104
21
6
電話號碼
60513998
營業時間
今日營業
09:00 - 18:00
星期一至日
09:00 - 18:00
以上資料只供參考, 請與餐廳確認詳情
食家推介
相關文章
難得入黎西貢，就打算搵間CAFÉ食下嘢Chill下，咁啱呢間有兩層，唔洗等太耐位，就一於試下！🔶日式磯煮時令鮑魚月見蕎麥麵 $168★★★★☆鮑魚2大隻切成片狀，食落入味又爽口彈牙，有驚喜。蕎麥麵軟硬剛好唔會太淋，醬汁另外碗上，可以自行加落去。除左呢啲仲有溏心蛋、關東煮蘿蔔等等，成個擺盤都好精緻有心機，望到都覺得開心！🔶明太子龍蝦手工意粉 $168★★★★☆意粉賣相好吸引之外，食落都好正！首先意粉超夠熱，每條意粉都掛滿明太子汁，啖啖都好滋味！龍蝦好貼心咁起哂肉，食落夠爽彈。呢個意粉都見到差唔多每枱都必點，絕對值得一食。🔶照燒雞扒拌飯糰 $98★★★★☆飯糰有三件有啲飯素係面，成個擺盤幾靚同精緻。照燒雞扒份量多，雞皮煎到好香脆，加埋個照燒汁夠濃郁，好食。🔶巨大鰻魚玉子DON $128★★★☆☆呢個餐牌寫住每日限量供應，週末2點左右都仲有，但剩低唔多。鰻魚幾大件同埋夠厚身，玉子係厚身，但煮得略微太熟，如果做到玉子入面半熟好嫩滑嘅口感會更加之好。整體食落普通冇話特別驚艷。🔶蒜香時令海硯手工意粉 $138★★☆☆☆呢個可以話係全餐最冇特別嘅一道菜式。手工意粉煮得太淋冇哂口感，食落更似油麵之類。個醬汁本身都唔夠濃郁，唔夠蒜香，加埋意粉就更冇味道🔶雜莓法式西多士 $108★★★★☆西多士熱辣辣食落仲係好酥脆，有牛油、煉奶嘅甜，仲有雲尼拿雪糕，冰火交融，雖然好邪惡，但好正，仲會有士多啤梨、藍莓片裝飾。🔶久園小山丸．糰子黑糖抹茶鮮奶 $58★★★★☆賣相一百分，飲落味道中上，係預期內嘅抹茶鮮奶味道。飲落唔會太甜，但唔太飲到黑糖味道。我諗成杯飲品最特別就係個一串久園小山丸．糰子，食落真係好軟糯Q彈！🔶提拉米蘇鮮奶 $58賣相都係一貫咁精緻，呢杯出奇地個味道好濃郁，唔會太過苦澀，好香濃朱古力味，仲要唔會太甜，真係飲完一啖接一啖，勁快清哂！🌟總括：環境舒適，食物味道整體上都好唔錯，食物擺盤別出心裁，好細微位置都做到好靚，絕對係有心機嘅小店。
繼續閱讀
藍天白雲的日子若不到戶外走走就會浪費好天色，於是獨個兒自駕到西貢逛逛。路過這間咖啡店數次都見有不少客人進進出出，水準應該不錯，就試試吧！餐廳兩層高，於地面收銀處點餐後就到了樓上坐，食物弄好後侍應生會將食物端上來。主菜點了巨鰻滑蛋牛角包窩夫，另點了焙茶鮮奶，還想吃甜品，於是加了個氈酒法式焦糖燉蛋，大體上全都滿意😋焙茶鮮奶的拉花美得叫人驚喜，味道亦不賴，有濃郁的焙茶味。巨鰻滑蛋牛角包窩夫果如其名有巨鰻，食物上枱時見那麼一大碟相當驚喜，但1秒後就擔心只一人之力能否將它吃掉。相信由於味道好，最後是清碟的！必須讚一下那croffle的牛油味濃，餅身在滑蛋的覆蓋下仍能保持酥香鬆脆！氈酒法式焦糖燉蛋相對以上兩項非常出色的食物顯得有點平凡，或許是小女子我已經很飽。焦糖是薄脆的，燉蛋有蛋香，雪糕亦是軟滑的，水準不錯，只是未到驚喜級別。餐廳採木系文青風，感覺悠閒舒適，兩邊窗可看到街景。服務質素也不錯，其實上層擺放了餐具和水讓顧客自行取用。我見食物未到就專注於手機世界，侍應生在忙得團團轉之際見我的枱面空空如也就送上了餐具和水，有點不好意思，見到他走了多轉送餐，慵懶的我還增加了他的工作量。
繼續閱讀
今日中午食咗單人餐喺「NN Cafe」，呢間cafe喺午餐時段都有唔少精緻嘅食物選擇。我揀咗佢地嘅日式磯煮時令鮑魚月見蕎麥麵同富士山雪糕梳打。話到食物賣相，「NN Cafe」嘅鮑魚月見蕎麥麵真係美味兼精緻。鮑魚切得薄薄地鋪喺滑溜嘅蕎麥麵面上，月見蛋濃郁嘅蛋黃剛好流出，令人食指大動。另外，富士山雪糕梳打係用高質嘅雪糕混合特調嘅梳打，飲品看上去十分誘人。味道方面，鮑魚月見蕎麥麵有淡淡嘅海洋味，加上蕎麥麵本身帶點嚴，搭配得恰到好處。月見蛋令味道更加豐富，蛋黃流出時同蕎麥麵交融，味覺上更加滿足。富士山雪糕梳打充滿濃郁嘅雪糕香氣，梳打的甜度剛剛好，喺炎炎夏日下，令人喝得暢快。份量方面，鮑魚月見蕎麥麵份量適中，啱啱好飽就夠啦。而富士山雪糕梳打係一杯中杯嘅飲品，算係午餐後嘅甜品選擇，都唔會太多。總括而言，「NN Cafe」係一間有特色嘅cafe，食物賣相吸引，味道美味，份量適中。如果你鍾意日式料理同甜品，不妨一嚐「NN Cafe」嘅磯煮時令鮑魚月見蕎麥麵同富士山雪糕梳打，相信你會有一個愉快嘅用餐體驗。
繼續閱讀
💖 NN Coffee (西貢)✨西貢市場街47號地舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️今日同 @fin.foodie 去放風，夠唔夠出去行吓遠離繁囂都真係幾唔錯㗎😏今日我哋揀咗去西貢，特登去食呢一間Cafe😍-日式磯煮時令鮑魚月見蕎麥麵🍜 $168一上枱嘅時候真係忍唔住嘩左一聲😆，因為冇諗過竟然兩隻鮑魚都咁大隻👍🏻蕎麥麵嘅擺盤造型好精緻，我自己都幾欣賞佢旁邊嘅半熟糖心蛋，蛋香味十足🥚-煙三文魚焙茶漬丼🍱 $108呢一個煙三文魚煙燻過後仲用火槍辣一辣過🔥，所以有少少燶邊嘅效果食落去嘅時候煙熏味更加濃郁。由於因為用咗焙茶嘅關係，所以食落去會唔會好鹹😏我自己都幾鍾意。除此之外上面仲有一啲炸咗嘅脆脆，增加口感‼️-久丸小山園糰子黑糖抹茶牛奶 $56呢一杯signature嘅飲品肯定要叫啦，睇佢嘅賣相就覺得好吸引🤩有兩粒煙煙韌韌嘅團子🍡，再加入黑糖配搭抹茶牛奶，中和左抹茶嘅味味苦澀味👍🏻-丸久小山園 焙茶鮮奶🦄 $48係一隻好靚好靚嘅獨角馬拉花😍真係靚到唔捨得飲🥰，我真係等到佢差唔多返開晒先至飲㗎🤪音樂好香滑，焙茶嘅味道亦都好濃郁😚想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩
繼續閱讀
難得放假，揸車去西貢行下，發覺多咗好多好靚嘅cafe😍😍 難得過黎，想揀間好嘢食下， 發現喺市場街六福菜館隔離， 有一間兩層高NN Coffee，覺得熟口熟面，原來之前有個飲食節目就係呢度拍， 咁緊係睇下有乜嘢好嘢食先😆 發現除咗咖啡之外，日式食物都好吸引， 加上佢裝修唔錯，就決定試下佢😎原來餐廳除咗地舖，側邊有條樓梯上一樓，樓上嘅位置更加充裕， 日式簡約嘅設計仲有個好大嘅窗吸收自然光，整體都好舒服🌟丸久小山園●若竹 抹茶鮮奶個拉花真係靚到不得了，天馬座嘅圖案好靚， 技術含量好高喎😆 講番個味道先， 佢哋嘅綠茶揀得好好，鮮奶嘅味道一樣好， 好滿意👍🌟自家製蜜漬檸檬梳打呢杯真係夏日必點， 蜜漬檸檬酸中帶甜， 配埋夠曬氣嘅梳打， 暑熱嘅感覺一掃而空😌🌟煙三文魚配茶漬飯日式嘅經典味道，簡單但充滿心思，日本珍珠米，表面用火槍燒香咗， 返上面有飯素增加香味，煙三文魚有四大片， 加上蔥花同埋，炸漿碎增加口感，食嘅時間再加埋熱辣辣嘅焙茶鰹魚湯，每一啖都充滿溫暖，香味，口感同埋煙三文魚嘅味道，好舒服😌🌟日式磯煮時令鮑魚月見蕎麥麵非常好味，我到而家仲懷念緊🤣 蕎麥麵個面質好好，高質彈牙， 糖心蛋醃製得好入味👍 另外類似關東煮嘅蘿蔔入味非常，軟淋冇筋， 最正係嗰兩個磯煮時令鮑魚，非常大隻， 生熟度好好😍😍師父斜切薄片，口感一流，鮮味十足。 蕎麥麵嘅汁都唔錯， 呢個分分鐘好食過喺日本食， 真係唔係講笑🤣呢度啲食物真係好高質， 最衰我朝頭早飲咗杯咖啡，如果唔係我都想試下佢啲咖啡，唯有俾個藉口自己下次再試佢啲日式餐點同佢啲特色咖啡啦，真心推介呀😍
繼續閱讀