清真牛肉館 (龍崗道) (已結業)

久聞此店的牛肉餅。於是在我的「減肥」假期與男友一齊去。等咗半個鐘就有位，係午餐\時間嚟講都算ok。叫咗:牛肉餅、葱油餅、芝麻雞、咖喱羊腩、雞絲麫。牛肉餅係我嘅至愛！多汁但略醎。葱油餅都ok，我覺得冇乜特別，但男友就食不停口，話香而不油喎。芝麻雞都幾好，好滑味道就似沙薑雞。咖喱羊腩我就覺得麻麻地，對我嚟講就太油啦。雞絲麫都OK啦，但下次會叫粉皮。

人多,但值得等.咖哩沽清, 油豆腐粉絲湯一様好味.反而一眾顧客態度差劣.

我對上一次去食接近10年前=0=""今次去食d牛肉餅係明顯一早整定ga law...以前唔係咁ga....不過咁多人幫襯又真係冇辦法唔咁做....我覺得最好就係趁少人...佢唔會整定晒o個陣先買~

梗係推介牛肉餅啦，好濃好香o既湯汁，遠處聞倒已經好醒神，仲有芝麻雞，幾滑，又大份，咖哩羊肉好似好正，但我唔係好食得辣呀，男朋友係咁話好好味囉，不過當然好多人等同埋d座位勁迫，服務就......茶餐廳服務囉，總之佢地唔憂做啦！

我媽媽聽到收音機講話九龍城有一度d牛肉餅好好食咁我地搵搵下就搵到呢間野但係我就覺得呢間野太細太逼啦要係門口等好耐先有得入去d野都幾好食既同埋做找錢果個態度非常之唔好

前幾日無啦啦去左九龍城,同屋企人來呢度食, 我記得係我第三次幫襯,都等左一陣位。我同媽咪share左一個咖喱羊肉飯,細佬叫五香牛肉麵, daddy叫擔擔麵,另外再叫牛肉餅同一客羊肉水餃。樣樣水準平均, 唔係特別好食,我記憶中個咖喱幾辣但今次唔夠香唔夠辣,個牛肉餅, 我覺得冇d人講得咁好食,我食左咁多次都係覺得唯一賣點係夠熱!我諗未必會再來了...九龍城還有很多選擇呢!!

今天和媽, 阿姨及弟到九龍城半日遊, 半日內吃了三餐!第一站便是到媽媽及阿姨久仰大名的清真牛肉館, 店子小小, 食物雜亂無章, 一時又清真牛肉, 但係又有雞絲粉皮, 醉雞等, 好似有d九唔搭八, 爭在未有日本拉麵!大概1pm到達, 等了不用5分鐘便有位, 預左係搭檯, 同一張檯連我地有2家人加一對情侶, 迫到爆, 算, 都預左!一坐低個阿叔已經俾壓力我地要點野食, 餐牌都未睇, 佢開口問我地要唔要牛肉餅, 咁咪點左先! 佢繼續企響度等, 我地又冇理佢, 繼續睇menu, 再點了咖哩雞+羊, 一客蔥油餅點咖哩! 本來想叫多d, 但我覺得佢好煩, 連麵都冇叫, 我同媽媽講留番一陣去大婆牛肉麵食好過, 唔駛坐得咁辛苦!咖哩先來, 汁都ok, 但唔辣, 雞係一般雪雞, 羊都冇乜味, 反而蔥油餅幾好食!媽期待已久既牛肉餅終於都來了, 一咬落去d汁唧晒落我放響大脾既袋上, 激死我! 我又覺得冇乜特別咁好食喎, 係夠熱辣辣囉!同檯的情侶較我地先入座, 但我地既牛肉餅到了, 佢地都未有, 男的便追問其中一個阿姐, 果位阿姐聽得出好悔氣答佢類似,"係呀, 係要等架喇...."個男仔好斯文, 冇反駁佢,

我唔想寫食評，只想投訴佢聲稱”清真，但係賣醉雞！！！我親口問過伙記，佢講明係用花雕黎浸！！！提提大家，伊斯蘭教徙除０左禁豬肉，仲有禁酒！飲酒同食豬一樣咁大罪！好心啦，用咁多阿拉伯文同中東畫黎裝飾，原來只係做樣呃人．知唔知咁樣好侮辱人地宗教！！！！！憤怒！！！！！！！！！！！！！！！

26/3/2006晚上想食牛肉餅，便來了這裡。點了一客牛肉餅、鍋貼及雞肉餃子外帶。由於醫生要求戒口，所以牛肉餅只了一口便全由BF包辦。牛肉有鮮味、肉汁多，可惜餅皮太厚，而且部份位置餅皮未熟(剛好吃了這裡)。餃子亦是牛肉，故只吃了一隻。可能因為是外帶的關係，雞肉餃子的外皮吃時已經很淋，若堂食可能會好一點。但雞肉是新鮮貨、肉質嫩滑。我們也吃得很飽，要過一會才吃得下合成那碗紅豆沙加蛋。

網上睇食評話呢度d牛肉餡餅好好食，由於去到果陣已經滿晒座，所以買o左兩件牛肉餡餅拎走當下午茶，初時知道要成19蚊先得兩個，第一個反應....... 唔係丫嘛！駛唔駛咁貴？之但係一口咬落去.... ！！d牛肉汁錶晒出黎，牛肉餡又多，實在係正！難怪呢間唔多起眼既小食店連日本飲食雜誌都有介紹過。

又係一間排隊排到傻嘅食肆，所以小弟通常都係六點左右就去，咁就唔駛點等。間舖嘅環境就一定唔合格，太迫，有時要上「樓上雅座」就仲衰，條梯同地面係接近垂直，身手差d都上落唔到，有時仲見d年長人士爬上爬落，真「牙煙」。不過講到食物就一流：1. 牛肉餅必食之選，皮薄餡熱，入面成舊牛肉都係汁，經常爆到周圍都係，好好味。2. 咖哩羊腩咖哩好香，唔太辣。羊腩好腍，唔羶。3. 蔥油餅又香又脆，用黎點咖哩，一流。4. 雲吞雞好大鍋，有三四個人先食得晒，兩個人叫就唔駛食其他野。d湯好清甜，雲吞係牛肉餡(回教唔食豬肉)，好多粒，隻雞唔太「鞋」，都食到。5. 牛拼盤有牛肉，牛肚和牛筋，可選單款，雙拼或三拼。牛肉普普通通啦，牛肚就好腍，牛筋好爽口，最好味。6. 雞絲粉皮粉皮好滑，最好味係d麻醬，好香。

幫襯咗咁多年,十年有多,依家先寫佢d食評,真係....,清真d牛肉餅,簡直無敵,肉汁滿瀉,牛肉嫩滑得嚟有牛肉味,又熱又新鮮,葱油餅夠多葱,又夠味,薄薄地易入口,curry也是招牌貨,d汁夠晒濃,放落d湯麫度,好味!蒸牛肉餃,一口一粒,清清地,中和吓d curry,都係好好嘅配搭,酸辣湯有牛肚、蝦....嚟整,呢度冇豬嘅野食,但我覺得d湯仲好味,雞絲粉皮也不錯,其他湯麫都值得試吓!

牛肉餅無錯係好多汁係入面，咬落去熱騰騰，幾好，但係主角牛肉就無咩牛肉鮮味。咖喱羊肉，咖喱汁不錯，幾惹味又不太辣，但係本人不太喜歡食羊，相信換轉牛腩會好好多。炒白菜仔，幾好。環境不算太差，要搭枱的，都幾多人捧場。

1. 牛肉餅- 汁多無味；2. 咖哩牛腩飯- 一啲都無特別；3. 雙併- 牛- 牛肋- 唔咸唔甜, 啲肉仲黑黑地色雪咗好耐,一啲都唔入得口；4. 辣湯唔好題了。蔡先生介紹以後唔好太信。"回教風味" I bet your pardon?

牛肉餅好好味，好多肉汁．．好香，但係最好味我都覺得係咖哩，同出面嗰啲好唔同好香好夠濃再配埋餅食，點汁真係一流不過唯一未中不足就係成日都排好長龍好野係多人食，所以建議住得近既不如買返屋企食