源記甜品小食

營業中

休息中

從來都未試過寫食評，今次真係好需要記錄一下。以為可以食番以前喺正街嘅糖水味道，點知真係諗多左。外賣左一個芝麻糊，打開後完全無芝麻糊嘅香味，又甜又稀非常難食，最後倒左。即冲嘅都好食過佢，無下次。

桑寄生蛋蓮子茶-冇乜藥材味得甜味，隻蛋幾好食不過好古怪好茶葉蛋 而唔係平時食到有藥材味嘅蛋芝麻糊-真係唔好食 冇乜芝麻味食落去口感好始芡汁都好嘔心下 🙄 (真心唔建議叫呢個）舊舖食左好多年都覺得愈食愈差新舖再差左 可能外面求奇搵間中式糖水都好食過佢就算唔睇佢價錢 都唔係一間有正常水平嘅中式糖水舖

對我而言, 天后區不少的糖水鋪都由很好再變到令人非常失望. 昔日看起由小鋪起家的晶O  因為加租而搬到了灣仔 ; 甜O姨因為電視劇成名變大鋪, 再變fans club?  另一間就平平無奇. 當剩下望要的兩間後, 大家彼此一味鬥"甜" 和 加價去賣.  我已無法回憶到底天后有哪間是正常一點的糖水鋪 .源記重開, 落戶天后是挑戰. 初開試業時候真的不太行 ,  太多人而且操作未上昔日的軌道, 就是一味亂.  只覺若只憑熱潮去判斷, 那未免過於武斷, 於是給了它第2次機會.  今日再去, 一碗桑寄生蓮子茶, 合格了, 茶香且去芯蓮子的夠軟.  其他的糖水不似其他的一味賣甜, 是好事.  還有其他的油炸小食, 留待下次去試.  

家人喺加拿大回港，好想再試返佢嘅桑寄生蓮子茶，所以我就帶埋佢哋一齊去食吓，雖然未去之前都見到好多OpenRice嘅負評，但係我覺得點都要去試一下。//我哋一行五人每個人都係食桑寄生蓮子茶，有人加蛋，有人冇加蛋啦。講真我細個都係西環舖頭成日幫襯食啊，我就真係唔覺得好似啲人講到咁差。//返而其他食物就真係普通一點同埋有啲貴。 我哋當日應該有點到小吃：腸粉，燒賣，蘿蔔糕（冇影相）。如果要用返而家嘅物價跟其他舖頭比較，真係冇得比嘅。但係真心嗰句桑寄蓮子蛋茶係OK嘅。 如果經過我會再食的👌🏻//至於其他芝麻糊花生糊呢，我就真係從來冇去呢間舖頭食過，也不能評論。//不過我去當日，店員同埋老闆都好Nice。所以我見到咁多負評，我都要喺度打返幾句持平。個人覺得老闆可能都要跟着時代進步，調整一下個餐牌。

幾十年老鋪中式糖水越賣越少了, 知道源記重開，今日行完工展會，順路過去天后新舖試吓，裝修簡單光猛，去到都要排一陣隊先有得入座，我同妹妹兩個點咗桑寄生蓮子蛋茶😋， 芝麻湯圓杏仁茶😋, 甜度啱啱好，蓮子軟熟鬆化，芝麻湯圓香濃，今次第一次試魚腐春卷，炸全翼….新鮮熱辣辣…超級好食呀！

非常垃圾非常貴。3十幾蚊個芝麻糊，仲要收2蚊盒錢，都唔緊要，點知失望到….兩啖就倒左去。聲稱生磨，衰過開粉，屋企長老話難食話盈多一盒盒沖水既。 甜到嘔又稀又甜。難食到嘔。。。。。仲要貴過地x館。係我食過難食芝麻糊既頭十名。又話過百年老字號，點知衰過自己沖粉。點搞。希望大家買之前睇到評價，唔好再中伏。唔好再有受害者。。。。買左真心係好嬲好失落。。。。。咁既質素咁既價錢真係睇佢捱到幾耐！垃圾中既垃圾無講錯！

由細到大住西營盤，最鍾意食紅豆沙，鍾意佢冇渣，又滑。今次由新界專程黎幫襯，叫紅豆沙返屋企，一打開，一粒粒紅豆，仲有一塊塊大陳皮，糖水偏淡，沒有紅豆味。童年回憶幻滅。應該唔會再幫襯了。

係要加油，改善運用工具習慣，岀品應先試味才岀售，要加強品質管理。凍合桃露不致於無味，甜度尚可，但有燶味。香滑芝麻糊，少量芝麻味，但有桑寄生味芝麻糊，桑寄生味大過芝麻味。

我從未喺度寫過食評，但係啲糖水真係難食到一個點，之前見到好多劣評，但係自己都要試一次，我真係中伏了！我係西環源記多年來嘅顧客，我嘅男朋友（而家老公）成日買合桃糊我食，我而家真係搵唔返當年嘅味道！你哋雖然話係第三代，但係相信當年嘅老師傅已經唔喺度！其實喺西環嘅時候佢嘅質素已經開始退步，點知而家嚟到天后我簡直連合桃嘅味道都搵唔到，起初我都有懷疑係咪自己是否天氣太凍以致味覺有問題，但係試過飲幾啖水再食個味道都係好淡，唔該俾番返個初戀我！

已經唔記得舊有的老港味。可能食開的糖水舖都好甜，但貴咗啲。重開後，抱住試新嘢心態，但無想像中咁差，可一試。加蛋加蓮子正、全蛋雞蛋糕甜度剛剛好。下次再慢慢試其他。

前陣子聽聞源記糖水重開， 我和老公滿心歡喜話要去”重拾舊歡“。我先生在西營盤長大， 從小便有光顧源記 （老店）。 到我地女兒出生後， 亦有帶著小娃娃去源記食糖水， 雞蛋糕等。 當年我覺得他們的糖水稍微甜了些， 但他們的蓮子確實是坊間少有的鬆化美味。👍🏻講返這間新店。 唉， 真系一肚氣！ 我地三個到達店鋪時， 見到店內有幾張”吉" 枱； 很自然地我地就入去打算坐低。 點知入左舖頭行唔夠幾步， 有位微黑面口的叔叔就叫我地出舖頭外面排隊等。 雖然唔明點解佢要我地甘做， 但都照做啦！ 出左去唔夠一分鐘， 佢就叫我地入舖喇。🤨此時， 我先生已經有d怒火 （拿， 源記真系佢童年回憶來架！）我地點左佢地鎮店推介的桑寄生蓮子（都話老舖蓮子好食嘛），合桃露和雞蛋糕。 等待時間不算長 （因為坐低後發現已走了一半枱的客人）。 到食品上桌後急不及待一試。。。哇！ 不得之了！差啊！🙈桑寄生煮成淡淡的五花茶的味道！ （我也是醉了）😫 蓮子， 由鬆化變左“碎” 。。。。🧐合桃露的口感極度似開粉 （多多！）我地三個靜靜地食完便離開了。 舖頭裡面的氣氛很冷 （是氣氛， 不是溫度）替老師傅們打好的招牌心痛

有錢開舖，但係冇腦做生意！ 開開心心，一家大細諗住帶小朋友一起過去、 其實都係想支持吓小店。話說8:00pm 門口其實唔係好多人排隊、去到就開始趕客走、又話要等45分鐘，又話沒有外賣！ 簡直係令人失望、態度又唔好！ 一時又話叫人唔好等嘅時候叫人走、 這樣的服務態度好快會收工！ 如果一心一意諗住過嚟支持千祈不要太大期望！ 但係如果冇乜所謂，純粹諗住感受一下、都可以過去親身感受、 但係先有心理準備、這一間已經唔係西環的老店

以前細個去開西營盤嗰間見佢喺天后重開，諗住去食返兒時嘅味道點知黎到桑寄生蓮子茶唔熱又冇味，蓮子唔淋杏仁露都係得甜味 完全食唔出有任何其他味道雞蛋糕都已經唔係以前嘅味道 而且質地硬又乾偷聽到隔籬枱嘅客人都覺得相當失望 其實好多客人都係諗住食返以前嘅味道應該好多人都係失望而回☹️有心做同冇心做好大分別只可以話佢仲有好大既進步空間 建議真係唔使為咗佢個老字號招牌去食啦食完一次真係唔會返轉頭簡直係浪費quota 同金錢 🙄

桑寄生蛋茶，飲落完全無茶味無藥材品，飲落去只有糖水味，唔使講隻蛋了，茶不合格，蛋也連帶不合格，跟舊時西要相比，點比呀！雞蛋糕食落去又乾又硬，賣十蚊，價錢不是問題，問題係難食，性價比係零，點同人競爭，根本一蚊也不值，完....祝店好運，完！

真係好難好難食，就係食糖加水！叫咗四碗糖水，三碗食淨一半， 一碗只食咗一啖。忍不住一定要寫食評， 是我第一次寫壞嘅食評…😵‍💫希望大家不要去， 避免大大失望！ 喺邊度啊？