滷友記 (華都中心)

營業中

休息中

放假行街行到8點幾見攰攰地，經過呢間小店係門口見個餐牌d野食又好似唔錯，就入左黎試試環境：4/5地方都企理乾淨，而且可能時間比較晏，店內唔算多人，所以坐得都尚算舒服價錢：4/5都算經濟，可以接受食物：3.5/5一行二人因為都唔算太餓，所以叫左一個麵+一個小食share，剛剛好招牌大滷麵（金錢𦟌、陳皮魚蛋、豆腐、蘿蔔）$45滷水汁唔會太鹹，好夠味；啲餸都好足料。但可惜我哋簡咗配手造米粉，啲米粉太碎，有少少扣分。椒鹽炸什丸 (10粒） $30反而炸什丸相當唔錯，熱辣辣食外脆內彈牙，配上椒鹽，非常可口，值得一試

今天在荃灣行街，經過一間食店叫滷友記，店鋪名字好有趣，就和朋友入去試下食。店鋪主打賣滷水食物，有三餸麫，各式飯類，滷水小吃，炸物等。我們點了滷水汁牛三寶新竹米粉，三寶是金錢肚，牛筋，金錢𦟌。湯麵上枱時，女店員好有禮貌，提我小心湯碗熱。我先試滷水金錢𦟌，肉質軟滑夠稔，滷水好香好入味。牛筋和金錢肚好入味，足料份量多，又好食。上湯浸蘿蔔，我平時都好喜歡食白蘿蔔，這家煮出來的蘿蔔無渣，用清湯煮稔好甜，用筷子一夾，湯汁就滲出來。滷水雙拼，餐牌上有好多選擇，選兩樣拼在一起就可以。我選了滷水雞腎和金錢肚雙拼。雞腎爽脆，金錢肚每條粗幼一致，睇得出㕑師好有心機去處理食材。陳皮冰糖燉檸檬，我看見牆上的餐牌，介紹陳皮冰糖燉檸檬的好處和功效，就點了一杯試下。味道不是太甜，檸檬味重一點，很好飲，飲完喉嚨好舒服。整體來說這家滷友記很值得去，味道好，價錢合理，我下次會再來的。

剛巧去荃豐中心逛街街，行到有點餓，便找些東西食下。聽聞華都商場有好多小店美食，便選了一間清淡些食肆吃下。就是滷友記了，因被它門口招牌吸引了，厚切金錢展健康好食。厚切金錢展米粉，金錢展有四塊，厚度有1-2cm甘厚，份量極大份，兩個人都夠吃。雞絲粉皮，拌麻辣汁好酥麻，層次豐富，又辣又麻痺。滷水雞翼，傳統滷水味，甜甜地好美味。椒鹽炸丸拼盤，有10粒不同口味，新鮮炸起最香口，配上椒鹽好夾好惹味。陳皮魚蛋，即炸配上滷水，好淋身好新鮮，有好多粒好抵食，因平時系街市買都要32元磅，差不多給了半磅客人食了。白灼秋葵，健康之選，新款蔬菜，娃娃菜，拌滷水汁，好吃之選。點了凍檸檬茶，口感好清甜，茶味不濃不淡，剛剛好，也不會好甜好酸，真的與眾不同。他們還有，每日新鮮自家製飲品，下次真的要試試了。

放假想搵啲簡單而好味嘅嘢食，在荃豐 有間食滷水店座位都很寬闊 。見到餐牌都好有特色每一樣嘢食。 我就叫咗牛三寶麵 有牛展，牛筋和牛肚份量都好大碗， 而且滷水味非常入味。 老婆就叫了雞翼，魚蛋，墨丸麵， 啲雞翼 好入味而且好鬆軟 ，還有自家製墨魚丸非常彈牙又大粒。 最緊要就係湯底唔會太鹹適合任何人吃。 小食有陳皮魚蛋和椒鹽墨魚丸， 值得一提魚蛋吃落好似回到童年一樣啲魚蛋細細粒好彈牙， 而且一碟有好多粒。 飲品就叫了 蘋果雪梨雪耳都係自家製出品老闆話飲咗對喉嚨肺都唔錯。 值得下次再來試其他小食。

去到荃豐中心諗住行下街買下衫，仍然保留着一間一間細細的店舖，諗住尋下寶，唔使成日去連鎖店買嘢一式一樣。行到咁上下有啲肚餓梗係去搵嘢食啦，見到呢間滷友記好似之前唔多覺眼，我估佢係新開張，反正滷水湯汁嘅粉面未食過，一於試下佢！金錢肚牛筋米粉，見到個湯底以為好濃，但係原來唔係太鹹嘅，有濃濃嘅滷水香味食落唔錯，而且金錢肚和牛筋亦都滷水得好入味，正！米粉煙煙銀銀，質地爽滑!滷水大腸拼金錢肚上海麵叫咗個小食炸秋葵，上枱熱辣辣好好味，平時都係食冰鎮秋葵，估唔到炸秋葵柔軟又滑，不錯不錯！椒鹽炸丸拼盤都只係$25好抵食仲有呢度出名嘅陳皮冰糖燉檸檬，老闆話唔係度都有得飲㗎，秋天來講真係好滋潤下！爭啲忘記咗最緊要落佢嗰個辣椒油，加咗落個滷水湯底度完全唔同晒風味！

華都商場很多小店，今日陪女朋友購物，累到一個點，選了一間像車仔麵的店休息。店名很特別叫滷友記餐牌款式都很多，有飯，有麵，小食……有台式肉燥飯，所以點了唐心蛋肉燥飯。肉碎半肥瘦很配飯，份量很多，蛋堅流心，很好味！小食選了滷水豆腐，和秋葵！感覺健康。秋葵是白灼，個人覺得醬不錯有醋和蒜調味，都很開胃酸酸地。豆腐同想像中不同，是嫩豆腐？平時吃的都是炸過，和硬身滷水豆腐，這裡是小塊的嫩豆腐浸滷水汁。女朋友選了招牌大滷麵有金錢，陳皮魚蛋，豆腐，羅白，小棠菜一條。金錢炆過很軟綿綿同入味陳皮魚蛋，細細粒，像小時候街邊的魚蛋，特別有咬口，兒時回憶羅白很多汁沒有渣，不錯！湯底有3款，滷水湯底，蕃茄湯底，麻辣湯底。選了滷水湯底，味道不咸像清湯味道，加少少辣椒油比較好吃。桌上有紙巾，2款辣醬，設備齊全。飲品$10 一杯選了柚子蜜味道不錯。

香港地開到成行成市米線舖 間唔中不如試吓傳統嘅滷水麵店本身自己住係荃灣 間中都會行落樓下睇下有咩新野食 前排發現咗有間做鹵水麵嘅鋪頭價錢大眾 一於Try Try佢鋪頭都係主打滷水雞髀豬大腸內臟等等點左個豬大腸滷水米粉一上枱已經聞到滷水味啖湯幾濃,有淡淡的滷水香豬腸炆得夠淋夠入味米粉有咬口唔會太淋加埋佢自製嘅辣椒油充滿傳統味道唯一係個鹵水煲得太耐,會有小小酸味,希望佢地之後改善到$35係荃灣食電麵,算是不錯既選擇

係荃灣行街，天橋四通八達，由荃灣行去大窩口有條天橋連通多個商場，係個到有好多特別小餐廳。今次同帶家人試下間滷老記，岀名滷水系列的餐廳。餐廳食物不太昂貴，普普通通，可以接受。有穩穩當當的車仔麵模式。我同家人都不太肚餓，就一人一碗麵。我碗係滷水雞翼加蘿蔔粗麵。滷水味十足，不太鹹，單望色水好似好重口味，但食落口又剛剛好！多意外。蘿蔔非常軟淋，鎖住滷水味，雞翼不太粉。加個小食拼盤肉丸，粒粒都有椒鹽味，彈牙多汁。配上餐廳獨製的中式甜酸醬，又辣又甜又酸，幾特別。中午吃飯可以一試。

係荃灣行街，天橋四通八達，由荃灣行去大窩口有條天橋連通多個商場，係個到有好多特別小餐廳。今次同帶家人試下間滷老記，岀名滷水系列的餐廳。餐廳食物不太昂貴，普普通通，可以接受。有穩穩當當的車仔麵模式。我同家人都不太肚餓，就一人一碗麵，仲跟野飲。有餐廳特製健康飲品。我碗係滷水雞翼加蘿蔔粗麵。滷水味十足，不太鹹，單望色水好似好重口味，但食落口又剛剛好！多意外。蘿蔔非常軟淋，鎖住滷水味，雞翼不太粉。加個小食拼盤肉丸，粒粒都有椒鹽味，彈牙多汁。配上餐廳獨製的中式甜酸醬，又辣又甜又酸，幾特別。中午吃飯可以一試。

路經搵食，咁多間選擇，唯獨鹵友記望埋去可以坐得舒舒服服，就入去一試！【鹵水牛筋大腸手造米】鹵得出色入晒味~牛筋忟得夠淋又彈口，唔係間間都做到，哩到就完全做到哩個牛筋重點嘅口感手造米，第一次食，爽加埋自家制麻辣油，完全係perfect match!【鹵友記】回值高！

荃灣荃豐中心 而家開咗好多 新店， 時裝店 和食市 都有， 最近 有時間 所以約埋朋友一齊去荃豐中心逛下 街睇下 有冇發掘到 新嘢。我們遇然見到 一間新開的食肆店舖-滷友記是間小店，門口 掛了 個 大 水牌 介紹了店內有很多小食 ，鹵水 熟食 和可自選鹵水餸自由搭粉麵。從門口望入 ， 店舖內環境清潔整齊， 我和朋友便 一嘗 鹵水滋味， 餐牌上推介 、 承惠客官大鹵水$44， 喜歡試新嘢嘅，梗係要試下啦， 上枱嘅時候 果然真係大大碗， 有四個餸 ，有魚蛋、 淋甜的 蘿蔔， 軟滑的 豆腐 ，牛腩 鹵水 用滷水 烹煮成 有咬口、入口肉質滷水味香濃， 湯底清甜， 可以 呷反 番兩口 ， 滋味吓鹵水味道。🤤 最欣賞的是有青菜奉上 ，深受食客歡迎。👍 飲品方面， 很少 食肆有的 陳皮冰糖燉檸檬$23， 今日天氣乾燥，喉嚨有點乾涸 一於滋潤吓。呷一啖已經感到陳皮味香濃， 檸檬味也很出 識 ，喉嚨即時感到舒適 ，所以 外賣多一杯 。另外小食方面， 炸秋葵 雖然第一次食 也相當滿意， 秋葵不算炸得太脆 ， 多食也不會 有火， 秋葵面上放上 蒜蓉特別惹味好食。 下次 再要帶家人 嚟吓鹵水味。

放工去左荃豐果邊睇下有咩食，行行下見到新開左間食滷水既店就去食下。滷水麵為主，仲有咖哩飯同埋多款小食。價錢都好抵食，雙拼都係$34我就點左滷水雞翼併金錢肚幼麵，先試左啖湯底，好香濃既花椒八角等香料味😍有微甜👍🏻麵既軟硬度都適中，金錢肚煮到好入味😋雞翼好大隻男友就點左牛腩同牛筋，牛腩牛筋煮得好腍，夠入味😋😋😋麻辣大腸同平時食既有點不同，呢個加埋芝麻醬，除左辣味仲有芝麻香，更滋味👍🏻👍🏻呢排食太多熱氣野，想潤一潤就點左佢地自家製既陳皮冰糖燉檸檬，香濃既陳皮味，少少甜，帶有點檸檬瀝🍋，飲完覺得喉嚨好舒服，有種清熱感😊😊麵都好大碗下，價錢又合理，加埋小食食到好飽，荃灣有多間麵食之選👍🏻👍🏻

荃豐開左好多新食肆, 大部份我都未食過, 呢間環境好乾淨, 而且感覺坐得無咁迫, 所以一於試試.呢間滷友記係專門食滷水野, 啱晒我口味. 除左一般既滷水小食之外, 仲有滷水湯底, 呢樣令我最感興趣.想咩都食下, 所以要左呢碗大滷麵, 有豆腐, 魚旦, 牛腩, 蘿蔔, 而麵底仲有幼麵, 粗麵, 撈麵, 米粉, 連飯都可以揀.先試下個湯底, 有滷水味, 起初諗滷水會唔會好咸, 但又唔會喎, 仲好易入口, 而且唔太油.麵底要粗麵, 夠爽口, 無皂水味. 而且仲有幼麵, 撈麵, 米粉, 飯選擇.牛腩好大舊, 肉質唔韌, 而且無咩筋位. 仲有入晒味既蘿蔔, 夠腍身又夠甜.魚旦係陳皮魚旦, 同埋豆腐, 兩樣都夠晒味.另外仲要左滷水牛肚小食, 滷得夠晒腍且入味, 咬落唔韌, 好好味.好想試晒D滷水小食, 下次又食下另一款先.

荃灣又有新餐廳啦，今次係一間小店，當然要去試下啦。晚市時段好快就滿座了，想食真係要早少少去呀。餐廳裝修簡單，但就好有中國傳統特色。牆上掛有中國毛筆的書法，都幾特別的。而餐桌上的擺設都配合埋傳統款式的醬油，雖然枱面唔算大，但二人撑枱腳都一流嫁點了秘製咖喱牛三寶飯。牛三寶有牛腩、牛筋同牛肚，非常大份。而且個汁真係有咖哩嘅辣味，而且唔會好水咁，拌飯真係一流另一款當然要試下鎮店之寶 - 滷水五花腩飯。五花腩嘅數量很足料，大約都有10件了，擺設如一座塔。而且肉與肥膏分明，真係好正！每件腩肉厚薄一致，無返咁上下刀法都處理唔到。而全碗飯都有滷水汁，但食落又唔會好咸，而且都好岩味道。小食當然都要試下啦！點了一份麻辣豬腸，真係幾辣，有青瓜絲、花生為配菜，而且麻辣汁好夠味，豬腸的厚道都適中。另一個忍唔住叫左嘅係巨型炸脾。真係好巨型，有一隻手咁大。而且炸得非常香口，皮脆肉嫩，真係食到停唔到口

行過荃灣發現新鋪頭梗係即刻要去試啊仲要係滷水麵店喎睇相已經覺得幾特別裝修唔錯幾切合滷水店嘅顏色哈哈叫了兩碗滷水湯麵餸可以自行選擇平均$5至$8左右一個餸我叫了牛筋，豆腐和糖心蛋，牛筋夠哂軟身，豆腐亦很滑很香。唯一有點失望就是糖心蛋沒什麼味道連蛋未也欠奉。另外陳皮魚蛋也一定要叫，很有咬口面底是自家製米粉，果然特別！米粉是透明狀口感極佳。亦有粗面幼面米缐等可供選擇店內還有自家製飲品檸檬薏米水味道很好一點也不甜很解渴最值得一提就是他的湯底看來很深色但一點也不喊有淡淡的花椒八角香味跟那些滷食物非常之配覺得不夠味道可以加上旁邊的調味醬料味道也不錯㗎