添記法式三文治

營業中

休息中

在香港吃到越南法包的地方其實數數下也不算少的，但好吃的就不多，而且味道會記在心裡不散的，就必數渡船角的這間小小店 – 添記。法包先橫切一刀，噴水放焗爐烘熱回脆後，夾入豬手、五香腩、扎肉和嚼肉、再夾上酸蘿蔔絲和青瓜等，愛辣的可要求加指天椒，無論你要少肉多菜、走肥豬肉等，老闆也會答應的。不少食友也欣賞當中的嚼肉，以豬肝同拌碎而成的肉凍；但小比側偏愛香口有彈性的咸豬手，清新瓜菜和黑胡椒辣勁也減少了飽膩感。帶著飽足的肚皮離去了。

因在第一站"堂記腸粉專門店"用餐時, 在面書上打了卡, 被食友 J 留言問終站是否會選擇"添記", 坦白說, 原來沒有計劃過行程, 既然食友提及這裡, 便把終點站定在此了.一間少少店舖, 以外賣作主力, 用一半以上的空間作為半開放式廚房; 晚上客人不多, 因我們胃納已經沒有太多空餘位置關係, 祇點了一個小法包, 再要求老闆分成兩半, 淺嚐一下這個街坊名店的法包味道.等了約5分鐘, 食物出來了, 法包內包裹著很多配料, 肉類分別有 : 鹹豬手, 五香腩肉, 扎肉和嚼肉, 嚼肉是豬肝再加豬肉做成的肉醬, 原來會選用鵝肝的, 但小店式經營, 食物價格也不能定太高, 於是出現了這個地道版做法; 除了肉以外, 還包括了醃過的紅蘿蔔絲, 薄薄的蕃茄片和青瓜, 味道整體配搭出色; 當然不得不提焗得香脆美味的法包, 跟豐富的配料同吃, 味道不會比賣貴幾倍的名店三文治遜色, 可能還有過之呢!小胃納的我們原來已經肚皮脹滿了, 但吃到美味的法包, 還是把每人一半的份量撐下去了, 實在不想浪費老闆的心意.一件賣$25 的小法包三文治, 無論味道和份量都讓人滿意, 這些就是對食物有熱誠的表現, 亦是把客人視作

聽聞添記的法式三文治十分好吃，那次去完澳牛，特意行過來吃，也行了最少十五分鐘。看到其他人的食評，這兒的加價的幅度不細，現在小法包的價格還可接受的，只因出面很多東西也加價加得厲害，如果加料加多一點會更值。有四款肉，包括鹹豬手、五香腩肉、扎肉和嚼肉。也有不少淹過的紅蘿蔔，小蕃茄片，青瓜，也加了胡椒粉和黑椒粒。那個包焗得香脆可口，中間的餡料未算多但也配合得好，夾夾雜雜多種味道豐富味蕾，有些軟也有些肥，有些爽脆也有香脆的，淹過的紅蘿蔔味道較為突出。蒜蓉包也不錯吃，外層很脆中間的蒜蓉很多，即叫即焗相當熱，我想你長途跋涉來也不會省此六塊錢吧。等侯的時間小店內，老闆和客人也看著電視有說有笑的，也有些客人細說喜歡此包，住在港島的也特意前來，她說這兒是香港最好的，不過如要比較外地的，這兒還有很多進步空間。手停口停的，有人欣賞又可找兩餐，在悶的工作中找尋樂趣，日子就會過得很快，下一次來，相信一切會是依舊。

五月在越南食過地道的法包真的回味，知道佐敦有這間店一直都想試今天放低架車俾人吸塵一於找找看. 一入去看到小的25 大的48店主看到我已幫我在無頭緒時要了小法包，五分鐘後再回去取，熱烘烘很香.超脆好味，但d肉有點肥，美中不足

終於食到出名o既添記法式三文治喇! 趁係附近睇戲, 就把握機會, o係度高溫下過o黎。 好彩到達時, 其他客人都係等外賣, so 我o地三個就即刻坐低等期待已久既 baguette。 5 分鐘後, 烤過o既法包新鮮出爐喇! 法包非常脆同軟熟, 配以大量紅蘿蔔絲同酸菜, 再加上不同部位既豬肉, 食味一流。 唯一係如果酸菜可以再酸 d 同有 d 辣味就更加正!大法包 now is $48 蚊, and 細o既係 $25。 加價速度真係好快!

依排做野實在太累了，寫Blog都有D懶了～ 渡船街小小既一條街都有好多出名既食店～　如果搭MTR行過去係有D遠，揸車日頭又難泊位。今次介紹既係香港比較少有既越南法包，一間小小既快餐店清潔整齊。叫左半份法包，老闆立刻開動。咸豬手煙靭有口感，配以大量紅蘿蔔絲及酸菜，即刻豬手都冇咁”膩”。餡料有四款：咸豬手、扎肉、五香腩肉、嚼肉（豬潤加上碎豬肉製成既肉凍，口感似鵝肝）。大家怕豬手肥既可以試下扎肉。等左約10分鐘，熱辣辣法包出爐了；非常脆口份量都好多，女仔可以同人Share~小貼士：一定要趁熱食，因為凍左會UN ga !大法包$46, 小法包$24

我承認本身個性十分深閨，也許是工作太過忙碌吧，放工後和週末期間，我都盡可能賴死在家；即使外出亦多數去市區旺處如尖沙咀或旺角等等，偏僻一些的地方其實我也不太願意去，但最近我發現另外加入品嚐美食的活動，能令乏味的行程增添不少樂趣。話說今日要去佐敦拿信用卡贈品，也趁機去試試網上好評如潮的‘添記法式三文治’。由佐敦地鐵站出發，行差不多十五分鐘至到達，三十度氣溫，去到時已是大汗疊細汗；而且還要拿著地圖，穿過橫街小巷時才不會迷失路。事不宜遲，立刻點個小法包，見蒜蓉包也不貴，也點了一個。老闆先將小法包切開，塞滿四種不同的肉，包括咸豬手，扎肉，腩肉和法式嚼肉；然後灑些水，再放入焗爐裡烤熱，同一時間大大片的蒜蓉包也一起放進烤爐。等等等等…充滿期待的心情…小法包終於出爐啦！老闆跟著放入青瓜，蕃茄和醃過的紅蘿蔔絲，便大功告成了！老闆正想把小法包切半時，我立即大叫‘咪住！’要幫它影番幅全相先。望落都感覺到極之香脆的蒜蓉包…整多個橫切面了解內部結構先…拍完照後我就急不及待把小法包放入口內，嘩！新鮮出爐的麵包果然不同凡響，又熱又香又鬆脆，最出色便是中間那四種不同的肉，各有獨特的風味和口感，咸豬手煙靭，扎肉就爽口，

老字號小店專賣法式越式三文治.進入店後，已見4-5人在等。老闆問過要什麼 (= 一條或半條),付款後便等.等的期間見到老闆沒停過手不斷做三文治.等了約10分鐘我的那份終於有得食!熱辣辣的法式越式三文治到手啦法式長包很新鮮很脆, 內包鹹肉酸紅羅蔔等配菜,好食！之後到隔離茶餐廳加杯外賣奶茶，簡單美味的一餐!!

今日朋友楂車黎到佐敦, 行經添記越法三文治. 突然醒起係Openrice見過, 仲幾好食評, 所以即刻走入去試.雖然外觀就一般, 地方細. 但一去到已經有四五個人係度等緊.我地叫左一個大法包$46, 一個小法包$24首先將條長法包切開, 放入四款肉類:咸豬手,扎肉,嚼肉,五香腩肉, 之後噴小小水, 放入焗爐焗焗左陣攞返出黎, 左放入青瓜,醃製過既酸甜蘿蔔絲,蕃茄等~味道好特別呀, 法包好香脆

以前放學每次都會走去買黎食！今日去完旺角就黎到渡船角睇下有咩食？見到添記都好耐無食啦！就買返條食下先：一大法包一細法包！($46+24)嘩！好多人等緊！我地排係第 5-6 個左右！唔唔......好耐無食啦！〔差唔多兩年無食〕都好似無咩點變，都幾好食．．．不過焗得唔係好似唔夠 "脆"，我諗焗耐ｄ會好食ｄ其他o既都ok！不過我最鍾意就係要多ｄ紅蘿蔔絲！就可以唔洗咁乾啦！又唔知幾耐再會食啦！因為成日食會好熱氣

四點鐘去到一開始唔太識路點知原來係老趙同七仔行入去就係去到無顧客要左一個小法包一個蒜蓉包因為要焗要整所以就等左一陣好快就有其他客人黎聽到話要個大法包切三份老闆好好咁即刻話無問題比我感覺好唔錯！啦啦啦啦啦終於有得食啦蒜蓉包真係熱辣辣超好味！跟住其實我未食過法包今次第一次我覺得好得意！有少少辣辣地有紅蘿蔔同青瓜仲有好多野太好啦行左咁多位不狂我黎到真係好味！不過我四點幾食真係飽到上心口成晚都飽都無食過其他野啦所以其實好味又抵食呀

今次是介紹一下蒜茸包我認為好吃的蒜茸包一定要非常新鮮由於你要排隊, 所以這點一定做得到也要香氣四溢, 這也是實至名歸蒜茸包熱騰騰的很脆我相信在冬天吃更令人感動由於是假日,有很多人排隊我們等了超過二十分鐘才可以取包還有人抄牌順帶一提, 有很多人來購買扎肉應該是回家自己親身弄吧

行過喱度醒起有間好食的法式麵包店,終於試到喇!叫左個小法飽,肉類餡料有四款:咸豬手,扎肉,嚼肉,五香腩肉,其餘的還有青瓜,蘿蔔絲,蕃茄等酸菜,好豐富.法包表皮好脆,一流

通處走走, 通處影相, 走到佐敦去店是非常的不起眼, 但也不是難找店內是有點熱及焗, 應該是有焗爐的關係即使是5點半, 不是UNCH / DINNER, 也擠滿了人, 幸好也不用在街上排隊看看價錢, 大法包$46, 小法包$24其實不算貴, 但看看貼在牆上雜誌報章幾年前的介紹, 價錢也騰飛了很多很多再看看其他食家在1,2月的食評, 又再加價了叫了一個小法包, 等了一會, 在我後面的也取了包, 但我也未取再問一次, 原來焗小了一個, 只好再等等, 但已見一多人, 老闆不用紙筆記下客人ORDER了甚麼的混亂雖然是即焗, 但我取食物時也只是微暖, 而內裡仍是冷的, 應該是造裡的特式吧餡料其實很少,成條包 每樣肉都只有3-4片左右的薄片, 青瓜, 紅蘿蔔絲, 番茄略為也不足另外調味也好像差小小, 有魚露味, 但很淡 (見到有店有賣 nuoc cham, 應該不是用那些吧, 那些味應該很濃的)包很乾, 吃了2/3已吃不下去, 只食餡料.同類的法包, 差不多的餡, 用炭火烘焗的, 更美味的, 都是在Cambodia食到的為最好.但在香港沒有其他賣此類包的店, 也已算OK了

添記法式三文治既舖頭位置絕對係一個叫偏僻既地方，如果唔係揸車的話，真係唔係好想入黎，因為無論搭咩車都要行入黎，雖然唔係太遠，但係要轉黎轉去，好討厭，可是佢又值得我特登入黎喎，簡直矛盾。其實除左添記外，堂記亦係我既心水腸粉店，每次都會先食堂記，後食添記。佢既法包三文治真係做得好好，係出面食左咁多間，都係無呢間咁出色。一個Order完即刻再入焗爐焗脆既法包，夾著淋淋種種既肉類同醃好的蔬菜絲，真係一大美味。肉類大致上有扎肉、五香腩肉、咸豬手及法式嚼肉，咩叫嚼肉，就是豬肝加上豬肉攪碎之後製成一片一片既肉凍，口感勁似鵝肝，但又十分惹味，而蘿蔔及青瓜絲係酸酸甜甜的，配合上d肉類，十分夾，整個包外脆內軟，外熱內冷，十分得意。另外，蒜蓉飽因為即焗既關係，十分脆口，亦好香牛油同蒜味，值得一食再食。不過我覺得d餡料好似越黎越少咁，以前係爆哂出黎架，我都唔記得幾耐之前，我食個時係25一個大法包，到而家已經加價到了42一個大法包了，升價很多，哈哈，可是都係值得既。更多資料：http://hk.myblog.yahoo.com/zysk-c/article?mid=635