湊湊甄選 (K11 Musea)

營業中

休息中

呢間台式火鍋非常受歡迎，早一個星期前book都book唔倒7點幾晚飯時段，只好book 530.嚟Musea 咁多次都未上過嚟6樓，原來咁寬敞，火鍋店門口有幾張檯仔應該俾人飲珍珠奶茶的。入到去樓底好高，裝修好有規劃，唔會好迫，我地三個人坐四人檯，燈光好暗。入座提供小圍裙，好貼心醬油自助，仲有滷肉飯同生果，如果點餐已包，如果好似我地三個人只點二人餐，第三位就需要加19蚊先可用自助bar.我地點咗2人餐再加粟米，豬同蛋餃。湯底鴛鴦，分別要椰子雞(內有粟米，馬蹄)，另一個係花膠雞湯(內有雜菌)，兩個都好足料，花膠個湯好粘口👍👍海鮮拼盤有蝦，聖子，帶子，全都高質，當中鮑魚最新鮮企鵝🐧丸好可愛❤️，其實即係墨魚漿，味道都可以。粟米唔夠甜, 烏冬好彈牙中途送上橙汁沙冰最後有個甜品果凍，雖然係送，但一啲都唔馬虎，係茶味果凍，唔甜，中間仲有梅, 成餐感覺好豐富，不過有啲趕，其實用餐時間120分鐘唔太夠，要岀去攞野，要打卡…，侍應都好忙，所以節奏有啲急促，唔太chill .埋單HKD1223

聽說這間火鍋也好多人光顧，一直都很想試，價錢是中上但食物真的不錯！點了兩個不同味道的湯底，一邊是台式麻辣任加豆腐和鴨血，另一邊是紅顏花膠雞湯，火煱前先喝一碗花膠雞湯先，很好喝😍我喝了2碗😋。火鍋配料我們點了一客牛和豬，相當新鮮，還有新鮮蝦滑，午餐肉，魚，一份大菜盤！四人火煱雖然我們點了食物不算很多，但我們都吃到飽飽的，因為添了不少豆腐和鴨算呢😆 #火煱 #台式麻辣火鍋 #豆腐鴨血吃到飽 #湊湊火煱

由於這裡吃晚飯訂枱很困難，故此提早訂了3:30 的 early dinner, 到達的時候，她們再三強調兩個鐘餐時間。沒想到這個時段也有8 成入坐。 服務尚算不錯，上菜和整理桌面的速度很快。我們三個人點了一個麻辣和酸菜白肉鍋。 台式麻辣味濃而辣度溫和，不錯。但酸菜鍋可以不要，不像台灣吃的那味道，口味有點淡。主菜點了山海一盤、一份牛肩胛、響鈴、小企鵝、青菜等等。食物的質素比一般吃到飽的連鎖火鍋店好。牛肉和海鮮都可以。有兩點意見是最後奉上的jelly, 那顆梅可否脫核？差點咬崩牙，還有如果是小朋友，沒有想過吃jelly 會有果核。另外，光線不足，太黑了！ Anyway, 埋單 $1500 尚算合理😅👍🏻

湊湊火鍋開咗唔短時間，但我只係食過2次。一次喺K11 購物藝術廊，一次係今次K11 Musea。之前放工經常經過，都被門口設計所吸引，感覺係一間好有格調嘅火鍋店。終於今日去咗K11 Musea，其實一向都鐘意打邊爐，但要帶埋小朋友，就只可以打有裝修有空間嘅火鍋🫡店內提供自助醬料吧，仲會有少少小吃同生果，仲有魯肉飯，麻辣魚皮唔太辣，我添咗3碟🤟。火鍋必吃牛同丸，我地叫咗頂級美國牛肩胛肉、頂級美國牛板腱、豬骨濃湯貢丸、伊比利亞黑豬肉、牛百葉，而本人特別推薦：1.台式麻辣鍋+清涼椰子雞我地叫左鴛鴦湯底，好簡單，因為我唔食辣。椰子雞湯底香濃但唔漏，直頭想飲哂全部湯，鐘意椰子嘅朋友一定要試！鴨血任加，而頭一水浸喺麻辣鍋嘅鴨血唔太辣，我都食到，後尾果d 我就冇衣個能耐喇~2.手工蝦滑好簡單，好似食緊蝦咁，滿滿蝦肉，絕對唔會粉多過肉。3.企鵝丸原本係為咗氹小朋友而叫，但自己食完都覺得好正，墨魚汁唔係淨係得個色水，雖然唔似墨魚丸咁有粒粒咬口，但完全冇影響你覺得佢淨係得個樣。湊湊火鍋：環境：🔴🔴🔴🔴🔴服務：🔴🔴🔴🔴⭕️衛生：🔴🔴🔴🔴⭕️食物：🔴🔴🔴🔴⭕️

凑凑係一間台式火鍋店一開店在K11 Musea我都忍唔住潮勝，始終無得入境台灣 都好掛住鴨血 🤭呢到裝修好靚 可能始終係新商場入面坐得好舒服 好似個個人都坐係包廂入面咁每次邊爐都會貪心叫兩個湯底、一辣一唔辣除左湯底，呢到有小食任拎，有生果一d涼菜呢個鵝腸擺得好靚 海鮮正常𝖲𝗍𝖺𝗇𝖽𝖺𝗋𝖽最後會有個酸梅果凍比你清一清個口 好清新另外，佢𝖣飲品係𝖩𝗎𝗆𝖻𝗈 𝗌𝗂𝗓𝖾一路打邊爐一路飲好正

K11有間台式火鍋店，長期人氣旺盛，6點來到已經要排隊！依到既火鍋全部都用不同名稱改名，今次叫左個食妝鍋，花膠入口即溶，完全浸在雞湯內！感覺會好補身及好飲！肥牛新鮮薄切，浸在火鍋兩秒即食，入口順滑及肉質鮮味足夠！

晚飯時間，一粒鐘先叫2改A飛(即2人枱)B飛同C飛不停有枱,B飛叫左7,8張都無一張A枱，痴線。門口服務員態度極差，仲話一粒叫2張飛係正常。我地同時間拎K11個間分店，嗰間2人枱巳經叫左14張。。。真係一肚氣

環境優美、座位舒適。點了個二人餐及大紅袍珍珠奶茶。煱底點了台式麻辣鍋及紅顏花膠雞窩。花膠湯底好正，飲落啖啖骨膠原的感覺。台式麻辣鍋，豆腐入味，香麻而不太辣，內裏的豬紅是我的最愛。先煮海鮮方面，鮑魚及蝦新鮮爽口彈牙、聖子也大大隻好好味，帶子也正常鮮美。企鵝丸也很可愛，味道也不錯！肉方面我們選咗美國牛肩胛肉，脂肪分佈均勻，好好味。大紅袍珍珠香濃而不太甜，超正！其他食物也很好，另送菠蘿冰，更有自助bar 讓我們自己拿水果，很滿足完滿。理境寬敞，我們可舒舒服服談天也不用擔心嘈到隔離。服務員的態度也很好，不時自動自覺幫我加湯底及整理桌面。下次要再返來☺️

一年四季都要食火鍋，今次就去左湊湊火鍋嘅K11 musea分店試試先，呢間裝修好有格調，空間感大，座位又舒適，窗邊位景色亦好靚，打卡一流呀🤗！最近湊湊仲出左個清新鍋 - 「清涼椰子雞鍋」加入左清甜嘅椰子水、椰肉同粟米，再加上雞肉，好清新又鮮甜，好啱夏天食！依家仲有優惠: 凡點購新鍋-清涼椰子雞鍋，即可以66折加購指定新品一客(3選1, 竹笙/鹽酥雞/風味湊湊)，幾抵食！我地選咗鴛鴦鍋，另一款湯底就揀咗台式麻辣鍋，🌶香辣又惹味！🐮頂級美國牛肩胛肉:牛味香濃，油脂分佈好平均！🦐甄選套餐2人海鮮拼盤:有白蝦4隻、南非鮑魚2隻、帶子2隻、蟶子皇2隻，整題體質素都唔錯，幾鮮甜，特別係帶子🤗🐧企鵝丸:以黑白墨魚漿製成，賣相好可愛，鮮味又彈牙🤗🐥鹽酥雞:外皮酥脆，炸到金黃，好香口🧀芝士魚腐 魚腐包住香濃嘅芝士，一口咬開爆哂芝士，正呀，不過要小心熱呀😉💛竹笙:口感脆嫩，好索湯汁🧋茶飲方面，呢度大紅袍珍珠奶茶都好正，超大杯，仲係招牌茶飲，珍珠煙韌，茶味亦好香🤗食到中途仲有店員送上小杯的沙冰解膩呢😉

之前一直有食覺得好味同啲嘢食好得意 呢排去食返 啲服務態度同食物質素差咗好多 服務員傲慢 串串地食物質素明顯變低（尤其是海鮮）之前好鍾意食三文魚而家算了 連啲湯底都好似冇之前咁好味 總之食得唔安樂 唔推介 我諗都應該唔會再去 寧願去食海底撈…

Book咗6:30，諗住8號波冇乜人，咁5:45埋去問吓入唔入到啦。點知三個Staff喺門口吹水，同佢講book咗6:30，其中一個女staff西曬面咁話稍等。過咗15分鐘再問，就話可以入。我想問你係咪阻住你吹水呀？K11 MUSEA 咁嘅服務態度？喺門口同你講，依家6:00入座，入咗起計兩小時。咁我明白食到8點啦。叫人落單，個個都越叫越走，想問係咪有特別句子先會應機？等咗5分鐘先有人落單，乜嘢餐廳要等5分鐘？出到去混醬區，個地滑捋捋，好明顯冇拖過，好似去到好舊式好污糟嘅餐廳咁。老實講價錢唔平㗎喎，個裝修已經好似坐監咁，個地下仲要咁污糟。食到7:30，話要埋單。明白呀早半個鐘，但係冇人行埋你提早講last order，然後就直接埋單。（可能係人哋公司特色啦）7:55又有個女仔走埋嚟：要食快啲啦！就夠鐘啦！其實個枱面仲有大半杯嘢未飲，半盤海鮮未落。咁我聽到佢咁樣講，就全部掉晒落去啦，咁都要時間滾㗎！食完飲完8:00，個女仔8:03又行埋嚟：出面人齊啦，麻煩你快啲離開啦。我睇返張單，3條友食咗2000蚊，仲要催住趕你走，出到出面，個個喺度飲緊珍珠奶茶，唔見有人等位。其實入邊有吉枱，需唔需要

🌸尖沙咀台式格調火鍋🌸湊湊🍲近日台式火鍋店「湊湊」迎來6週年，推出清新鍋 - 「清涼椰子雞鍋」，今天我便相約好友到了位於尖沙咀的「 湊湊」火鍋分店 -品嚐這款全新登場湯底❗湊湊火鍋茶憩引領“火鍋+茶憩”的行業變革，主打“臺式有料火鍋”和正宗臺式現搖茶，高人氣“臺式麻辣鍋”和大紅袍珍珠奶茶。餐廳鋪面寬敞，裝修精美有格調，座位寬敞舒適，座位舒適、空間感大、打卡一流！餐廳位於高層，能飽覽尖沙咀至維港一帶景色❗店員十分親切殷勤有禮，不時收拾碗碟以保持枱面潔淨。我們一行2人點了以下餐點：1️⃣🌟湯底 - 鴛鴦鍋今次點了鴛鴦鍋，可以同一時間品嚐2款口味的湯底：🐓清涼椰子雞鍋 $138這款湯底含有清新椰子水及椰肉，鮮嫩的雞肉能充份吸收椰子精華，帶淡淡椰香，還有清新檸檬葉，上湯清甜滋味。🌶臺式麻辣鍋 $138壹式麻辣鍋選用心雞骨同牛骨再輔以多種養生中草藥材濃縮熬制，集「麻辣醇辛甘香」六種風味於一身，選用此湯底還可以享有無限鴨血豆腐添加，湯底更可直接飲用❗2️⃣🌟配菜🐂頂級美國牛肩胛肉 $168頂級美國牛肩胛肉肉質嫩滑，雪花分佈均勻，入口即溶，口感完全不會韌，。🍄竹笙 $88鮮竹笙質感軟綿，能充份吸收湯底精華。

大熱天打邊爐，同冬天食雪糕一樣咁爽😋很喜歡來這裏打邊爐，已忘記第幾次來了🤷🏻‍♀️喜歡這裏環境好，食物好，服務好👍🏻👍🏻👍🏻調味吧有好多醬料選擇，有兩款前菜小吃和水果，還有肉燥飯呢！今次仍然叫了每次必食的麻辣鴨血豆腐和新品椰子雞鍋（勵志鍋）台式麻辣火鍋麻辣鴨血豆腐仍然好好食😋，滿滿麻辣香又不搶喉，食完又可refill👍🏻椰子雞鍋好正，陣陣椰香味，入口清甜，雞肉也鮮嫩，用來烚菜真的一流🤤，但我當湯飲了兩碗😋兩款前菜麻油爽魚皮和海帶都好好吃😋另外叫了鹽酥雞，香脆嫩滑，蔬菜籃-很多蔬菜種類和很新鮮🥰魚皮餃很不錯😋貢丸一般伊比利亞黑豬很香👍🏻響鈴很香豆味，但未煮已經淋了😌職員會不定時過來收拾，主動問需不需要加湯，加鴨血豆腐，中段時會送上乳酸沙冰清喉，最後還有梅子茶凍解渴那裏的飲品好大杯，因為掛住食忘記了影相🤣而這次還是吃不到花膠鍋，因未有貨😌下次再來吧

Muses既湊湊火鍋比起其他分店裝修靚好多，空間好闊落而且每枱都係一個獨立嘅用餐空間。當晚等候時間都幾長，星期五晚足足等咗兩個半小時以上先入座，所以真係建議大家訂咗位先去啦。食物方面個人認為唔錯，但唔算好出色。譬如佢嘅海鮮還好啦，唔算特別鮮甜。羊肉牛肉等等配咗麻辣湯底都唔錯👍🏻👍🏻不過唯一真係一般嘅係上菜時間比較慢，火鍋嚟到之後都冇食物直至有第一盤食物上菜嘅時候我哋已經要加湯🥲🥲🥲其餘飲品等等都要追單。。

今次跟朋友去咗食湊湊火鍋。其實我一直以為係臭臭鍋😂點知原來唔係嗰回事即刻放鬆晒😂湊湊火鍋係台灣嘅火鍋店，食物質素唔錯。我哋嗰晚揀咗一半鴨血湯底一半椰子雞湯，肉類，海鮮同丸類都叫咗一啲。牛肉就非常唔錯，比一般嘅肥牛好食。嗰晚都食得幾飽，因為除咗枱面上嘅火鍋材料之外仲可以去出面任添前菜小食同埋滷肉飯😂😂佢有個企鵝太好得意，好似好多人都有叫其實佢就係一款墨魚丸。不過我哋就俾佢俾既外表吸引咗，但果晚實在叫得太多丸類啦😂