒比較喜歡鹽燒牛舌，菠蘿🍍天婦羅就有南瓜，蝦，蟹棒熱食有牛肉煲，清酒蜆，蒲燒鰻魚，比目魚最後仲有H同M品牌既雪糕俾你揀，一人一杯🥰總結：值得一試，食物種類豐富，特別係刺身有14種，飲品款式又多，連酒精飲品都有幾種。上菜速度ok，沒有漏單，服務員主動收碟，$300有找的2小時任食，整體表現不錯！

香港有兩大龍頭日式放題集團——大喜屋及滿屋，雖然放題熱潮大不如前但仍不乏捧場客，最近滿屋於大埔開設分店，打算訂座於父親節一試但已經滿座，所以當日提早到達等位碰碰運氣，最後慶幸仍有座位但限時一個半小時，一個鐘已經停止落單。食物種類與一般放題大同小異，包括刺身、壽司、串燒、炸物等，特別在於另有升級版放題可以任食拖羅刺身、松葉蟹腳、海膽、紐西蘭乳龍蝦、燒美國西冷牛扒、原條穴子壽司等十一款食品。店內面積不大但仍設有自助區，供應少量前菜、沙律、小炸物、甜品及飲品，其他食物則可透過手機掃描QR code下單，但餐枱極小根本難以容納食物，而座位之間亦極之狹窄擠逼。池魚皇薄切刺身尚算鮮美；海膽刺身會配以青瓜及紫菜，味道毫不鮮甜濃郁但亦不帶腥澀味，不過不失惟質感較稀。紐西蘭乳龍蝦又稱深海小龍蝦（scampi），曾經在其他餐廳品嘗過覺得難以忘懷，難得可以任點任食但質素明顯望塵莫及，體形較少而且毫無應有之鮮甜味；松葉蟹腳更嚴重漏單點了數次才出現一兩隻，且肉質糜爛出水只得鹹味；惟獨是拖羅相對而言比較滿意，雖離出色仍有一定距離但尚算油潤豐腴。蒜蓉芝士燒海蝦肉質稍韌；燒美國西冷牛扒更是粗糙乾韌猶如肉乾；鐵板大蝦與

今日嚟到大埔，見到有間日本料理嘅放題喎，梗係去試一試。滿屋日本料理就喺大埔超級城巴士站隔離，位置都好方便。可能因為時段較早，唔駛等就入到去。係等緊上壽司之前，梗係食咗餐前冷盤先。呢度啲冷盤種類都真係唔少，中華沙律、泡菜等等。食咗兩碟前菜準備好個肚，就到刺身啦！叫咗帶子，吞拿魚，鮮蝦等等…最吸引我嘅一定係鮮蝦，又大條又新鮮，炎炎夏日食刺身真係一流。另一方面，鍋物都好唔錯，特別係呢個壽喜燒鍋，甜甜地嘅湯底，令到濃味嘅牛肉食完都唔滯，非常唔錯。最後梗係要食返個雪糕，作為完美嘅結局。

新界區確實係無咩日式放題餐廳，通常都要去油尖旺，最近有朋友介紹，大埔新開左間滿屋日式放題，趁今日放工有時間，即管就去試下晚市放題。入到間餐廳，裝修好有日本居酒屋既感覺，地方寬敞又衛生，今日安排左坐卡位，自成一角。放題除左可以用QR code 電子點餐外，依度仲有得自助取冷盤小食，包括日式螺肉、沙律菜、泡菜、中華沙律，翡翠螺、炸餃子，小丸子、味噌湯等等......樣樣夾左少少食，味道都唔錯。 甜品同飲品都係自助既，都好多款式任均選擇，仲有日本清酒飲。電子點餐方面，當然急不及待點左各樣魚生，特別推介三文魚、油甘魚、鮮帶子、大赤蝦、赤貝，樣樣都好新鮮，鮮甜肥美。壽司味道都好鮮味，一口size ，食多幾款都唔怕食滯。熟食方面都好多選擇，炸物天婦羅、芝麻雞翼、炸廣島蠔、炸蝦、炸蕃薯、 即叫即炸，食個陣時仲係熱辣辣，外脆內嫩。  另外串燒牛舌同燒羊鞍都好正。  仲有d特色食物，例如鮑汁炆花膠、清酒煮蜆、和風汁牛柳粒、西京比目魚，樣樣都好好味。其實仲有好多款都無點到，已經好鬼飽，仲要留肚食靚雪糕 Haagen Daz 同 Movenpick，200幾蚊食足2個鐘，又多款又好味，食物品質絕不求其，物超

滿屋料理大發現日放題，日本傳入。有任吃之義，一掃code , 數之不盡之食物在電話裡，揀選自己喜愛就是幸福。自主、獨立、一息間在彈指之間……立即呈現。馬上在網上查資料，究竟什麼才是放題，它的起源是: 放題（日語：食べ放題／たべほうだい tabehōdai），又稱為日式放題，是一種日本料理的方式，亦是一個日語借詞。「放題」一詞在日語原指無限量供應，借入香港後便約定俗成、直接取「日本料理任食自助餐」的意思，亦即日語中的「食べ放題」。與一般自助餐不同的是，放題大部份的食物需要點餐，而非像自助餐般大部份食物自取。而且，日式放題所提供的食物，顧名思義就是提供日式食品，例如刺身、壽司、炸物、拉麵、肉類等。除了任食放題外，在日本亦會有「飲品放題」、「甜品放題」等各種不同的放題種類。在香港借入這一詞語後，「放題」亦可引申於其他「無限量供應」的事物，例如「火鍋放題」、「催淚彈放題」等。(資料來自維基百科)真的很開心，回到孩子時候，孩子就是想吃什麼便可吃什麼，衹要今次考試得到90分，媽媽便可帶我吃美食，如同去海洋公園、Disney 、 去日本城買文具等等百般興奮，媽媽說 : 「小英，你好叻！今次中文測驗有

今日行大埔超級城，發現原來新開左間日本料理放題嘅餐廳，望吓價錢又唔係太貴，於是就入去試吓啦。首先入到去嘅感覺環境舒適，唔錯。望吓都有幾多嘢食，又有自助沙律吧，都幾多選擇👍🏻我哋叫咗啲刺身，又叫咗啲熟食。刺身方面整體來講都幾新鮮，尤其係三文魚同生蝦，真係要叫多幾次😋反而想講吓熟食，有啲幾特別嘅餸例如鮑汁燴花膠同竹笙瑤柱蟹肉翅都唔係平時日本餐廳可以食到，雖然唔算好好食，但質素中上，特別要推介嘅係清酒煮蜆，清酒味幾濃，而且蜆夠新鮮，抵讚！❤️整體來講以任食來講來講性價比幾高，經過開大埔可以一試！😉

大埔人唔洗出去食日式放題啦！成日都以為要出到旺角銅鑼灣先多選擇最近呢度新開左一間日式放題，八點之後都好抵食差唔多半價咁，大埔超級城行完之後可以試吓呢間上菜嘅時間好快，唔洗等好耐刺身好基本所有嘅款式都有齊，我好鍾意食佢呢個北極貝，鮮味重，三文魚咁肥美同大塊，仲有大蝦🦐燒物方面推介呢個椒鹽雞軟骨，仲有燒菠蘿，燒菠蘿好Juicy又夠甜，我自己就超級鍾意～仲食埋呢個海鮮粥，真係有蟹喺裏面！炒椰菜苗都好惹味，仲有呢個安格斯和牛暖下胃好舒服！最後仲有個雪糕作為甜品🍮超級飽肚同埋滿足！

行吓街見到呢間新開未食之前有個自助嘅地方，可以自己攞啲前菜，仲有野飲都全部任飲成個裝修嘅感覺都好日式風格明亮舒適，坐得闊落魚生選擇夠多同埋都好新鮮三文魚、吞拿魚、北寄貝、深海八爪魚大赤蝦、帶子，夠鮮甜三文魚有魚油甘香，同埋都夠厚八爪魚比較有咬口，朋友同我都鍾意海膽手卷一啲都唔馬虎！除咗刺身之外我覺得燒物都值得推介！鹽燒海蝦、燒羊鞍、黃金燒扇貝全部都好滿足，同埋燒得啱啱好食飽之後梗係要食甜品，甜品就係雪糕啦！有Häagen-Dazs！！！可以揀一款口味淨係來講我同我朋友都覺得好抵食，同埋之後再嚟行街都會幫襯

CP值高大埔新放題好耐無食過放題，今晚一於同友人去試下大埔新開既日式放題—滿屋日本料理~🤤我地揀左8點後去食，人數相對較少，如果想同朋友暢談生活事，都建議夜喲去食，傾得比較盡興！食物選擇好豐富，有刺身、壽司、卷物、、沙律、料理、燒物炸物、天婦羅、甜品、雪條、飲品，想食咩都有，而上菜速度都好快！👍🏻👍🏻無論係食放題定係自助餐，刺身/海鮮都係我首先進食既菜式，而度既刺身好新鮮肥美，尤其喜歡帶子和赤海蝦(我至愛)，帶子鮮甜，海蝦爽口，回味回味！另外必點京蔥三文魚腩壽司，同友人總共食左廿件~~😝😝炸物方面，有我鐘意食既炸貓山王，不但皮脆，仲有濃濃既榴連香，瘋狂encore~~另外天婦羅炸蝦同埋炸吉列蠔都好脆同夠熱～😎飲品都係普通汽水、果汁同茶類等等最後， 本身以為放題都係以維記、阿波羅雪條做ending，點知而間餐廳用movenpick/haagen dazs做ending，真係估唔到，有驚喜，所以如果大家黎到大埔，又想食日式放題，都十分建議黎試試而間👍🏻

有超過一年冇食日式放題，所以放咗工特登約朋友去食~朋友鍾意食刺身，我就鍾意燒物同鍋物，大家各自揀鍾意既野食，唔洗爭😆第一round食刺身同燒物，點完之後都好快就上。朋友話刺身整體嚟講都ok，所以叫咗兩轉。至於燒物，一上枱就香噴噴，令人食慾大增。最滿意係雞軟骨同埋燒扇貝，兩樣都好惹味🤤另外點既炒雞腎都好入味。第二round 食鍋物，包括雪花牛肉鍋同湯烏冬，仲有竹笙瑤柱蟹肉翅同忌廉海鮮蘑菇湯。牛肉鍋用料足，而且牛肉大大片，仲有粉絲，超滿足！最後甜品有無限量供應既Dreyer's 同haagen daz雪糕，好正！至於飲品可以喺雪櫃任揀，款式都唔少。

入黎大埔探朋友，想食得豐富d，朋友話有間新開既放題店，反正都好耐無食過放題，一於今晚豪少少先.👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻.滿屋日本料理（大埔）.滿屋日本料理其實出面已經有兩間分店，之前一直都未有機會食，今次食完個質素都令肥🧸相當滿意。餐廳分時段供應放題唔同價錢，亦都有兩款級數可以揀，咁貴d當然食得高級d啦，不過我地今次就揀左普通menu$258+10%.雖然係普通menu，其實都好多好多款式揀。一入鋪頭就有自助區有10款中韓日式前菜，湯，燒三文魚鰭，仲有好多款甜品。最犀利係有自助清酒梅酒😳.罐裝飲品都有十幾款，果汁汽水啤酒應該係我食過放題最多飲品款式既一間。講返正題，點菜就用手機自助落單幾方便。日式放題當然唔少得刺身啦，三文魚油甘魚八爪魚北寄貝嘩全部都新鮮無腥味，赤貝鮮美，兩隻大赤蝦亦都完全唔腥，帶子比較細粒但都好鮮甜.壽司款式亦都好多，餐廳都有好幾款自家創作卷物，細細件唔會食完飽曬。燒和牛壽司入口即溶，好香蒜味。燒物點左雞翼，海蝦串，牛舌串，鰻魚同比目魚。蝦串食得出新鮮貨，蝦肉結實，牛舌我地encore左4串咁多，好juicy，比目魚甜甜地，魚肉好滑。.仲有

好出名嘅滿屋日式放題餐廳，終於開到嚟大埔，今次同朋友來慶祝生日，可以盡情食，兼且試新餐廳，真係雙重滿足。而家好先進，用數QR code嚟點菜，唔使再寫紙仔，真係既環保又方便。其他錢財、小食、甜品及飲品，就照舊自己出去任拎，真係令人好興奮。食物嘅種類好多，總有一款啱食。前菜例如中華沙律、海蜇，味道都非常好。刺身任食真係好爽，甜蝦、吞拿魚都好新鮮，三文魚就更加係必食的。壽司有好多得意嘅款式，例如呢個粟米沙律卷，上面真係有件燒過嘅粟米，捲着壽司及海鮮，真係好夠創意！串燒牛舌及海蝦，味道一流。今次叫咗湯烏冬和叉燒拉麵，湯底拉麵及烏冬質地都很好。