深宵食堂 (已結業)

超好吃的串燒第一推介荔枝煙肉卷！一入口，爆汁，一甜一咸，好match好驚喜！第二推介 雞泡魚乾！配沙律醬！送啤酒一流！吾會太乾，好有魚味！第三推介芝士年糕！流心的！個芝士超好食！有creamy的感覺！不過不是很煙韌，呢點可以改進下😕第四推介當然係燒菠蘿！好甜！一點也不酸！有8舊！要encore再點！其他食物都好食，不坊一試！羊扒也不錯，會切好曬先上菜，方便進食！蒜片牛肉好juicy，超香蒜味，而且係濕炒，不會乾爭爭！蝦都好厚肉，好彈牙，不過蒜味吾入味，係燒完後期加上去的感覺！整體超高水平，一定會再光顧😛❤️

長假黎啦,又係時候食串燒,今次我地黎左銅鑼灣終於有機會黎啦!!餐廳環境都幾闊落芝麻雞翼 成餐最好食就係呢個!雞翼個皮燒得好脆入面雞肉仲保持嫩滑,熱辣辣正呀!原本對佢冇咩期望,以為係普通野點知又燒得幾杳,隻菇燒完仲係幾juicy汁燒金菇肥牛卷 薄薄地既牛肉包住大量金菇,金菇爽爽地細細件好的式,牛肉唔算好肥,但成舊都油左少少不過味道係ok既煙肉荔枝卷 用煙肉包住荔枝,荔枝唔算好甜而煙肉亦唔算燒得香口,整體唔太夾上面用左椒鹽燒,雞軟骨粒粒脆身幾有咬口!

今天同男朋友黎到深宵食堂,大堂外因為需要排隊已經過左預約時間不過上到6/F門面不大,有著各式各樣不同的店鋪深宵食堂利用電話下單點餐,其實真的方便更多食物種類唔算多,不過食物不錯,上菜速度都算快吉列廣島蠔(4隻) ($42)價錢親民,味道都不錯芝士蟹肉玉子燒($78)芝士味道濃郁,配上蟹肉的玉子燒再加上蕃茄醬汁日本黑豚肉飯($42)吃是常識吧,薄切的黑豚肉味道香濃墨魚大板燒($42)燒餅上的舖了大量木魚和紫菜碎配上醬汁,香口又軟熟鹽燒鯖魚($48)開頭以為鹽燒鯖魚會好硬,但出到黎鯖魚肉與軟滑蟹肉沙律($42)份量都比較多, 啖啖蟹肉配上沙律不錯的配搭

禽日同朋友 去到 銅鑼灣食野 ，佢話想食日本嘢所以我就去深宵食堂，因為之前食過都覺得唔錯啲嘢，都新鮮，所以今次我再同佢講話不如過去食。去到八點半 ，唔使等位就有得入去入到見到有唔同嘅選擇，最後我哋選擇咗和風豆腐同牛舌做前菜牛舌偏乾，但係味道十足，點左醬汁味道唔錯，所以整體黎講幾好食， 都燒得啱啱好好軟熟又香,和風豆腐好滑好大舊,食到幾舒服開胃荔枝煙肉好juicy,荔枝好新鮮,好多汁 ，煙肉都好好食 。燒魷魚筒味道好食煮得啱啱好又唔會太甜，小食整體都幾好食 。整體嚟講味道都可以最後每人價錢230蚊都可以接受。

夜晚都仲係超熱 ，太陽勁猛烈 ，求其搵間食，係樓下都要排隊，都冇帶咩期望入去 ，只係想嘆冷氣，銅鑼灣搵到間人氣嘅！嗌左D串燒 同 鵝肝飯,驚喜地好食鵝肝鮮甜好味 、飯都好正 、好煙韌 、又入味 。 帶子串燒好鮮甜,好有咬口！甜薯林左D,可能出黎果陣遲左,但都幾甜！芝士年糕外皮好脆,年糕唔算太膩,食完都飽飽地蒜蓉大蝦好大隻,蝦肉幾滑 ;p最後食埋蔥卷,燒得好乾身,味道唔差 ^o^下次都可以再黎,服務都幾好 !環境好正 ,岩晒輕輕鬆鬆食個飯 ,又唔吵

一直都想黎依間深宵食堂,不過朋友約左幾次都唔得閒,到左今日終於約到啦先叫咗杯巨蜂提子梳打，飲第一啖嚇親因為好甜，沉哂底d糖漿之後攪勻咗先正常翻！叫咗呢個冷盤，麻辣牛舌！口感幾特別，唔會太辣但又有麻嘅感覺大阪燒，都煎得唔錯，係個燒汁酸咗d!但我個人還接受到啦！整體都好味蒜香牛柳粒好夠蒜味呀，而且特別在於佢係濕炒！平時都係食開乾炒！而且都幾「林」幾入味炸蠔，熱辣辣上枱！個人覺得唔點汁已經好好味！又香又脆燒牛舌芯！係最最最最好味嘅串燒 好夠「林」而且入味，又有少少偽焦地嘅香和牛串，呢個排第2吧比起牛舌芯，因為有牛舌芯咁「林」芝士炸蝦丸睇下真係流心架！幾好味呢個燒雞翼，我鐘意食！好味到只係影咗一隻，另一隻食咗😂個人太懶，如果去埋骨會仲正原條茄子，好香孜然味！覺得唔錯而且好多茄子肉食到一絲一絲咁芥末八爪魚🐙奶油飯！好特別嘅奶油飯，原來係牛油，真係第一次食，先知都幾夾而且牛油超香！成個配搭都幾特別！總捨呢間小店價得推一推！性價比都幾高架！快d再約朋友黎食

銅鑼灣越來越多餐廳，要食飯唔一定要去連鎖，更加唔一定要去商場或者街舖，工廈商廈喺香港既生存空間更大。今次搵到依間好多正評既小店，一入門口好明顯係小本家庭式經營，環境好舒服，因為閒日關係人都唔算多，起香港想食餐安靜少少傾到計既地方確實好少。坐左窗邊位，估唔到銅鑼灣都仲有一個地方可以咁寧靜，未點餐前已經感覺好好。講返去餐廳既主要目的：食。推介玉子燒，好鍾意重蛋味，食完成個人暖哂，又好刺激到味蕾！蛋既份量都好夠！八爪魚牛油飯份量岩岩好，係一人女仔份，但好味既野貴精不貴多。鵝肝飯好精緻，味道好多層次好複雜。平時好少食鵝肝飯，從今多左個新喜好。牛舌算係新鮮，肉質都幾好，呢樣必點。燒菠蘿同燒魚都幾好，依度既串燒唔會落太多鹽，值得一讚。同好朋友傾計食飯，無人嘈無人趕你走要返枱，係放工後好好既充電時間。

人妻順利完婚，相約黎個大解放。盡情咁食番夠本。餓左咁多日，今晚一於黎擦餐勁既。為何深夜總是餓，唯有串燒解到餓。哈哈哈哈人妻好快點左一口和牛串， 香草紐西蘭羊架，生燒牛脷蕊，汁燒帆立貝， 吉列廣島蠔， 泡菜豚肉飯，自家製豬軟骨手打湯烏冬， 日式炒野菜，墨魚大阪燒。真係睇到都興奮，感受到我地有幾餓。一口和牛串， 好juicy呀! 啖啖都係肉，和牛好淋好入味。 牛肉串四面都燒到好平均，好香口，正!香草紐西蘭羊架，好大份，羊既油脂同香味係咁湧出黎! 未食聞到都先要吞淡口水先。而且店家仲好貼心咁張羊架起肉再切片，輕輕鬆鬆就夾到黎食，唔洗食到成口/手都係油。sweet生燒牛脷蕊， 呢個係我同人妻嘅至愛。平時都唔鍾意食牛脷，怕有陣騷味，好難入口。但呢個配埋黑椒一齊食，一啲騷味都冇，燒得啱啱好，乾身得黎又係好juicy。必食。汁燒帆立貝， 帆立貝好大粒呀，仲好新鮮添。配埋甜甜地嘅燒汁，oishi呢~吉列廣島蠔，炸到外脆內軟，好juicy又好香口。鍾意食海鮮嘅朋友就啱曬啦。泡菜豚肉飯， 泡菜豚肉本身已經係絕配，呢一碗滴滴式式敢，細細份(其實我哋最終都食唔曬) 啱曬我哋每樣都想試少少嘅心態。黎食串燒就係想

成日聽到同事都食過銅鑼灣嘅深宵食堂，但自己就未試過，今日終於都有機會可以試吓啦，六點開始營業我哋就食第一輪，上到去嘅時候因為啱啱都係放工時間所以仲係咩冇乜人，但之後就愈泥愈多人了。門面已經有日式居酒屋嘅感覺。裏面其實唔係好多台，但係都叫做坐得舒服，而且擺咗好多日式嘅小玩意，仲有好多漫畫。又俾人食串燒飲酒多嘅，不過主食都有好多。鹽燒鯖魚$48魚肉好滑好，魚皮都燒到好香，本身都有少少鹹味，舔少少檸檬汁會更好食。京蔥雞肉串（兩串） $48首先雞肉真係好嫩滑，而且咬落仲會有肉汁，燒到好香，嗰個京蔥亦都好好食好甜。BB蘆筍（兩串）$38果然係BB，食落好鮮嫩。冬菇（四件） $24翠玉瓜（四件） $24兩種蔬菜燒完之後都仲有好多水份，唔會乾身，有少少調味粉，所以食落有少少鹹味同辣味。冰燒菠蘿$48燒菠蘿係我燒物嘅最愛之一，因為燒完出嚟之後好甜，完全冇酸味，咬落亦都好多水份。吉列廣島蠔（四隻） $42係我今餐最欣賞嘅食物，真係炸到好好食，外表炸到金黃色，咬落嘅時候個蠔肉好鮮嫩，好新鮮，而且個火候控制得啱啱好，隻蠔無過老。牛肉薯餅$38又係炸到金黃色香噴噴，而且個薯餅用咗好多牛肉，每一啖都食到個牛肉味

今日同朋友睇完戲夜媽媽想搵宵夜食，喺，openrice見到咁多like所以決定要試下，點知成個宵夜只可以用一個字形容:伏首先，呢度環境好舊，又細又迫，完全無居酒屋嘅感覺，再加上好似無開冷氣咁，成間餐廳有d焗。第二，服務麻麻，呢到明明寫營業至兩點，我地12點令鍾到，佢比點菜紙我地嗰陣就巳經話last order... 然後佢上菜速度慢，要杯水等左好耐都無，食完d碟又唔收。最後梗係要講下d食物，一個字，伏！有圖有真相，下面d相巳經show到佢d食物賣相有幾差。佢d串燒好普通，無咩特別調味，燒熟比你就算。完完全全破壞居酒屋串燒呢個名，我地好懷疑點解有咁多人比🙂芥末八爪魚奶油飯 ($48) - 唔睇返個餸名都唔記得有芥末，賣相好差，我朋友話令佢諗起失傳巳久嘅名將😂😂😂奶油飯 ($26) - 本身覺得個名幾特別所以想點黎試下。第一個感覺係唔明點解佢地好意思上呢個飯，鼓油飯加一塊牛油....鼓油撈飯咁，所以味道唔會差得去邊，但係點解居酒屋出現呢樣野？加埋個賣相，真係😨麻辣牛脷手打湯烏東 ($48)- 牛脷係凍嘅，味道一般鹽燒雞腎 ($32) - 味道正常，不過無鹽味，咬落唔韌，但有少少內臟腥味奴豆

這天晚上來到銅鑼灣會見客人,見完後已經9點了,便和同事到附近吃飯我們來了深宵食堂,開始進備用餐了!蜂蜜柚子茶($38)要盡訴心中情不一定要酒品，不好酒的我就選了這杯柚子茶。嚴熱的冬天令我要來杯凍的，柚子茶甜度適中，但飲到最後味道卻不會變得太淡，杯底還有不少柚子肉，用來配燒物都不錯。芥末八爪魚滿滿一碗，份量十足。入口有強勁芥末味，非常刺激過癮。芝士蝦球一客有六粒，粒粒大小均等，炸至金黃色。芝士蝦球其實就是把蝦球挖空，入面釀有芝士，在蘸炸粉炸。蝦球入口微彈，芝士拉絲效果明顯，但略嫌油量有點過多，如果可以在上桌前用吸油紙先吸油更好。尤魚圈本身已用七味粉調味，所以即使空口吃已經非常惹味。用來佐酒一流，但如喜歡濃味一點，也可蘸另附的喼汁。 汁燒白鱔($78/串)白鱔一串有四件，外表燒至微脆，肉質卻保持多汁軟嫩，味常美味。 8吋蒜蓉大虎蝦($78/隻)虎蝦體形碩大，足有8吋長。蝦身上鋪滿蒜蓉，奉上時蒜香撲鼻。蝦肉入口結實爽彈，很容易就能剝離蝦殼，燒過的蒜蓉軟腍香甜，非常美味。鹽燒鯖魚($44)鯖魚約有手掌般大，本身已醃得夠味，基本上不用另蘸醬油也可以。但鯖魚燒得有點過久，令肉質變鞋，所以味道只屬一

今晚約左朋友去銅鑼灣行街，心血來潮黎去深宵食堂食晚飯！一黎到已經好多人,可能我地夜左去,都等左一陣先有位我地點左羊肉串燒，味道好邪惡，好多肉汁,肥膩得黎好好食，一咬落去香濃既油香浸出黎，配合暖暖既羊肉有冰火既感覺，好滿足！大蔥燒賣相好精緻，入口好鮮甜，食落去口感都好豐富！雞泡魚乾燒得岩岩好，保留一種魚香味，仲好juicy 既口感！雞家骨同帆立貝賣相好吸精，而且好有心機每款落鹽黎燒，味道亦唔錯，誠意之選！鍋飯好濃郁，融入口裡，慢慢再食真啲，簡直回味無窮，再配上杯野飲巨峰提子,值得推介！😋😋😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

情令我瘋狂,終於約到女神食野,當然選佢鍾意食既日本餐啦首先，餐牌用水筆點食物，循環再用，十分環保！兩個人叫左7樣野，野野都睇得出好有心做！食物方便，首先叫左深宵玉子燒，熱辣辣，蛋仲好嫩，亦算鬆口,入面既芝士好吸引貓飯個樣好特別，入口好有口感,應該係用靚米做出黎,有賣相有味道,配啤酒一流牛油炒磨菇都係推介之一，上台時個石板仲滾緊，食落去牛油味強，熱度剛剛好，一d都唔黏牙！沙律好新鮮,好有味道，燒荀都唔錯,感覺依度既菜類都好有鮮味,所以每款都好好味！而蓮藕更加比我想像更性價比高，完全冇怪味！大條得黎好好咬口總括黎講，價錢唔太貴，有心料理又可以比你坐耐d，絕對值得一試！

放假去左銅鑼灣,假日夜晚多人,所以一早BOOK位,今日黎左深宵食堂第一樣黎既係呢杯深宵清酒，味道唔錯,唔會太重酒味,又唔會太水。鵝肝雜菌石窩飯上枱都冒哂煙jaja聲。鵝肝好大粒,有牛油香，個汁係甜甜地，撈埋比普通鵝肝特別好多！鵝肝入口都超級軟熟，仲可以食到本身既味，一咬落去勁多汁，而且放一陣都仲係暖笠笠。 而奶油飯個樣好攪笑，奶油好CREAMY,但又唔會好肥,跟埋白飯好好食！之後到牛肉他他沙律，牛肉他他好新鮮，食落好脆好香，點埋沙律醬一咬落去入面啲餡就會吱出黎，依個沙律夠大份量又多，食到停唔到口。

銅鑼灣已經成為左我放工搵食嘅好地方，無論係平定貴，咩國家都會搵到。呢間串燒店隱藏左係大廈裡面，價錢又幾合理，唔太貴­。我地個日七點幾去到，可能因為時間尚早，得一枱客，八點零到就開始full。 燒七味魚翅 同想像中唔太一樣，佢有D似雞泡魚干，不乾身帶少少甜味，送酒一流生燒牛脷芯 呢個燒得好嫩，彈牙得黎唔會咬唔開，用少量嘅黑椒粒調味已經好好食，所以我地忍唔住再Encore多串。 鹽燒雞翼 特別鐘意佢剪開雞翼燒， 雞皮會燒得特別香脆。京蔥雞肉 燒得唔乾食，不過我本身唔太好京蔥，所以就試左少少。冰燒菠蘿 估佢唔到呢個價錢竟然有兩串，食落都甜同多汁。煙肉蠔卷 兩樣食材本身嘅香味都好突出，蠔出奇地又幾肥幾香。菊花茶 食完咁多香口飲下菊花茶下下火都好，好難得佢清清地唔會好甜整體來說，串燒店黎講價錢唔貴，又幾好食，遲d應該會再encore