影片
港鐵尖沙咀/尖東站 N3 出口, 步行約2分鐘
繼續閱讀
電話號碼
35648993
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
尖沙咀新開壽司小店很久沒有吃廚師發辦，但不想吃那麼貴，我想看到尖沙咀有一間新開的壽司店，平日晚上看到有很多人吃，可能需要等候。聽說是日本老闆渡邊先生主理，很多人推介本鮪赤身蔥吞魚腩丼。餐廳環境細小，座位不多，建議提早預約，冷氣充足，日式壽司小店裝修一樣，中間會看到日本人師傅在製作壽司。播著日文流行音樂。餐廳提供熱茶、濕紙巾、紙巾等，另收加一服務費～牛油果壽司 $16自家製玉子壽司 $12三文魚腩壽司 $28深海池魚腩壽司 $38火炙深海池魚腩壽司 $38左口魚手卷 $38軟殼蟹壽司 $38 燒鵝肝壽司 $58 充滿油香鹽味伊勢海老軍艦 $78 鹹鹹的極級霜燒壽司盛合 $278有多款火炙壽司：三文魚、左口魚、原條海鰻、帶子、大拖、和牛、牡丹蝦和玉子壽司盛盒 $288三文魚、油甘魚、真鯛、甜蝦、帶子、海膽魷魚卷、𩶘魚刺身鮮甜，壽司飯份量適中，拼盤品嚐很多不同款式的壽司。這裏也有很多款丼飯，飽肚之選
繼續閱讀
琴晚去尖沙咀渡邊屋食日本嘢，店內環境舒適，裝修帶日式風格。中拖羅同大拖羅壽司 ，大拖羅厚切到誇張，油花勁均勻，入口即溶，超級鮮香。而中拖羅平衡啲，拖羅脂香夾住醋飯酸，兩款一齊食簡直係油脂狂歡。松葉蟹腳壽司，蟹肉嫩，食落鮮甜彈牙，連蟹腳邊位都爽口👍🏻炙燒赤蝦壽司好有特色，呢個必點🫶🏻上面加咗燒過嘅蝦膏，帶出陣燒香味，蝦膏融咗喺上面，鹹香得黎蝦鮮味更加濃郁，口感豐富。芥末八爪魚軍艦 芥末唔會太辣，八爪魚爽口，蔥粒吞拿魚腩軍艦，蔥香提鮮，兩款軍艦都唔錯。原隻北海道活紫海膽壽司 ，海膽新鮮到好似剛從海裡撈上嚟，綿密香甜到爆炸，仲鋪咗大量三文魚籽係面，魚籽卜卜脆，同海膽軟滑夾埋一齊，口感層次勁豐富，正👍🏻日本活赤貝刺身，厚身爽脆，勁鮮甜。鍾意刺身嘅朋友一定要食。海膽北海道帆立貝手卷 ，手卷脆卜卜，海膽同帆立貝鮮味夾攻，食落成個口感好有層次。渡邊屋食材新鮮，師傅手藝又細膩，連蝦膏、海膽、魚籽呢啲細節都處理得好好，絕對係高質日式料理體驗！
繼續閱讀
渡邊屋終於殺到尖沙咀！同九龍城分店比，呢度環境寬敞又高檔，menu仲多咗好多熱食選擇，感覺係升級版！😎 ✨️一入到餐廳，氣氛已經畀到你一個好印象！全場都係高椅，仲要係軟熟皮質cushion，好舒服！有8個左右板前位，可以望住師傅一手一腳整壽司。店員服務真心唔錯，超殷勤，不斷主動幫你添茶，我其實只係食左幾隻蝦，前後都主動換左2次碟！服務好到有驚喜❣️👍仲有位高級經理Ming，滿面笑容，仲會好細心同你解釋每款食材，專業得來唔會太硬繃繃，超親切！ 食物方面，刺身新鮮到爆，質素有保證！🥢 刺身盛合2百幾蚊，有齊真鯛、油甘魚、𩶘魚、三文魚、甜蝦、帶子、海膽魷魚卷，樣樣都超新鮮！片片厚切！帶子尤其鮮甜，食完真心想再encore！海膽魷魚卷都好好食！唔使點醬油都已經好有層次！🤤 🍣 大拖羅同鵝肝壽司係必試！大拖羅入口即溶，油脂香到飛起！鵝肝煎得啱啱好，軟滑又濃香，呢款係九龍城分店好似無的，必食！😋 渡邊屋尖沙咀店真心俾到驚喜！食物質素高，刺身壽司新鮮到不得了，服務又貼心。尖沙咀想嘆高級壽司，以呢個價錢嚟講，性價比真心高！
繼續閱讀
呢間餐廳係九龍城好出名終於係尖沙咀開咗分店🥰餐廳嘅刺身係每日由日本空運到港所以真係非常新鮮 仿如去左日本咁特上刺身盛盒 $498必點！刺身肥美厚切，新鮮精緻。盛盒刺身種類豐富。仲配有紫菜，可以包住海膽食好正！三文魚籽海膽丼 $288有滿滿嘅三文魚籽及豐盛嘅海膽，入口每啖都好鮮甜，配埋飯食一流！北海道帶子卷配馬糞海膽 $88面層帶有金箔，有帶子及馬糞海膽鋪係飯嘅上層，下面再鋪埋青瓜，入口口除咗鮮甜仲有好清新嘅味道。馬糞海膽好creamy！赤蝦海鮮味噌湯 $38湯佈有赤蝦，鮮甜彈牙，湯蝦味濃郁。日本大蜆清湯 $68大蜆肉質鮮嫩，湯清淡鮮甜。
繼續閱讀
之前試過渡邊老闆開係九龍城的北斗 浜滝覺得非常出色 所以今次一知道渡邊屋係尖沙咀開新分店 就即刻去試下😁渡邊屋主要供應 刺身 壽司 湯品餐廳裝修走席前料理的風格 可以一路食飯飲酒 一路欣賞師父炮製壽司可見用料非常新鮮🐟我今晚叫左特上刺身盛盒入面有赤身 拖羅 三文魚 油甘魚 真鯛 池魚 帶子 海膽 牡丹蝦 等9款刺身刺身非常厚切 肥美 新鮮足料又好味😋另外我叫左幾款壽司 卷物油甘魚腩壽司油脂飽滿 非常甘香炙燒間八腩壽司燒得恰到好處 油脂馥郁明太子醬天婦羅海老卷亦非常出色天婦羅炸粉酥脆透薄 海老非常彈牙食左咁多生冷食物 最後一定要飲一碗赤蝦海鮮味噌湯湯入面有赤蝦 大量魚片 海帶 豆腐 非常足料蝦膏完全融入湯汁 非常鮮甜 性價比好高👍
繼續閱讀
您可能會有興趣的...