湊湊火鍋‧茶憩 (MOKO新世紀廣場)

營業中

休息中

朋友仔生日，邀請一齊打邊爐見個面。6:30pm去到餐廳門口已經有人排隊等位，入到餐廳就聞到一陣好香既湯底味道。湯底最好揀鴛鴦, 可以試多個湯底嘛！我哋揀左台式麻辣鍋同紅顏花膠雞鍋。職員話個花膠雞湯底滾左之後可以當湯飲。😛如果肚仔餓野食又未到，飲完個湯已經飽飽地。麻辣湯底辣到適中。如果想再食辣的話，職員細心地額外用一個碗裝左啲辣椒湯底俾我哋。🥰佢地既鴨血同豆腐仲係任添架！配上麻辣湯底食真係好滋味！狂吃很飽😅雖然一份牛肉同豬肉既份量唔算好大，但兩種肉類夠簿身肉質都好淋。除左湯底正外，佢地仲有免費餐後甜品奉上—梅子茶凍同乳酸沙冰。食完一餐辛辣油膩嘅食物，配上酸梅同用茶製作既甜品解膩，餐廳很細心。另外，不得不提係佢哋有手調台式飲品，我一向飲開天x茗x既珍珠奶茶，今次係餐廳揀大紅袍珍珠奶茶（少甜少冰），茶的味道有好顯既分別，佢哋奶跟茶的味道仍然很香濃，配上細細粒的珍珠，我下次來一定要encore.😋

原本想去旁邊的泰國餐廳食下午茶放題，點知根本未推出🤦🏻‍♀️ 路過湊湊，被佢既酸菜魚海報吸引，前台職員表示全時段都有火鍋供應，二話不說即刻入坐。環境:坐得非常舒適服務:員工有禮，勤力加湯收吉碟湯底: 不過不失，只係無論烚咩都唔太入味，未到會想翻兜火鍋食材: 為單點，我地叫左牛小排、羊肉、丸拼盤火鍋混醬: 好多款，欣賞佢菜單內教埋食客混各色醬料飲品: 大推必飲珍奶！（PS:不過我老公反而比較欣賞每枱所奉的熱茶）自助食品: 有中華沙律、白飯，最欣賞係有水果任你食！我當日就有西瓜和哈密瓜，幾甜，食火鍋有水果隔一隔真係好舒爽酸菜魚+台式麻辣補充: 台式麻辣鍋中的鴨血和豆腐係可以隨時加碼，任你食！餐後仲送乳酸沙冰和梅子果凍😋總結，呢間火鍋絕對唔伏，各方面都令我幾滿意，不過味道就無法攀上我心中火鍋店的No. 1🤷🏻‍♀️晚市前離座有八五折，兩個人$6XX買單

今日食既呢間湊湊火鍋‧茶憩超正喔~~ 一定要推薦俾大家!!火鍋店位於旺角東站商場, 好方便呢!!呢道既防疫措施做到足, 而且座位寬敞, 所以就算堂食打邊爐都唔擔心喔~呢道既自助區有好多醬料~仲有圖教大家混醬.....想混返款台式特制醬料完全冇難道啦仲有幾款餐前小食同水果....排骨酥 $68叫左排骨酥做小食~~排骨酥脆香口, 一點都唔油膩紅顏花膠雞鍋 $198好濃郁既花膠雞鍋!!! 真材實料, 又足料, 雞湯仲係無限加添呀!!仲有幾隻鮑魚係裏面~呢個鍋簡直冇得輸, 滋陰養顏好補喔美國特選級牛小排 $198牛小排牛味濃郁, 肉質甘香軟腍波士頓龍蝦 $138超正喔, 呢道有龍蝦食丫~難得有得食一於唔錯過!!龍蝦都幾大隻又新鮮, 肉質結實時蔬湊湊 $98又靚又新鮮又大盤既時蔬~~好吸睛, 食慾大增飛魚籽墨魚滑 $68墨魚滑爽口彈牙~~職員仲會幫忙整架, 真貼心!!響鈴 $58響鈴卜卜脆~~大紅袍珍珠奶茶 $33可以飲到珍珠奶茶十個大滿足喔!!大紅袍茶味香濃, 珍珠非常煙韌爽牙梅子茶凍免費送既甜品~酸酸甜甜好味喔呢道既食物水準同服務質素都好好~~下次一定會再光質!!

湊湊火鍋‧茶憩最近新開左間湊湊•茶憩，主打台式火鍋。餐廳裝修好別致幽暗富格調，帶有神秘感紅顏花膠雞鍋鍋內主要配料好足料！湯底質感頗濃稠，滿滿的膠質，感覺厚實，仲可以先飲湯底，，啖啖都充滿骨膠原一定要先飲為快蝦滑賣相突出，用料十足精選羔羊肉精選羔羊肉脂肪豐富，薄切一大塊，口感腍滑，羊肉味好香濃唔會太羶，正丸類拼盤拼盤分別有：全部都係新鮮手打而成，用料十足，口感特別彈牙！味道都好突出烏龍茶果凍果凍充滿烏龍茶味裏面仲有一粒梅，加上梅汁，味道出眾又清新除左現場任叫鴨血外，每位客人仲可以帶走一份鴨血+豆腐，好貼心，有機會會再來食，有誠意餐廳

台式火鍋店，門口仲有台式飲品店，環境舒適、有醬料吧台及水果供應超多特式湯底可以選花膠雞鍋非常杰身，好痴底，個湯濃到好似海皇羨，除左花膠，湯頭有淮山，冬菇，雞肉，飲完個湯之後店員加湯打邊爐肉丸拼盤有豬，魚，蝦，三款，感覺丸類口感比較實同彈牙蟹子蝦滑口感非常特別、有蟹籽口感、配埋彈牙蝦肉👍🏻👍🏻牛肩肉夠瘦，唔肥，肉質嫩滑一口和牛和牛肉質入口即溶，牛味勁濃郁，推介👍🏻👍🏻羊肉羊肉肉質較散、但肉味濃🤤半生烏冬雞湯配烏冬最佳組合，烏冬煮久唔會太淋身，滑身烏冬👍🏻飲品得小編叫左杯士多啤梨飲品，味道唔會死甜，好飲👍🏻唔食野都可以幫襯飲一杯食完火鍋仲有梅子茶凍，梅子沙冰，麻辣鴨血做小食🤩真係太滿足

古昔古香，花心思裝修，多數食境既食物都麻麻地，本來貪佢呢到環境甘靚，估吾到佢食物都吾錯。先來一壺貴妃鳥龍茶比我地享用，呢到店員都好有禮貌，服務好好。【勵志鍋】—台式麻辣鍋叫呢個湯底有無限添加鴨血同豆腐，店員會拎住一兜，邊張枱問要吾要加。【食妝鍋】—紅顏花膠雞鍋先飲湯，後加湯，湯頭濃郁，雞味重但吾會好油膩，有花膠，雞肉粒，冬菇粒，未開波食就飲左3碗湯飽哂。【大紅炮珍珠奶茶】$33/大杯勁大杯，好彩叫左一杯share飲，如果吾系真系吾洗食野。珍珠大小剛好，勁有咬口，吾甜吾淡，飲啊好掂！例牌必叫牛肉、丸類，介紹d特別d又好食既野先。一定要試【飛魚籽墨魚滑】$68，粒粒既口感又彈牙，最重要食到墨魚味！仲有又平又好食既【蛋餃】$28，吸收哂d湯汁，成個灌湯餃甘。

性價比高台式邊爐商埸都無咩人，我地無訂位的，好彩ＷＡＬＫ　ＩＮ都有位，坐左卡位，安排位置都舒適，裝修幾靚。店員介紹一下D乾、濕紙巾、牙簽既既擺放， 同埋放底埋圍裙俾我地。話怕整污衊我地Ｄ衫。有自助醬料區、前菜、白飯及水果。湊湊鍋最特別嘅地方就係任食鴨血不用另加錢，已包在醬料費中。叫左個回味鍋即係酸菜魚鍋，湯底足料，有好多魚肉，小小酸辣。牛板腱、和牛粒呢兩款牛肉重牛味，肉下墊左d菜，可以碌黎食。和牛粒比較大粒，油脂味香，碌完落去都係淋，吾會硬晒。松板豬頸肉賣相靚，整到成朵大花，豬頸肉片味道好好味，加上厚切，好咬口。牛上腦，重牛味，又係抵食既選擇。烏雞卷鐘意呢個，因為好有口感，碌幾耐都彈牙。蟶子非常新鮮，６８蚊有１０隻蟶子呀。牛柏葉好大注，爽口！店員體貼，會幫你放食物入鍋中，主動添加鴨血豆腐～當然亦不可缺少台式飲品，點左杯凍大既經典奶茶，５分糖小冰，抵飲又大杯。最後會免費送上士多啤利沙冰及梅子果凍作甜品。

掙扎左好耐 最後都係決定要一定要寫一篇依間百無既湊湊火鍋🌚 (掙扎原因：d 相影得好醜😂).話說12月 天氣凍凍地就諗住去同媽咪打邊爐🤤 而之前都有同朋友食過一次都覺得ok 於是乎一就約左媽咪兩母女去撐枱腳💕.因為早既關係(6點未到) 所以 完全唔晒等位 walk-in 都有位～但一入到去就係惡夢既開始💔 一入座好快就比menu 叫我地先揀左湯底 之後再慢慢揀火鍋料 於是我地就揀左勵志鍋 (台式麻辣鍋).睇左一輪就見侍應幫手落單～ 加拿大松阪豬 - 無❌ 精選羔羊肉 - 又無❌ 但我明明晚市先岩岩開始就已經入座🤷🏻‍♀️ 點解咁快就會乜都冇... 於是我就問除左牛肉之外 肉類仲有咩選擇🤔 點知個侍應同我講牛肉🙃 因為我媽咪係唔食牛肉 而我又同左個侍應講"除左牛肉" 之外 佢都仲答我牛🔥 果一下即刻個人著晒火 即刻黑佢面🌚🌚🌚 果一刻真係好想拉媽咪走人 點知依個時候果湯底就送到黎😐 感覺有種洗濕左個頭既feel🤦🏻‍♀️.最後無奈下叫左以下既火鍋料：勵志鍋 (台式麻辣鍋) $198伊比利亞黑豬肉 $138飛魚籽墨魚滑 $68心型魚腐 $28杏鮑菇 $38大白菜 $38自助醬料 $18. d

優惠自助$19/位，包括茶資，超多款秘製醬料，時令前菜，水果，稻香米飯，呢19蚊加得值！表白鍋-蕃茄牛膝骨鍋蕃茄味非常濃郁，味道香甜開胃，鍋內仲有唔少蔬菜，而且入面真係有大大舊牛骨！骨膠原滿滿又唔漏嘅湯底👍🏻伊比利亞黑豬肉肥瘦相間，入口油脂甘香，肉質彈牙。美國特選級牛小排脂肪分佈較少，牛味香濃，非常嫩滑。湊湊精選肥牛100蚊都唔洗，大大碟，啱哂我哋呢啲食肉獸！阿根廷紅蝦蝦身好大隻，食落啖啖肉，而且呢種蝦有獨特嘅鮮味。蛋餃不嬲鐘情蛋餃，但又唔係到到有得食，見到呢到有當然即叫！蛋皮有明顯蛋香，皮薄餡靚。海鮮棒棒糖賣相造型特別，啱晒呃like用👍🏻精製台式貢丸肉味香濃，細細粒好彈牙！凍大紅袍奶茶熱大紅袍珍珠奶茶呢到飲品認真唔錯，茶味香濃之餘又不失奶香，入口順滑，甜度適中。一邊食一邊奉上唔同小食，有梅子茶凍，梅子沙冰，仲有盒麻辣鴨血送俾我地拎走。由於今日係元宵佳節，店員仲特別送上應節湯圓，真係好貼心！

臺式火鍋這間都算是最有質素，無論店員待客及店裡裝修都給我有高級高質高檔感覺。🍵台灣貴妃烏龍店員先來一壺台灣貴妃烏龍茶，今日天氣只得12 度一壺暖茶清香撲鼻絕對是窩心暖心。自助醬油及餐前小點 ， 每位 $19🥢臺式麻辣火鍋 $198我比較喜歡臺式麻辣，因其沒有川式麻籽味，吃此鍋重點是鴨血同豆腐，豆腐經鹵水過再吸收麻辣湯汁，越食越惹味簡直是滋味無窮。為確保食物口感，店員每次只會添加數件，食完再添無限添加。🥢美國特選級牛板腱 $118肉稔有牛味，牛脂適宜不肥不膩。👍🥢飛魚籽墨魚滑 $68墨魚滑略欠彈牙，魚籽份量頗多，每一口都有卜卜脆口感。🥢午餐肉 $28🥢萵筍 $38這兩款火鍋恩物最適合食火鍋時吸湯汁用😋，特別好味。🥤大紅袍珍珠奶茶 $24🍧當我們食到尾聲時，店員輕輕地為我們送上一杯柚子沙冰，並說道有助解辣消膩，另一款是梅子啫喱凍，實在太窩心了！

嫂嫂話這間很像我們之前去台灣食果間，今日有機會試試👍🏻門口好像好貴，但是食完5個人1000鬆啲又唔係好貴喎。叫左龍蝦湯底同麻辣湯底，龍蝦湯底超龍蝦湯未，未打邊爐飲兩碗先，麻辣湯有兩隻，叫左台灣麻辣，香而不辣，唔錯唔錯。龍蝦湯底有半隻龍蝦😋，不過我食完先記得影，唔好意思。牛肉有幾款，叫左兩碟牛肩肉，好正。仲叫左松阪豬，不過就稍為似豬頸肉同肥左少少。烏雞卷，衣個唔錯，好「林」，又特別。又一特別食物，海鮮棒棒糖，其實就係蝦膠同墨魚膠，個墨魚膠好好食👍🏻仲叫左響鈴魚腐。重點（咁遲先講），佢鴨血同豆腐任加，食到飽又好食。出面仲有好多醬料揀，又有生果食。 途中仲送上沙冰甜品，賣單仲有盒鴨血豆腐拎走，又食又拎ar 👍🏻

新世紀依間人氣台式火鍋, 次次經過都排哂隊, 又見到佢門口成個山水畫咁, 重點係依度賣點係鴨血豆腐任加! 勁有興趣, 今晚終於黎排隊試下。坐低店員就奉上鐵觀音, 枱上已放有湊湊圍裙, 我地即刻叫個勵志鍋(鴨血豆腐鍋)先, 期待緊既時候就出去自助bar拎調味, 入場已包左每人19蚊既自助bar費用, 我想講係物超所值, 有多款特式調味, 中華沙律, 香飯同水果, 而且店員keep住refill, 水果包保新鮮鍋底十分香濃, 入面d鴨血同豆腐入哂味超好食, 而辣度我地揀左少辣, staff都有再問我地夠唔夠辣如果唔夠係可以加辣, 不過我地覺得少辣已好ok好香! 食到咁上下staff主動黎加鴨血同豆腐, 唔洗開口叫, 佢地毫不留情咁倒入鍋度, 我地都毫不留手咁食哂, 加左兩三round, 真係堅好食入味, 忍唔住食唔停, 食豆腐鴨血都飽左一半😂茶葉蛋 $9去親台灣都必去便利店食茶葉蛋, 依度竟然有得食~ 叫兩隻黎食下先! 睇個色水已經知夠哂入味, 茶味勁濃, 蛋黃好大粒好綿, 出色蛋餃 $28蛋香厚薄適中, 入面有香肉碎, 只係28蚊, 必叫。日本和牛牛肉粒 $98份量好足, 拎出泥都係冰冰

湊湊鍋嚟咗香港咁耐，我都未去試，因為之前我哋試過覺得麻麻地，但見旺角分店經常大排長龍，今日見條路唔係太誇張，所以就唔試吓點解會咁多人食。佢個裝修風格都好有主題，感覺好古典，係我喜歡嘅格調。係你等緊嘅時候佢仲會有一大盤地瓜圓俾你食住等，又有茶水俾你自由斟，認真周到。湊湊鍋最特別嘅地方就係任食鴨血不用錢，所以一定要嗌佢嘅台式麻辣鍋。因為男朋友唔係好食得辣，所以另外一個就嗌左雜菇鍋。打邊爐一定要有牛，所以就嗌咗個牛肩肉， 夠瘦，唔肥，但一啲都硬，好嫩。喺門口排緊隊嘅時候，有個婆婆抱住個BB，見我食緊地瓜圓就同我傾計，佢話呢度黑毛豬好好食，所以我都叫嚟試吓。肉質又真係好嫩好冧，唔錯，同牛肉有得揮。海鮮方面我就嗌左個扇貝，雖然細粒咗少少，但係勝在夠新鮮。另外點少得啖啖肉嘅沙巴魚片，不過佢呢隻肉質就林左小小，比較似平時食嘅龍利柳口感。另外我仲食咗個海鮮滑，佢係由蝦，墨魚同菇菇混合而成，味道好鮮甜，同個菇湯好夾。蔬菜方面我就買咗皇帝菜同埋蘿蔔，講起蔬菜類真係不得了，因為當蔬菜吸左菇菇湯嘅精華，真係鮮甜到冇得頂。呢度嘅皇帝菜同其他打邊爐嘅地方食到嘅唔同，佢呢個菜種好似精緻啲同埋味道濃啲，同埋冇咁容易變

今晚誤打誤撞走左去試🤣其實行過門口已經比佢吸引了，好中式既裝潢。由於無訂位，最後排左成個鐘先有位，不過果然係台式火鍋，貫徹台灣朋友既貼心，等位期間佢會有啲新鮮熱辣既炸芋丸請大家試食，而且任食唔嬲😁👍🏼另外仲會請你試飲台式飲品，唔洗餓住等😁👍🏼👍🏼👍🏼👍🏼👍🏼一坐低就比佢本超大餐牌吸引住，即時左揭右揭，最後叫左雙拼鍋（四川麻辣+花膠雞湯底）、海鮮拼盤、牛小排、肥牛、蝦滑、雜菜盆、排骨酥。另外，仲會送你一小杯沙冰同甜品，我地仲一人叫左一大杯台式飲品🥤花膠雞湯一啲都無欺場，啖啖都充滿骨膠原😍一定要先飲為快蝦滑雜菜拼盆先嚇一跳🤣份量真係唔少兩款牛肉都唔錯😁👍🏼而且墊底既菜都唔少，其實可以唔洗叫雜菜拼盆添海鮮拼盤，個帶子最吸引，其他就中規中矩喇！佢啲墊底菜都好新鮮㗎！排骨酥😁略嫌啲骨大左少少🤣翡翠檸檬茶😊食完麻辣飲一啖，爽呀！不得不讚，除左現場任叫鴨血外，每位客人仲可以帶走一份鴨血+豆腐😍👍🏼👍🏼👍🏼👍🏼👍🏼甜品亦係完美既句號，烏龍茶果凍，裏面仲有一粒梅，果凍充滿烏龍茶味，加上梅汁，味道令人難忘😍

衝擊！係一杯可以帶俾我強烈衝擊嘅奶茶！話說之前已經有好多朋友向我推介湊湊嘅奶茶。終於湊湊開到香港，仲有外帶部，即使是一個人行下街都可以買。叫左大紅袍珍珠奶茶，盛惠三十三蚊，唔算平，但絕對值得！！勁重茶香，感覺像是精心混合了多種茶葉。奶味柔滑，茶同奶混合得好好。見到之前嘅點評話似朱古力，因為呢杯奶茶嘅濃郁感覺確實如此。愛茶人士必試！