清真牛肉館 (打鼓嶺道)

營業中

休息中

今天逛完九龍城後，便到了清真牛肉館打鼓嶺道的分店吃晚餐。此店比總店的地方寬敞且整潔得多，所以較總店坐得舒服。此店的其中一個優點是提供的食物有散餐及套餐。前者，種類繁多，計有冷盆類、咖哩類、點心類、肉類、冷麵類、拌麵類、炒麵類、湯麵類、年糕類、豆腐類、海鮮類、飯類、湯羹類及砂窩類。後者則有：二人套餐、四人套餐、六人套餐和八人套餐，每款套餐有兩種餸菜內容供客人選擇。我們點選了二人套餐（含咖哩牛腩絲湯那款），除了此菜，包括有：麻子雞、牛肉餅、辣子羊肉，共$148元，而我們再加添蒸與炸銀絲卷，故一共$173。此店另有值得一提的是：服務態度良好，不時替客人加茶水，味道當然也「頂瓜瓜」，值得在忘開飯。

昨天和男友途經九龍城 , 看見很多人在排途的清真牛肉館本來一心想入內試 , 因為好耐無食 ,但真的很多人 ,於是我們便外賣兩個招牌牛肉餅等左一陣終於有得食啦 !!!! 一咬落去好多肉汁流出黎呀真係好好味呀 再路過一定要再試啦

之前在網上約好到清真牛肉館吃牛肉餅，原本想到龍崗街的老店，但後來出席者越來越多，老店位置不大不能容納，最後唯有由店員引領到打鼓嶺道的新店，據聞質素稍遜，但熱熱鬧鬧吃一餐也無所謂哩。新店位置較老店寬敞，雖然格局也只像放了些穆斯林畫像及擺設的茶餐廳，但畢竟也比較整潔舒適。由於我們人多，只能坐在二樓缺乏裝潢的雅座，白光燈及圓摺凳，像到了市政大樓的街市，但整體感覺也良好吧。 食物方面，由於是清真及新彊菜食店，所以菜式有牛有羊但沒有豬肉，而且還加入不少上海菜元素，如小籠包、酸辣湯及高力豆沙等。我們一行十人最後點了個八人套餐，再加幾個小菜便是。 八人套餐 ($558)：　 清真併盆：有醬牛肉、醬牛筋、醬牛肚、醬牛脷及麻油雞。醬牛肉就是平日常見的鹵水牛展，但較乾身，味道亦較淡；醬牛筋賣相如水晶肴肉，口感較佳，味道也好；醬牛肚為乾身的鹵水牛肚，味道最香濃；醬牛脷很有牛味，但也較淡；而麻油雞夠嫩滑，味道好也不覺油膩。整體好壞參半，建議如散叫可選醬牛筋及麻油雞。 　 糖醋桂花魚：桂花魚炸得香脆，最後以亮橙色的糖醋汁回鑊。桂花魚本身不太鮮甜，醬汁也不見突出，但外皮炸得卜卜脆，口感極佳，挽回不少分數。　 辣子

幾年前來過龍崗道一號的舊鋪，自此對其牛肉餅念念不忘，偶爾也會買外賣過吓心癮。最近少了出九龍城，甚至連開了新店也搞不清楚。是日，約好了朋友去新鋪一嚐 (還是應該說重溫?)清真牛肉餅。星期六的下午，朋友先搵位，我收工馬上趕去，幸好都唔係遲太多，要人等太耐唔好意思呀！瞄一瞄餐牌，發現多了不少選擇，甚至加插了川菜，如水煮魚、宮保雞丁等都有供應。當然，來到這裡是一定不會吃川菜，還是吃番其特定食品。咖喱羊腩一定要吃，頗多的紅油，看似很刺激，其實又不算太辣，但因有不少香料炮製，幾惹味的。先吃薯仔，幾煙韌的，我喜歡；羊腩肉質嫩滑，只嫌稍稍欠缺羊騷味，否則會更加吸引。蔥油餅是咖喱的最好配搭，熱呼呼的蔥油餅，質地軟熟，不會很油，又帶蔥香，本身已經好吃，醮咖喱汁更加無得彈。羊肉春卷剛剛炸起，是熱得燙口的。外皮香脆可口，同是不會太油，更好的是羊肉味濃，我十分欣賞。又熱又皮脆餡靚的春卷，邊有可能唔好食呀，三兩下手勢把它搞掂。主角的牛肉餅送上！有了經驗，今次唔會食到肉汁四圍飛，亦不會燙親咀巴。輕輕咬下，皮薄又軟熟，肉汁豐盈。繼續吃，牛肉質地相當鬆軟，肉味重，肉汁濃郁，好食到不得了，簡直是人間極品。幾款食品皆是水準

今日經過食晚飯有一個月左右無去(對上係外賣咖喱牛腩)叫左個 清真炒麵 離哂譜 個麵無味 又好似無乜炒過 得D 汁及牛肉 以前有隻蛋 而家無埋 極難食叫左個咖喱牛利 D咖喱同以前牛腩D咖喱不同 似茶餐廳豉椒牛河的汁差不多 一D都唔辣 又無咖喱味 簡直不知所謂雖然仍是好旺 但係食物大倒退 仲有伙記十問九唔應下次去番舊鋪試下 再差就BAD LIST

12點半來到, 都要等, 阿姐叫我們行去分店, 都係兩分鐘咁遠, 但有專人帶我們過去呢~上了樓上, 係閣樓; 唔算迫.5人叫了牛肉餅, 咖哩羊及牛, 羊肉春卷, 咖哩角, 山東燒雞, 三拼牛肉等.牛肉餅先上, 好似唔夠舊店好, 有d 係橢圓的...味幾好, 多汁又夠熱, 都收貨喇!咖哩羊及牛都係味濃的, 中辣倒. 牛ok, 羊係好多骨, 多肥, 唔多掂食剩好多, 仲有size 的骰...有相睇, 好細... 咖哩角及羊肉春卷係剛炸起的, 好食! 點d o急汁, 正!山東燒雞比想像中細好多, 半隻, 味一般, 味冇乜, 係靠d 豉油, 唔會再叫三拼牛肉有牛腩牛肚及牛展, 幾好咬口, 但都係牛肚最正!服務ok, 冇投 訴.每人一舊, 當ok 喇!但好似舊舗好似好d!

一向都有光顧呢間食店, 之前係呢一間食開担担麵都有蝦米同埋炸菜的,點知尋日去食,成碗先得一粒蝦米同埋5粒炸菜,少到數得出, 之後同佢個員工講,佢話加番比我,點知佢叫另外一個阿姐加比我,果個阿姐居然話"冇呀,冇得加",仲要態度差加黑面,果個阿姐係舊鋪果邊過黎的老臣子, 雖然呢間鋪的牛肉餅好食,但我都唔會再幫襯

dec 28, 09,同友嚟到,剛好下午茶時段, 叫咗 : 1) 下午茶優惠 (hk$35)i) 酸辣湯-我避開辣油,試咗少少-但都幾有辣意-ok ii) 牛肉餅 x 2件-我嘅目標"人物"-上次去太子馬x莊,友人話都喺9龍城好食d,所以期待已久-個餅皮好熱,好薄,有少脆口添-不過挾到埋碗時,個皮就穿咗,漏晒d汁出嚟-個牛肉餡亦算厚,有肉質之餘亦滑-最後當然將碗肉嘅肉汁喝光啦,美味-的確比馬x莊好 2) 羊肉春卷 (hk$18)-因為原來有每人最低消費 $20(寫於餐牌座下),所以叫多個小食-熱呼呼-個春卷皮炸得好鬆脆,唔算好油膩,接受到,蘸以浙醋來食,有助-低油膩感-中間嘅椰菜絲同羊肉唔多,所以唔突出,比個皮搶晒鏡* 呢間喺分店,總店喺龍崗道 * 侍應客氣有禮...........當只叫完個下午茶餐時..........佢即刻提番我哋有最低消費嘅要求.........之後講咗好幾次唔好意思前,唔好意思後咁............"都喺提吓你啫.........唔好意思呀" * 其實呢2樣嘢嘅出品唔差,其他嘢都應該有水準,很奇怪另1友人話呢度淨喺個牛肉餅好食

實在太掛住牛肉餅, 於是下午再黎食個lunch, 叫我最愛o既牛肉餅~去到總店, 見好多人排隊, 心諗實有排等喇~點知一去到, 聽到有個女人話唔洗等位, 叫我地跟住另一個女人行就得, 果一刻都唔知信唔信好=_=", 跟下跟下, 行左五分鐘, 終於見到呢間舖, 先知原來佢開左分店, 分店大好多, 乾淨好多, 最緊要真係唔洗等嘛~咖哩牛腩咖哩味好香亦好濃, 辣度適中, 唔會覺得好辣, 牛腩好淋, 仲有牛根都好膠質, 好似食左好多骨膠原落肚, 點埋薄餅一流~牛肉餅咬落去依然係咁多湯汁, 熱辣辣, 好好味~

有日去九龍城辦事, 又想起好味多汁的牛肉餅, 於是一行四人去清真牛肉館. 好耐冇去, 去到發現又要等位, 在滂沱大雨中有D徬徨. 幸好接待的女士告知在黃珍珍附近開了一間分店, 又派人帶我地去. 去到新鋪, 環境幾好, 比舊鋪更大, 座位更舒服! 1. 招牌牛肉餅: 記得第一次食唔識死就咁大大啖咬落去, 結果"必" 到成臺都係, 所以花朵叫爆醬牛肉餅. 依然係咁好味, 香脆的皮加埋精華的牛肉汁真令人回味無窮! 忍不住再叫多一隻大快朵頤2. 田園炒雜菌: 味道OK, 不過稍稍為多油一點.3. 麻油雞: 幾香滑的麻油雞, 冇想像中咁油膩.4. 蔥油餅: 熱辣辣o既蔥油餅, 好脆好香!5. 粉皮: 唔記得左係咩粉皮, 入面有雞絲, 肚絲同埋牛肉絲. D粉皮好滑, 碟野好快清完!6. 咖哩羊肉粉絲煲: 佢D咖哩羊真係好軟滑, 冇羊騷味. D粉絲嗦埋D咖哩汁就勁好食! 不過石太就話辣左少許 (小石頭: 唔係啊! 都冇叫加辣, 拿來送飯味道剛剛好!)7. 拼盤: 都幾好食, 所以基本上除左粉絲煲淨返少少咖哩汁, 所有菜都清晒!飯後

一直都知道這家新舖的存在，何不知怎地，每次講起去清真，每次都朝舊舖方向走去。今次，終於的起心肝去新舖 - 的確，新舖寬敞得多，平日午市前往，雖要坐閣樓，但終究未算爆場，不用與他人搭枱。咖喱牛腩湯和牛肉餅是我們必點的。清真牛肉的處理方式，牛肉的鮮味保存得很好，加上肉汁，餡料部份是好得沒話說的；不過未知是否因心理作崇，總覺得很外皮韌性不及舊舖，較易穿，煎得也不及舊舖脆和香。咖喱牛腩湯則保持水準，咖喱香辣而牛腩鮮味濃，加上粉絲，坐在冷氣間熱呼呼地喝下，既美味又過癮！見同事對叉子燒餅有與趣，剛好我也在戒米飯中，就要了一客叉子燒餅，配 松子炸菜牛肉鬆；這兒的叉子燒餅作得不錯，外脆內軟而張口位夠正中，也夠深，是難得在本港以此平民價找到的對板叉子燒餅；唯個子小了些，要多叫一客才勉強包得完那碟 松子炸菜牛肉鬆 - 對，上京菜館吃叉子燒餅，要配上一般炸菜肉末的，一般以豬肉製作，但這兒是回教徒吃的地方，當然沒有豬肉，以牛肉代替，就是這松子炸菜牛肉鬆，就只除了用的炸菜不夠靚，不夠香之外，牛肉夠鮮，肉汁也很豐富，包在叉子燒餅裏，成了「外脆內軟(而濕)，外香內鮮」的個體，味道和口感皆很不錯；只是，太公總究吃不太

一直都聽講清真牛肉館之牛肉包好食到震... 所以一定要黎試一試因為怕多人等, 所以一早book左位, 不過因為我地一行7人, 舊舖叫我地去book另一間分店 (即係打鼓嶺道既呢一間), 咁無計啦, 雖然都知d師傅可能會唔同, 菜式或者會有差別, 都算啦, 但係佢係要人齊先俾入, 呢樣野唔多唔少扣左d分...好啦, 入正題, 我地叫左幾樣餸:牛肉餅 - 之前睇阿so講到好好食, 係好多汁既, 可能抱住好大期望黎, 所以反而覺得好似好一般咁, ok啦 咖哩羊腩飯 - 咖哩好辣, 但又幾好味, d羊肉好林幾入味, 唔錯孜然羊片 - 炒左既羊肉, 唔太咸, 炒得好香, 最正都係呢碟醬牛筋湯麵 - 分開上, 幾塊好似肥膏的嗜喱狀牛筋, 食落冇乜味, 但同行的兩位小朋友卻讚不絕口...牛肉絲麻醬冷麵 - 普通的一個麻醬冷麵, 唔抵食羊肉炒飯 - 呢個唔錯, d飯炒得好乾身, 唔會太油, 飯粒唔會痴埋, 讚!京燒羊腩 - 烤過的羊肉, 外脆內軟, 唔怕so的我真係要俾呢個滿分, 不過怕so的朋友就不要試了, 正!一心諗住試下個牛肉餅, 點知卻發覺呢度煮得出色的反而係羊肉, 不過建議大家有心來試的朋友

清真牛肉館最出名就係個牛肉餅想試好耐了!今個星期終於試到!2個人來, 叫了了牛肉餅 x 2 ($20) & 牛肉湯水餃(好似$22)牛肉湯水餃 : 好味! d牛肉餡同個皮&湯係好夾。 個餡整得很出色, 風味到家牛肉餅 : 等左好耐先到! 點知好油, 係有汁, 但連紅墈包餃店10蚊4個果d牛肉包仲多過佢wor 。牛肉餅唔係唔好食 , 但唔係好好食 , 我覺得萬家燒餅皇個武大郎比 , 同樣係10蚊個肉餡包 , 武大郎好味d & 抵食d ( 大都大d)會再來 , 但唔會係為左牛肉餅。 湯餃唔錯, 聞到咖哩也很香。 不過小菜就幾貴。

今日本身在舊鋪等了二十分鐘度..其實仲有幾張就到..二十分鐘後有一pair男女剛剛到.. 阿姐問佢介唔介意行5分鐘去分店食. 即時有位,o個pair人就話好,,阿姐問埋另一pair比我地更早到的男女&我地去唔去．最後計埋我地三PAIR人都去. 咁阿姐就帶左我地過去啦, 點知去到分鋪, 分鋪門口的阿姐話佢地都full 曬, 又比飛我地,叫我地等等話好快，真係激死！！如果我地唔走．可能已經有位!算！等多十分鐘就有位我地食左４樣野牛肉餅　($20/2)好好味酸辣湯　($24 small size,我地點菜時問左阿姐細有幾多o度, 佢話三碗仔，咁我地得2個就要細啦, 每人碗半岩岩好, 點知黎到, 得2碗仔, 多ｄ都冇）不過好味道黃金蝦：(86/大約八件)好好味，但好似不太抵食清真小籠包(24/4個)　（無影相）ｄ肉係牛肉黎架．第一次食．都OK啦, 又唔可以話好好食！我地岩岩食完野．左同右都各有一張二人枱的食客岩岩走左，有阿姐走過黎問我地ｄ野上曬未，我地答上曬, 佢轉頭就叫左幾個人入黎坐，佢地係6個人架, 即係坐我地個位啦, 阿姐叫佢地坐住先喎, 大佬呀, 我都係岩岩放曬ｄ野落口, 水都未飲,

咖哩牛腩麵分開上的...*好*…咁樣客人就可以按程度落d咖哩汁了...咖哩好惹味呀...雖然係好辣...不過會想繼續食...係口中留著那滋味...牛腩係大舊肉部分不夠稔...麵就稔左少少...清真小籠包個皮厚了點...原來清真就係用左牛肉做餡...個人覺得...都係豬肉match d...不過都佢做到灌湯的效果...牛肉餅望落好似胡椒餅的朋友…我聽到NEXT TABLE 個叔叔講…咬開左個餅邊…吸左裡面D汁…再食連皮帶肉一口咬…好YUMMY 呀~ 好JUICY…餅裡有D粒粒菜…口感加強…又唔會好滯…加上脆的皮! 好MATCH 呀!雖然都已經TEA TIME…都睇住好多人入黎…後尾先知…原來E間係新店…唔怪得咁易有位子喇~