深深甜品

營業中

休息中

近排成日西式甜品，突然好想吃懷舊港式糖水，襯今晚在深水埗就到朋友介紹的「深深甜品」吃糖水。雖然有大熱的台式芋圓，但吃膩了就只想吃最原本、最吃到舊香港味道的糖水。裝修用了舊涼茶舖做藍本。於是點了《熱芝麻糊拼紅豆沙 $22》店員介紹我食芝麻糊拼紅豆沙，分開两款平時就食得多，冇諗過原來咁撞起嚟又幾有風味，一試便愛上。入口滿滿芝麻香，本來香滑冇口感的芝麻糊又變得有口感，因為有粒粒實在的紅豆，又幾得意，先來的芝麻味後來的紅豆味。《熱清心丸配綠豆爽 $22》清心丸彈牙煙韌有嚼感，味道微甜，口感與芋圓不同，各有特別。綠豆爽份量多，當中還加入了薏米很健康！深深甜品堅持用高質材料製作，怪不得用料足、份量又夠，價錢都只是廿多塊，性價比很高呢！

今晚經過深水埗桂林街，見到有間裝潢幾特別的糖水鋪，牆上都用舊物裝飾，如舊式信箱，帶有懷舊風格。有港式糖水、養顏糖水、潮式糖水、台式冰冷糖水，最近天氣開始轉冷，所以今晚我地點了傳統的港式糖水，有冷熱選擇，我地當然食熱糖水，食完暖笠笠。裝糖水既碗都用舊式瓷碗，仲印住「戰鬥碗」，好得意，店內還有其他有趣既地方等你發掘。石磨合桃糊湯丸 $29合桃糊一般較稠，而合桃露較稀的。而呢度的合桃糊磨得順滑細膩，稠密的口感有種滋潤感。糖水帶有果仁香，而且不太甜，剛好中和湯圓甜美，湯圓餡又細滑又香甜，濃郁芝麻香亦好夾合桃糊味道。。在冬天時食合桃糊，可以溫暖身體，而且合桃補腦補腎、潤腸美顏，男女老幼都岩食。遠年陳皮紅豆沙 $18紅豆份量頗多，而且大大粒香軟粉綿，煲至起沙，雖然紅豆夠甜，但煲出來的糖水不但唔會過甜，仲有紅豆香同淡淡陳皮清香，食完唇齒留香。紅豆沙也很適合冬天食用，陳皮具健脾理氣、燥濕化痰、緩解經痛等等，紅豆則可以美容養顏、排水消腫，所以好味得來又對身體好。覺得好好味，食哂完勝! 雖然鋪頭細細，但環境裝飾特別，價錢合理，服務仲好貼心，可以自拍打卡食糖水既好去處。

深水埗多美食，剛剛在黃金附近填飽肚，就比深深既芋圓吸左入去，佢有個叁元豆花，主要係豆花，芋圓，地瓜圓，黑糖珍珠，紫米再可以選配雪糕或其他，見好多人都點了配雪糕，我個人比較中式，點了紅豆，上台就覺得佢賣相打卡一流，影左張靚相就開吃，芋圓，地瓜圓都好香芋頭同蕃薯味，黏黏韌韌，好好口感，配紅豆有點甜有點沙，讚，３３蚊好抵食，黑糖珍珠亦好香黑糖既焦香，西米相對甜度就比較低，而底下豆花亦好香豆味，只差一點唔夠滑，但整體都好好食，超值。

今日同朋友係深水址食完dinner,大家仲好口痕，快定轉去下一埸 食甜品！😂就係黃金附近，俾我地發現到有一間好懷舊既店。原來係一間糖水舖黎架！好得意，無論裝潢，枱椅子，收銀等等都好懷舊feel!係深水址呢度既舊區開，更加有風味感覺！都有好多糖水既選擇，樣樣都好吸引。呢度出名食傳統糖水，所以最後都係揀番d港式糖水喇！☕遠年陳皮紅豆沙 👍 😋一碗都係$18。呢碗紅豆沙煲到起哂沙，好正。好多紅豆好足料，煲到粒粒都出哂味，好有咬口！陳皮味好出，食落好香濃。甜度亦唔合太甜，岩岩好。唔會覺得膩。😀🍴薑茶湯丸 $18薑味十足！！濃濃既薑味煲到有陣辣味出黎。湯丸好入味，好香既薑味。熱辣辣好暖位！湯丸大大粒，滿滿既芝麻料，香濃不會好甜！😍

同朋友食飽飽，個胃既甜品區就好空虛。😂決定周圍搵糖水舖 來個happy ending ！！等大家可以傾多陣計，見耐少少！😀見到呢間好多人食，好熱鬧咁。係外面望入去好似以前啲舊屋既feel咁，裝潢好懷舊feel! 好新切既感覺，令人覺得好似係屋企食媽媽煮既糖水咁。😀😀價錢好親民大眾化，唔貴。都係十幾廿蚊就有！👍好抵！出面真係賣少見少了！😍選擇亦很多，除了傳統既中式糖水，還有好多唔同款既糖水。岩哂大家揀！我就揀左碗 ：出面好少有既雙併 核桃糊 併芝麻糊 👍🍴香濃細滑既核桃糊加落 黑濃既芝麻糊上！太match!食落味道好有層次，好香滑！！而且做到好澀。唔會覺得稀。味道濃郁得黎又唔會話好甜。芝麻味同核桃味都好重，但又唔會做到搶左隻味，各有味道！👍朋友就叫左：滋陰進補既 桑寄生蓮子蛋茶🥚！具有解濕熱功效，健康既藥材糖水。味道甜甜的，唔洗怕藥材味太苦入唔到口。而且好足料，落左蓮子蛋，百合。隻蛋又係煲到好入味，感覺好似食鐵蛋咁，好有彈性！😀

香港地道的糖水店不多，大多都是迎合年輕人和潮流的西式、日式和韓式甜品。今晚走到食肆眾多的深水埗，雖然眼見有多間連鎖式甜品糖水店，但似乎沒有那種親切的懷舊感，再走到桂林街看到這家門面有特色的「深深甜品」便吸引了我過去，細看餐牌上有大半都是傳統糖水，裝修又大玩懷舊，很有感覺，一於試試！職員介紹他們想持堅保留港式地道糖水文化，材料重質重量不馬虎。《桑寄生蓮子蛋茶 $22 （熱）》眾所周知寄生蓮子煮蛋是很好的滋陰養顏糖水，而且味道也很好, 不會是藥材味，而且對女性周期性不適也有舒緩的作用，我當然要點碗來補一補！蓮子份量多又稔，沒有苦澀味；糖水甜度剛好，易令人接受；而雞蛋都很入味至變成深啡色。《清心丸配綠豆 $22》最喜歡清心丸煙韌彈牙，咪道微甜不寡；開邊綠豆中混有薏米，很清潤的感覺，適合現時的秋冬天氣！整體來說深深甜品價格抵食又有質素，值得支持！

依家地鋪租金貴已經係定律，每格階磚都係錢！今日去左深水埗嘅一間糖水舖，唔止有裝修，有好多影相位，都係一啲舊式香港嘅用品，例如月曆，信箱等等，很有懷舊嘅味道！ 對於甜品扺擋能力係零嘅我，見到個menu 真係唔知選邊款，唯獨有一個叁元豆花係做緊promotion, 一碗有豆腐花，芋圓，地瓜圓，黑糖珍珠，紫薯西米，而且可以：香草雪糕，愛玉，紅豆，芒果四選一都係$33,極之抵！！！我再叫左我心愛嘅清心丸！第一次食紫色嘅西米雖然紫薯味道唔出, 但係見到個樣咁靚都開心啲! 黑糖珍珠甜甜地有少少綿花糖味, 豆腐花分量多, 仲有香嘅豆味同埋十分滑溜. 清心丸煙煙韌韌, 由細到大我都好鍾意食鍾意清心丸, 見到呢度有十分開心! 其實一次過食到咁多心頭好,仲有唔同嘅味道和口感, 都只不過係40蚊, 真係好耐冇試過啦!

食物賣相絕對是吸引一個未曾幫襯過之顧客來的主要目的, 一個色彩繽紛的大集碗就是我今次來的目標、 目標早已鎖定故此在門外看了三二一秒便已(中 )入店內。。裝修設計貫以一般懷舊裝飾， 綠與白的懷舊地磚加上陳陳舊舊、 就彷如跌倒入時光隧道六七十年代的屋邨店內， 餐廳大部份九成都是中式糖水， 既然已鎖定目標所以亦不作他求~要來一碗叁元豆花HK$33.裏面包括有紫薯西米/黑糖珍珠 /豆腐花/芋圓與及地瓜圓, 另外還可以在四款額外配角中選一款( 香草雪糕/愛玉/紅豆與及芒果) 自己面揀選了最偉大路之紅豆~咬在口中的芋圓與地瓜圓煙韌度無庸置疑,不過香氣卻感欠奉、 再往底層的豆腐花身上移， 亦同時敗畢於此豆腐花也是吃不出豆香味道、 唯獨可以讚的可能就是那細細的黑糖珍珠， 黑糖味道甜香、珍珠亦烹煮得有彈性， 紅豆就如目測相片中一樣~整體以這碗色彩燦爛的糖水而言, 個人只覺得好睇、好吃度只屬一般、 在香港要找得到一間製作芋圓好吃的店舖其實真是有點難度？

一行10人搵深水埗搵糖水！記得年幾前食過佢地元朗分店既經驗十分差🤦🏻‍♀️但朋友話佢食過深水埗lee 間覺得唔錯🧐比朋友說服我比多次機會佢🤔夜晚11點人流正常既，唔洗排隊，一入就有位坐椰汁西米露加芋圓 (芋圓+$7)芋圓正常但唔係算係有"驚為天人"既感覺不過不失咁law店員有問朋友加唔加淡奶如果喜歡淡奶既朋友可以叫佢加🤣桃膠腐竹馬蹄露馬蹄幾爽口唔錯👌🏻叁元豆花比上次印象係好左既，算易搵位同好坐一班人吹水既😂不過如果要排隊我唔會首先考慮

走懷舊風嘅餐廳對我嚟講係特別吸引嘅！一入到嚟，已經俾啲裝修及檯凳吸引住！叄元豆花配芒果 ($33)隨便睇吓個menu，已經知道係要食呢個！一碗有齊我最愛嘅材料，仲洗諗嘅？！成碗都好足料，芋圓及地瓜圓味道夠濃，雖然唔係超級彈牙，但非常有咬口感，起碼掟人都會反彈返嚟，而且唔甜；黑糖珍珠味道好濃郁，但如果冇咁甜會更好，不過口感煙韌，咬得好過癮；紫薯西米口感就好喇，不過紫薯味唔係太濃；仲有滑溜嘅豆腐花，加埋新鮮芒果，整個組合無得輸，啱晒好貪心乜都想食但又揀唔到食乜嘅朋友

深水埗出名多好野食, 所以我放假都成日去深水埗食野架~食過豬膶麵後, 覺得肚仔仲有空位剩記得朋友講過話附近有間叫"深深甜品"糖水便宜又貨真價實所以就同朋友提議食個糖水潤番吓 深深主地港式糖水, 芝麻糊合桃露更是石磨, 相當足料 另外仲有芋圓食呀, 都好多款選擇~ 價錢方面個人覺得幾平、幾抵食, 十零廿蚊就有一款, 以後放左工都會多啲落黎幫襯下~ 呢款甜品真係相當吸睛呀!!! 係芋圓豆腐花黑糖珍珠糖水呀! 只係HKD 33 就有齊豆花, 芋圓, 地瓜圓, 黑糖珍珠, 紫薯西米 另外可再選一款: 香草雪糖, 愛至, 紅豆或芒菓 超正呀! 忍唔住了, 立即點了一客!!! 嘩, 賣相超靚, 紫色好好好靚呀!! 材料望落去好豐富呢~ 味道方面, 真心唔錯, 好好食呀! 底下鋪上了厚厚既豆花, 又香又嫩滑又夠豆味 上面就放左黑糖珍珠鮮奶, 另一半放左紫色既紫薯西米 黑糖珍珠好鬼死煙韌, 唔會太硬, 軟硬度剛好 而紫薯西米就好特別, 雖然西米味唔重, 但配埋Q彈既芋圓同地瓜圓真心正 香草(雲呢那)雪糕都超好食!!!!個人覺得有少少焦糖味 整體來講呢客甜品真心好食又高質! 之後我們又

遠年陳皮紅豆沙 紅豆軟腍 起沙 甜度適中👍紅豆粒粒分明🤤豆香叁元豆花 料多 最岩咩都想食咩都想試嘅吃貨😂😂有豆腐花做底 配搭芋圓 地瓜圓 黑糖珍珠 紫薯西米 再配個雪糕🍦超正！ 紫薯西米幾特別 淡淡紫薯味 不錯👍清香！

冇幾耐之前loop instagram見到呢間《深深甜品》啲糖水賣相超級引激發起我嚟幫襯佢嘅衝動,所以今日阿肥就帶咗我出深水埗覓食喇。嚟到之後我發現呢個地舖之前都已經嚟過,而之前都同樣係一間甜品舖嚟,咁就應該係易咗手啦,連名都改埋,新裝修成為一間極具舊香江情懷嘅主題甜品店,頗有特色。連餐牌都整到成份秘衱咁,創意滿分睇完之後就決定咗要嗌番幾碗傳統糖水。蛋白杏仁茶湯丸($31蚊),呢碗熱食不得之了,杰身嘅蛋白份量充足,再加上運用杏仁味香濃嘅杏仁茶撞起之後攪著吃更為有口感,一啲稀溜嘅感覺都冇,正宗做法並無取巧。另外湯丸有芝麻餡料,煙韌好味桑寄生蓮子蛋茶($22蚊),平時我都好小點呢款糖水因爲覺得好多地方都整得冇乜味道,但見呢幾日秋風起都想滋補一下。估唔到深深甜品會咁用心去煲出呢一款養生之物,桑寄生茶濃郁回甘,蓮子剥咗不特止仲會抽清埋中間啲心出嚟,味道仲要十分香甜,女仔飲用好補㗎鮮雜果仙草凍($30蚊),往往呢種產品都逃唔出阿肥嘅手掌心鮮雜果包含咗西瓜+芒果+哈蜜瓜三款,全部都係佢嘅至愛,仙草凍並唔係普通涼粉,而係正宗地道台灣口味,口感爽滑嘅𥖁型仙草凍呢！另外仲有Q彈椰果配襯住,味道甘香帶甜非

今日放工同同事去咗黃金電腦商場, 點知我都執到啲筍貨, 兜咗兩個圈腳又攰又肚餓, 本來想食碗出名嘅車仔麵, 點知兩間都勁多人排隊, 朋友話想同事話想搵間舒舒服服坐仲好唔好同人逼, 見到呢間新開嘅糖水舖我哋就入咗去.見到有好多唔同款式嘅糖水同埋甜品, 真係花多眼亂, 沒有太費神去選擇食什麼, 睇到有補腰嘅合桃糊, 就點做呢一款, 仲加咗$7, 要咗桃膠.合桃糊食到係即磨嘅, 有少許一粒粒嘅合桃碎，都幾夠濃同埋算係傑身, 同埋份量都幾大, 唔會細細碗咁, 夠飽肚，原來合桃多吃會抗抑鬱同降膽固醇，很是健康！桃膠個色都幾襯碗合桃糊，桃膠口感爽滑煙韌, 它是一種天然的健康食品，內含有豐富的氨基酸，能促進膠原蛋白被人體吸收, 兩者都好有益補身！今日好開心，電腦商場又執到筍嘢，又食到美味有益嘅糖水，甚是滿足！

咁啱晚飯後黎開深水埗買電話卡，同朋友幾個人想搵個糖水舖坐一坐。見到呢間深深甜品新臉口，就貪新鮮黎試一試。呢間甜水店既裝修係行懷舊路線，牆壁上仲要貼上九龍皇帝曾灶財的字，真係好似返去以前70-80年代咁。我哋總共點咗三款糖水－蛋白杏仁茶、叄元豆花、薑茶湯圓。蛋白杏仁茶蛋白杏仁茶好濃郁，完全唔似有啲舖頭係用即沖粉開既味，口感好順滑甜度適中，推介。薑茶湯圓送到枱前已經聞到濃烈既薑味，有五粒湯圓，不過味道就普普通通啦。叄元豆花港式風格糖水舖食台式風格既糖水？有點兒格格不入的感覺。但就我所見有很多人點這款糖水，一於跟一跟大隊先。呢個糖水好豐富，入面有齊豆腐花、芋圓、地瓜圓、珍珠、紫薯西米。另外仲可以免費跟多個配料四選一，我哋一個揀咗愛玉、另一個揀咗紅豆。呢碗糖水超足料，成碗漲卜卜咁，好推介餓底既人去點，咁大碗都只係$33。整體黎講質素都OK，最緊要係都幾抵食，可以一試。