影片
以上資料只供參考, 請與餐廳確認詳情
影片
相片
南瓜海鮮濃湯配香烤酸種吐司
烤焗原個大啡菇配自家羅勒青醬捲捲粉
橙汁咖啡
+475
+29
食家推介
難得今日放假，同朋友揸車入西貢chill吓，第一次嚟呢間cafe唔知規矩，原來要排隊🤣 一入門口已經有staff招呼我哋，好彩walk-in都可以電話留名，係附近行咗陣，等咗大概20分鐘左右就有位，可以入座😎 餐廳的環境舒適、簡潔明亮，非常適合細group聚會或獨自享受一個中午，缺點係坐得唔可以太耐。🎃南瓜海鮮濃湯配香烤酸種吐司🦐（阿根廷紅蝦，迷你蝦肉，魷魚圈，蟹肉，自家製南瓜湯，自家發酵酸忌廉）今次，我哋點咗碗招牌南瓜濃湯，南瓜湯香滑，冇南瓜渣，呢個價錢尚算濃稠，配搭香烤sourdough bread，軟硬適中，咬落香脆唔會刮口，再沾上鮮嫩南瓜海鮮湯，完美吸收湯汁，令成道菜嘅味道同口感更加豐富，一啖接著一啖，食到停唔到口。😢 不過，美中不足之處係南瓜湯入面嘅海鮮份量好少，蜆肉 & 蟹肉 真係迷你到肉眼完全睇唔到🙈 不過有幾塊魷魚圈，同2隻medium size紅蝦連蝦頭。✨呢款湯整體口感滑順，帶有微甜的南瓜海鮮味，搭配的香烤酸種吐司外酥內軟，CP價還算可以😌 第一次去必嗌！🍄🟫 烤焗原個大啡菇配自家羅勒青醬捲捲粉🌿接著係basil青醬的捲捲粉，呢款義大利粉係本地 cafe比較少見，所以幾有驚喜😆 令我諗起對上一次食已經係峇里島，特別有渡假feel~ 飲完濃郁嘅南瓜湯，再食呢款香甜大啡菇，配清新羅勒醬捲捲粉，感覺特別清新，唔油膩，唔太heavy，我個人偏好清淡，所以覺得呢款主食幾出色😌另外，配料仲有焗腰果、微酸番茄仔同炸物，令整道菜不會單調。以呢個價位，呢道菜的擺盤都十分精緻，令人賞心悅目。🍊️橙汁咖啡 ☕最後，我哋學「波叔」話齋要創新，跟佢叫咗杯凍橙啡，底部是新奇士橙汁，上面係偏fruity咖啡，色彩分明，喝起來清新怡人，打卡一流。值得一讚嘅係，咖啡底可以揀fruity / nutty，唔洗額外加錢💁🏻♀️整體而言，西貢嚟講算唔會中伏之選，值得再次光臨👍🏻
繼續閱讀
西貢cafe小店多不勝數, 要突圍而出留住食客的心確實困難。我想海鮮南瓜湯和咖啡就是溫飽的必殺技。我是看了MM的推介, 專程由老遠的大西北駕車到西貢, 為的就是嘗嘗它的海鮮南瓜湯。中午時份到餐廳已有數人在等候, 大概等了30分鐘才入座。除了南瓜湯, 我亦點了All Day Breakfast, 慢煮雞胸配白酒蒜香忌廉汁意大利粉和一杯熱Americano。海鮮南瓜湯: 南瓜味非常濃郁, 非常合適搭配麵包, 以價錢來說, 建議可多放一點海鮮Americano: 有淡淡的堅果香, 入口非常順滑, 咖啡味適中All Day Breakfast: 就是一般cafe你會點到的食物, 沒什麼特別, 不過不失慢煮雞胸配白酒蒜香忌廉汁意大利粉: 意粉煮好後, 看到廚師直接打開即食慢煮雞胸包裝袋, 再切好雞胸放上意粉上。因此對雞胸本身沒太大期望, 實質亦如所料, 雞胸不爽不滑, 沒大驚喜。但意粉爽彈有咬口,白酒蒜香忌廉汁香滑而不膩, 整體配搭不錯。以cafe小店來說, 食物質素中上, 去西貢遊玩時值得一試!
繼續閱讀
一個休閒的下午 環境清靜 舒適叫咗杯Mocha 同Matcha Latte Mocha朱古力同咖啡比例岩岩好 不錯Matcha Latte 抺茶味香又帶點苦味 幾好飲兩杯拉花都好靚但個日叫嘅主菜就非常失望叫咗慢煮雞胸配蒜香白汁忌廉扁意粉同全日早餐味道超普通 白汁只食到芝士鹹味 冇蒜香 食第二啖已經唔想食 好彩分量不多 全日早餐 擺盤同普通茶記一樣 分量好少 打卡都唔吸引 配咗酸種麵包 就味道可以 口感香脆整體黎講係性價比不高 食物打卡又唔吸引 其他西貢餐廳 甚至茶記都好食過佢
繼續閱讀
今日同朋友遊車河去咗西貢，想搵間咖啡館 chill 下，最後選咗 Warm Bread。呢間咖啡館有戶外區域，可以帶狗狗一齊用餐，對於愛狗人士來講真係好方便！我哋叫咗CRÈME BRÛLÉE BAGEL，bagel 外脆內軟，上面有 cream cheese同燒到脆嘅焦糖面，大推！配埋 MATCHA LATTE，抹茶味道香濃，唔會太苦，配埋牛奶好滑順。不過，我試咗KANELBULLAR （瑞典肉桂包），口感就冇咁柔軟，但肉桂味幾香。其實佢哋嘅意粉同南瓜湯都好好味，真心推薦呢間cafe！
繼續閱讀
❝西貢人氣CAFE🎃專程入去飲南瓜湯食Sourdough!🥰❞呢間係西貢極多人氣既cafe @warmbread.coffee 係MM介紹之前已經bookmark🥹想試佢地既南瓜湯 趁農曆新年假黎 留左電話大約等左一個鐘多d😚期間去咗附近cafe飲下咖啡～來到必飲南瓜湯!🎃❤️好濃郁厚身 仲有d南瓜蓉 香甜又重海鮮味🥰自家製sourdough帶酸香 香脆配湯一流! 另外冬陰功benedict有煙三文魚同蟹肉碎 香辣都幾惹味!😆小店所有野都即叫即做 員工有禮亦有人情味😚食得「溫飽」😬▪️南瓜海鮮濃湯配香烤酸種吐司 $148 (4/5)▪️泰式冬陰功班尼迪克蛋 $128 (4/5)꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍溫飽西貢市場街9號地舖Ig: @warmbread.coffee 🗺𝘐𝘯 𝘵𝘩𝘦 𝘴𝘢𝘮𝘦 𝘭𝘰𝘤𝘢𝘵𝘪𝘰𝘯…#joys_西貢🔖𝘔𝘰𝘳𝘦 𝘴𝘪𝘮𝘪𝘭𝘢𝘳 𝘤𝘶𝘪𝘴𝘪𝘯𝘦/𝘧𝘰𝘰𝘥…#joys_cafe
繼續閱讀