添好運點心專門店

營業中

休息中

五月二十日 ，十二點九黎到排隊，目測前面係排左三至四十人。門口已經係打曬蛇餅幾個圈兜黎兜去咁排緊。大概一點五先入到去坐。必叫既當然係酥皮焗叉燒包兩個人叫左八樣野食，真係眼闊肚窄。酥皮叉燒包真係必食，外皮類似係墨西哥包，但個人覺得呢個係再鬆化少少，其實呢個外皮配奶黃餡應該都好正。馬拉糕都係個人必食既點心，不過一拎黎就忍唔住講 咁細舊既？！個份量係得平時食開既一半size 咁。朋友愛食燒賣，個人覺得普普通通。糯米雞完全唔掂，有啲 “叔”味咁。不過份量都大大隻既。春卷香口，夠脆身~而且熱辣辣，好食~兩個人埋單205，講真都少少貴，加上要排隊既話，就唔值得食啦。如果唔駛排，我下次會再食叉燒包，或者外賣食都正既！！

我同朋友5月20日去光顧午飯，今次已經係第三次，覺得點心食物都有水準；但希望佢哋主事人可以睇到我嘅意見，可以做得更好。光顧多次，總覺得添好運嘅服務唔夠細緻。好似我哋食完咸點心之後，想要另外餐具食用甜點，但叫咗幾次都冇人理我哋，好似覺得我哋係多餘嘅，等咗一段時間先至有人攞咗膠叉我哋！其實主動提供另套餐具俾客人享用甜點唔會影響佢哋嘅利潤，但客人就會覺得服務貼心，對佢哋嘅聲譽係百利而無一害，希望佢哋可以做得更好！

不嬲去開深水埗既分店，呢日下午六點經過香港站既分店，無咩人排隊，可以安靜地嘆番個下午茶，叫左添好運出名既酥皮焗叉燒包，唔知係咪食慣深水埗個間，硬係覺得深水埗分店既叉燒包即叫即出爐熱d同酥皮脆身d，但呢間水準都唔差，都ok既！另外叫了家鄉咸水角同腸粉，感覺都係唔夠熱，可能深水埗人流比較多，d點心keep住蒸出爐，所以會熱騰騰d，下次有時間會去番個邊分店！

Quality of food has gone downhill at this joint, which is a shame as we used to go here all the time. Staff are incredibly rude and are only interested in seating the masses of tourists who are fooled into eating at this overrated place.

經過一日遊，大家去香港話食晚餐，呢間點心店長期人龍，我哋去到時間尚早，前面唔多人，不過店面唔大，我哋人多比較難安排，而且坐近門口嘅食客，會比排隊嘅食客睇住，比較尷尬，店員會先比點心紙揀定食物，等咗30分鐘先入到座！坐最入嘅長方枱，座位好迫！位置比較焗， 所以要開電風扇（比較古怪）未入座店員已入定單，一坐低食物已上！ 糯米雞：大隻，糯米煙韌，索晒餡料啲精華！餡料多！ 皇帝菜鮮蝦餃（$30）皇帝菜味道特別，皮半透明煙韌 晶瑩蝦餃（$30）蝦仁爽口，皮煙韌 燒汁金菇牛肉卷（$28）其實係腐皮卷轉了餡，金菇切碎無乜口感，牛肉唔多，醬汁太多，浸晒啲腐皮 陳皮牛肉球（$16）同普通牛肉球無乜分別！枝竹索晒喼汁好味 香滑馬拉榚（$16）馬拉榚鬆軟，味道微甜 鮮蝦燒賣皇（$30）燒賣香菇味濃，蝦爽口 黃沙豬潤腸($46)腸粉皮唔夠滑，黃沙豬潤鮮嫩微甘，好味 煎釀虎皮尖椒（$16）尖椒爽口，魚肉嫩滑，煎得香脆！ 家鄉咸水角（$16）咸水角皮煙韌，外脆內軟，餡料唔多！鮑汁鳳爪：鳳爪炆得入味，不過有啲比較硬，唔夠淋身，鮑汁香濃鳳爪排骨飯：排骨鳳爪入味，不過飯太淋，爛飯唔好味！酥皮叉燒包：酥皮似菠蘿包皮，

台灣跟韓國的朋友來遊玩 身為香港人的我當然就做左導遊啦=] 不過其實我自己都係第一次黎呢到 係台灣朋友睇到旅遊書話想試下 所以揀左飲茶做晚歺 哈哈店面不大 不斷都有人排隊 齊人先准入 不過九成都係遊客黎 點心紙選擇其實好少 不過有中英文版 唔係我都唔知點翻譯好xdum...性價比都幾ok既 友人都相當滿意 不過下次我會帶佢地去下真正既港式茶樓感受下=]

開完會咁啱到下午茶時間，所以行左去香港站入面既添好運，諗住呢啲時間應該無咁多人，好彩一個人唔洗等位。平時中午食飯時間未到12點開始已經排曬長龍，因為無論遊客或者上班族都會黎。呢間添好運坐得有D逼，我見三個人食既有一個人要坐枱與枱之間既gap位，肥D都唔知點算。另我當我用茶洗一洗碗同杯既時候，見到面頭有一層油, 仲抹到DD污積，有需要注意下清潔。酥皮焗叉燒包 $21酥皮焗叉燒包一到既時候熱辣辣，外層甜甜地，好似墨西哥包既質感，一咬開，滿滿既叉燒汁一湧而上，而叉燒肥瘦均勻，彈牙入味，水準依舊!鮑汁鳳爪 $30鳳爪燜到好入味，筋爽皮嫩，鮑汁味道甜甜地, 唔會好似一般酒樓咁咁咸。不足之處係下面無花生，有D寡寡地。

酥皮叉燒包唯一可取，算是還入得了口。沒吃過那麼難吃的叉燒腸，又乾巴巴又沒味道。雖然如此，還是得排很長的隊，主要是位子太少，要等很久。送的茶完全無味，乾脆換白開水好過。

呢度地方覺得都几難穩下，同朋友兩個人都等咗成二十分鐘，反而係人越多越難等位，一枝公最易等，不過就一定要同人拼台。店裡邊位置都比較窄，肥D都難轉身。睇咗下餐牌，點心都係三十蚊以下一件，夠曬平。酥皮焗叉燒包，外表有D似菠蘿油，味道不錯，外邊一層皮脆脆地，裡邊就軟軟嘅，再入邊就係餡了，叉燒都很多，不過覺得有D甜過頭，有D膩膩嘅。鳳爪很淋很入味，入口即化，味道非常好，豉汁濃郁。粉果料很足很飽滿，皮薄透明有韌性，分量挺足的。糯米雞很大一份，拆開來三個人都夠分了，糯米很香，粒粒分明，雞肉很多，整個糯米雞都很香，值得一試。兩個人食咗100蚊，真係差點扶著腰出去嘅，真係夠抵食！

平時周末添好運勁多人，特意選咗上班時間過嚟嘆返嗰早茶，我同同事兩個人胃口細，叫咗幾個小點，包括菠菜餃、燒賣、牛肉丸、腐皮卷；因為唔算係大熱招牌，真正來到要食好嘢應該點下腸粉、糯米雞、蝦餃、菠蘿包等等之類嘅！不過我哋比較趕時間，等位太耐，唯有求其點幾樣簡單嘅嚟食下；菠菜餃里面蝦夠滑嫩，加上菠菜之后嘅葷素搭配有提鮮效果，食起嚟唔會覺得油膩，不過味道有d淡，口感影響咗小小喇；燒賣同埋牛肉丸嘅水準穩定，爽口多汁又彈牙；腐皮卷有d老，食落比較油膩，味道一般；伙記嘅上菜速度好快，一點完隔兩分鐘就幾乎上完了，我哋餓鬼投胎咁塞嗮入肚就拿拿聲埋單走人，總感覺味道一般般，無特別吸引同驚喜啰，下次有機會仲係有時間再嚟慢慢嘆啦！

今日見到一位年紀較大的店員鬧客的情況，很無理由，心想為什麼這出名位於中心地帶的小店竟然服務可以差到如此田地。其實食物質素一般，言過其實。眼見店員趕客鬧客般安排坐位的情況，免費我都不會再去。食客好似乞個位去食野，個店員好似施捨個位被你，超無品。

中午放飯人龍在這一帶聚居, 為了要朝聖品嚐這米之蓮之星, 不惜排45分鐘去試試.首先叫了鮑汁鳳爪, 份量都唔少, 食落外皮有點鞋口, 裡面無乜脂肪, 一食已經見骨, 最大問題係說好的鮑汁在那兒? 完全吃不出鮑汁味, 味道很淡而無味, 十分普通.跟手黎個馬拉糕, 質地都幾鬆軟, 味道偏甜, 整體黎講就幾普通, 看不見米之蓮的功夫.最後試埋酥皮焗叉燒包, 菜式算特別, 酥皮唔會太甜, 因為咁唔會搶去叉燒包的味道, 叉燒包餡味道就普通, 如果酥皮可以焗得更脆口為佳.可能我的期望太高, 但整體質素實在普通, 又一名過於實的餐廳.

只可以奉勸大家，如果趕時間丶講享受，千其唔好去食！ 係門外排隊期間，已經需要畫定點心紙， 入座三分鐘，已經有點心上枱， 因為每一枱叫嘅點心都差不多，大概都係叉燒包丶豬膶腸粉之類。 相比深水埗分店，食物質素只有 80%， 而且，坐得太逼，影響食慾。 最搞笑係只可以加單一次， 即時未夠飽，都唔可以再添食。講番食物，豬膶腸真係非常好食， 食得出豬膶好新鮮丶無腥味， 腸粉本生亦都好滑，我俾 95 分！ 叉燒包亦都好好食，新鮮滾熱辣上檯， 真正皮脆丶肉味濃， 而且叉燒唔 un, 我俾 90 分！ 至於其他點心，只係普普通通，不值一提。p.s. 作為一個食點心既地方，杯茶其實好重要， 但果度茶業嘅質素，真係不敢恭維！

幾個月前在深水步食過添好運的點心，味道還不錯的。碰巧今日和好朋友去中環行街， 於是就一齊決定試試香港站這間添好運。誰知道…“中伏了” 九王鮮蝦腸: 不但鮮蝦細小，而且腸粉皮蒸得太軟太爛，用筷子一夾，變得 “爛蓉蓉”。鮑汁蒸鳳爪:完隻鳳爪上碟，雖然外皮蒸到爛，但是完全不入味，可謂淡而無味，簡直是極度難食。劣評 整頓晚飯只有香滑馬拉糕和陳皮牛肉球的味道是正常，值得注意的是，這兩樣食物不難食並不表示美味。

今天中午剛巧經過IFC分店見到人山人海就心思思想食义燒包，於是外賣一份酥皮义燒包回家食。以$21有3個包來說都算抵食但發覺餡料太咸和太多肥肉，質感和鬆軟度都可以。