深深甜品

營業中

休息中

深水埗真系好多又平又好食的小店，今次要介紹的就係呢間裝潢好有80年代風味的甜品店 <<深深甜品>>。深深甜品既裝修行懷舊路線，一行入店內就見到掛了掛了不少港式懷舊物品，好特別好有心思呢望住餐牌上面近五十款甜品，有選擇困難症的小妹用左足足十分鐘終於簡到兩款甜品!!!!!!!!!叄元豆花<$33+2(雪榚))>呢碗叄元豆花吾簡單呢，有齊豆花, 芋圓, 地瓜圓, 黑糖珍珠, 紫薯西米，加兩蚊仲可以整多球香草雪榚!!!味道方面，一個字，正!!!!!!特別想讚下佢個豆花，好嫩滑又夠豆味，好食到停唔到口呀!!!上面就放左黑糖珍珠鮮奶, 另一半放左紫色既紫薯西米其次要讚下個芋圓, 地瓜圓，好煙韌Q彈， 又有淡淡既芋頭地瓜味，芋圓仲有芋頭粒TIM，好味道YEAH~加埋其他配料一齊食，好有層次感，一D都唔單調呢。三十五蚊食到咁高質的甜品好開心呢!台式仙草凍加芋圓地瓜圓 <$20+7>相比叄元豆花，呢個台式仙草凍加芋圓地瓜圓 就真系有D遜色喇 >_<仙草幾滑溜，一開始食覺得幾正，但系食多啖就覺得陣味有D單調....芋圓同地瓜圓

本身特意來回走走睇下高登周圍所有甜品舖邊間值得一試！最後俾呢間特色小舖既甜品舖裝修特色而吸引！可惜。。不僅服務差，味道還是一般般！簡直食完唔止失望，還有沮喪!😖由拎飛等位，職員已經服務差到極！從未試過有一間餐廳既職員可以咁差！直情係幫餐廳倒米！而且其中一名職員黑面黑到全世界得罪佢咁！寧願間餐廳唔請人好過！最無奈係明明企左向門口等位，佢識對住我講無位又不停放其他人入黎！咁其實派飛作用係咩？又唔叫飛、又唔記得客人到場既先後！最重點當時餐廳都唔算多人等！只係前後得3堆客（每堆2個人）！最後係再問佢點解可以放晒其他人入，然後先俾位我！！😡😡😡而且一點歉意都無！簡直從來無試過去管理加服務咁差既地方！其實服務差都唔緊要，最重要等位入場唔可以錯！食物方面，由於只是被門口曾經多人向度等入座，深感好奇想一試！就入去叫左「叄味豆花」試下！味道很普通！只有芋圓跟地瓜圓比較ok，很有芋圓味/地瓜味！其他配料包括西米、珍珠、香草雪糕都無特別，而且香草雪糕好怪，好似假雪糕！而且無香草味！還有豆花很差，太多石膏粉！建議大餐牌可加多一點相片，會更加吸引！其實餐廳服務差都不是重點，但需要安排一個有公平的等位制度！否則得

我成日食深深係因為我有好多芋圓控朋友我又唔算係超中意食芋圓所以我食咁多次都未試過自己叫一碗叁元豆花xd無理由食咁多次深深都無食過叁元豆花咁失禮所以我今次決定入鄉隨族啦～聽落好似好行咁但食落又真係好好食喎芋圓真係有芋味地瓜圓真係有地瓜味呢個好重要因為成日食芋圓同地瓜圓都係一樣味我一直都唔知點解要咁分除左顏色靚d之外原來味道係真係有分別令到碗糖水多d味覺層次架！原來咁多人食係有原因真係好encore-able

已經食過幾次，價錢唔算貴，有一定份量，每個選擇都應該穩陣😆之前夏天食台式冰配芋圓，都唔錯。上次食左桃膠，質感有趣，今日凍天都係叫碗熱的。傳統芝麻x 紅豆沙 + 紫米清心丸。一黎，心諗咁黑嘅？搞番就見番個紫色～～～ e 間糖水都幾足料，紫米好咬又唔會太甜，清心丸都有唔少，好好咬！又有d 甜味～($27)而紅豆mix 芝麻同會好甜，不過紅豆比較出色，有陳皮香。而芝麻就差左少少芝麻糊個種油香。（$22)e 間keep 住都有人，但又唔洗排隊👍🏻

愛玉仙草凍($25) + 芋圓地瓜圓($7)仙草滑溜又煙韌 一吸就滑入口 而檸檬愛玉就有啲失色 檸檬既味道唔自然 有啲似香精味😐加配既芋圓同地瓜圓都整得幾好 軟硬度適中 明顯食得出芋頭同地瓜味 仲食到啲芋圓有芋頭粒添🤡評分：7/10...........................椰汁西米露($18) + 芋圓地瓜圓($7)可能係愈簡單既野愈難整🤔啲西米淋到好似煲左幾個鐘咁 一啲咬口都無💀唔知係突然失水準定不嬲都係咁😶好彩有啲芋圓咬下評分：5.5/10

今次去開深水埗買嘢 經過見到有間深深甜品 個裝修好特別 好有懷舊嘅特色 配合深水埗嘅感覺係一流 吸引嘅眼球望過去 跟住就入咗去食😂😂😂入到去佢哋用嘅碗真係有趣 係用戰鬥碗😂😂😂店員有介紹個傳統糖水係比較有特色 同埋係佢哋每日即磨嘅！ 咁我哋聽到就叫左黎試吓啦 結果真係好香 都幾好食 不過可以再滑啲就好啦😋 值得一讚嘅係佢打磨我嘅傳統甜品唔係好甜 因為有啲甜品鋪係會加糖落去打磨 令到食落好甜 反而仲蓋過咗糖水嗰味..... 而呢間糖水舖就冇呢個問題啦😋🤣

深水步糖水鋪林立﹐主打台灣甜品的深深甜品算是後起之秀十點糖水高峰時間人龍很長﹐要等候十五分鐘才可入店點了兩個糖水 — 檸檬愛玉和叁元豆花這叁元豆花賣相很可愛﹐可以把三款糖水分開的放在一起而且有我最愛的珍奶﹐是必點之選！珍奶的味道很珍奶雖然味道上沒有特別﹐但是在糖水鋪能吃到珍奶的甜品﹐感覺很新奇！紫薯西米呈剔透的紫色﹐本來以為只是漂亮的外表而己。吃下去是濃濃紫薯味﹐十分有趣 ！芋圓也很煙靭﹐有點Ｑ彈的感覺。三種味道都各有千秋﹐好像在台灣十份的感覺。檸檬愛玉也是台灣的經典﹐這裡的配合了椰果使整碗提升了層次愛玉本身算是硬身的那種﹐還有清香的檸檬味一口一口的吃下去會慢慢疊加吃完有很 Fresh 的感覺！中式糖水一向給人很老﹐很悶的感覺深深糖水成功將糖水升級做甜品﹐十分推薦

主餐牌另外個兩張咁架勢應該都係招牌啦朋友係芋圓大lover而我因為太飽想食light d咁就一於佢食叁元豆花我食真．可樂椰果檸檬愛玉啦果然我地都無揀錯朋友話呢個芋圓真係有芋味碗野亦都好足料百花齊放咁好頂癮而我個輕食真．可樂愛玉亦都滿足到我食light d既要求佢係有真可樂撈沙冰同埋清新既愛玉好幫到我解膩同我一樣食到好飽但又想食甜品既貪心的小狗不妨叫呢個

一直都好鍾意食芋圓，每次見到FB Post都會mark底有機會去試下今日十幾年無見嘅朋友約食生日飯，正餐食韓燒，點知限時，食得2個鐘，唔夠時間傾計就上嚟search下甜品，見到呢間有得食就嚟試下我自己叫左個芋圓珍珠紫西迷，另可加一款配料，我就揀左紅豆，個人覺得係最夾嘅，芋圓有地瓜圓同芋頭圓mix，唔係得個口咸，真係有地瓜同芋頭味，好好味！朋友就叫左個雜果涼粉，全部都係鮮果，仲有蒟蒻配撘，又係good嘅！

朋友話深水埗開左間同元朗滔x好似嘅糖水舖係門口等左唔係好耐就入得啦入去到見到有樣叫叁元豆花嘅嘢，入面有勁多嘢😂有豆花+ 芋圓+ 地瓜圓+ 黑糖珍珠+ 紫薯西米，然後再有得選擇加: 雲喱拿雪糕/ 愛玉/ 紅豆/ 芒果😍😍😍真係好豐富呀，即刻無諗其他😂😂😂今次就揀左配紅豆🥰正呀😍😍😍好滿足呀！！！珍珠好好味！加埋豆花都好夾！下次我會試下加愛玉😁

除咗買咗煎釀三寶俾同事做宵夜之外，另外我都買咗一人一碗糖水。深水埗嘅糖水選擇其實都非常之多，我哋兩個今晚都想食芋圓。咁岩呢一間深深甜品咁岩就幫到我地。佢既糖水有好多選擇。不過我地情傾芋圓。叄元豆花—— 非常豐富，入面有豆腐花、芋圓、地瓜圓、黑糖珍珠、紫薯西米。仲可以4款配料入面揀一款加。倒如香草雪糕、愛玉、紅色、芒果。一碗配紅豆另一碗配芒果，如果堂食既話，我一定會配雪糕。所以材料既咪道都好夾，芒果好甜、一d都唔酸，黑糖珍珠好香黑糖味，而紫薯珍珠好特別，不過紫薯味唔太重。芋圓、地瓜圓好煙韌

深水埗區不嬲多美食😋😋今次黎左呢間糖水舖食芋圓配料好豐富，有紫薯西米，珍珠，地瓜圓，芋圓同香草雪糕味道濃郁😋不過芋圓就略嫌唔夠彈牙同冇乜味反而其他配料比較好食🤣另一碗就冇左香草雪糕，要左愛玉，愛玉有淡淡檸檬味，好食😋😋😋

媽媽上星期帶我和內地回來探親的姨姨周圍找好吃的，順道買一點香港🇭🇰港式手信比姨姨帶回鄉，那晚去了深水埗黃金廣場買了些電腦💻用品，買完財散後就頓覺口癢，忍不住一起去吃糖水深深甜品，在桂林街中段，容易找而裝修看起來都很新淨光鮮，內裡的裝潢很有港式懷舊風味牆上掛了不少港式懷舊物品有郵箱📪、摺枱、器具，甚至收銀位置亦相當花心思，媽媽和姨姨都覺得很親切有趣深深的餐牌很有設計感，糖水主要分四類：<港式糖水> <養顏糖水> <潮式糖水><冰凍糖水> 接近50款的選擇～～仲有近年大行其道的芋圓🤤我們四人點了四碗中式糖水，兩碗熱的桑寄生蓮子蛋茶，一碗石磨芝麻糊跟遠年陳皮紅豆沙我點了凍的石磨芝麻糊湯丸，包含了兩顆大大顆的芝麻湯丸，為芝麻糊生色不少，湯丸外皮黏韌，不算太厚，是我喜歡的厚度，質感煙煙韌韌，所以咬下去也不錯～～媽媽點了熱的遠年陳皮紅豆沙，紅豆份量算多，陳皮味不重，有點清香，紅豆沙煲至起哂沙兼帶有紅豆蓉，綿而不淡，以$18的價錢吃到用心機熬煮的港式糖水很值～滿口芝麻餡料，也帶了微微的薑味，而且芝麻糊因爲是石磨的，口感幼滑，芝麻味出色香

同朋友去黃金買完電腦配件,話咁快就9:00,當然要去食埋個甜品,咁就完美係附近轉左一圈,一見到呢間咁有懷舊風味既糠水鋪,就決定去試試.入到去,無論係店鋪既裝潢,連餐桌椅子都好似返左去舊時.下次有機會都要帶老豆同媽媽黎懷念下.石磨核桃糊湯丸(熱)$29:核桃糊磨製得非常細緻滑順,食得出用料相當實在,還未入口就聞到滿滿既核桃香,甜度亦控制得宜,微甜不膩既口感讓人忍不住一口接一口,配上兩粒皮薄餡香既芝麻湯丸,十分美味,徹底滿足蛋白杏仁茶湯丸$31:杏仁茶甘醇不澀,裡面加了嫩滑既蛋白讓其更加稠滑,隨著熱氣傳來陣陣杏仁既香味,讓杏仁茶喝起來淡雅芬芳,卻一點也不會甜膩,加上兩粒皮薄餡靚既芝麻湯丸,真係無得輸

記得之前在元朗吃過一間類似的甜品店，同樣以台式、港式懷舊甜品為賣點裝潢格局都差不多，應該是姊妹店～上次吃的時候應該差不多一年前了，記得味道好像都不錯的，便跟友人一同前往餐廳內的食客有不同年紀，比起新派甜品店還多了一點老友記，老少咸宜環境較擠迫，可能因為星期六晚上寧舍多人，亦一直有食客在外面等位！基本上所有的甜品都是偏向中式或者是台式，中式的就有芝麻糊、紅豆沙、綠豆沙台式的有近年新興起的愛玉、芋圓、黑糖珍珠、紫薯西米、地瓜圓等等的素材製作甜品芝麻糊湯丸 $20 + $7用飯碗size的戰鬥碗來呈上芝麻糊湯丸芝麻糊口感細滑，完全感覺不到顆粒而且具芝麻味，較杰身的黑糖珍珠檸檬愛玉 $27朋友點了這個，小清新系列其實基本上不需要擔心會過甜或過酸，吃上去就是淡淡的甜味道，混合點檸檬味，黑糖味不太多～