清葉小菜 (已結業)

我之前一向都好鐘意黎青葉的，因為佢的野真係做得好好，樣樣餸都好味。尋晚行開葵芳，打算去下，點知..一去到已經覺得唔妥，個名變左做"樂園"既？己經唔多想入；但見間舖大致差唔多，D雜誌又貼晒係度，以為因咩事改左名姐，就走左入去；叫左蜆蒸蛋同腐乳蒸雞個湯一上，已覺不妙。雖然都唔係味精湯，但一飲就知係煲完後加左水的，同以前清葉原煲煲出黎的，好唔同。兩個餸上左，仲衰。以前蜆蒸蛋，個蜆唔係用普通花蜆，用一隻靚D的，個味鮮好多。而家？D蜆唔夠鮮，蛋又蒸得老，勉強叫做入得口....個腐乳蒸雞仲衰。雞完全冇雞味, 腐乳味都冇，只係一陣怪味，好難食....我地最覺得過份的，係佢真係刻意仲貼返以前D報道出黎，扮晒係讚自己的報道！ 擺明係呃人姐！你整得唔好食咪唔好食啦，唔好咁呃人，話你有以前既質素呀MA！我以後都唔好再去啦！

今日星期五同女友去試 個場冇乜人本來專程諗住試佢個豬仔肶侍應竟然話間restaurant 轉o左手個cook 未掌握到點整所以冇得叫 極失望唯有叫第二d 野食口水雞----普通辣辣地既白切雞雜菜煲---粉絲都幾多 味道ok京都骨---見樓下個post推介 咪試下 但很失望 只係豬扒切開既肉當京都骨 又乾又深色素 最尾當然係食唔晒係度擺同另開兩間出名既沙拉骨比 簡直係冇得比請都唔會再去 因為附近大把好選擇

剛剛去完旅行回來幾天，回到我們去開的清葉飯堂，誰想到已面目全非。一入到去的感覺好唔同，坐下再仔細看看四周，發現足球獎杯及獎牌不見了，台上沒有紙巾供應，伙計當中只餘下一個熟識的面孔。本來想點牆上雜誌剪報介紹的蜆蒸水蛋，但舊伙計話所有刊登出來的菜式已經沒有了，是因為廚房轉咗人。最後，我們點了香煎牛仔骨、金銀蛋莧菜及涷奶茶一杯。唯一無變的是坐底送例湯及白飯。店名已改為“樂園茶餐廳”！例湯：黃瓜花生味精湯，只有黃瓜皮及幾粒花生。香煎牛仔骨：味道ok，但太多肥膏。一般茶餐廳水準。金銀蛋莧菜：皮蛋超鹹，莧菜超老。完全不合格。涷奶茶：男友話好飲，奶與茶比例剛好。我們要轉飯堂了．．．

雖則我飲食標準定得頗高，但是一到家庭聚會或者食普通街邊舖仔，我一定唔會點評論；怎麼說也是適當場合做適當事情．點知今次有些少驚喜．隨便點了五道菜，都是比較清淡的．炸子雞想不到做得幾好，除雞胸肉外都幾嫩滑，雞味不夠有點無奈，香港餐廳大部份都己經用冰鮮貨．清湯腩胡椒下得多，蘿蔔甚甜，坑腩不錯是十分腍，可是牛這部份的好處在彈牙，這個湯味道甚好，就可惜平白浪費了坑腩，若用上豬肚或羊肚效果應該更好．金銀蛋莧菜十分到位；莧菜當造，這個菜差極有個譜．魚滑浸白菜仔不是時令，魚滑口感差了少少，卻又是不失平和的一道菜．仲有道菜忘記是甚麼．總括而言，是合我胃口的一頓飯．另讚伙記熱心，上菜收碟都比不少大餐廳做得妥當．

附近一帶的都掃勻，就連一度覺得服務差的，也來一試。閒日的晚上，八點多入座率六成，伙計招呼應該是正常水準，斟茶加水落單招呼周到，只是講野無尾音習慣不改。鍋仔清湯牛坑腩、西檸雞、五味豬仔髀，都是一些港式小炒，三味中只有西檸雞可以吃多兩件，雞件醃得夠味亦被化學招呼過，炸後淋上水汪汪的螢光汁，吃完無特別回憶。五味豬仔髀，加上大量胡椒、炸蒜粒同不知名調味味料，很惹味，只可惜炸得乾巴巴，佐酒亦嫌杉胃，不理卻大啖髀大啖啤吃個不奕樂乎，足五隻都不過四十幾，幾抵食。不理腩癮起，近日吃過幾間清湯腩，連小炒的清湯牛坑腩亦要試，用石油汽爐加熱，幾件坑腩幾件瘦腩，坑腩位置炆得夠鬆化，不錯，配味精清湯稍嫌可惜，改作腩撈更好！平平地一餐，談不上出色，叫做吃得過。

看過食評後決定和女友去試試,沿着葵涌廣場去Neway的行人天橋行後一直往前走在球場對面的一條橫街上就找到了這間店子,第一眼感覺不錯,好光猛,地方不大但好整理同幾骨子,由於事前做咗功課,故一坐下己叫了個胡椒蝦,之後伙計介紹了個客茄子船和點了一個排骨煲,女友問我要不要飯之際,那邊的伙記跟我們說飯不用叫,因為叫小菜就有飯跟的,跟住轉頭佢就先送上兩碗湯,味道普通啦,過咗一陣就係主角胡椒蝦,一上枱就聽到個煲滋滋聲,馬上試試,味道真的不錯,啲蝦本身冇乜味,但係因為有大量炒過的白胡椒加上少少的紅椒絲將啲味逼入去啲蝦度Good非常好,過咗一陣黎埋個排骨煲,講真的就有啲失望,啲排骨幾肥同埋幾un,可能自己本身唔係太鐘意食啲肥膩嘢所以就食咗幾舊就冇食lu,不過這個煲的配料都幾多,有南瓜同戶頭,最後就係個茄子船,上枱後伙記會幫你張完整的兩條炸好的茄子分開一小舊,味道不錯,酸酸甜甜的,開胃送飯一流.最後我同女友都食唔晒啲蝦叫個伙記比個盒我地攞走. 之後埋單老實講真幾合理.兩個人叫咗三個小菜加三支汔水都係155蚊, 好過係公園對面個間"金x"又唔係平,都唔明點解成日都咁多人係度排隊. 下次一定會再黎,因為又好多

Last Friday 同同事打完波去左呢度試, 我做足功課, 睇完你地o的comments 先點菜o架.我地叫左個胡椒蝦, 京都肉排, 雜菜煲同埋口水雞.胡椒蝦: 我唔食得蝦, 所以冇試到, 不過o的同事話幾好味, 不過o的胡椒都幾spicy.京都肉排: 幾好味, 上菜熱辣辣, 酸酸甜甜.雜菜煲: 原來係雜錦蔬菜海鮮煲, 冇乜味=p口水雞: 唔辣, 不過o的麻醬幾好味, 普普通通啦.整體上, o係o個區都算幾好o架喇.PS. 仲可以帶海鮮叫佢幫你整添, 又可以訂.

尋晚去左呢到食，我地3個人，食左4碟，2個飯，3枝汽水，大約$180。總結黎講，呢餐\係pass。今次食左呢d野：胡椒蝦：好好味，好香好特別。係味比較濃一d，但係好少係出面食到既。係中蝦，大約10隻左右。蝦醬通菜：都幾大碟既，幼幼地既菜，好索汁。豉汁蒸鱔：好新鮮既魚，食落係脆肉既，有鮮味。雞煲：比較一般，主要洋荵同豬肝，雞都係食落係即煮既，有口感同鮮味。呢到d汽水係細枝裝，$10/3枝，差唔多啦，食到甘飽都飲唔到甘多。下次我想試蝦膠油炸鬼同栗米班塊，見到隔離食得好滋味。

是日在此店光顧午餐,遇到我平生中最差的服務態度!總括來說,服務上,遇到不懂得尊重客人的職員,甚至惡言相向,另外,亦都是重點所在,午餐時間的食物水準,真的遠比其他時段,尤其他們的set lunch,有可能是大量製作,令到有快有慢,亦都有熱有冷的食物出現!雖然,他們肯作出換餐的服務,但這一換就待了很久很久,最後,問了幾位職員,才知完全忘了下單,結果,一個午餐時間,花了45分鐘的等待,即使食物終於到來,也抵不了我等待與那種趕時間的心情!

話說在此見到大家一致讚好,早一個星期前光顧過一次下午茶時間,當時,因沒有什麼客,向服務質素同食物方面都是ok的!但就在今天在中午時間光顧,一入門口想找位已經遇到一個勁不禮貌的員工,話說我地入去找位,我男友行先,可能他問我地幾位,我男友未有反應給他,他就說"問你幾位呀,你唔出聲點知呀",個時我咪即時好大聲回佢一句兩位呀,之後,等左一陣佢就找左兩個位比我地,當時客又多,真係一片混亂!坐下後,我地都自己招呼自己是的,自己拿menu看,然後,趁隔離檯下單後,我地也隋手點了要食的set lunch,初初都沒什麼,不快既事情又發生了,那位又肥又矮的阿叔又來了,他好大聲問我地係唔係炒飯,當時我既反應係...炒飯是就是,但跟我上星期的樣子不同的,咁我下意識就認為不是,說不,點知他再睇單話我地係叫炒飯,仲說一句,你地兩個發緊夢咩,醒下啦,我即刻回他一句,你碟飯同我上星期都唔同,明明同一名堂既野,只隔一個小時的時間,相差會咁多,初初我都算,被人塞回一野,都向度開始慢慢食,點知第一口,心覺好唔掂喎,d飯真係"冷飯",講真就算set lunch,都冇理由仲涷過我向k房食個d咁架,話晒你係食市喎,我男友聽到我說

成日都想試吓呢個胡椒蝦....今次終於試咗啦! d胡椒多到不得了....好辛辣呀! 比人地d胡椒豬肚湯勁上好幾倍!!! 我食咗三隻就要投降! 由老公包底! 今次再番叫了沙拉骨及什菜煲- 都保持到水準...好味! 仲有好多款菜式未試!

尋晚又冇煑飯咁咪諗住去飲碗冇加味精o既湯啦! 點知.... 今日廚房煲燶湯! d湯煲燶咗仲比客飲! 今晚叫了尌汁蒸鱔- ok 啦! 仲叫咗個芋頭南瓜排骨煲- 芋頭粉ok, 南瓜好甜但d排骨好"un" 咬唔開! 總括黎講佢响呢區係我地覺得比較好r既選擇...都會再幫襯!

尋晚又冇煮飯.....近近地又去清葉食! 今次叫了甜豆炒花枝鮑片及砵仔焗魚腸! 甜豆個味就始終好過快餐店! 又大碟而味遞都ok ! 而甜豆食完飯都涷曬.....個砵仔魚腸仲未到(已半粒鐘!) 等到上枱先再叫多個飯啦! 以前响第到都食過呢個菜! 多數會有d胡椒粉味去廦腥味! 但呢到.....好勁o既果皮味....而d魚腸有d苦味! 而火爐又過了少少.....比較dry ! 唔合格!

星期日晚只係六點多就坐了六成客啦!!! 七點只坐滿客! 好彩早d食飯先唔使等位! 今晚老公好肚餓, 所以叫了三個餸 ! 竹笙雲腿時菜- 雲腿咸了少少, 要連同竹笙一同入口才 平衡到d味! ok !沙拉骨- 以前响第到食唔同呢到做法, 但我自己鐘意呢 到多d, 因我鐘意食京都肉排! 佢地整法同京 都肉排差唔多, 又係用醋同咖汁但就冇菠蘿同 洋葱而面頭多了d沙律醬! 味道酸酦地好送飯! yummy yummy !脆炸鬼- 之前見得意所以一路想試吓! 做法係油炸鬼上 面釀上蝦膠再灑滿白芝麻! 好香口! 幾得意!舖頭d湯好正好足料, 老公都飲咗兩碗! 佢而家不知幾鐘意呢到! 又平又正又有靚湯飲! 食完拍拍pat pat 就走得! 唔似屋企煮完食完又要洗碗喎!

今晚可能係禮拜五, 所以多咗人出街食飯! 今晚叫了豬肶骨及魚湯什菜煲! 豬肶果然惹味! 面頭有d炸咗o既蒜及少許\\\黑胡椒! 幾香口! 見有五份二o既枱都有叫! d 男人可以送啤酒! 而什菜煲同上次一樣好味! 而今晚o既老火湯好味....超濃縮! 蓮紅蘿白煲西施骨! 再叫了罐可樂....埋單都只係83蚊! 好過去快餐\\\店! 坐得又舒服又有電視睇又有人攞餸到你枱面!