影片
本打算放假入西貢食午餐，但這間人氣麵包店，只剩低早餐時段有位，超誇張！😱剛開門便進入，店內還未有客人，店舖比想像中細，只有3張內2張外，大概可坐14人。叫了麵包籃、火腿芝士三文治、黑咖啡及卡布奇諾咖啡麵包籃跟兩款麵包，普通及杏脯味道，後者較為出色，配上自選的法國牛油、雜莓醬及腰果醬，麵包食落外脆內軟，加上香滑的牛油及雜莓的甘甜，非常好吃；返而腰果醬味道比較清淡，雖然也吃得出腰果味，但未算太出色。😋火腿芝士三文治因之後到，所以放久了少許，麵包被水牛芝士浸腍，食落有點煙韌，芝士香滑但味淡，而且因太濕潤，其實唔算太夾；如即到即食，可能會好啲。🤔另配上一杯奶啡及齋啡，奶啡香滑帶適量的咖啡味，不錯；但杯上沒有「耳」，杯身又太熱，要放涼後才拿得起，有點不是味兒。因麵包太出色，最後買多一個杏脯味及一個無花果味回家繼續品嚐，可惜唔跟牛油及果醬。雖然價錢有啲貴，但麵包果然出色，值得一試！😍#記得預先訂位#Rustic_Bread_Basket $90#Ham_&_Cheese_Sandwich $150#Black $36#Cappuccino $39#CUÍT地址: 西貢普通道3A號地舖電話: 51919719
繼續閱讀
呢間西貢Cafe平日嚟都好多人 同朋友仔兩個一開始都要搭枱 隔籬枱走咗先可以坐返另一枱🤣呢度除咗主打嘅酸種麵包之外 都仲有好多曲奇、蛋糕嘅小食～ <Peanut Sandy> $55呢杯咖啡面頭有花生忌廉 撈勻咗白咖啡之後就冇乜花生味 咖啡味偏淡 唔推薦試呢杯🤣<Market Fish Karaage Sando> $150🥪見到每一個人都推介食佢哋嘅炸魚三文治 聽聞係附近海鮮檔新鮮買嚟整～ 嗌呢個三文治就好似開埋盒咁 嚟到先知道係鰻魚/白鱔/龍躉🐟今次呢個係白鱔！ 本身唔太鍾意食魚嘅我都覺得好食 白鱔外皮炸得好薄好脆 魚肉嫩滑 食落去一啲腥嘅感覺都冇！炸白鱔配埋清新嘅沙律醬同青瓜 超級Fresh 😋食食下有種似曾相識嘅感覺 原來係似高級版嘅魚柳包🤣 不過食嘅時候要小心 要拎住個碟 啲材料好容易跌落嚟😭個人比較推薦外賣買佢哋嘅Sourdough Baguette🥖 外皮煙韌內裏鬆軟 有淡淡的酸種味返屋企焗熱佢再加Ricotta Cheese/🫐/蜜糖 🍯 超級好食！😆
繼續閱讀
兩點幾去到門口室外有張空枱我哋兩個人佢話暫時冇位，要等一個鐘OK，咁我哋等轉頭唔夠四個字就話有張空枱俾我哋返到去，點知係我哋啱啱攞位嘅時候門口嗰張空枱三咁即係本身就有啦咁我哋等呢四個字都唔知係為咩好啦唔緊要，我哋都冇所謂照坐啦叫咗一份三文治，＄150份三文治俾人吹奏到好好味點知一放入口同魚柳包冇分別個味真係一模一樣咁滯只不過啲食材可能高級少少但係都唔值$150OK咁去呢啲Cafe梗係Over price 㗎啦我哋都預咗咁俾錢買埋佢嘅環境㗎嘛咁所以我哋都叫咗兩杯咖啡，諗住傾吓偈點知坐唔夠一個鐘，佢就趕我哋走話下一張枱嘅客人到咗真係冇諗過呢啲Cafe會趕人大佬你兩杯咖啡加埋個三文治都幾舊水個零鐘頭你叫人走？？我覺得都幾唔合理我真係諗唔到有咩理由要去呢間嘢度食又唔係特别好食
繼續閱讀
—本身plan一個晏晝食兩間cafe加froyo點知出師不利去到先知店主抱恙冇開(所以去之前可以留意小店ig story)🐟Market Fish Karaage Sando(150)Marker Fish/Tartare/Fine Herb Cucumber Salad一睇個cross section🥪😍就知塊鱔厚身肥美 果然咬落去盡是魚油 將青瓜切成薄片 腍身得嚟堆疊後帶點爽脆加上有herbs調味 唔油膩之餘仲幾清新🍳Caviar & Egg Sando(120)Lumpfish Caviar/Scrambled eggs/Chives/Cream Cheese/Potato因為炸魚三文治太驚艷 魚子醬跟滑蛋薯仔配搭其實都唔錯呢款會跟埋hash brown如果有得單嗌會想加🥜Peanut Sandy(55)White Coffee/Peanut Foam嗰層花生厚泡layer好正仲有bread basket都想試下次嚟可以上網book位不過幾搞笑第一次去cafe搭枱——————————————————CUÍT西貢普通道3A號地舖
繼續閱讀
復活節假一點鐘鬆啲慕名去到，walkin攞枱無book 枱ge, 餐廳話都可以攞，等13張枱，預3點幾會有枱，不過無話一定3點幾有枱，要睇實際情況。有枱嘅時候就會打電話俾我哋。咁我哋都覺得OK嘅，咪行吓等吓囉，難得放假入到嚟西貢。兩點幾鐘再去餐廳睇下情況，問佢仲有幾多張枱，佢竟然答我14張，我哋就覆佢話一個鐘頭前係13章點解一個鐘頭後會14張？佢答我其實啲枱”move緊”, 我問佢咩係Move緊佢話係郁緊。。一直郁緊，但都要再等一段時間，就心諗唔緊要啦，還掂有郁，難得入到來西貢，再等下，加上本身都預等到三點幾。結果3點45分都未收到電話，返到去睇，佢話一張枱都無郁過，因為有reservation ge 枱, 人地第一張walkin都等左200幾分鐘。咁我地等左大約180分鐘, 一張枱都無郁過，係咪要破200幾分鐘嘅紀錄？我地行到腳都跛又熱，仲要4點鐘都未食lunch, 你可以話係我地自己揀，但等左成2個幾鐘，換來只係一句”無郁過，因為有reservation ge 枱”, 我覺得好難接受，如果你一開始無諗住俾walkin客入，你可以一早講。咁ge安排你再好食都唔會去。要人留港消費，只有食物質素，但咁ge安排，點贏？
繼續閱讀