湯加 (天晉匯)

營業中

休息中

見新開，又不用加一服務費，晚餐$45就ok，於是來試下。食左蝦滑絲瓜准山面，食果刻係ok，都覺得幾好味，所以飲多幾啖湯，點知出事啦T.T成個晚上不停飲水，成煲水飲晒都好口乾，而家唔知點訓。。好口乾好口渴。。。飲品係好飲，但食一餐飯搞到狂飲水都止唔到口渴，又何必呢。。。

朋友介紹這家餐廳不錯，而且剛好收到商場的飲食優惠劵，所以今晚全家到此用膳。就座後，先向職員了解這優惠劵使用方法。　然後各人點了一份套餐，慢慢地等食物來到。　酥炸腐皮魚角先上來。呎寸十分大，外表看來，有點似炸過的韓國魚片糕。香口的炸物向來都是豆丁至愛。金黃外圍脆脆，但中間煙煙韌韌。  薑絲黃沙豬膶 配有機藜麥飯　 每片豬膶的表面，肝小葉很明顯，還有粉粉感覺，變得啞色，没有飽滿的感覺，即是煮得很熟。果然，口感真的較硬，舌頭較乾。個人比較喜歡滑溜的豬膶。可是，鍋內有這麼多的豬膶，要夾硬食曬佢囉！ 雞肉淮山麵線　　雞肉肉質較亁。  紫菜四寶配蔥油餅    豆丁喜歡魚蛋類的食物，也喜歡紫菜，這碗是其心頭好。難得豆丁願意分一件魚蛋。

正常黎講，依家一碗麵加杯野飲，仲要免加一係抵既。我叫左勝瓜蝦滑淮山麵。芹菜：好多渣，好老勝瓜：住得淋但皮硬蝦滑：同我係文具店見到既擦膠，質感一樣，完全無蝦既蝦「膠」，真係軟膠一舊！淮山麵：同普通麵無分別（可能我食唔出）魚湯：有色無味，清淡，無味精辣椒油：最好味唔多講，完。

今日去了PopCorn附近的商場食晚飯，見到呢間有湯飲覺得幾得意所以走左全去試下。湯加有少少似落街食餐住家飯嘅味道。雖然環境一般而且某些坐位偏窄，成間餐廳只有湯飯，但種類確實十分之多。你諗得出嘅都有，例如雞湯飯同魚湯飯等等⋯⋯胡椒豬肚湯飯就幾好味添。雖然胡椒味稍為有啲唔夠，但係豬肚、酸菜一切材料都十分入味，而且餸菜份量都十分之夠。豬肚最多亦都有大量酸菜，如果鍾意食胡椒豬肚湯飯嘅你，一定要試下。 胡椒豬肚湯飯 ($48)另外仲叫咗薑絲花酒雞湯飯，有好香嘅薑絲同埋花酒味，而且個湯飲落甜甜地，味道調教得唔錯。 其實講到尾，最緊要係味精唔重，所以絕對值得一試：）薑絲花酒雞湯飯 ($54)另外，呢間餐廳有一樣特別，就係飯可以有幾種選擇，分別係白飯、三色飯或者藜麥飯，而且頭兩種米飯都可以任添。大食嘅你都可以不妨一試。當然啦，餐廳仲有其他小食好似雞翼呀，油鬆餅呀咁，不過本人就冇叫啦。（已經好飽XD）普通落街食餐飯，絕對係不錯的。

同事帶我去食新野，專食湯飯。裝修都ok，Lunch時間黎都冇咩人。好多健康之選。豬膶8件，魚滑細，勝瓜6件，魚湯，藜麥飯。好detail咁連幾多件都寫埋。用木tray上又係幾入流嘅，不過服務就……上菜有好多方法，可以靈活D。餸都ok，勝瓜新鲜，魚滑形有D搞笑，轉藜麥飯唔駛加錢，但係魚湯只係一般上湯質素，有待改善。

收工在將軍澳天晉，在附近有一間叫。湯加 的飯店，之前食過幾次不過不失。兩餸一菜，現推廣期送有機藜麥飯。收費$47，都幾扺食。 另外加点一味炸腐皮魚角$19，配熱檸水加$7，全程共$73 腐皮魚角比較多油，其他不過不失。魚肚幾大件幾厚。

Discovered this place because of the market.Portions are big but the taste is average.The pork trotters were too salty and the lotus roots were old and dry.As well as rice you can get quinoa rice for free.

今晚吃了鯇魚腐竹豆腐湯飯和窩蛋豬潤牛肉茄湯飯再加上蔥油餅，兩款湯飯都很好吃，鯇魚沒有鯹味，豬潤沒有一般茶餐廳的重口味，淡淡的啱啱好，牛肉和蕃茄就一般啦！突別介紹係蔥油餅，很香囗鬆化，如果下次來一定再叫來吃，但是那個藜麥飯份量真的很小，同白飯沒有什麼分別，我初時還以爲來錯了白飯呢⋯⋯。另外除了藜麥飯外，原來白飯丶三色飯和湯如果不夠可以再添加，我見隔離枱的三色飯叫做似番啲樣，怪不得大部分人都是叫三色飯啦！服務員的態度是很好的，價錢不貴又沒有加一！

聽朋友介绍將軍澳天晉2有幾間食店，話其中有間幾正，但我覺得在高尚住宅既地方都係高消費區，而且將軍澳食店好多都貴，聽完就算，點知有一晚一條友剛剛經過，就即管搜索吓，一如所料，價錢幾高，不過行行吓見到有間食店主打湯飯，幾健康而且價錢比其他店平，朋友可能係講呢間，一於入去試吓見店鋪唔係幾大，大約坐到40人，睇餐牌都幾多選擇，可以選配搭好既飯或麵或自己配搭兩餸一菜，而自選配搭都有第$41和$47兩款價錢餸選擇餸我就選左黃沙豬膶、腐皮魚角，菜就選左蕃茄，湯選左魚湯，食三色飯，叫飯時冇三色飯轉左有機藜麥飯，後來又有三色飯，最終都係食三色飯，過左大約十分鐘，熱辣辣既湯飯送上首先試啖湯先，唔覺有魚味可能想去除魚腥味和豬膶蘇味，應該用左好多薑和胡椒粉去辟味所以只感覺似胡椒湯，試完湯就睇吓有幾多料先，有三件腐皮魚角、五件蕃茄和八片豬膶魚角吸左d湯好好味蕃茄就好新鮮，甜酸道適中黃沙豬膶，食落幾粉，不過好薄而且冇去除筋膜,比起出名食豬膶麵既地方差好遠三色飯煮得幾好，幾有飯香，而且可以免費添食，我覺得幾好其實呢間唔太差，而且在高尚既地方可以用中等既價錢食到噤健康既食物，係一間值得再幫襯既食店

今天來到pop walk找野食，發現了「湯加」，像是吃一些較清淡健康的餐廳。心想這兩天不停大魚大肉，今天一於清淡一點吧，於是便進去了。去到還是下午茶餐牌，問了店員，是到6點的，但價錢和晚市也無差，只是多了一杯飲品。深海魚柳、班戟、雪菜肉絲米 $33真的很便宜，先嚐嚐味道班戟只有蜜糖可以點，並不會提供牛油。這不是問題，問題是真的很難吃，沒有味道，家裏的煎麵粉餅都比這個好吃魚柳還可以，不過也是偏咸！雪菜肉絲米裏的肉絲根本吃不下口，硬硬的兩餸一菜配飯 $41 加一菜$5選了豆腐，香菇，芥菜，加多個西蘭花 配藜麥飯 total$46 超級超級吾抵食你看到餐牌嗎？多豐盛！我的只有一兩條菜，我問店員: 我是加了錢加菜的，份量是這樣沒錯嗎？店員說: 是的，我們份量都是有定的，加錢應有三舊西蘭花。。。。無言了，我問: 那你們餐牌圖片為何哪麼多菜？我加了錢比餐牌的菜還少？店員: 餐牌上的圖片只是給人參考。心諗這也差太遠了吧還以為真的是藜麥飯，原來只是極少藜麥加大量白飯，超失望的後來店員說飯可以無限添的，給我換三色飯飯是蒸的，但蒸得十分乾硬，不好吃可以無限添也沒有用，不好吃就不會想再吃了吧⋯⋯為了不浪費還

前一日食完大餐，之後當然想食得清淡d，見到湯加主打湯飯，於是同友人入左去。一行四人，叫既野都唔同，有兩餸一菜揀，我叫左魚湯，加紫菜、冬瓜、豆腐，免費轉藜麥飯，雖然魚湯係味精，不過都幾清清地岩我。或者要紅米飯都得，呢個紫菜四寶丸湯飯都幾清，諗唔到食咩都可以叫。除左飯，仲有米線，呢個配左蕃茄湯，幾開胃。仲有得配烏冬，而且烏冬都有咬口，唔係最cheap果隻。呢餐每碗三四十蚊，價錢合理。

今天來將軍澳工作, 走著走著, 見到一家店叫湯加, 被這個特別的名字吸引了, 於是就來一個下午茶餐。這裏有湯飯, 麵條和多士等, 可以自選2個餸配一個菜, 價格呢, 感覺下午茶四十多元稍貴。於是就選了一個我喜歡的冬蔭公湯底配雞趐和蝦滑。湯底很酸, 鹹, 帶點辣, 味道十分濃郁, 香茅味極重, 十分醒胃, 一定要配飯才能進口; 我點的是藜麥飯, 黑白色, 味道有點爽口, 挺好吃; 但份量較少, 需要加飯才能吃飽; 蝦滑吸收了冬蔭公的濃味, 爽口彈牙, 美味多汁; 而金黃色的雞奕, 炸過脆口, 但淡而無味。這裏的泡飯, 若不是可以加飯, 份量肯定不夠, 而且價格稍貴。

總結: 食物份量多，味道佳不過鋪位較細，座位比較窄。朋友介紹話呢間好抵食，於是慕名而來。我叫左個牛肉(8件)、雞肉(6件)、白蘿蔔、蕃茄湯米粉(下午茶)。肉類好鮮好滑，白蘿蔔就一般，米粉份量多，等於平時出街食既2倍份量，湯底甜，感覺無咩味精。最後我連湯都飲哂先走埋單39蚊連熱飲，抵食到一半先記得影相，因為太正