港猿燒味 (已結業)

今日咁啱去到聯和墟食嘢其實都好耐冇嚟聯和墟啦！見到有間新開嘅餐廳就試下入去食下啦！原本以為快餐店嚟嘅 原來裏面係賣燒味裝修有別於一般傳統燒味店,新穎係令我幾想去試下嘅！ 經過店員友善推介王牌燒腩仔,親切嘅語氣令我感覺佢哋應該都係做開街方嘅生意,可惜我唔係對燒肉太有興趣,不過就想試下其他決定+$10試多款（三拼）黎到有少少西式感覺嘅擺盤都幾合後生仔嘅口味！睇得出佢哋自家嘅品牌落足心思！3款裏面最鍾意都係個白切雞,肥尾又滑嫩,其次慢煮叉燒偏瘦都係我自己鍾意食嘅口感想食燒味但係又怕肥嘅人可以考慮一下唔知係咪有燒鵝喺飯嘅上面令啲飯十分好味有油香！店內仲有紙包飲品提供,下次都會再嚟幫襯！ps 印像中都好少好燒味店係黃色陣營, 呢間一定要撐下！

聯和墟越來越多新餐廳，裝修也越來越新潮，今次看見這裡新開了一間燒味鋪，跟傳統燒臘鋪完全不同，和北角的chopchop食神叉燒一樣是全新模式，新派燒味，於是試試質素如何。疫情之下這裡的座位正好發揮作用，因為大多數也是面牆，不用與人對望，空間不算小但座位不多，在這疫情下也是好事。門口的燒味模型擺設櫃相信是因為沒有了傳統企檔而讓人知道是賣燒味，有點可惜沒有了那宏偉震撼嘅燒味圍牆。很喜歡門口那個霓虹燈，整個感覺不同了，它的logo也很有玩味，很特別。這裏主力買四款最大路的燒味，切雞，燒鵝，叉燒跟燒腩仔。很有信心的一間燒味鋪因為只賣四樣東西是很少有的，它的賣點是慢煮，那我先試試雞加叉燒，一個叉雞飯，$48 在市區來說差不多很平常，但這裏卻顯得比較貴因為其他燒味舖賣得超級便宜，$26-30一個外賣飯盒薄利多銷，這裡要$45-$48實在勇氣可加。堂食叉雞飯整個擺設包裝也很有工業風有設計的感覺，最重要的味道方面，切雞但有點點的鹹香，肉質非常嫩滑，雖然給我的是雞髀，但真的很滑，叉燒有一種好特別的香味，應該是用了跟別人不同的醃料，肉質也是比較嫩，不會很柴。最驚喜的是白飯竟然很軟硬適中得來有咬口，也有陣香味

平時好少入聯和墟食飯，不過聽朋友講開咗間新餐廳，而且主打慢煮燒味就即管試一試。點左個鹹香切雞併脆爆燒腩仔飯，果然同出面嘅係好唔同，平時喺出面食開個白切雞係淡而無味嘅，但呢度嘅白切雞係做到有淡淡的鹹香，唔使點薑蔥都好夠味，而燒腩仔真係無改錯名，係爆脆，層皮脆到好似食緊薯片咁👍🏼👍🏼👍🏼👍🏼。飯亦都粒粒分明好有咬口，同平時一般食開嘅燒味飯有明顯大分別，食到廚師啖啖心機！食完飯之後，仲特登斬料買咗一斤燒腩仔返去比屋企人試。決定下次再嚟試吓個燒鵝同叉燒先。喺聯和墟40幾蚊食到以慢煮技術烹調既燒味，個人覺得超晒水準👏🏻

呢間野喺聯和墟開咗冇幾耐，成日經過都冇乜人，可能疫情關係啦🤭所以平時都唔係好敢試。但今晚突然之間好想食燒味飯，又覺得聯和墟冇乜邊間特別好食，一於去試新野。原本打算買叉燒油雞飯，點知原來係冇油雞，只有切雞，所以最後買了叉燒切雞飯。外賣包裝有誠意，是比發泡膠環保一點的紙盒包裝。先講叉燒，雖然叫了瘦叉，但口感香味甜味同酒味十足，真係好好食。本身對切雞冇乜期望（因為不嬲都唔鍾意食白切雞）但食得出佢地有醃過，竟然連切雞都夠味好好食，唔需要點蔥油，連皮都食埋，唔覺得油膩。至於個飯，粒粒分明，就算唔鍾意食硬飯既我，都覺得有咬口，真心好食喎！整體來講，我覺得better than expected! 一定會再幫襯，講講下我又掛住個叉燒切雞飯了

可能受傳統觀念影響，對慢煮都唔太了解，尼間仲要食燒味，成件事都好特別，而且係屋企附近，所以去左試下燒腩仔非常脆，同外面的燒味完全唔同慢煮個口感真係有分別個叉燒第一次食到個皮係脆的，同埋夠甜白飯方面唔知老闆用咩米，口感好軟，而且個飯香唔同平時餐廳食個種，好好食。似係用貴價食材而且廚房就係工場，所以食物方面真係無得輸，新鮮滾熱辣而且侍應收銀都好有禮貌所以咁既價錢，同聯和墟區比較實係貴，但同返出面食肆比較，係有水準同值得食的食物正服務好真心支持💪💪💪