深深甜品

營業中

休息中

深水埗不嬲都係平民美食天堂，最近係黃金電腦中心附近開左間 甜品店，頗有名氣，吸引到我同朋有們一齊黎試一試。整間鋪不大，走舊式風格，別有味道。糖水以中式為主, 著名的有 珍珠芋圓豆花，桂花圓子 etcetc.叁元豆花紫色西米，黑糖珍珠，軟糯芋圓, 滑嫩豆花 配合在一起，加上Vanilla 雪糕，為炎熱既晚上降一降溫。 味道ok, 但對於平時台茶飲微糖的我，覺得還是有點甜。木瓜雪耳燉桃膠桃膠雪耳偏爽口，木耳熟透，入口即溶。味道清潤。

深水埗美食團又出動深水埗長沙灣係我成長既地方 就算長大左都會返去食野今次試下都叫新開既糖水店先開係糖水佬對面 仲有附近有長期排隊既綠林 依間深深糖水仲站得住腳 應該都唔差既我相信由於晚餐食得好飽 所以5位朋友都只係叫左3款糖水其中一個係咩叁十豆花係店員推介佢有好多配料 係好新穎 $32有黑糖珍珠 紫薯西米 芋圓 同埋雪糕 下面有豆腐花 溝出黎既味道唔錯既 好重我喜歡既黑糖味 但感覺係一pat pat 我覺得質感上奇怪既紫米露清心丸 $27 紫米露本身味不濃 好淡 我個人本身喜歡低糖 但都覺得偏淡 有位朋友喜歡甜既 佢就覺得冇味 不過佢入面有清心丸加左分 我覺得有返d 甜味 依碗糖水可以叫合格啦 姚膠燉雪耳木瓜 依個最好味 甜度正常 朋友讚木瓜好甜 又唔係好淋 當中亦都有好多料 最正常整體而言 深深糖水可以食既 因為價錢平而唔太好味都可以接受 但短期唔會再食大多都係中式既糖水 如果要多d 選擇 會再幫襯下

今次試下呢間既芝麻胡同概汁西米紫米露。芝麻比較苦，可加多些少糖，20碗大大碗，ok既。賣相好似拉花咁，味道都唔差，唔會太稀戓太結，甜度都係差少少，不過少甜健康d唔錯吖

早放同朋友食下午甜品基於早一兩粒鐘食左蛋糕，而家食返啲冇禁甜嘅糖水。桑寄生蛋茶走蛋 (又話走左蛋會多啲蓮子，但我唔覺😅) ，($22），另加（$7）加清心丸。蓮子清甜，桑寄茶應該有落冰糖，但飲到底好有茶味，唔太甜 👍👍👍而清心丸有咬口，可能因為加落桑寄茶而令木薯粉味唔太重。不過都不錯。朋友點果碗有芋圓地瓜圚珍珠愛玉紫薯西粉露豆花，食左一啖試試，糖水底略甜，但芋圓地瓜圓好有芋頭同蕃薯味，口感煙韌唔淋，都可一試 (當然有其他更好吃的芋圓店，但未必有愛玉食）每張枱都有叁豆花設計。我見鋪頭行懷舊路線，係堅拎返啲舊嘢出黎擺，好真 😍(有彩色晾衫竹😂)失唔失戀黎食都好😂😂😂(坐得耐，縱然店員見我地食完收埋我地啲碗，但都冇趕我地走 😊）

一間想試好耐嘅芋圓甜品店, 記住記住記住星期二佢地係休息架～～～因為我中過一次招第一次食當然貪心眼食個真係乜都有嘅款式先啦, 唔係講笑, 整個甜品豆腐花做底, 面層加滿了芋圓,地瓜圓, 黑糖珍珠, 紫薯西米以及自家製的愛玉! 店主好有心思, 黑糖加紫薯加果凍完全係我至愛的口味, 就咁睇都唔難想像口感同味覺都有好花心的享受至於熱紅豆沙加芋圓是友人的至愛, 試了一啖香濃的紅豆沙及芋圓, 熱食同凍食的芋圓完全是兩種不同的口感, 應該也是不錯的選擇👍

之前有一晚同一班朋友去左大埔燒野食，男友一句話，忽然想食糖水，咁我就捨陪君子啦，話說我已經飽到喊一黎到見到唔洗排隊即刻衝入去，男友話呢間成日要排隊。我地今次好彩！入到去，覺得呢度嘅裝修好靚，好懷舊，我好喜歡呢啲風格，就算食物唔夠打卡，環境都夠影一餐。男友叫左真。可樂檸檬愛玉凍，而我就叫左熱嘅腐竹馬蹄清心丸。個愛玉凍入面有一堆可樂沙冰，好有思樂冰嘅感覺，愛玉凍好滑，檸檬味都算自然，成個甜品酸酸甜甜，好開胃，唔heavy,好岩夏天食，或者食完飯好飽嘅時候食。而我果個，一上到枱嘅時候，我知我一定會食唔哂，因為佢呢度嘅腐竹糖水唔係我鐘意果啲，煲到溶哂無渣果隻，呢度仲係見到一片片嘅。呢碗野，好足料，每一啖都食到馬蹄，清心丸，但唔知係我太飽定係唔係我杯茶嘅關係，我食左半碗就食唔落了。但整體黎講，佢味道係開差的。呢間我認為係近期我食過最有heart嘅糖水舖，一定會回頭試埋佢其他野

大家去開深水埗，我都幾推介這間 — 深深甜品。我第二次幫襯，也是鍾情紅豆沙加芋圓（$18+$7）我試過其他店的芋圓，無乜味，一舊粉糰咁，但深深甜品的芋圓很有芋圓味，配合紅豆沙，味道超好，紅豆沙也不會太甜太漏，講適中，配合芋圓都不是好飽，真的值得一試。平時食完晚飯，在這裡食食甜品傾傾計，也是個很好的選擇。另外，它的裝修很懷舊，被牆的裝飾吸引：寫上「專治失戀，養生有益」😂有沒有失戀都可以去食，生活中仍需要一點甜☺️

甚少到深水埗，週五同朋友食完飯，當然要順便再食！見當時人唔多，而且裝修特別，就決定一試。價錢比外面市區較平，而且選擇亦不少，偏向中式，上菜速度亦快。分別有桑寄生蓮子蛋茶，薑味蕃薯糖水，芝麻餬拼紅豆沙加清心丸，芝麻餬拼綠豆沙，以及招牌芋圓。薑味蕃薯，薑味濃，有辣味芝麻餬味道唔假，有小小即磨粉味，推薦加清心丸最大驚喜係招牌芋圓，有豆腐花係底，而且十分濃豆腐味，唔會無味，珍珠用了黑糖煮最後芋圓好有彈性有足料芋頭味總括而言，真係相當有驚喜，本身諗住隨便去一間糖水店坐下，比左個happy ending

《👴🏻如何叫糖水？》今次試左喺深水埗嘅一間裝修比較懷舊嘅糖水舖。店舖內四周圍都有打卡位，環境非常吸引，餐牌亦都好特別，封面好似一本武林秘笈，糖水選擇都算多，例如有近期好流行嘅芋圓/其他中式糖水。#叁圓豆花 💰33睇圖覺得好滿足，有豆腐花、芋圓、地瓜圓、黑糖珍珠、紫薯西米、仲可以喺四款當中（有雲尼拿雪糕、愛玉、紅豆同埋芒果）加多一款。芋圓大大粒好煙韌，份量都算多，食落唔算好甜。黑糖珍珠而家見到個名都驚，因為驚太甜同埋會太滯，所以忍唔住要走珍珠🙍🏻紫薯西米好普通，只係普通紫色嘅西米但冇紫薯味。但始終豆腐花加埋芋圓既感覺唔係好夾🤔食我估好似有種好油嘅感覺，香草雪糕球算合格。整體黎講，性價比都算高，因為一碗糖水入邊有咁多款材料，可以滿足晒鍾意食珍珠又鍾意食芋圓既你地🤭

之前經過見到呢間好似食熱既糖水為主 都聞落好香 今次終於去試下第二款凍既糖水😋😋 今次見到佢個招牌推薦係壹元豆花 當然唔係講緊個豆花一蚊啦😂 佢呢個豆腐花係有芋圓 有西米 細既珍珠 仲有得簡芒/紅豆個啲😋 講下佢啲芋圓先 真係好有咬口 好彈牙 整體加埋其他 都好好味 食完面個啲 下面就係豆花😛 不過呢 我就建議一路食上面既芋圓 同時夾啲豆花 咁樣去到最後就唔洗食淨係豆花😂😂

夜晚係附近食完文記 同朋友想搵下糖水食 順便傾下計 我又未食過深深 作為芋圓fans 所以黎試下~ .裝修幾特別 但座位幾逼下 會撞到隔離... 今次嗌咗叄圓豆花，椰香西米紫米露 加芋圓.叄圓豆花$33 有豆腐花 芋圓地瓜圓 黑糖珍珠 紫薯西米 配芒果碗野真係好普通 所有配料都中規中矩 芋圓地瓜圓味道好淡 芒果又酸 .椰香西米紫米露$20 加芋圓地瓜圓+$7好香椰汁好香！但紫米露好稀 好似溝咗好多水咁 又冇乜口感 味道okay但真係太稀 .深水埗咁多糖水舖 俾我寧願食 康瑞/甜圓坊 價錢平啲又好食啲~

黑糖珍珠檸檬愛玉黑糖味冇，檸檬味就超大，愛玉正常，珍珠都係，冇話特別q/彈牙。呢個麻麻唔推薦。亝元豆花因為好鐘意芋圓，地瓜圓。所以叫咗呢個，芋圓，地瓜圓很q,但唔重芋頭同地瓜味。豆花夠滑。

每次係九龍區食完晚飯，只要個肚尚有空位，我都一定會提議朋友去深深食糖水！為既就只有一樣野，就係叁元豆花😍就算佢menu上有幾多選擇我都離唔開佢～真係無敵叁元豆花本身由芋圓、蕃薯圓、黑糖珍珠、紫薯西米同豆腐花組成，包一種配料（四揀一：雲呢拿雪糕 / 愛玉 / 紅豆 / 芒果）我多數都係雪糕同愛玉之爭，愛玉有淡淡檸檬味會清新啲，所以正餐飽得濟就多數揀配愛玉～😛佢既芋圓同蕃薯圓都勁重芋頭蕃薯味，口感一流唔會太硬亦都唔會一pat野咁冇𡁻口，$33一碗唔算特別平，但一定物超所值！👍🏻出面果啲冇味又淋既好似食梗麵粉咁...😣最鍾意係佢個豆花底配西米，令你食每一啖都有唔同層次感受到，煙韌嫩滑同爽口，有心機既糖水舖真係要大力推介！👍🏻👍🏻👍🏻

食完晚飯同朋友行左轉街，就轉場去食甜品。經過呢間深深甜品，未食過，睇過menu 又ok 喎，就入左坐。頭先食飯有啲油膩，而家甜品就想食清啲，揀左檸檬珍珠愛玉，果然好清新！朋友鐘意食芋圓，呢度既芋圓口感還好，但味道就幾香，都唔錯。

店子裝潢係懷舊style, 我中意！所以就成功吸引左我入去試一試喇🤣.呢碗芋圓組合 $33有芋圓、黑糖珍珠、紫薯西米、豆腐花同雪糕，都幾豐富架！芋圓數量算多👏🏻夠煙韌！黑糖珍珠好夠味😋紫薯西米好特別！顏色又靚又搶鏡！味道吾會假🤣👌🏻不過豆腐花就麻麻喇，同想像中有出入🙊.後面果碗係合桃拼黑芝麻糊 $24然後我加左芋圓 $7Haha 係咪好似吾太match 咁呢，其實還可以的，為左過芋圓癮，吾理咁多啦😂所有糖水都可以另加芋圓的！🤣.