添記法式三文治

營業中

休息中

7/12(四) 7:30pm上堂前跟男友到佐敦的盡頭覓食-渡船街.此區域入夜後萬籟俱寂,會在此舊區出沒的9成是街坊.我倆先到添記回味一下其招牌法包,要了一個細法包,價格由$15上調至$16.法包依舊是即叫即製,需時約5分鐘.先淺嚐法包,包身外脆入軟,且帶牛油香,作配料的豬手,腩肉,扎肉,嚼肉,醃青瓜及蘿蔔絲味道如昔,略嫌份量稍縮水.久不久來緬懷一下也未嘗不可!

星期六同肥b食完唯珍,d唔好食,食少少,所以唔飽,行返屋企時,經過渡船街,諗住試下買件法包食,間鋪好細,可以坐三個人,獨狐兩味買大/小法包,同蒜蓉包,我買件大法包兩份,切4舊同肥b兩份,我由買完到到手,要等差不多10分鐘,中間都有好多人幫襯,d法包,係即叫即整,之後仲會放入焗爐焗返熱佢,老闆切開時仲聽到吱吱聲(因為好鬼死趣),雖然我買返屋企食,已經無咁趣,但d料加埋d酸羅白絲再加仲趣趣地法包,好夾同非常好味,本來諗住食一件都飽我,食兩件都仲想食,肥b仲話下次一定要即場食,話一定仲正!

Want to try this shop ages ago. Finally today have chance to try the viet. french bread and garlic bread. well we order a long one. The long one (full size) cost $30, and short one (1/2 size) cost $16. The garlic bread cost $4. the french viet bread was very good. very tasty and the bread is so crispy . with the match of carrot makes the bread not too dry. The reheat the both the veit french bread and garlic bread for us. we wait for a few minutes. We like it so much. very crispy and t

半年前係度食過二次之後，就再冇幫襯，因為冇係電影中心睇戲。咁今日去電影中心睇艾慕杜華既《浮花》，散場後特登兜過去渡船角食包。真係冇失望，一件細法包，一支細黑啤，坐響度慢慢飲慢慢食，香脆既法包夾著有咬口既豬手腩肉，加埋酸酸地既紅萝卜絲同青瓜，再撒上黑胡椒粉，帶出肉香，同的酸既菜絲出奇的夾！再加上口感淡淡既黑啤，對我來講，份量又好！酒足包飽後，再慢步踱去彌敦道搭車。真係一個好正既夜晚！

吃罷堂記,再對個錶,時間尚早,姑且行過去添記,看看是否未打烊.幸好,依然能夠以法包相伴,踏上歸途.獨孤一味風行幾十年,法式三文治一係大,一係細,無其他選擇.落order後,越南華橋老細才施施然,將其配料如豬手,扎肉,嚼肉等等,慢慢放在法包內,之後再入焗爐焗一會兒.唔等得想快的話,不如去老麥算吧.焗過的法包,香脆無比.餡料幾隻肉混在一起,又很匹配.尤其嚼肉,真係幾爽.其他配料如蘿蔔絲等等,純屬配角.此味三文治過後,你還對Delifrance的出品還有興趣嘛?

想吃很久了，一直不知在佐敦o那處，亦沒有特意搜尋。有回到附近的糖痴豆吃甜品，行經此店，原來在渡船街!今天慕名而來...要個$30大size的，開二，與愛人分享。果然好好味!非常脆的法包，餡料口感豐富，我很快將它鯨吞了!

冇咩機會行黎呢邊，上次黎個時已經11點後，所以只可以幫襯堂記，冇機會去試添記，今日8點幾就做完自己d事所以點都要試下有幾好味。鋪仔細細，你仲可以見住老闆係你面前整d包餡落法包，叫左一個細既($16)。大既($30)真係一條長法包，我等個時見到2個男仔買黎share食，真係超巨型!!等左5分鐘，老闆就俾左個包我，一咬個口，好熱好脆>v<，個面入面有番茄，青瓜，紅蘿白絲，札肉，豬手，全部mix埋一齊真係好好味，但係d豬手真係太肥美，可能因為前排on-diet既關係到而家都唔敢食d肥肉=_=......浪費左。下次有機會行開呢邊都會買黎食，真係好好味。但係希望老闆放d包餡or將d料切絲個時可以帶手套，比較衛生嘛.......

買了一生人最貴的包，３０蚊的大法包。睇ｄ料都吳係好突別，但係食落口真係超正。忍不住不顧儀態係條街度食哂去！！！好好味！雖然算吳上係絕頂美食，但真係值得大家黎試下架！

上星期六因要到嗰頭附近，在OR搜尋到呢間，有好多笑不過已知有幾多肥肉，找了一陣已找到，真係好似幾古老格局，用來焗包包個爐都好古老，不過焗出來真係好脆，但入面真係好多肥肉，可能瘦嗰D拎去整扎肉，決定暫時失憶，照食可也，真係配合得幾好，唔覺肥可能可咗D酸酸地菜絲，一路行一路食，不知幾滋味，途經一麵包店，新鮮出爐雞批，嘩4蚊有好多人等住買，下次要試，依家食慣美心，都唔記得新鮮出爐嘅味道，真係要去搵番先

去開呢邊行過黎試下先~真係好偏僻呀!~間舖細細~但都算易搵!!$16細既~個包係即時拎去焗熱再加料!! 個包出面好脆呀!!!入面係軟既~配埋特製蘿白絲仲有d肉加埋胡椒~雖然有d肥肉~但係夾埋蘿白既酸就岩岩好喇!好在未食lunch~唔係實食唔哂!!食完好滿足!! 個胃好滿足~味覺都好滿足!會再黎架!!下次夜晚去試埋大家都讚既腸粉先!!

同女朋友去了一個認為係不毛之地的渡船街搵食，跟食評到此一試! 去到見到店內只得2張櫈，舖面細細，十足舊式快餐店，真係唔敢肯定係唔係好食，所以只係落半注，2個人都只係叫了半客試下。老板幫我地切了兩半，遞到我地手，叮囑我地小心熱，果真熱到"辣"手，法包咬落真係好脆，脆啪啪的，d白胡椒的香帶起全個飽的肉香，食落真係一啖又一啖停不了口，鍾意食o既程度，連女朋友都嚇親，結果女朋友仲張佢個半o既一半比埋我食，......係事隔2個多月後o既今日，我仍然難以忘卻個種脆和香，有機會一定會再去，一定要再去!

差唔多幾年la...佐敦八文樓係我成長嘅地方，從出世至六七年前搬走，我响呢度大大話話生活咗二十幾年，之後都間唔中經過，但就無時間行入嚟。今晚約咗女友係佐敦，忽然心血來潮想返嚟故居睇吓，於是花咗十幾分鐘行入嚟...一路上望見以前留下嘅足跡--- 從前成日幫襯嘅茶餐廳、士多、理髮店....真係百般滋味在心頭，好懷念以往細細個响度生活嘅點滴..決定要係度食番餐懷舊一下，首先第一時間走入呢度食法式三文治。呢度我就真係由細食到大la，記得以前只係賣六七蚊一條，估唔到依家叫條細嘅都要成十六蚊，確係十年人事幾番新lor...味道依然係無得頂--- 法包用焗爐即烘，熱到"辣"手之餘，皮係脆啪啪嘅，食到D碎跌晒落地下，好enjoy；餡料依然有扎肉、腍肉、肉醬、酸紅蘿蔔等，D料多到跌晒落地，總之就乜都跌晒落地LA..HAHA ^_^就算佢唔好食我都會話好食LA (吃鄉愁MA..)，何况確實又真係"正"嘅LEI..^_^

沒有特別裝潢，不時有後生仔、老人家去，"唔該一個細既!"、"唔該一個大既開三"。雖然大熱天時，由mtr 行去都已經汗流浹背，店中只有一把風扇，但入去坐低，一路食，一路watch 亞視，不知不覺都唔覺熱。解決了一大個之後，什是滿足。香口碎肉，酸酸地既蘿蔔絲，外脆內軟的法包。儘管不是天下美食，也足以吸引我再來^^相片http://photos.yahoo.com/eatgdfd $30 大法包$16 細法包(越式肉，蘿蔔絲，蕃茄)唔係即刻正，係放入焗爐焗熱既$4 蒜容包

今日放假到尖沙咀揾林小B陪我針灸, 之後行咗落佐敦, 小B話想食添記D法式三文治, 咁就帶咗佢嚟呢度食：兩個細法包- 法包入爐烘前噴一噴水令到焗出嚟更加脆, 出焗後見老闆加入不同材料在包內, 我最鍾意D酸蘿蔔絲同鹹豬手碎, 青瓜片增加口感之餘, 亦有去油膩作用, 整體上會不錯。青檸冰- 雖然不是碎冰, 但整杯充滿清新青檸味, 仲係即叫即整。另外, 我買了檬粉和金邊粉各一包, 下次放假又可以自己試整嚟食。

添記的三文治不是那種令人覺得「很美味/味道特別/好好食」的一類食物，但吃過後會在腦內留下深刻記憶，過一排就好想番去再食，再感受咬一口香脆法包，然後內裡充滿脂肪香味的扎肉，腩肉及肝醬為味蕾帶來豐厚的滿足，再有爽脆的醃蘿蔔中和油膩，一口復一口，滋味無窮。所以小汀間唔中就癮起去買個小法包滿足一下。另一樣有同種「滿足感」的係劉森記蝦子豉油撈面，一定要落豬油先得!!!今日經佐敦特意行去來一客小法包，$16... 係咪好似加左價? 好似上一次去係$15 的。行到成個人好熱好熱，未等到個包就開左罐33啤飲先，其實我都係第一次飲，淡淡地又幾好飲wor~~ good~~ 不過$13 一罐又幾貴下法包依然脆口好食，可能太肚餓所以覺得個飽好細~~ 好快就搞掂左。個人鐘意加重胡椒粉。讚~~~ 諗起又肚餓tim~