清真牛肉館 (龍崗道) (已結業)

九龍城除左泰國野出名，呢間清真牛肉館都好出色架。十幾年前去既時候，晚晚都排曬隊，店入面就算有兩層都坐到好迫。而家佢地裝修左，響九龍城仲開多左間分店，再加上我星期日兩三點去，人少啲，坐得幾舒服，但係都要搭枱。一係十幾年冇去，一去就一個月去左兩次。牛肉餅，非常Juicy，皮薄䐄靚，啲汁多到半個碗都係，即叫即整，熱辣辣，好好味。咖哩牛腩飯，一黎到飯好大碟，牛腩好細碗，但食落岩岩好。牛腩唔難咬，咖哩唔太辣，薯仔又林又入味。干扁四季豆，個味好出色，但有啲偏鹹同少少辣。