湯加 (天晉匯)

營業中

休息中

在這家餐廳用餐後，出現了嘔吐和肚瀉等健康問題，懷疑食物處理可能存在問題。我聯絡過餐廳，希望了解情況，但至今未得到清楚的回應。這次經歷讓我對餐廳的食品安全標準感到擔憂，希望餐廳能重視顧客健康，提升內部管理。

之前叫過Keeta印象都唔差，日前Halloween晚行行吓經過，於是試吓堂食。先講嘢食，叫咗個雞燉湯加白飯(本來想叫蹄花湯佢又冇，烏雞湯佢又冇)，個湯比一般常見燉湯大一倍，熱辣辣，有隻嫩肉雞脾，送飯都唔錯，而且可以免費添飯，覺得價錢好合理。樓面方面… 都唔知點講，一入到去就有個幼稚園妹妹喊到拆天扭計，店內超級應聲，淨係聽到個家長同佢講再嘈會被店員趕佢走，卻冇心自行抱出去幫佢冷靜，於是係咁嘈係咁嘈，另一面店內系統又間歇大大聲報接到keeta單，然後又不停有電話響，樓面得兩個店員，已經好好脾氣爽手做，但感覺真係好嘈好混亂，直到個妹妹走咗先開始靜落嚟。食完之後覺得下次想食都係叫外賣算了。

和朋友大概於平日夜晚約8:15到餐廳就坐開頭餐廳內都仲有一兩枱客食緊飯到左8:45左右見到有其他人想入黎食飯但呀姐已經話截咗單我地心諗咁早截單就問呀姐收幾點咁佢就話收9:30 我地就睇一睇時間都仲有半個幾鐘食點知！到左9點多少少D開始等收工既呀姐就開始比說話我地聽：「差呢枱未執咋！」我地心諗：呀姐 趕人走洗唔洗咁大聲呀我朋友就話 唔係收9:30咩 仲有成4-5個字wo呀姐點知佢地仲大聲話 9:30關門啦然後再接二連三叫我地食快d真係唔會再去多半次！痴媽根

今日收工約咗朋友食飯，佢就話帶我食一間好抵食晚餐嘅食肆，原來呢就係平時商場隔離嗰間湯家食飯,佢個晚餐都唔算太貴都係70蚊內，而我就嗌咗個豬扒加三色飯味道都吾錯！如果下次自己一食晚飯，多左一個選擇！

係外賣平台提前落單，夠鐘去到餐廳都要等半個鐘先有餐拎，實在離譜。而且只係叫咗一個餐，都要差唔多成個鐘準備，咁我不如直接堂食？第一次追已經係原本拎餐時間等咗十幾分鐘，其他後面拎嘅單反而不停出。到第二次話要取消張單嘅時候，又話再等下。過多五分鐘先話煮緊。煮緊嘅定義係都要再等多十幾分鐘先出到餐。咁樣嘅效用就唔好標明可以25分鐘拎餐啦。收銀個點員工仲同其他買外賣嘅客話要等30分鐘。而實際我由落單到真係拎到餐都差唔多成個鐘。而啲嘢食味道係絕對唔值得等成個鐘！一定唔會再有下一次，無論係堂食還是外賣！

等了一小時外賣，店員一點感覺也沒有，太多單就不要接，接咗又做唔切，平時已經要等成半小時也算，今天真是尼普，很多外賣員都在等，聽到他們說也等了半小時以上，以後也不會再幫襯。

朋友住附近，平時都會黎湯加買外賣湯飯食今次有時間就堂食試下！今次叫左個2餸+1菜自選餐✔️蕃茄湯✔️深海魚柳✔️雞翼✔️娃娃菜✔️米線蕃茄湯都幾好飲，並冇好重好酸嘅茄膏味，調味啱啱好，雞翼係啱啱炸出黎，熱辣辣皮好脆成飽湯麵份量都好多，再加埋大半碗娃娃菜50幾蚊超級抵食👏🏻

Despite the fair pricing of the food here, I will never eat at the place again. I ordered their DIY rice in soup and was half way through my food and then I saw saw a cockroach floating in the soup. It must've been submerged by all the ingredients so I was only able to see it after eating some of the veggies and fish cake.

呢一間都算唔錯今日想食湯麵 上OpenRice 搵吓見到呢一間價錢都幾抵就諗住試吓去叫一個外賣今次叫咗胡椒豬肚湯底配淮山麵 蝦滑勝瓜佢嘅淮山麵係分湯嘅，唔怕會浸到脹曬👍🏻👍🏻蝦滑同埋勝瓜都好好食，勝瓜唔會浸到唔好食蝦滑份量都足夠 唔會好似外面一啲舖頭咁樣成碗得一兩粒不過始終今次係叫外賣熱到點都會係爭少少相信堂食嘅話一定會更加好！😍味道: ⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️🦽👍🏻: 外賣🚗: 如果堂食嘅話可以泊附近有停車場

今日想去湯加買外賣，成間餐廳坐到密密麻麻，背脊掂背脊，所以我都費事坐低食。前面排隊有個阿叔俾錢，阿姐一直叫佢等等，阿叔無催佢，但阿姐態度都係好似全世界欠咗佢。有另一個阿叔食完出嚟賣單唔排隊，阿姐見到我排先都照收阿叔錢先，我話：「咩唔係我排先咩」，阿姐惡死能登話「收咗錢啊嘛！你等等先啦！」嘩，我心諗，如果一直有人賣單，噉我咪等到2046都未叫到外賣，於是我就拜拜佢條尾，走人先啦。阿姐，醒少少嘅話，梗係落咗外賣先啦（仲要係我排先），人哋都食飽咗，點都要賣單㗎啦。噉樣趕客，你老細真係多得你唔少啊。

又係豬潤牛肉淮山麵， 質素一如既往， ok啦，都幾好食嘅，價錢普普通通， 餐廳都幾多選擇， 好多唔同嘅嘢食揀，出餐都幾快，lunch time趕時間食，都係一個唔錯嘅選擇。

食左幾年 一路都正正常常今日外賣 食食吓發現湯飯入面啲豬肉片變咗做雞肉片 仲要好大浸雪味雖然Menu冇講到明肉片係豬肉片 只不過係同我嘅期望有一段落差 但我諗我唔會再食呢一款㗎喇 湯飯死咸 冇肉味

今晚同朋友嚟到將軍澳食晚飯，朋友介紹左間餐廳叫湯加。佢話之前食過幾好食嘅，咁今次就跟佢嚟試一試啦！餐廳位於港鐵將軍澳站大約10分鐘嘅路程，所以都係非常之方便嘅。佢係一間主打湯飯嘅餐廳，不過亦都有其他餐可以揀嘅，例如有常餐、小菜、特色粉面等等，價錢都非常實惠，我哋嚟到嗰陣都要來排隊等，可見餐聽有好多嘅捧場客。我今次就叫咗一碗湯飯， $55包兩種餸再加一種菜，佢仲可以比你更飯或者粉面，湯底亦都有唔同嘅選擇俾你揀。我今次就叫咗豬軟骨、深海魚柳拼生菜，湯底就揀咗魚湯跟一碗嘅三色飯。落咗單冇幾耐侍應就送咗兩杯水俾我哋，等我哋可以飲住水等，但其實我哋等咗冇耐廚房就出到碗湯飯俾我哋啦。咁佢嘅豬軟骨係用一碗飯碗來裝嘅，魚柳就跟埋個魚湯同埋生菜一齊上，我二話不說就試吓佢嘅湯底係點嘅啦，一是果然係與眾不凡，飲得出佢真係用魚熬出嚟嘅，佢仲有一啲薑絲做陪襯，所以飲洛口一方面有好濃郁嘅魚味，一方面亦都有薑嘅辛辣味，非常之好飲！至於佢嘅配料亦都好好食，豬軟骨非常之入味亦都煮到好淋好唔使點咬都已經可以食到落口，至於魚柳就係一般嘅鱈魚柳冇乜特別，三色飯佢係用咗白飯溝糙米溝紅米煮成嘅，同埋佢應該係用蒸爐蒸出嚟嘅，所以飯

琴日叫咗湯加嘅foodpanda外賣，係雞扒滷肉飯，打開都有一陣香味，雞扒唔算好多汁，但又唔會柴，滷肉就一般般，味道唔出，個飯都有啲烚菜，平衡下OK嘅。另外有叫嘢飲叫咗蜂蜜綠研加珍珠，價錢算係抵飲，份量多，但係建議外賣可以用密封式封口 。

如標題，今晚訂餐，Apps上預期送餐時間一拖再拖，當然亦唔會話你知點解，個人等到勁肚餓同好慶囉！最後遲咗個半鐘，晚上過咗九點先送到。原本唔想咁夜先食，最後搞到過咗九點先有得食！其實如果明知做唔到就唔好接單啦！雖然家人覺得客家黃酒味道不錯，有家鄉風味！但個人覺得紅酒牛尾味道麻麻地，料唔係太新鮮，仲要唔少油浮面，如果男士食亦會唔夠飽。經過今次，睇黎下次應該唔會再叫佢地喇！除非預早兩個鐘訂啦！想試嘅人諗下先好！