源記甜品小食

營業中

休息中

黎至西環既百年老店源記甜品小食，係天后重開，環境乾淨企理，坐得舒適👍🏻除左有經典糖水之外，仲有特色懷舊小食💁🏻‍♀️🍴香滑芝麻糊（$36）一上枱已經聞到好香芝麻味，濃稠度適中👌🏻口感香滑，好夠熱🔥🍴湯圓（$4/粒）湯圓每隻口味至少要兩粒起，黑芝麻同花生口味都試齊，內餡口感沙沙地👄個人比較中意花生餡，🥜味道相比下再香d~🍴白果腐竹雞蛋糖水（$42）糖水質感幾濃稠，腐竹同白果足料😆唔會好甜👍🏻🍴混醬腸粉（$22）腸粉份量都幾多，食落有米香🍚配埋大量既混醬，用白雞皮紙包住一碟上，充滿兒時回憶👧🏻🍴懷舊炸油糍（$30）好耐冇見過油糍呢種傳統街頭小食😍即叫即整 ，新鮮熱辣辣🔥粉漿炸到金黃，𥚃面包住蘿蔔絲同蝦米，幾香口😋🍴香煎蘿蔔糕（$26）蘿蔔糕係採用秘制食譜，用新鮮材料逐底炒出黎。厚切煎到表面焦香👄蘿蔔細心挑選過，食落幾清甜。充滿臘味香，幾足料👐🏻🍴炸一口雞蛋糕（$26）用麵粉、蛋同糖整成，冇落發粉所以口感比較紮實👄雞蛋糕炸完之後淋上朱古力醬🍫有d似食緊紮實版西多士💁🏻‍♀️

🍽 A la carte💰~HKD40-50🔸Sesame Paste A rich and creamy dessert made from ground sesame seeds🔸Walnut Paste Deliciously smooth, this paste is made from ground walnuts, offering a nutty flavor that pairs well with various desserts.🔸Almond Paste A delightful sweet treat made from finely ground almonds, it's both nutritious and flavorful, often used in various pastries.🔸Aged Lotus Seed and Mulberry Tea A unique beverage combining aged lotus seeds and mulberries, creating a soothing and healthful drin

🔸️《源記》喺港島另一個地址開返 新店座位大好多 裝修 好乾淨開揚 坐得好舒服 🔸️百年歷史嘅糖水舖真係好少見 而且仲有啲港式小食🔸️陳年桑寄生茶<桑寄生雞蛋蓮子茶>係鎮店之寶 名不虛傳 飲落真係好舒服 好降火 蓮子每天人手逐粒逐粒去芯 祛濕效果好 啱曬而家濕熱嘅天氣飲 桑寄生功效有好多 是甜品亦是涼茶 祛濕養顏 補肝補腎，補而不燥 啱曬女仔飲 食埋啲蓮子 有寧神安眠作用 啱曬經常失眠嘅我🔸️純正杏仁露味道好濃鬱 大大隻雞蛋 飲落好舒服 唔會太甜🔸️陳皮紅豆沙紅豆澱粉質出曬嚟 紅豆味好香 淡淡陳皮味道 好矜貴🔸️全蛋雞蛋糕傳統懷舊做法, 材料只有蛋，糖，麵粉 不加人造色素或發粉 食落蛋香味清清甜甜 🔸️混醬腸粉有兒時回憶 腸粉米味好香 醬料好多 唔會硬掘掘

同男朋友係天后食完晚飯，知道過百年馳名老店「源記甜品」係天后重開，即刻要去食返碗甜品。餐廳座位闊落，環境乾淨，坐得舒適。一坐底馬上嗌左幾款鎮店甜品同傳統小食。蓮子桑寄生蛋茶蓮子桑寄生蛋茶慢煮而成，人手逐粒剝去蓮子芯，除左苦味，煲到好腍身。雖然顏色似中藥，但竟然係甘甘甜甜嘅糖水，超級意想不到，再加埋入口即化嘅蓮子同好似茶葉蛋香嘅雞蛋，絕對唔會令人失望。桑寄生蓮子蛋茶性質溫和，不寒不熱，桑寄生功效除左春天飲用可袪濕，秋天飲亦可滋潤身體，另外仲可以寧神安眠、補肝腎、補而不燥，對女性更加有調理月經、舒緩經痛、補血及滋補養顏。每枱一定係必嗌之選。凍芝麻糊 （加2粒芝麻湯圓）入門口即刻見到部古老石磨機，一睇就知道係石磨生磨而成。經過浸、焗、炒等工序後，上枱就係一碗超級滑順芝麻糊，我仲加左兩粒芝麻湯圓，外皮Q彈，內有濃郁嘅芝麻餡。陳皮綠豆沙陳皮綠豆沙清熱解毒，健脾胃，啱曬夏天。呢款中式甜品一樣出色，綠豆沙煲到起沙，綿滑無渣，仲有淡淡嘅陳皮香味，男朋友食到讚不絕口，十分值得品嘗。全蛋雞蛋糕全蛋雞蛋糕用左傳統做法製作，材料只有蛋、糖、麵粉三種，不加人造色素及發粉，十分健康，而且食落口有蛋香味濃郁。懷舊炸

西環源記重開啦！選址天后更方便九龍人過嚟食呢間家傳四代老字號傳統炸油糍 $30 出面極少見，之前有間街邊小食店有賣，但執咗之後幾年都冇食過，呢度見得返😍 太大粒好似炸大魚蛋咁脆卜卜，但切開入面係一絲絲煙靭蘿蔔絲，完全唔粉，仲有鹹香蝦米自家香煎蘿蔔糕 $26 都不容小覷，煎到兩面金黃香脆，厚身但keep到結實質地唔粉唔泡，臘肉煎到走晒油勁香清香合桃露 $36 每天新鮮手工石磨生磨，甜而不膩滋陰養顏，幼滑而每一啖都充滿合桃香桑寄生果凍 $36 天然祛濕安眠嘅桑寄生茶都唔多地方賣，呢度仲要做果凍好特別！清甜嘅正正方方果凍浸喺桑寄生茶入面，做到西式甜品嘅口感，但保留中式涼茶功效😍炸一口雞蛋糕 $26 只用雞蛋同麵粉做嘅清蛋糕連蔡瀾都讚，將傳統融入新一代口味，做埋一口炸蛋糕，淋上黑糖同煉奶，食落好似西多士，但材料天然更健康🙏🏻混醬腸粉 $22 腸粉一般正常發揮，應該唔係自家製，但個醬又真係撈得唔錯😌

今日去銅鑼灣見客，順便約咗個frd係天后食野~佢帶咗我黎哩間甜品鋪，本身心諗有乜理由正餐食甜品 lol但係原來入到去先知 原來係有小食同熱野食~因爲係下午茶時間，所以我地都有啲肚餓，嗌咗幾款小食試~香煎蘿蔔糕（$26）煎得都幾香，同埋分量足夠。雖然係煎，但係食都唔會覺得好熱氣混醬腸粉（$22)超正！好耐無食啦~ 但係可以係餐廳形式下食到街邊小食，唔同風味~同埋乾净衛生~~炸鷄全翼（$35)有兩隻~ 哇 哩個超好味，啱啱新鮮炸出黎，夠熱夠香~ 但係又唔會覺得熱氣（都幾神奇）同埋好juicy 一路食 啲油會滴出黎勁中意中式糖水，我就試咗個 熱既核桃糊($36)，我個frd嗌咗凍既黑芝麻糊 ($36)~超級濃郁，質地夠結代表佢地真係磨並唔係溝水。哩個價錢算CP值幾高而且好暖胃~ 咁啱食個日落雨 天氣小小涼~ 好滿足

源記大家應該仲記得好熟悉嘅上環甜品源記，早前停業左一段時間終於宜家係天后重開啦！位置更加方便，經過銅鑼灣都會過天后食返轉作為一個為食專員我緊係要去試下啦！桑寄生蓮子雞蛋茶雞蛋保持水準，非常入味，桑寄生茶保留風味，香濃好味，非常養生。香滑芝麻糊加個花生湯圓，一碗湯水三種味道，三種口感，非常好味雞蛋糕都係傳統甜品，唔會食完好似食左啖風咁，足料夠蛋香咖哩豬皮魚蛋，咖哩夠香辣，豬皮同魚彈都夠入味生炸雞全翼-即叫即炸香口華鹽，呢10幾分鐘值得等既混醬腸粉傳統宵夜都會諗起既小食

一直都聽講源記係60年老字號，所以都想試好耐！但係有期望，就自然有失望🥶 食得出啲甜品都係真材實料，有屋企嘅味道，不過就冇特別出彩！對於60年老字號呢個名，就有少少substandard…📍雞蛋糕 （$10）總括而言，可以用個四字詞去概括呢件雞蛋糕「平平無奇」 我只可以話佢係一件冇特色嘅蒸蛋糕，就好似我阿媽平時喺屋企蒸咁😅食得出佢係冇加添加劑，食完條脷唔會苦。亦都冇空氣嘅質感，可以話係真材實料👍🏻但係作為老字號嘅招牌菜，佢又唔係特別好食👉🏻👈🏻不過$10嚟講，佢都算合格📍純正杏仁露 （$36）📍桑寄生蓮子茶 （$40）啲熱糖水，就有少少overpriced。個人覺得個杏仁露太甜，而且都稀咗少少，同我預期中嘅差得有啲遠。係呢三個甜品入邊最失色嗰個。但係都係真材實料嘅個蓮子茶都OK好飲，啲料都比得好足。都有中上嘅水平，係抵讚嘅👍🏻👍🏻 但係$40就略為貴咗少少，而且都唔值得專登入嚟食

今次去咗天后新開張的源記試吓佢嘅甜品，同時懷緬一下呢間昔日西環的老字號🥰 新店環境比舊舖大，種類更加豐富，有鹹點、懷舊小食同經典糖水，可以滿足唔同口味。我最期待嘅係佢哋用原材料生磨嘅合桃糊、杏仁露同芝麻糊，果然冇失望，幼滑得黎又香濃！😍另外點咗煎蘿蔔糕、鮮蝦腐皮卷。蘿蔔糕配上甜醬、辣醬同胡椒粉，啖啖臘味味，手工製作炒出來嘅質感真係唔同凡響，好香口又唔會太鬆散。香煎蘿蔔糕嘅滑嫩口感同臘味特別突出，$26絕對值得試！👌🏻鮮蝦腐皮卷入面有成隻蝦肉，外皮酥脆，食落去口感十足，唔錯！當然仲有咖喱豬皮魚蛋，豬皮索滿咖喱汁，香而唔辣，正適合我鐘意又咸又甜味嘅衝擊！✌🏻

👨🏻‍🍳源記甜品小食 (天后)📍天后永興街2A-2E號美城花園大廈地下B號舖 「糖水好味，小食一般🙈」 👍🏻🍽️芝麻糊、合桃糊 各$36香滑濃稠😋系好食既糊！！ 🍽️傳統炸油糍 $30製作需時，幾特別，不過有D膩🙈外層小小煙韌硬脆，裡面好似蘿蔔糕。 🍽️混醬腸粉 $22普通🙈無乜綿糯感 🍽️全蛋雞蛋糕 $10原本好期待呢個雞蛋糕，好耐無食呢D傳統雞蛋糕🥹但系呢個無蛋香，都吾鬆軟🥲🥲乾爭爭的🥺

想食好味又正宗嘅傳統中式甜品同港式小食，天后站附近嘅「源記甜品小食」，真係一個唔可以錯過嘅地方👍🏻 「鮮白果腐竹蛋糖水」甜而不膩，白果嘅香味配合腐竹，口感一流「桑寄生蛋茶」招牌必點之選，唔單止好味，仲有助健康，女士最愛🥚✨「清香合桃露」香滑可口，對腸道健康🥄「香滑芝麻糊」每一口都充滿芝麻嘅濃郁香味🌟「全蛋雞蛋糕」鬆軟香甜，充滿蛋香餐廳仲有香港傳統小食，佢哋嘅 「咖喱豬皮魚蛋」，亦好受歡迎，咖喱味道濃郁，魚蛋彈牙🍛如果鍾意傳統中式味道，值得嚟試吓🎉

食完飯又太早當然搵番間糖水舖再繼續傾下計～平時食得多冰/雪糕之類嘅甜品，一行三人今次大家都想食中式，傳統又養生。呢間百年糖水店重開左幾個月，主打經典中式糖水▪️桑寄生蛋蓮子茶$48呢到嘅招牌名物！！必試～飲落味道溫和，春夏天飲袪濕，補肝補腎，對於成日夜訓嘅打工仔好適合。蓮子仲係店家每日人手去芯，糖水甜而不膩▪️鮮白果腐竹雞蛋糖水（凍） $38非常奶滑～而且味道好濃，好似飲緊濃豆乳嘅口感，腐竹大大片💯分▪️凍綠豆沙$32粒粒綠豆口感，少量起沙，清熱解毒之選▪️香辣咖喱魚蛋豬皮$24估唔到都幾辣，豬皮好Q彈🤓▪️生炸雞全翼$35 雞翼夠晒厚肉大隻，炸到卜卜脆，唔會好乾，肉質嫩滑▪️街頭魚蓉燒賣$22一份7粒，有點小貴，味道正常

《源記》喺港島另一個地址開返真係好有驚喜 新店座位大好多 裝修好乾淨開揚 坐得好舒服 百年歷史嘅糖水舖真係好少見 而且有質素 仲有啲港式小食🍵陳年桑寄生茶呢度嘅 <桑寄生雞蛋蓮子茶>係鎮店之寶 真係名不虛傳 飲落好舒服 感覺好降火 🪷蓮子每天人手逐粒逐粒去芯祛濕效果好好 啱曬而家濕熱嘅天氣飲，秋天飲滋潤身體🍂桑寄生🫘功效有好多 是甜品亦是涼茶🥣 祛濕養顏，補肝補腎，補而不燥 好補血 啱曬女仔飲 食埋啲蓮子 有寧神安眠作用啱曬經常失眠嘅我呢個桑寄生蓮子茶 係我近幾年食過最好嘅中式甜品 值得表揚🔸️白果腐竹蛋糖水味道好濃鬱 白果煙煙韌韌好好食 大大隻雞蛋 飲落好舒服🔸️陳皮綠豆沙綠豆澱粉質出曬嚟 綠豆味好香 淡淡陳皮味道 感覺矜貴🔸️全蛋雞蛋糕傳統懷舊做法, 材料只有蛋，糖，麵粉。不加人造色素或發粉。 蛋香味清清甜甜 🔸️混醬腸粉有兒時回憶 腸粉米味好香 醬料好多 唔會硬掘掘 係新鮮嘅腸粉 唔係預製🔸️鮮蝦腐皮卷腐皮卷即叫即炸 好脆口 咬到粒粒蝦肉 超香口 🔸️呢度卡位好舒服 仲有好多其他甜品可以揀 勁有人情味 心水推介🔸️

前幾日同大少行經天后路經新開張幾個月嘅中式甜品店，見佢地主打嘅桑寄生蓮子蛋茶好吸引，所以就入去整返碗補補佢啦！新店裝修好企理，座位寬闊而且空間感非常充足。除左一啲傳統中式甜品之外，仲有一系到脆炸小食添。先嚟我嘅桑寄生蓮子蛋茶，依個真係可以話係驚喜之作，蓮子茶嘅味道甘甜香口，茶味香濃之餘仲一啲都唔會覺得甜。雞蛋又夠入味，亮點一定係啲蓮子，除左份量好多之外，質感非常粉綿，而且聽店姨姨講佢地係每日都會逐粒除去蓮子芯，所以係一啲都唔會苦。大少就來一碗補腦嘅合桃露，經過處理嘅合桃經由石磨生磨，然後隔篩，所以入口係非常滑身，而且食到好重嘅合桃香味，所以連唔太好中式甜品嘅大少都話好味。當然要叫埋佢地另一主打全蛋雞蛋糕，用上蛋、糖同麵粉三種材料，再加上傳統懷舊做法，冇加入任何發粉，所以質感上會比較扎實有咬口，而蛋味亦都非常濃郁，幾啱我地口味。小食方面我地叫左生全翼同煎蘿蔔糕， 兩者都係落單即做，所以需時製造嘅。兩大隻嘅生全翼份量都好足，而且佢醃得好夠味，炸皮做到薄脆，所以入口皮脆肉滑仲好Juicy添。 厚切嘅煎蘿蔔糕四邊都煎得好香口，蘿蔔味道很清甜，真的有很多原條蘿蔔條，加上足料嘅香濃臘味，所以真係覺

糖水🌟北角源記嘅「桑寄生蓮子茶」係我暫時飲過最好飲👍🏻😲呢度個桑寄生份最用得恰好，唔會好重藥材味，甜度又適中，每一啖飲落口都好舒服，特別是呢排好潮濕，更適合。另外，啲蓮子都好正，每粒都好新鮮粉嫩，逐粒去晒芯，唔會有苦味。我係全部都食晒😌小食🌟必食: 自家香煎蘿蔔糕，真係好出色👍🏻煎到外脆內軟，餡料豐富，粒粒蘿蔔非常清甜，配埋香濃臘味一齊食，口感勁豐富🥰另外，叫咗一份香辣咖哩魚旦豬皮，香辣味做得好出色，咖喱汁好惹味，魚蛋豬皮，炆得好入味，食到舔舔脷🤤環境服務🎖️環境裝修好舒服乾淨，座位亦都坐得好闊落，服務員亦都非常有禮貌👍🏻啱晒同朋友嚟聚腳傾偈🤤