更多
2020-03-24
613 瀏覽
性價比高台式邊爐商埸都無咩人,我地無訂位的,好彩WALK IN都有位,坐左卡位,安排位置都舒適,裝修幾靚。店員介紹一下D乾、濕紙巾、牙簽既既擺放, 同埋放底埋圍裙俾我地。話怕整污衊我地D衫。有自助醬料區、前菜、白飯及水果。湊湊鍋最特別嘅地方就係任食鴨血不用另加錢,已包在醬料費中。叫左個回味鍋即係酸菜魚鍋,湯底足料,有好多魚肉,小小酸辣。牛板腱、和牛粒呢兩款牛肉重牛味,肉下墊左d菜,可以碌黎食。和牛粒比較大粒,油脂味香,碌完落去都係淋,吾會硬晒。松板豬頸肉賣相靚,整到成朵大花,豬頸肉片味道好好味,加上厚切,好咬口。牛上腦,重牛味,又係抵食既選擇。烏雞卷鐘意呢個,因為好有口感,碌幾耐都彈牙。蟶子非常新鮮,68蚊有10隻蟶子呀。牛柏葉好大注,爽口!店員體貼,會幫你放食物入鍋中,主動添加鴨血豆腐~當然亦不可缺少台式飲品,點左杯凍大既經典奶茶,5分糖小冰,抵飲又大杯。最後會免費送上士多啤利沙冰及梅子果凍作甜品。
商埸都無咩人,我地無訂位的,好彩WALK IN都有位,坐左卡位,安排位置都舒適,裝修幾靚。
店員介紹一下D乾、濕紙巾、牙簽既既擺放, 同埋放底埋圍裙俾我地。話怕整污衊我地D衫。
有自助醬料區、前菜、白飯及水果。
湊湊鍋最特別嘅地方就係任食鴨血不用另加錢,已包在醬料費中。
叫左個回味鍋即係酸菜魚鍋,湯底足料,有好多魚肉,小小酸辣。
牛板腱、和牛粒
呢兩款牛肉重牛味,肉下墊左d菜,可以碌黎食。和牛粒比較大粒,油脂味香,碌完落去都係淋,吾會硬晒。
松板豬頸肉賣相靚,整到成朵大花,豬頸肉片味道好好味,加上厚切,好咬口。
牛上腦,重牛味,又係抵食既選擇。
烏雞卷
鐘意呢個,因為好有口感,碌幾耐都彈牙。
蟶子
非常新鮮,68蚊有10隻蟶子呀。
牛柏葉
好大注,爽口!
店員體貼,會幫你放食物入鍋中,主動添加鴨血豆腐~
當然亦不可缺少台式飲品,點左杯凍大既經典奶茶,5分糖小冰,抵飲又大杯。
最後會免費送上士多啤利沙冰及梅子果凍作甜品。
張貼