渡邊屋

營業中

休息中

同老公喺尖沙咀試咗一間好高質嘅日本餐廳，叫渡邊屋。呢間餐廳裝修幾靚幾舒服，座位唔算多，如果想嚟食，記得要book位。日本時令活蠔配有馬山椒佢嘅生蠔超大隻，同埋好飽滿，好欣賞廚師用咗柚子汁、有馬山椒，隻蠔食落去好有口感，而且食到蠔既鮮味得嚟喺好清新，真係未食過咁好味既生蠔，一絕。刺身盛盒擺盤好靚，有多款刺身，全部都好新鮮，刺身點埋wasabi食真係好正！佢哋嘅Wasabi同出面唔同，完全唔攻鼻。本鮪赤身蔥吞拿魚腩丼呢個吞拿魚腩丼好吸引！將上面既蛋黃撈埋吞拿魚腩同白飯一齊食，佢嘅吞拿魚腩整到好碎，食落去好軟綿綿嘅感覺，夾埋啲飯一齊食，真係好正！同埋入面勁多飯，好夠飽。黑松露唐揚牡蠣卷呢個要推介一下，牡蠣炸得香脆，加埋上面既黑松露沙律醬，畫龍點睛，真係好夾，食到好濃嘅黑松露味，回味無窮！海鹽天婦羅海老壽司海老新鮮，炸得鬆脆，好味！海膽北海道帆立貝手卷海膽同帆立貝都好新鮮，手卷嘅飯仲暖暖哋，好足料好好味！黑白黃金蟹膏手卷佢嘅蟹膏好有蟹嘅鮮味，夾埋白色嘅芝士條，味道好夾，好正嘅組合。呢間渡邊屋日本餐廳真係比到驚喜我，每一道菜都好新鮮好好食，呢餐食得好滿足。

今日同事發現有間新開嘅日本餐廳，於是我哋一齊去試新嘢啦！一入到去，餐廳嘅環境好舒服，裝修充滿靚靚居酒屋嘅風格；張凳好舒服，坐低之後整個人都可以放鬆晒心情。另外，餐廳提供嘅玄米茶仲真係好好飲，香醇又解渴！至於食物方面，真係冇得彈，質素好高同埋好新鮮，每一道菜都令人好滿意！

今日同事話發現有間日本餐廳新開張，於是我地就一齊去試新野啦😋一入到去餐廳環境好舒服，係靚靚居酒屋既裝修✨同埋張凳坐落去好舒服，令人心情好放鬆，餐廳提供既玄米茶仲好好飲吖～我地叫左壽司盛盒同埋鰻魚飯，午市會包埋沙律、味噌湯、日本牛蒡同埋甜品，非常豐富而且好滿足😋2款都好好食，性價比好高🥳已經約好同事再黎試下晚市～同埋店舖服務好好，好熱情同細心招待我地，仲請我地試多一款雪糕，係好愉快的用餐體驗吖，下次一定會再黎吖🥰