湊湊火鍋‧茶憩 (MOKO新世紀廣場)

營業中

休息中

佢的湯底好值得推介，我地叫咗麻辣同胡椒豬肚雞鴛鴦鍋。麻辣湯好香，唔會死麻同死辣，飲落去喉嚨都唔會唔舒服，佢的鴨血同豆腐仲有得無限添食添！而胡椒豬肚湯的胡椒味極濃，小編成晚飲咗好幾碗，正！而火鍋配料方面，佢的配料的造型好得意，呢個好似企鵝的係墨魚漿打成的，海鮮棒棒糖應該就係蝦膠打成的，全部都又好睇又好食我地仲叫咗牛小排，雜菜盆，其他配料都唔錯，畢竟佢價錢都唔平，無得去台灣食麻辣火鍋，黎呢度食住頂住癢先都係個好選擇

短期內都去唔到旅行🧳好掛住台灣嘅美食，加上疫情關係好耐無打邊爐啦，要去食個台式火鍋解解思鄉之愁。勵志鍋(台式麻辣鍋)鴛鴦鍋$138配料有紅棗、枸杞、台式特制鴨血、豆腐。台式溫柔辣味為食材帶來香辣口感，又唔會掩蓋鮮味。鴨血保持到鮮嫩而不爛，豆腐吸收晒麻辣湯汁，十分惹味。✨✨鴨血豆腐可以免費無限續加。聚會鍋(珍鮮菌菇鍋)鴛鴦鍋$99滿滿新鮮菌菇放入清湯內，再加入枸杞紅棗等食材熬製而成，十分鮮甜。伊比利亞黑毛豬肉$138油花均勻肥瘦適中，入口鮮甜肉味濃郁，肉質Q軟有彈性。皇帝菜$38 , 萵筍$38兩者口感都爽脆鮮甜，但以份量來講萵荀有點少。毛肚$68 大大一片，冰鎮過嘅毛肚爽脆有嚼口，放入麻辣鍋中涮幾秒，一口咬落去，滿滿湯汁。美國特選級牛上腦$118牛上腦係牛後頸部，脊骨兩側嘅肉，肥瘦比例均勻，口感偏瘦，肉質細嫩多汁。飛魚籽墨魚滑$68口感有點似明太子，爽口彈牙，一粒接一粒食唔停口，一致認為係最好食嘅一味。大紅袍珍珠奶茶(大杯)$33火鍋配珍珠奶茶，好有台灣風味。大紅袍香氣醇厚，珍珠口感彈牙，大大杯絕對夠飲成餐飯。食到一半服務員送上冰沙，帶點酸酸味道相當清爽解膩，令你可繼續再戰。而餐後甜品

因疫情難得約到同事去食湊湊之前有去買佢地d珍珠奶茶飲都唔錯同埋有同事去過打邊爐話好正所以就決定去試佢地個 lunch滿心期待去到發現原來如果唔打邊爐其實冇乜選擇得幾款揀包30蚊野飲出面有少少小食、醬料、白飯同生果拎我同同事叫了酸菜魚麵同炸雞脾飯share其實食物賣相係ok但個味道真心差差到覺得一定要差評因為真心貴但野食真係難食首先個酸菜魚麵冇酸菜得黃芽白我唔食既去親大陸食酸菜魚都真係有酸菜你d酸菜去左邊個湯得個辣字冇酸味總之就唔係正常酸菜魚味叫黃芽白辣魚麵就差唔多跟住到個炸雞脾飯完全唔得個肉燥飯有沙鞋口既搞到我出去寧願出去不左個白飯炸雞脾炸粉多過雞勁硬零分侍應隨後送上鴨血同豆腐一開頭食覺得正常既食食下食到有舊鴨血蒟蒻咁既質感我呆了我杯大紅袍珍珠奶茶個珍珠今日都煮得淋得濟了但都還算可以同事則由頭彈到落尾連佢杯熱柑桔冬瓜茶都勁彈話好伏個味道勁唔夾話好奇怪以後外賣珍珠奶茶都仲ok但堂食真心不了如果lunch set都咁冇質素連邊爐都唔想俾機會佢了 不推薦

由於疫情影響 所以冇辦法出國 但係又好想食台式火鍋👉🏼👈🏼 每次經過都見到大排長龍 今次見冇咩人 可能時間都係一個重要因素 因為小編夜晚9點幾先去食 同埋其實小編已食過晚飯 今次只可以淺嘗🤭所以都唔係叫左好多野 不過今次淺嘗完應該好快又會再食過⁣⁣小編因為唔係好食得辣 但又想食小小辣 所以叫左個鴛鴦鍋（珍鮮菌菇鍋 & 臺式麻辣鍋）⁣⁣1. 珍鮮菌菇鍋 ($99)⁣湯底已有大量菇🍄岩哂鍾意食菇既人 即係小編🤣多到已經唔需要再叫個菇既拼盤👍🏼⁣⁣2. 臺式麻辣鍋 ($138)⁣一開始可能會比佢既樣嚇到 因為湯既顏色好紅😅嚇到小編有啲擔心會唔會食唔到 不過食落又唔係想像中甘辣🤭 中意食辣既朋友可以叫人加辣 不過小編就覺得辣度剛好🤩 不過會愈食愈辣😣呢個鍋仲有個特別之處 就係鴨血同豆腐任食🤤⁣⁣3. 時蔬湊湊🥬 ($98)⁣名副其實不同種類嘅菜🥬同埋菇 有埋皇帝菜 平時既火鍋店係唔會將皇帝菜放落去拼盤度👀仲有金菇,生菜,娃娃菜,番薯,蘿蔔等等對於鍾意食菜既人黎講 可以一次過食到好多唔同種類既菜 😛⁣⁣4. 蛋餃 ($28)🥟（4件）⁣台式火鍋先有既火鍋料 🥚蛋包住肉 皮薄餡靚 同係台灣食到既

台式麻辣鴨血火鍋+珍珠奶茶🥤無限加鴨血豆腐‼️‼️真係好鬼掛住台灣無老鍋飛唔到去台灣唯有係香港食住先😭😭-🔸麻辣單鍋198 + 自助bar $19多款醬油配料🧂前菜生果🍉🍈白飯🍚任食鍋底我覺得係中小辣 鴨血始終都係台灣好食😕🤭🔸飛魚籽墨魚滑$68推介‼️同出邊食開嘅吾同！上碟果時店員已經幫你攪勻哂 所以食落每舊都粒粒飛魚籽🤤🤤🔸毛肚$68毛肚食落一定要爽 佢係有 但我嫌佢太薄吾夠口感。份量都幾多下 食極都吾完🙈🔸皇帝菜$38🔸松茸菌菇海鮮滑$68呢個都係餐廳推介菜但係我覺得正常係重菇味的滑only🔸巴沙魚$58無味無魚味🙈不過賣相好吸引 -食到中途店員會俾杯冰沙你解膩🍧係益力多味！吾太甜 幾好食到最後有梅子茶凍依間舖頭除咗出名火鍋另外就係茶品所以果凍係用茶造 食落一d都吾甜 仲好清香👍🏼👍🏼食完熱氣麻辣火鍋🍲最後我再食塊西瓜🍉蜜瓜 一來清新返個口 二來消暑降溫下🤪

以前食過一次湊湊，覺得個麻辣鍋裡嘅鴨血好好味。今次提早book佐位，入座時帶位小姐清晰告知洗手間係咩位置，自助醬料，生果等。提意客人離開座位需要帶口罩。👍🏻食飯期間一直是一位男侍應幫我地較火力，加湯等等，可能係佢睇我地呢個位嘅section吧。我覺得佢服務殷勤，幾好。👍🏻大紅袍珍珠奶茶超正，我次次去Moko都會外賣帶走。🤩🤩少少遺憾係冇人問我地需唔需要加鴨血同豆腐，今次叫佐多野食都几飽，算整體ok ok 唔錯嘅

第二次來到，今次兩個人無坐房，無訂枱來打個中午邊爐花膠雞鍋講下材料先冬菇和雞髀菇片浮面有迷您鮑魚仔和花膠雞是雞肉粒，整個鍋底都是雞粒味道，沒什麼味道之後食火煱物也沒有味道湯的結身，有點像碗仔翅的感覺飲唔到，糊糊的。糊糊的感覺，再落食物，奇怪奇怪！若糊糊是來自骨膠原，加熱後應不在成糊狀的。 的確是失望的！侍應讓我們先飲湯，之後加湯再火煱牛板健普普通通的牛片抵食三蝦拼盤草蝦（左）不新鮮的蝦腸黑黑原隻開邊龍蝦🦞（中）雪龍蝦，一般般紅蝦（右）超好食😋彈牙！要試過才明白，非一般假！蝦拼不錯！這湯底不好👎🏻⭕️提供酒精搓手液 ⭕️進店前量度體溫 ⭕️全店職員戴上口罩

今日行街行到攰攰地，就search到呢間係附近嘅台式火鍋店，我同朋友都好耐冇打過邊爐，所以就諗住去試吓呢間鴨血同豆腐任食嘅台式火鍋店。一入到去已經聞到濃濃嘅麻辣湯底味，見到每枱都揀麻辣湯底，所以覺得應該靠得住， 因為朋友唔係太食得辣嘅關係所以就拼咗一個菌湯。麻辣湯底鴨血同埋豆腐都係任食嘅啱晒鍾意食台式火鍋嘅朋友。首先講吓佢哋兩個湯底，麻辣鍋就唔會太辣辣到食唔到食材本身應有嘅味道，至於菌湯方面，有非常濃厚嘅菇味，好正。至於係食物方面，我哋就叫左佢哋推薦嘅牛板鍵，肥瘦適中肉味濃郁，都幾推薦大家食。但係我哋就覺得其他食材嘅質素就比較普通。總括來講我都幾推薦呢間台式火鍋店嘅，因為我都幾鍾意佢哋嘅湯底，其實係呢間火鍋店我覺得食佢哋嘅湯底就夠啦。

下午6點買左兩杯大紅袍珍珠奶茶。外帶返屋企後直接擺雪櫃。飯後攞出黎飲，發現竟然沒有放珍珠。即係卑錯兩杯野飲～即時發社交平台搵佢地，無人理我，第二日電話至27019939，講左昨日之事，第一個人接電話：昨日做咩唔搵佢哋？（態度好似我冤枉佢咁）第一個人接住就問：係唔係買一送一？我話：係。跟住無人應我，聽到電話果邊幾個人講野。幾秒後第二個人接過電話，第一句就問我：係埋要買奶茶？（聲音溫柔，好似咩事都唔知咁～）跟住我又要由頭講起。第二個人的回應就係：sorry，琴日太忙，搞錯左，唔好意思。我回答：太忙疏忽？一杯唔放珍珠都可以理解太忙，兩杯都唔放？！第二個人回應：咁今日仲黎唔黎買野飲？我再送多一份你。我回答：好啦好啦～收線。（此時我已經無心情同佢再傾落去）心唸：就卑杯奶茶我？要飲奶茶我仲洗黎你哋度咩？我就係要珍珠➕奶茶先黎買！又唔係第一次幫襯你哋，直接講今次第三次。雖然今次有買一送一優惠券，但係有優惠券都唔應該咁嘅態度對客咯？優惠券又係你哋同事好早之前係旺角東地鐵門口卑嘅，唔想我用埋唔好卑咯～咁嘅態度，仲想人長久幫襯你哋？

次次黎旺角moko 商場必食嘅火鍋店-湊湊😋😋三人行叫左個鴛鴦湯底（麻辣鍋/花膠雞鍋）麻辣鍋嘅豆腐同鴨血可無限添加，仲可以免費打包返屋企先飲啖雞湯先，厚厚嘅花膠肉，湯底煲到好杰身，好重骨膠原，女孩子必試💁🏻‍♀️精選肥牛💁🏻‍♀️特選級牛小排輕輕拖一拖就食得，色澤紅潤，肥瘦適中， 牛肉味濃郁，質素不錯👍🏼💁🏻‍♀️蔬菜類🥬先叫一個蔬菜拼盤，再Encore叫埋蓮藕、山藥、萵筍、大白菜⋯全部蔬菜都好新鮮，鮮甜可口💁🏻‍♀️海鮮類🐙飛魚子墨魚滑，魚，原隻墨魚仔💁🏻‍♀️丸類🍢魚腐，百葉豆腐💁🏻‍♀️最後食埋個台式冬粉就圓滿結束，呢個冬粉外型同味道都似香港嘅粉絲，係粗咗少少咁樣🤏😂最後餐廳會免費送上梅子啫喱同埋沙冰作為甜品，服務質素冇得彈！

同幾個朋友黎呢度book房打邊爐，min. charge 只需點個大鍋3湯底，除返開真係好抵啊!花膠雞湯膠質重，打邊爐前飲碗湯打底養生，正！而菇湯就好足料，好有菇嘅鮮味。台式麻辣湯底就唔算好辣，但鴨血同豆腐一流，可以任添，真係食到停唔到口。其他野食都唔錯，飛魚籽同墨魚滑真係好出色，蟶子就爽口彈牙，如果午餐肉煎過就更佳！呢到開枝酒只需$100，後尾叫埋台啤仲免咗一枝開瓶費添！不過如果有更多肉類選擇更好啦！整體黎講，唔錯，會encore!

好耐之前同朋友在内地食過一次湊湊，當時覺得佢啲食物造型幾特別，幾靚，多年後，香港開了，一直想試，但好多時太多人等位也食唔到🙈，於是決定平日收工大約六點左右去試吓攞位，今次應該食到掛🙈，估唔到仍然要等位😱，不過好彩等了大約十五分鐘就有位，入到去環境與內地店一樣偏黑，先放上一壺茶，叫客人等一陣先倒來飲，這個茶是包埋在每位19蚊＂優惠自助＂果度，仲可以出去自助bar，攞前菜、生果、醬料、白飯，個鍋我們叫了紅顏花膠雞鍋、另外叫了海陸拼盤(山海壹盤）、時蔬拼盤、飛魚籽墨魚滑，一開始個花膠鍋比較杰身，職員建議我們放食物前先飲湯，再放料，但我個人對＂羹＂狀物體一般，所以覺得個湯一般🙈，湯內的花膠外型比較似豬皮，整體食物味道也不錯，雖然價錢偏貴，但個海陸拼盤(山海壹盤）好適合打卡用，賣相吸引，用料新鮮，服務也好，又送鴨血豆腐(無限添加）又送冰沙又送梅子茶凍，埋單時職員叫我做個意見調查表，臨走仲送$100coupon(不過個期比較短，30/6/2020到期）及鴨血豆腐俾你回家享用😃正👍🏻

又係打邊爐愛好者，今次又點少得去呢一間台式火鍋，首先佢個店舖外觀都幾特別喎，前台加咗一啲冒煙嘅效果好似古代咁😂而且佢門口會買自己店舖嘅珍珠奶茶、我最鍾意飲佢個大紅袍珍珠奶茶真係幾正！有時候我唔識佢個打邊爐經過都會買杯嘢飲🧃💓1️⃣‼️🥣鴛鴦火鍋：麻辣火鍋／番茄火鍋湯底都幾濃，相對唔錯（因為食過好多間打邊爐個湯底都會比較淡，相反呢間就真係比較出色的）2️⃣梗係唔少得打邊爐嘅好朋友，牛肉💩個牛肉唔記得咗叫咩名（完全好似食緊橡筋咁，冇牙力都唔好叫呢個😅，不過佢其他牛都幾好食嘅，就係呢個不了。）

Moko新店，台式火煱約人來試下先打了30個電話，終於俾我預約到我地五人，訂了自己一間房香港地可以有一間房食一餐，感覺好好！自成一房，疫情下放心進食。包廂有一個不足，搵唔到人叫人很難，加湯，加鴨血，加茶，加野食！包廂的規限就是要點任性鍋一個價錢任選三個湯底三併鍋，鍋很大每格都有足夠空間俾你打邊爐台式麻辣鍋底點了少辣，真係好少辣唔食得辣既，都食到麻辣湯底，鴨血，豆腐任加味道一般酸菜魚鍋食魚後，淨下一大堆酸菜，豆芽菜火煱辣味比酸味濃做火煱底一般蕃茄牛骨湯牛筋骨湯底好有骨膠原火煱味道正常蕃茄味道不出湯底，沒有先飲湯，後火煱的味道心型魚腐，ok!蛋餃，無乜特別！吊著的是鵝腸，賣相幾好！墨魚蟹籽滑，不彈牙，超多蟹籽，食落一般。魔芋條，高纖之選，好食的！深色的，太粗，可以細條d白色的，切了花，爽爽的，好食！牛皮腱，好食，但無牛味的烏雞肉卷無乜特別，唔似雞，可以不試！贈送1檸味沙冰，減辣，減膩。贈送2原粒梅的茶果凍茶果凍配上梅汁，好好味呀！只限此店，晚上18:30前結賬，有85折結賬後，送了兩張coupon1) $500 減 $100 2）台式飲品買一送一每人可取一份的外帶鴨血，荳腐。盒好大，內餡只

朋友仔生日，邀請一齊打邊爐見個面。6:30pm去到餐廳門口已經有人排隊等位，入到餐廳就聞到一陣好香既湯底味道。湯底最好揀鴛鴦, 可以試多個湯底嘛！我哋揀左台式麻辣鍋同紅顏花膠雞鍋。職員話個花膠雞湯底滾左之後可以當湯飲。😛如果肚仔餓野食又未到，飲完個湯已經飽飽地。麻辣湯底辣到適中。如果想再食辣的話，職員細心地額外用一個碗裝左啲辣椒湯底俾我哋。🥰佢地既鴨血同豆腐仲係任添架！配上麻辣湯底食真係好滋味！狂吃很飽😅雖然一份牛肉同豬肉既份量唔算好大，但兩種肉類夠簿身肉質都好淋。除左湯底正外，佢地仲有免費餐後甜品奉上—梅子茶凍同乳酸沙冰。食完一餐辛辣油膩嘅食物，配上酸梅同用茶製作既甜品解膩，餐廳很細心。另外，不得不提係佢哋有手調台式飲品，我一向飲開天x茗x既珍珠奶茶，今次係餐廳揀大紅袍珍珠奶茶（少甜少冰），茶的味道有好顯既分別，佢哋奶跟茶的味道仍然很香濃，配上細細粒的珍珠，我下次來一定要encore.😋