港口味冰室 (已結業)

來長沙灣探朋友，港口味冰室，老公推薦環境幾舒服，通風 。樓面靚仔老板好nice樽仔招牌忌廉咖啡好好味！即日制作 港式茶走紅豆冰都好好味。老公叫左鐵板xo乾炒豬排公仔麵，好好味上臺果陣仲“咋咋“聲，夠夠鍋氣

發現一個不錯的小店, 因為離地鐵站有點兒遠, 所以之前都冇去到食, 但原來質素相當之好. 食一個雞扒常餐, 其實就好似all day breakfast 咁, 有雞扒, 茄汁豆, 煙肉, 牛角包, 同埋炒蛋. 最好食嘅係牛角包, 入面夾左奶醬, 加埋牛角包嘅脆皮, 超正. 成個餐份量唔錯, 煙肉, 雞扒都係正常水平. 樽仔咖啡有啲驚喜, 真係幾好飲嘅忌廉咖啡. 有讚有彈, 相較於食物而言, 店鋪的環境總感覺太過擠迫, 也不是完全地乾淨. 不過大致上還是ok 的, 衝著他的食物, 下次還是會再來的總括而言, 驚喜嘅一餐. 

又到每日一遇既人生交叉點，究竟食乜好？西餐尼講，琴日食完，中餐尼講，聽日食大餐，結果就中西合壁食港口味！餐牌尼講，較似中餐，但其實係冰室食物。黑松露沙拉骨，唔食你走寶！超香黑松露Gas味，不過質感尼講炸得好脆口，唔擔保個個鐘意。加個菜煲配油飯，咁就冇得頂一餐

講到海南雞飯呢個雞肉配香飯嘅美食，我一定忍唔住要介紹比大家呢間冰室，佢地嘅海南雞絕對係極品，雞香肉滑而不膩，配以雞油和浸雞水嘅油飯，香氣撲鼻，老實講真係可以唔洗飛去新加坡老遠食個雞飯，近近地呢間就腳又好味這間冰室內外環境一般，但常可以在門口看到許多的客人在等候帶位，或許是因為店面不大，所以才會有人在等位，也或許是因為這裡的菜色特別，所以生意才會不錯吧～推開門進入餐廳，午市時間也想到店裡頭已經坐滿了客人，因為店面不大所以更顯得熱鬧擁擠，先來一個雞飯海南雞飯套餐（$45）- 雞件一共有六大件，油飯份量剛好，加配酸菜也大大提升了胃口每件雞份量也很足，當薄薄嘅雞皮遇上嫩滑嘅甜美雞肉肥瘦比例恰到好處，雞肉外層閃閃動人的油脂，透露著肥嫩口感的光澤，看起來仍舊是相當地吸引人讓人口齒留香，流連忘返，晃忽身處新加坡大排檔那種當地味道的感覺，真是非筆墨所能形容當你將雞肉蘸上特制海南醬料時，其味甚佳，真的會令你垂涎欲滴，那種酸辣蒜香入口噴香，爽滑異常。午市時間餐廳坐滿客人爆場情況天天重複，要保留一間有水準嘅食店，便形成了一股獨特誘人的美妙滋味，在這個不景氣的大環境中，成功地讓客人絡繹不絕的前來品嚐，這間小店

在港口味，吃過港式早餐加黑松露多士，配上樽子咖啡，嘗過極品平民港式早餐。今次到來吃下午茶，我們點了榛子西多、公司治、紅豆冰。榛子西多-榛子醬份量充足，公司治-有蛋、餐肉、蕃茄面包烘底（不用加錢），紅豆冰-紅豆「淋」但無依依粒粒分明。總括，港口味的港式餐無得輸。

由於位置比較偏僻，所以即使只是在附近，不到十分鐘的步行路程，但竟是幾個月來都沒有吃過一次，還是靠別人的介紹才發現這間好吃的餐廳。中午有午餐，但是於我來說，倒是常餐更是吸引。每一份常餐都是四十元以下，還有牛角包，炒蛋和火腿，及一杯熱飲。算得上是十分之豐富。最令我喜出望外的是，牛角包十分的好食。除了表皮烘過有觤感之外， 還有其中間塗抹了煉奶等，相當滋味。炒蛋的份量也比一般的茶記奄列的蛋的份量為多。絕對不會吃不飽。與之相比，主食的味道便只算普通。吃的鮮茄牛肉通粉，說實話，並算不上是很好吃，但有了牛角包和炒蛋，已是很令我滿意的一餐。

已經唔多人，得2台客4個人，要等左20min, 才煮好一個雞米線，但米線生的，得3成熟，D湯唔熱，D雞重凍冰冰。明明寫住有免費Wifi和密碼，但入左都唔得，問老板，佢九唔塔八。如果下次有人請我食都唔想食。浪費時間浪費錢的餐廳！

前日同今日都響度食中午, 其實之前路過見餐牌都想試試佢地舖頭細, 裝修普通, 枱唔多, 中午幾迫下前日點左個福建炒飯+凍咖啡福建炒飯: 一黎到同平常果D唔同, 暗暗綠綠, 觀感有D差因為用節瓜粒, 青豆同東菇粒做主料, 所以望埋去變成暗綠色有粟米但唔多, 蝦就只發現一粒, 其他就係雞肉粒炒飯底, 只係食唔出炒飯味道, 份量係夠既其實食落味道不過不失, 只係無蘿白無蟹柳無蝦米, 非大眾熟識既福建炒飯樣凍咖啡: 味道幾濃下, 唔錯午餐$40+凍飲$2今日好開心, 見到有個唔知乜野醬汁牛脷飯, 好耐無食過牛脷醬汁: 茄汁底, 加洋葱同草菇煮, 醬本身酸酸地無特別, 菇就幾滑嫩牛脷: 好多, 竟然有四塊, 軟硬度適中, 咬感唔錯, 稍欠肉汁味, 其實同呢個汁唔太夾飯: 正常Size例湯: 紅青蘿白粟米湯, 見有紅蘿白, 但唔覺有青蘿白同粟米, 入面應該有豬肉同雞肉, 火喉差少少奇怪, 點解前日無比湯我既招牌忌廉樽裝咖啡: 係滑既, 樽裝無因融冰而轉淡, 只係味道似乎同前日果杯差不多, $5試下ok午餐$38+特飲$5, 抵食

老公放假，一於來朋友介紹的港口味冰室發掘美食！2大2細叫佐3個套餐(埋單213)：海南文昌雞配油飯88、咖喱牛筋腩配白飯55、鐵板啫啫芥蘭配白飯55，見到餐枱張貼佐自家製樽仔咖啡、奶茶原價要21，跟餐每款只要加5蚊就可以拥有，心思思即刻要佐每款一樽試一試，不好咖啡的我都惹不住飲佐成樽另一個套餐再加多5蚊，叫佐港口味獨特的“港式茶走紅豆冰”俾小朋友飲，啖啖紅豆係小朋友的最愛讓我有驚喜的是：1.咖哩牛筋腩不是只有三四塊，而係除佐一二塊薯仔外，全部都係牛筋腩2.食佐鐵板啫啫芥蘭，仲剩下勁多肉碎和蝦米，可見真係落足重料3.文昌雞配上油飯，食到唔停口大家有去開長沙灣，真係要去試一試下招牌菜式

前日上網見到推介，咁就同熱愛海南雞飯既屋企人黎試下，一去到見到，環境都幾擠逼下，卡位如果肥少少既話，應該每邊都坐唔到兩個人，咁我地開頭就叫左一個海南雞飯同咖哩牛腩飯，有例湯同飲品，包熱飲就$42，如果凍飲就加$2，真係抵到爛之後我地再叫多左個海南雞飯，但就已經係最後一個，真係好彩。見到每張枱都有人嗌海南雞飯，真係好受歡迎但要食既話就真係要早D去，因為1:30個時叫已經係最後一個，之後好多人黎嗌都已經無得食LU

長沙灣仍然有很多老茶記，也有一班較年長的老街坊，所以開店也要照顧這區的文化，這間港口味冰室，其實開業不太久，但感覺像舊店般，只因裝修簡陋，但勝在價錢便宜。這下午茶餐「椒鹽雞膇+紅豆冰」，只是$22，價錢非常懷舊。雞膇炸得甘香惹味，皮亦咸香脆口，但肉質結實了點。不過，$22仲想點先？收貨有餘吧！

我住呢頭的,有時夜晚兩個人煮飯同出去食都差唔多…………………………唯有都係幫襯茶記其實呢間野新開到依家都有KEEP住幫襯琴晚DINNER時決定影返張相寫返個食評晚餐連老火靚湯,飲品好似加$是日老火靚湯係老黃瓜豬骨我點左鹿兒島蔥燒雞扒個汁好味,不過多少少汁就好喇,仲有幾條芥蘭,有點驚訝雞扒大塊過我隻手板,勁雞扒好味啊,唔乾,個皮又脆脆地,送飯一流Husband點了XX腰果炒牛柳粒(花巧名字實在唔記得左)叫左少飯,因為次次都好大碗我又食唔晒自己果碗牛柳粒唔UN,好味,不過好似大粒左少少同埋我鐘意佢格局光鮮,坐得好舒服,又有電視睇員工算友善食厭左附近食店,呢間可以一試啊

住附近嘅我~早排經過見有新店開張…攞咗張外賣紙返屋企睇睇~今日終於一到試試下午茶餐…點了豬扒包~本來想飲冰鎮奶茶的…可惜現在變了樽仔奶茶~有一點失望~但扭開樽蓋一飲之下覺得蠻不錯!奶味香濃…略嫌茶味淡了點…多坐一會…豬扒包上枱了！賣相不錯，豬扒份量夠…覆蓋著整個包~包包香脆…豬扒煎至表面金黃~可口!印象不錯!有機會會再來吃晚餐小菜^_^